{ "_meta": { "project": "Latin Prayer", "projectUrl": "https://latinprayer.org", "apiDocs": "https://latinprayer.org/llms.txt", "content": "1 Kings Samuel, Chapter 10 — 27 verses (Clementine Vulgate)", "translation": { "name": "Clementine Vulgate", "language": "la", "languageName": "Latin", "copyright": "Public Domain" }, "book": { "name": "1 Kings Samuel", "slug": "1-kings-samuel", "testament": "OT", "order": 9, "totalChapters": 31 }, "chapter": 10, "verseCount": 27, "navigation": { "htmlUrl": "https://latinprayer.org/latin/1-kings-samuel/10/", "bookIndex": "https://latinprayer.org/latin/1-kings-samuel/index.json", "bookHtmlUrl": "https://latinprayer.org/latin/1-kings-samuel/", "translationIndex": "https://latinprayer.org/latin/index.json", "translationHtmlUrl": "https://latinprayer.org/latin/", "previousChapter": "https://latinprayer.org/latin/1-kings-samuel/9.json", "previousChapterHtmlUrl": "https://latinprayer.org/latin/1-kings-samuel/9/", "nextChapter": "https://latinprayer.org/latin/1-kings-samuel/11.json", "nextChapterHtmlUrl": "https://latinprayer.org/latin/1-kings-samuel/11/" }, "crossReferences": { "english": "https://latinprayer.org/bible/1-kings-samuel/10.json", "englishHtmlUrl": "https://latinprayer.org/bible/1-kings-samuel/10/", "german": "https://latinprayer.org/bibel/1-kings-samuel/10.json", "germanHtmlUrl": "https://latinprayer.org/bibel/1-samuel/10/" } }, "citation": "1 Kings Samuel 10 (Clementine Vulgate)", "verses": [ { "verse": 1, "text": "Tulit autem Samuel lenticulam olei, et effudit super caput ejus : et deosculatus est eum, et ait : Ecce unxit te Dominus super hæreditatem suam in principem, et liberabis populum suum de manibus inimicorum ejus qui in circuitu ejus sunt. Et hoc tibi signum, quia unxit te Deus in principem.", "citation": "1 Kings Samuel 10:1 (Clementine Vulgate)" }, { "verse": 2, "text": "Cum abieris hodie a me, invenies duos viros juxta sepulchrum Rachel in finibus Benjamin, in meridie : dicentque tibi : Inventæ sunt asinæ ad quas ieras perquirendas : et intermissis pater tuus asinis, sollicitus est pro vobis, et dicit : Quid faciam de filio meo ?", "citation": "1 Kings Samuel 10:2 (Clementine Vulgate)" }, { "verse": 3, "text": "Cumque abieris inde, et ultra transieris, et veneris ad quercum Thabor, invenient te ibi tres viri ascendentes ad Deum in Bethel, unus portans tres hædos, et alius tres tortas panis, et alius portans lagenam vini.", "citation": "1 Kings Samuel 10:3 (Clementine Vulgate)" }, { "verse": 4, "text": "Cumque te salutaverint, dabunt tibi duos panes, et accipies de manu eorum.", "citation": "1 Kings Samuel 10:4 (Clementine Vulgate)" }, { "verse": 5, "text": "Post hæc venies in collem Dei, ubi est statio Philisthinorum : et cum ingressus fueris ibi urbem, obvium habebis gregem prophetarum descendentium de excelso, et ante eos psalterium, et tympanum, et tibiam, et citharam, ipsosque prophetantes.", "citation": "1 Kings Samuel 10:5 (Clementine Vulgate)" }, { "verse": 6, "text": "Et insiliet in te spiritus Domini, et prophetabis cum eis, et mutaberis in virum alium.", "citation": "1 Kings Samuel 10:6 (Clementine Vulgate)" }, { "verse": 7, "text": "Quando ergo evenerint signa hæc omnia tibi, fac quæcumque invenerit manus tua, quia Dominus tecum est.", "citation": "1 Kings Samuel 10:7 (Clementine Vulgate)" }, { "verse": 8, "text": "Et descendes ante me in Galgala (ego quippe descendam ad te), ut offeras oblationem, et immoles victimas pacificas : septem diebus expectabis, donec veniam ad te, et ostendam tibi quid facias.", "citation": "1 Kings Samuel 10:8 (Clementine Vulgate)" }, { "verse": 9, "text": "Itaque cum avertisset humerum suum ut abiret a Samuele, immutavit ei Deus cor aliud, et venerunt omnia signa hæc in die illa.", "citation": "1 Kings Samuel 10:9 (Clementine Vulgate)" }, { "verse": 10, "text": "Veneruntque ad prædictum collem, et ecce cuneus prophetarum obvius ei : et insiluit super eum spiritus Domini, et prophetavit in medio eorum.", "citation": "1 Kings Samuel 10:10 (Clementine Vulgate)" }, { "verse": 11, "text": "Videntes autem omnes qui noverant eum heri et nudiustertius quod esset cum prophetis, et prophetaret, dixerunt ad invicem : Quænam res accidit filio Cis ? num et Saul inter prophetas ?", "citation": "1 Kings Samuel 10:11 (Clementine Vulgate)" }, { "verse": 12, "text": "Responditque alius ad alterum, dicens : Et quis pater eorum ? Propterea versum est in proverbium : Num et Saul inter prophetas ?", "citation": "1 Kings Samuel 10:12 (Clementine Vulgate)" }, { "verse": 13, "text": "Cessavit autem prophetare, et venit ad excelsum.", "citation": "1 Kings Samuel 10:13 (Clementine Vulgate)" }, { "verse": 14, "text": "Dixitque patruus Saul ad eum, et ad puerum ejus : Quo abistis ? Qui responderunt : Quærere asinas : quas cum non reperissemus, venimus ad Samuelem.", "citation": "1 Kings Samuel 10:14 (Clementine Vulgate)" }, { "verse": 15, "text": "Et dixit ei patruus suus : Indica mihi quid dixerit tibi Samuel.", "citation": "1 Kings Samuel 10:15 (Clementine Vulgate)" }, { "verse": 16, "text": "Et ait Saul ad patruum suum : Indicavit nobis quia inventæ essent asinæ. De sermone autem regni non indicavit ei quem locutus fuerat ei Samuel.", "citation": "1 Kings Samuel 10:16 (Clementine Vulgate)" }, { "verse": 17, "text": "Et convocavit Samuel populum ad Dominum in Maspha :", "citation": "1 Kings Samuel 10:17 (Clementine Vulgate)" }, { "verse": 18, "text": "et ait ad filios Israël : Hæc dicit Dominus Deus Israël : Ego eduxi Israël de Ægypto, et erui vos de manu Ægyptiorum, et de manu omnium regum qui affligebant vos.", "citation": "1 Kings Samuel 10:18 (Clementine Vulgate)" }, { "verse": 19, "text": "Vos autem hodie projecistis Deum vestrum, qui solus salvavit vos de universis malis et tribulationibus vestris : et dixistis : Nequaquam : sed regem constitue super nos. Nunc ergo state coram Domino per tribus vestras, et per familias.", "citation": "1 Kings Samuel 10:19 (Clementine Vulgate)" }, { "verse": 20, "text": "Et applicuit Samuel omnes tribus Israël, et cecidit sors tribus Benjamin.", "citation": "1 Kings Samuel 10:20 (Clementine Vulgate)" }, { "verse": 21, "text": "Et applicuit tribum Benjamin et cognationes ejus, et cecidit cognatio Metri : et pervenit usque ad Saul filium Cis. Quæsierunt ergo eum, et non est inventus.", "citation": "1 Kings Samuel 10:21 (Clementine Vulgate)" }, { "verse": 22, "text": "Et consuluerunt post hæc Dominum utrumnam venturus esset illuc. Responditque Dominus : Ecce absconditus est domi.", "citation": "1 Kings Samuel 10:22 (Clementine Vulgate)" }, { "verse": 23, "text": "Cucurrerunt itaque et tulerunt eum inde : stetitque in medio populi, et altior fuit universo populo ab humero et sursum.", "citation": "1 Kings Samuel 10:23 (Clementine Vulgate)" }, { "verse": 24, "text": "Et ait Samuel ad omnem populum : Certe videtis quem elegit Dominus, quoniam non sit similis illi in omni populo. Et clamavit omnis populus, et ait : Vivat rex.", "citation": "1 Kings Samuel 10:24 (Clementine Vulgate)" }, { "verse": 25, "text": "Locutus est autem Samuel ad populum legem regni, et scripsit in libro, et reposuit coram Domino : et dimisit Samuel omnem populum, singulos in domum suam.", "citation": "1 Kings Samuel 10:25 (Clementine Vulgate)" }, { "verse": 26, "text": "Sed et Saul abiit in domum suam in Gabaa : et abiit cum eo pars exercitus, quorum tetigerat Deus corda.", "citation": "1 Kings Samuel 10:26 (Clementine Vulgate)" }, { "verse": 27, "text": "Filii vero Belial dixerunt : Num salvare nos poterit iste ? Et despexerunt eum, et non attulerunt ei munera : ille vero dissimulabat se audire.", "citation": "1 Kings Samuel 10:27 (Clementine Vulgate)" } ] }