{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "1 Esdras, Chapter 5 — 17 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "1 Esdras",
      "slug": "1-esdras",
      "testament": "OT",
      "order": 15,
      "totalChapters": 10
    },
    "chapter": 5,
    "verseCount": 17,
    "navigation": {
      "htmlUrl": "https://latinprayer.org/latin/1-esdras/5/",
      "bookIndex": "https://latinprayer.org/latin/1-esdras/index.json",
      "bookHtmlUrl": "https://latinprayer.org/latin/1-esdras/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/1-esdras/4.json",
      "previousChapterHtmlUrl": "https://latinprayer.org/latin/1-esdras/4/",
      "nextChapter": "https://latinprayer.org/latin/1-esdras/6.json",
      "nextChapterHtmlUrl": "https://latinprayer.org/latin/1-esdras/6/"
    },
    "crossReferences": {
      "english": "https://latinprayer.org/bible/1-esdras/5.json",
      "englishHtmlUrl": "https://latinprayer.org/bible/1-esdras/5/",
      "german": "https://latinprayer.org/bibel/1-esdras/5.json",
      "germanHtmlUrl": "https://latinprayer.org/bibel/1-esra/5/"
    }
  },
  "citation": "1 Esdras 5 (Clementine Vulgate)",
  "verses": [
    {
      "verse": 1,
      "text": "Prophetaverunt autem Aggæus propheta, et Zacharias filius Addo, prophetantes ad Judæos qui erant in Judæa et Jerusalem, in nomine Dei Israël.",
      "citation": "1 Esdras 5:1 (Clementine Vulgate)"
    },
    {
      "verse": 2,
      "text": "Tunc surrexerunt Zorobabel filius Salathiel, et Josue filius Josedec, et cœperunt ædificare templum Dei in Jerusalem, et cum eis prophetæ Dei adjuvantes eos.",
      "citation": "1 Esdras 5:2 (Clementine Vulgate)"
    },
    {
      "verse": 3,
      "text": "In ipso autem tempore venit ad eos Thathanai, qui erat dux trans flumen, et Stharbuzanai, et consiliarii eorum : sicque dixerunt eis : Quis dedit vobis consilium ut domum hanc ædificaretis, et muros ejus instauraretis ?",
      "citation": "1 Esdras 5:3 (Clementine Vulgate)"
    },
    {
      "verse": 4,
      "text": "Ad quod respondimus eis, quæ essent nomina hominum auctorum ædificationis illius.",
      "citation": "1 Esdras 5:4 (Clementine Vulgate)"
    },
    {
      "verse": 5,
      "text": "Oculus autem Dei eorum factus est super senes Judæorum, et non potuerunt inhibere eos. Placuitque ut res ad Darium referretur, et tunc satisfacerent adversus accusationem illam.",
      "citation": "1 Esdras 5:5 (Clementine Vulgate)"
    },
    {
      "verse": 6,
      "text": "Exemplar epistolæ, quam misit Thathanai dux regionis trans flumen, et Stharbuzanai, et consiliatores ejus Arphasachæi, qui erant trans flumen, ad Darium regem.",
      "citation": "1 Esdras 5:6 (Clementine Vulgate)"
    },
    {
      "verse": 7,
      "text": "Sermo, quem miserant ei, sic scriptus erat : Dario regi pax omnis.",
      "citation": "1 Esdras 5:7 (Clementine Vulgate)"
    },
    {
      "verse": 8,
      "text": "Notum sit regi, isse nos ad Judæam provinciam, ad domum Dei magni, quæ ædificatur lapide impolito, et ligna ponuntur in parietibus : opusque illud diligenter exstruitur, et crescit in manibus eorum.",
      "citation": "1 Esdras 5:8 (Clementine Vulgate)"
    },
    {
      "verse": 9,
      "text": "Interrogavimus ergo senes illos, et ita diximus eis : Quis dedit vobis potestatem ut domum hanc ædificaretis, et muros hos instauraretis ?",
      "citation": "1 Esdras 5:9 (Clementine Vulgate)"
    },
    {
      "verse": 10,
      "text": "Sed et nomina eorum quæsivimus ab eis, ut nuntiaremus tibi : scripsimusque nomina eorum virorum, qui sunt principes in eis.",
      "citation": "1 Esdras 5:10 (Clementine Vulgate)"
    },
    {
      "verse": 11,
      "text": "Hujuscemodi autem sermonem responderunt nobis dicentes : Nos sumus servi Dei cæli et terræ, et ædificamus templum, quod erat exstructum ante hos annos multos, quodque rex Israël magnus ædificaverat, et exstruxerat.",
      "citation": "1 Esdras 5:11 (Clementine Vulgate)"
    },
    {
      "verse": 12,
      "text": "Postquam autem ad iracundiam provocaverunt patres nostri Deum cæli, tradidit eos in manus Nabuchodonosor regis Babylonis Chaldæi, domum quoque hanc destruxit, et populum ejus transtulit in Babylonem.",
      "citation": "1 Esdras 5:12 (Clementine Vulgate)"
    },
    {
      "verse": 13,
      "text": "Anno autem primo Cyri regis Babylonis, Cyrus rex proposuit edictum ut domus Dei hæc ædificaretur.",
      "citation": "1 Esdras 5:13 (Clementine Vulgate)"
    },
    {
      "verse": 14,
      "text": "Nam et vasa templi Dei aurea et argentea, quæ Nabuchodonosor tulerat de templo, quod erat in Jerusalem, et asportaverat ea in templum Babylonis, protulit Cyrus rex de templo Babylonis, et data sunt Sassabasar vocabulo, quem et principem constituit,",
      "citation": "1 Esdras 5:14 (Clementine Vulgate)"
    },
    {
      "verse": 15,
      "text": "dixitque ei : Hæc vasa tolle, et vade, et pone ea in templo, quod est in Jerusalem, et domus Dei ædificetur in loco suo.",
      "citation": "1 Esdras 5:15 (Clementine Vulgate)"
    },
    {
      "verse": 16,
      "text": "Tunc itaque Sassabasar ille venit et posuit fundamenta templi Dei in Jerusalem, et ex eo tempore usque nunc ædificatur, et necdum completum est.",
      "citation": "1 Esdras 5:16 (Clementine Vulgate)"
    },
    {
      "verse": 17,
      "text": "Nunc ergo si videtur regi bonum, recenseat in bibliotheca regis, quæ est in Babylone, utrumnam a Cyro rege jussum fuerit ut ædificaretur domus Dei in Jerusalem, et voluntatem regis super hac re mittat ad nos.",
      "citation": "1 Esdras 5:17 (Clementine Vulgate)"
    }
  ]
}