{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "1 Kings Samuel, Chapter 15 — 35 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "1 Kings Samuel",
      "slug": "1-kings-samuel",
      "testament": "OT",
      "order": 9,
      "totalChapters": 31
    },
    "chapter": 15,
    "verseCount": 35,
    "navigation": {
      "htmlUrl": "https://latinprayer.org/latin/1-kings-samuel/15/",
      "bookIndex": "https://latinprayer.org/latin/1-kings-samuel/index.json",
      "bookHtmlUrl": "https://latinprayer.org/latin/1-kings-samuel/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/1-kings-samuel/14.json",
      "previousChapterHtmlUrl": "https://latinprayer.org/latin/1-kings-samuel/14/",
      "nextChapter": "https://latinprayer.org/latin/1-kings-samuel/16.json",
      "nextChapterHtmlUrl": "https://latinprayer.org/latin/1-kings-samuel/16/"
    },
    "crossReferences": {
      "english": "https://latinprayer.org/bible/1-kings-samuel/15.json",
      "englishHtmlUrl": "https://latinprayer.org/bible/1-kings-samuel/15/",
      "german": "https://latinprayer.org/bibel/1-kings-samuel/15.json",
      "germanHtmlUrl": "https://latinprayer.org/bibel/1-samuel/15/"
    }
  },
  "citation": "1 Kings Samuel 15 (Clementine Vulgate)",
  "verses": [
    {
      "verse": 1,
      "text": "Et dixit Samuel ad Saul : Me misit Dominus ut ungerem te in regem super populum ejus Israël : nunc ergo audi vocem Domini.",
      "citation": "1 Kings Samuel 15:1 (Clementine Vulgate)"
    },
    {
      "verse": 2,
      "text": "Hæc dicit Dominus exercituum : Recensui quæcumque fecit Amalec Israëli : quomodo restitit ei in via cum ascenderet de Ægypto.",
      "citation": "1 Kings Samuel 15:2 (Clementine Vulgate)"
    },
    {
      "verse": 3,
      "text": "Nunc ergo vade, et percute Amalec, et demolire universa ejus : non parcas ei, et non concupiscas ex rebus ipsius aliquid, sed interfice a viro usque ad mulierem, et parvulum atque lactentem, bovem et ovem, camelum et asinum.",
      "citation": "1 Kings Samuel 15:3 (Clementine Vulgate)"
    },
    {
      "verse": 4,
      "text": "Præcepit itaque Saul populo, et recensuit eos quasi agnos : ducenta millia peditum, et decem millia virorum Juda.",
      "citation": "1 Kings Samuel 15:4 (Clementine Vulgate)"
    },
    {
      "verse": 5,
      "text": "Cumque venisset Saul usque ad civitatem Amalec, tetendit insidias in torrente.",
      "citation": "1 Kings Samuel 15:5 (Clementine Vulgate)"
    },
    {
      "verse": 6,
      "text": "Dixitque Saul Cinæo : Abite, recedite, atque descendite ab Amalec, ne forte involvam te cum eo : tu enim fecisti misericordiam cum omnibus filiis Israël, cum ascenderent de Ægypto. Et recessit Cinæus de medio Amalec.",
      "citation": "1 Kings Samuel 15:6 (Clementine Vulgate)"
    },
    {
      "verse": 7,
      "text": "Percussitque Saul Amalec ab Hevila donec venias ad Sur, quæ est e regione Ægypti.",
      "citation": "1 Kings Samuel 15:7 (Clementine Vulgate)"
    },
    {
      "verse": 8,
      "text": "Et apprehendit Agag regem Amalec vivum : omne autem vulgus interfecit in ore gladii.",
      "citation": "1 Kings Samuel 15:8 (Clementine Vulgate)"
    },
    {
      "verse": 9,
      "text": "Et pepercit Saul et populus Agag, et optimis gregibus ovium et armentorum, et vestibus et arietibus, et universis quæ pulchra erant, nec voluerunt disperdere ea : quidquid vero vile fuit et reprobum, hoc demoliti sunt.",
      "citation": "1 Kings Samuel 15:9 (Clementine Vulgate)"
    },
    {
      "verse": 10,
      "text": "Factum est autem verbum Domini ad Samuel, dicens :",
      "citation": "1 Kings Samuel 15:10 (Clementine Vulgate)"
    },
    {
      "verse": 11,
      "text": "Pœnitet me quod constituerim Saul regem : quia dereliquit me, et verba mea opere non implevit. Contristatusque est Samuel, et clamavit ad Dominum tota nocte.",
      "citation": "1 Kings Samuel 15:11 (Clementine Vulgate)"
    },
    {
      "verse": 12,
      "text": "Cumque de nocte surrexisset Samuel ut iret ad Saul mane, nuntiatum est Samueli eo quod venisset Saul in Carmelum, et erexisset sibi fornicem triumphalem, et reversus transisset, descendissetque in Galgala. Venit ergo Samuel ad Saul, et Saul offerebat holocaustum Domino de initiis prædarum quæ attulerat ex Amalec.",
      "citation": "1 Kings Samuel 15:12 (Clementine Vulgate)"
    },
    {
      "verse": 13,
      "text": "Et cum venisset Samuel ad Saul, dixit ei Saul : Benedictus tu Domino : implevi verbum Domini.",
      "citation": "1 Kings Samuel 15:13 (Clementine Vulgate)"
    },
    {
      "verse": 14,
      "text": "Dixitque Samuel : Et quæ est hæc vox gregum, quæ resonat in auribus meis, et armentorum, quam ego audio ?",
      "citation": "1 Kings Samuel 15:14 (Clementine Vulgate)"
    },
    {
      "verse": 15,
      "text": "Et ait Saul : De Amalec adduxerunt ea : pepercit enim populus melioribus ovibus et armentis ut immolarentur Domino Deo tuo, reliqua vero occidimus.",
      "citation": "1 Kings Samuel 15:15 (Clementine Vulgate)"
    },
    {
      "verse": 16,
      "text": "Ait autem Samuel ad Saul : Sine me, et indicabo tibi quæ locutus sit Dominus ad me nocte. Dixitque ei : Loquere.",
      "citation": "1 Kings Samuel 15:16 (Clementine Vulgate)"
    },
    {
      "verse": 17,
      "text": "Et ait Samuel : Nonne cum parvulus esses in oculis tuis, caput in tribubus Israël factus es ? unxitque te Dominus in regem super Israël,",
      "citation": "1 Kings Samuel 15:17 (Clementine Vulgate)"
    },
    {
      "verse": 18,
      "text": "et misit te Dominus in viam, et ait : Vade, et interfice peccatores Amalec, et pugnabis contra eos usque ad internecionem eorum ?",
      "citation": "1 Kings Samuel 15:18 (Clementine Vulgate)"
    },
    {
      "verse": 19,
      "text": "Quare ergo non audisti vocem Domini : sed versus ad prædam es, et fecisti malum in oculis Domini ?",
      "citation": "1 Kings Samuel 15:19 (Clementine Vulgate)"
    },
    {
      "verse": 20,
      "text": "Et ait Saul ad Samuelem : Immo audivi vocem Domini, et ambulavi in via per quam misit me Dominus, et adduxi Agag regem Amalec, et Amalec interfeci.",
      "citation": "1 Kings Samuel 15:20 (Clementine Vulgate)"
    },
    {
      "verse": 21,
      "text": "Tulit autem de præda populus oves et boves, primitias eorum quæ cæsa sunt, ut immolet Domino Deo suo in Galgalis.",
      "citation": "1 Kings Samuel 15:21 (Clementine Vulgate)"
    },
    {
      "verse": 22,
      "text": "Et ait Samuel : Numquid vult Dominus holocausta et victimas, et non potius ut obediatur voci Domini ? melior est enim obedientia quam victimæ, et auscultare magis quam offerre adipem arietum.",
      "citation": "1 Kings Samuel 15:22 (Clementine Vulgate)"
    },
    {
      "verse": 23,
      "text": "Quoniam quasi peccatum ariolandi est, repugnare : et quasi scelus idololatriæ, nolle acquiescere. Pro eo ergo quod abjecisti sermonem Domini, abjecit te Dominus ne sis rex.",
      "citation": "1 Kings Samuel 15:23 (Clementine Vulgate)"
    },
    {
      "verse": 24,
      "text": "Dixitque Saul ad Samuelem : Peccavi, quia prævaricatus sum sermonem Domini et verba tua, timens populum, et obediens voci eorum.",
      "citation": "1 Kings Samuel 15:24 (Clementine Vulgate)"
    },
    {
      "verse": 25,
      "text": "Sed nunc porta, quæso, peccatum meum, et revertere mecum, ut adorem Dominum.",
      "citation": "1 Kings Samuel 15:25 (Clementine Vulgate)"
    },
    {
      "verse": 26,
      "text": "Et ait Samuel ad Saul : Non revertar tecum, quia projecisti sermonem Domini, et projecit te Dominus ne sis rex super Israël.",
      "citation": "1 Kings Samuel 15:26 (Clementine Vulgate)"
    },
    {
      "verse": 27,
      "text": "Et conversus est Samuel ut abiret : ille autem apprehendit summitatem pallii ejus, quæ et scissa est.",
      "citation": "1 Kings Samuel 15:27 (Clementine Vulgate)"
    },
    {
      "verse": 28,
      "text": "Et ait ad eum Samuel : Scidit Dominus regnum Israël a te hodie, et tradidit illud proximo tuo meliori te.",
      "citation": "1 Kings Samuel 15:28 (Clementine Vulgate)"
    },
    {
      "verse": 29,
      "text": "Porro triumphator in Israël non parcet, et pœnitudine non flectetur : neque enim homo est ut agat pœnitentiam.",
      "citation": "1 Kings Samuel 15:29 (Clementine Vulgate)"
    },
    {
      "verse": 30,
      "text": "At ille ait : Peccavi : sed nunc honora me coram senioribus populi mei et coram Israël, et revertere mecum, ut adorem Dominum Deum tuum.",
      "citation": "1 Kings Samuel 15:30 (Clementine Vulgate)"
    },
    {
      "verse": 31,
      "text": "Reversus ergo Samuel secutus est Saulem : et adoravit Saul Dominum.",
      "citation": "1 Kings Samuel 15:31 (Clementine Vulgate)"
    },
    {
      "verse": 32,
      "text": "Dixitque Samuel : Adducite ad me Agag regem Amalec. Et oblatus est ei Agag, pinguissimus et tremens. Et dixit Agag : Siccine separat amara mors ?",
      "citation": "1 Kings Samuel 15:32 (Clementine Vulgate)"
    },
    {
      "verse": 33,
      "text": "Et ait Samuel : Sicut fecit absque liberis mulieres gladius tuus, sic absque liberis erit inter mulieres mater tua. Et in frustra concidit eum Samuel coram Domino in Galgalis.",
      "citation": "1 Kings Samuel 15:33 (Clementine Vulgate)"
    },
    {
      "verse": 34,
      "text": "Abiit autem Samuel in Ramatha : Saul vero ascendit in domum suam in Gabaa.",
      "citation": "1 Kings Samuel 15:34 (Clementine Vulgate)"
    },
    {
      "verse": 35,
      "text": "Et non vidit Samuel ultra Saul usque ad diem mortis suæ : verumtamen lugebat Samuel Saulem, quoniam Dominum pœnitebat quod constituisset eum regem super Israël.",
      "citation": "1 Kings Samuel 15:35 (Clementine Vulgate)"
    }
  ]
}