{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "1 Kings Samuel, Chapter 14 — 52 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "1 Kings Samuel",
      "slug": "1-kings-samuel",
      "testament": "OT",
      "order": 9,
      "totalChapters": 31
    },
    "chapter": 14,
    "verseCount": 52,
    "navigation": {
      "htmlUrl": "https://latinprayer.org/latin/1-kings-samuel/14/",
      "bookIndex": "https://latinprayer.org/latin/1-kings-samuel/index.json",
      "bookHtmlUrl": "https://latinprayer.org/latin/1-kings-samuel/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/1-kings-samuel/13.json",
      "previousChapterHtmlUrl": "https://latinprayer.org/latin/1-kings-samuel/13/",
      "nextChapter": "https://latinprayer.org/latin/1-kings-samuel/15.json",
      "nextChapterHtmlUrl": "https://latinprayer.org/latin/1-kings-samuel/15/"
    },
    "crossReferences": {
      "english": "https://latinprayer.org/bible/1-kings-samuel/14.json",
      "englishHtmlUrl": "https://latinprayer.org/bible/1-kings-samuel/14/",
      "german": "https://latinprayer.org/bibel/1-kings-samuel/14.json",
      "germanHtmlUrl": "https://latinprayer.org/bibel/1-samuel/14/"
    }
  },
  "citation": "1 Kings Samuel 14 (Clementine Vulgate)",
  "verses": [
    {
      "verse": 1,
      "text": "Et accidit quadam die ut diceret Jonathas filius Saul ad adolescentem armigerum suum : Veni, et transeamus ad stationem Philisthinorum, quæ est trans locum illum. Patri autem suo hoc ipsum non indicavit.",
      "citation": "1 Kings Samuel 14:1 (Clementine Vulgate)"
    },
    {
      "verse": 2,
      "text": "Porro Saul morabatur in extrema parte Gabaa sub malogranato, quæ erat in Magron : et erat populus cum eo quasi sexcentorum virorum.",
      "citation": "1 Kings Samuel 14:2 (Clementine Vulgate)"
    },
    {
      "verse": 3,
      "text": "Et Achias filius Achitob fratris Ichabod filii Phinees, qui ortus fuerat ex Heli sacerdote Domini in Silo, portabat ephod. Sed et populus ignorabat quo isset Jonathas.",
      "citation": "1 Kings Samuel 14:3 (Clementine Vulgate)"
    },
    {
      "verse": 4,
      "text": "Erant autem inter ascensus per quos nitebatur Jonathas transire ad stationem Philisthinorum, eminentes petræ ex utraque parte, et quasi in modum dentium scopuli hinc et inde prærupti : nomen uni Boses, et nomen alteri Sene :",
      "citation": "1 Kings Samuel 14:4 (Clementine Vulgate)"
    },
    {
      "verse": 5,
      "text": "unus scopulus prominens ad aquilonem ex adverso Machmas, et alter ad meridiem contra Gabaa.",
      "citation": "1 Kings Samuel 14:5 (Clementine Vulgate)"
    },
    {
      "verse": 6,
      "text": "Dixit autem Jonathas ad adolescentem armigerum suum : Veni, transeamus ad stationem incircumcisorum horum, si forte faciat Dominus pro nobis : quia non est Domino difficile salvare, vel in multis, vel in paucis.",
      "citation": "1 Kings Samuel 14:6 (Clementine Vulgate)"
    },
    {
      "verse": 7,
      "text": "Dixitque ei armiger suus : Fac omnia quæ placent animo tuo : perge quo cupis, et ero tecum ubicumque volueris.",
      "citation": "1 Kings Samuel 14:7 (Clementine Vulgate)"
    },
    {
      "verse": 8,
      "text": "Et ait Jonathas : Ecce nos transimus ad viros istos. Cumque apparuerimus eis,",
      "citation": "1 Kings Samuel 14:8 (Clementine Vulgate)"
    },
    {
      "verse": 9,
      "text": "si taliter locuti fuerint ad nos : Manete donec veniamus ad vos : stemus in loco nostro, nec ascendamus ad eos.",
      "citation": "1 Kings Samuel 14:9 (Clementine Vulgate)"
    },
    {
      "verse": 10,
      "text": "Si autem dixerint : Ascendite ad nos : ascendamus, quia tradidit eos Dominus in manibus nostris : hoc erit nobis signum.",
      "citation": "1 Kings Samuel 14:10 (Clementine Vulgate)"
    },
    {
      "verse": 11,
      "text": "Apparuit igitur uterque stationi Philisthinorum : dixeruntque Philisthiim : En Hebræi egrediuntur de cavernis in quibus absconditi fuerant.",
      "citation": "1 Kings Samuel 14:11 (Clementine Vulgate)"
    },
    {
      "verse": 12,
      "text": "Et locuti sunt viri de statione ad Jonathan et ad armigerum ejus, dixeruntque : Ascendite ad nos, et ostendemus vobis rem. Et ait Jonathas ad armigerum suum : Ascendamus : sequere me : tradidit enim Dominus eos in manus Israël.",
      "citation": "1 Kings Samuel 14:12 (Clementine Vulgate)"
    },
    {
      "verse": 13,
      "text": "Ascendit autem Jonathas manibus et pedibus reptans, et armiger ejus post eum. Itaque alii cadebant ante Jonathan, alios armiger ejus interficiebat sequens eum.",
      "citation": "1 Kings Samuel 14:13 (Clementine Vulgate)"
    },
    {
      "verse": 14,
      "text": "Et facta est plaga prima qua percussit Jonathas et armiger ejus, quasi viginti virorum in media parte jugeri quam par boum in die arare consuevit.",
      "citation": "1 Kings Samuel 14:14 (Clementine Vulgate)"
    },
    {
      "verse": 15,
      "text": "Et factum est miraculum in castris per agros : sed et omnis populus stationis eorum qui ierant ad prædandum, obstupuit, et conturbata est terra : et accidit quasi miraculum a Deo.",
      "citation": "1 Kings Samuel 14:15 (Clementine Vulgate)"
    },
    {
      "verse": 16,
      "text": "Et respexerunt speculatores Saul qui erant in Gabaa Benjamin, et ecce multitudo prostrata, et huc illucque diffugiens.",
      "citation": "1 Kings Samuel 14:16 (Clementine Vulgate)"
    },
    {
      "verse": 17,
      "text": "Et ait Saul populo qui erat cum eo : Requirite, et videte quis abierit ex nobis. Cumque requisissent, repertum est non adesse Jonathan et armigerum ejus.",
      "citation": "1 Kings Samuel 14:17 (Clementine Vulgate)"
    },
    {
      "verse": 18,
      "text": "Et ait Saul ad Achiam : Applica arcam Dei. (Erat enim ibi arca Dei in die illa cum filiis Israël.)",
      "citation": "1 Kings Samuel 14:18 (Clementine Vulgate)"
    },
    {
      "verse": 19,
      "text": "Cumque loqueretur Saul ad sacerdotem, tumultus magnus exortus est in castris Philisthinorum : crescebatque paulatim, et clarius resonabat. Et ait Saul ad sacerdotem : Contrahe manum tuam.",
      "citation": "1 Kings Samuel 14:19 (Clementine Vulgate)"
    },
    {
      "verse": 20,
      "text": "Conclamavit ergo Saul, et omnis populus qui erat cum eo, et venerunt usque ad locum certaminis : et ecce versus fuerat gladius uniuscujusque ad proximum suum, et cædes magna nimis.",
      "citation": "1 Kings Samuel 14:20 (Clementine Vulgate)"
    },
    {
      "verse": 21,
      "text": "Sed et Hebræi qui fuerant cum Philisthiim heri et nudiustertius, ascenderantque cum eis in castris, reversi sunt ut essent cum Israël qui erant cum Saul et Jonatha.",
      "citation": "1 Kings Samuel 14:21 (Clementine Vulgate)"
    },
    {
      "verse": 22,
      "text": "Omnes quoque Israëlitæ qui se absconderant in monte Ephraim, audientes quod fugissent Philisthæi, sociaverunt se cum suis in prælio. Et erant cum Saul quasi decem millia virorum.",
      "citation": "1 Kings Samuel 14:22 (Clementine Vulgate)"
    },
    {
      "verse": 23,
      "text": "Et salvavit Dominus in die illa Israël : pugna autem pervenit usque ad Bethaven.",
      "citation": "1 Kings Samuel 14:23 (Clementine Vulgate)"
    },
    {
      "verse": 24,
      "text": "Et viri Israël sociati sunt sibi in die illa : adjuravit autem Saul populum, dicens : Maledictus vir qui comederit panem usque ad vesperam, donec ulciscar de inimicis meis. Et non manducavit universus populus panem :",
      "citation": "1 Kings Samuel 14:24 (Clementine Vulgate)"
    },
    {
      "verse": 25,
      "text": "omneque terræ vulgus venit in saltum, in quo erat mel super faciem agri.",
      "citation": "1 Kings Samuel 14:25 (Clementine Vulgate)"
    },
    {
      "verse": 26,
      "text": "Ingressus est itaque populus saltum, et apparuit fluens mel, nullusque applicuit manum ad os suum : timebat enim populus juramentum.",
      "citation": "1 Kings Samuel 14:26 (Clementine Vulgate)"
    },
    {
      "verse": 27,
      "text": "Porro Jonathas non audierat cum adjuraret pater ejus populum : extenditque summitatem virgæ quam habebat in manu, et intinxit in favum mellis : et convertit manum suam ad os suum, et illuminati sunt oculi ejus.",
      "citation": "1 Kings Samuel 14:27 (Clementine Vulgate)"
    },
    {
      "verse": 28,
      "text": "Respondensque unus de populo, ait : Jurejurando constrinxit pater tuus populum, dicens : Maledictus vir qui comederit panem hodie. (Defecerat autem populus.)",
      "citation": "1 Kings Samuel 14:28 (Clementine Vulgate)"
    },
    {
      "verse": 29,
      "text": "Dixitque Jonathas : Turbavit pater meus terram : vidistis ipsi quia illuminati sunt oculi mei, eo quod gustaverim paululum de melle isto :",
      "citation": "1 Kings Samuel 14:29 (Clementine Vulgate)"
    },
    {
      "verse": 30,
      "text": "quanto magis si comedisset populus de præda inimicorum suorum, quam reperit ? nonne major plaga facta fuisset in Philisthiim ?",
      "citation": "1 Kings Samuel 14:30 (Clementine Vulgate)"
    },
    {
      "verse": 31,
      "text": "Percusserunt ergo in die illa Philisthæos a Machmis usque in Ajalon. Defatigatus est autem populus nimis :",
      "citation": "1 Kings Samuel 14:31 (Clementine Vulgate)"
    },
    {
      "verse": 32,
      "text": "et versus ad prædam tulit oves, et boves, et vitulos, et mactaverunt in terra : comeditque populus cum sanguine.",
      "citation": "1 Kings Samuel 14:32 (Clementine Vulgate)"
    },
    {
      "verse": 33,
      "text": "Nuntiaverunt autem Sauli dicentes quod populus peccasset Domino, comedens cum sanguine. Qui ait : Prævaricati estis : volvite ad me jam nunc saxum grande.",
      "citation": "1 Kings Samuel 14:33 (Clementine Vulgate)"
    },
    {
      "verse": 34,
      "text": "Et dixit Saul : Dispergimini in vulgus, et dicite eis ut adducat ad me unusquisque bovem suum et arietem, et occidite super istud, et vescimini, et non peccabitis Domino comedentes cum sanguine. Adduxit itaque omnis populus unusquisque bovem in manu sua usque ad noctem : et occiderunt ibi.",
      "citation": "1 Kings Samuel 14:34 (Clementine Vulgate)"
    },
    {
      "verse": 35,
      "text": "Ædificavit autem Saul altare Domino, tuncque primum cœpit ædificare altare Domino.",
      "citation": "1 Kings Samuel 14:35 (Clementine Vulgate)"
    },
    {
      "verse": 36,
      "text": "Et dixit Saul : Irruamus super Philisthæos nocte, et vastemus eos usque dum illucescat mane, nec relinquamus ex eis virum. Dixitque populus : Omne quod bonum videtur in oculis tuis, fac. Et ait sacerdos : Accedamus huc ad Deum.",
      "citation": "1 Kings Samuel 14:36 (Clementine Vulgate)"
    },
    {
      "verse": 37,
      "text": "Et consuluit Saul Dominum : Num persequar Philisthiim ? si trades eos in manus Israël ? Et non respondit ei in die illa.",
      "citation": "1 Kings Samuel 14:37 (Clementine Vulgate)"
    },
    {
      "verse": 38,
      "text": "Dixitque Saul : Applicate huc universos angulos populi : et scitote, et videte per quem acciderit peccatum hoc hodie.",
      "citation": "1 Kings Samuel 14:38 (Clementine Vulgate)"
    },
    {
      "verse": 39,
      "text": "Vivit Dominus salvator Israël, quia si per Jonathan filium meum factum est, absque retractione morietur. Ad quod nullus contradixit ei de omni populo.",
      "citation": "1 Kings Samuel 14:39 (Clementine Vulgate)"
    },
    {
      "verse": 40,
      "text": "Et ait ad universum Israël : Separamini vos in partem unam, et ego cum Jonatha filio meo ero in parte altera. Responditque populus ad Saul : Quod bonum videtur in oculis tuis, fac.",
      "citation": "1 Kings Samuel 14:40 (Clementine Vulgate)"
    },
    {
      "verse": 41,
      "text": "Et dixit Saul ad Dominum Deum Israël : Domine Deus Israël, da indicium : quid est quod non responderis servo tuo hodie ? si in me, aut in Jonatha filio meo, est iniquitas hæc, da ostensionem : aut si hæc iniquitas est in populo tuo, da sanctitatem. Et deprehensus est Jonathas et Saul : populus autem exivit.",
      "citation": "1 Kings Samuel 14:41 (Clementine Vulgate)"
    },
    {
      "verse": 42,
      "text": "Et ait Saul : Mittite sortem inter me et inter Jonathan filium meum. Et captus est Jonathas.",
      "citation": "1 Kings Samuel 14:42 (Clementine Vulgate)"
    },
    {
      "verse": 43,
      "text": "Dixit autem Saul ad Jonathan : Indica mihi quid feceris. Et indicavit ei Jonathas, et ait : Gustans gustavi in summitate virgæ quæ erat in manu mea, paululum mellis, et ecce ego morior.",
      "citation": "1 Kings Samuel 14:43 (Clementine Vulgate)"
    },
    {
      "verse": 44,
      "text": "Et ait Saul : Hæc faciat mihi Deus, et hæc addat, quia morte morieris, Jonatha.",
      "citation": "1 Kings Samuel 14:44 (Clementine Vulgate)"
    },
    {
      "verse": 45,
      "text": "Dixitque populus ad Saul : Ergone Jonathas morietur, qui fecit salutem hanc magnam in Israël ? hoc nefas est : vivit Dominus, si ceciderit capillus de capite ejus in terram, quia cum Deo operatus est hodie. Liberavit ergo populus Jonathan, ut non moreretur.",
      "citation": "1 Kings Samuel 14:45 (Clementine Vulgate)"
    },
    {
      "verse": 46,
      "text": "Recessitque Saul, nec persecutus est Philisthiim : porro Philisthiim abierunt in loca sua.",
      "citation": "1 Kings Samuel 14:46 (Clementine Vulgate)"
    },
    {
      "verse": 47,
      "text": "Et Saul, confirmato regno super Israël, pugnabat per circuitum adversum omnes inimicos ejus, contra Moab, et filios Ammon, et Edom, et reges Soba, et Philisthæos : et quocumque se verterat, superabat.",
      "citation": "1 Kings Samuel 14:47 (Clementine Vulgate)"
    },
    {
      "verse": 48,
      "text": "Congregatoque exercitu, percussit Amalec, et eruit Israël de manu vastatorum ejus.",
      "citation": "1 Kings Samuel 14:48 (Clementine Vulgate)"
    },
    {
      "verse": 49,
      "text": "Fuerunt autem filii Saul, Jonathas, et Jessui, et Melchisua : et nomina duarum filiarum ejus, nomen primogenitæ Merob, et nomen minoris Michol.",
      "citation": "1 Kings Samuel 14:49 (Clementine Vulgate)"
    },
    {
      "verse": 50,
      "text": "Et nomen uxoris Saul Achinoam filia Achimaas : et nomen principis militiæ ejus Abner filius Ner, patruelis Saul.",
      "citation": "1 Kings Samuel 14:50 (Clementine Vulgate)"
    },
    {
      "verse": 51,
      "text": "Porro Cis fuit pater Saul, et Ner pater Abner, filius Abiel.",
      "citation": "1 Kings Samuel 14:51 (Clementine Vulgate)"
    },
    {
      "verse": 52,
      "text": "Erat autem bellum potens adversum Philisthæos omnibus diebus Saul. Nam quemcumque viderat Saul virum fortem, et aptum ad prælium, sociabat eum sibi.",
      "citation": "1 Kings Samuel 14:52 (Clementine Vulgate)"
    }
  ]
}