{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "1 Kings Samuel, Chapter 25 — 44 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "1 Kings Samuel",
      "slug": "1-kings-samuel",
      "testament": "OT",
      "order": 9,
      "totalChapters": 31
    },
    "chapter": 25,
    "verseCount": 44,
    "navigation": {
      "htmlUrl": "https://latinprayer.org/latin/1-kings-samuel/25/",
      "bookIndex": "https://latinprayer.org/latin/1-kings-samuel/index.json",
      "bookHtmlUrl": "https://latinprayer.org/latin/1-kings-samuel/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/1-kings-samuel/24.json",
      "previousChapterHtmlUrl": "https://latinprayer.org/latin/1-kings-samuel/24/",
      "nextChapter": "https://latinprayer.org/latin/1-kings-samuel/26.json",
      "nextChapterHtmlUrl": "https://latinprayer.org/latin/1-kings-samuel/26/"
    },
    "crossReferences": {
      "english": "https://latinprayer.org/bible/1-kings-samuel/25.json",
      "englishHtmlUrl": "https://latinprayer.org/bible/1-kings-samuel/25/",
      "german": "https://latinprayer.org/bibel/1-kings-samuel/25.json",
      "germanHtmlUrl": "https://latinprayer.org/bibel/1-samuel/25/"
    }
  },
  "citation": "1 Kings Samuel 25 (Clementine Vulgate)",
  "verses": [
    {
      "verse": 1,
      "text": "Mortuus est autem Samuel, et congregatus est universus Israël, et planxerunt eum, et sepelierunt eum in domo sua in Ramatha. Consurgensque David descendit in desertum Pharan.",
      "citation": "1 Kings Samuel 25:1 (Clementine Vulgate)"
    },
    {
      "verse": 2,
      "text": "Erat autem vir quispiam in solitudine Maon, et possessio ejus in Carmelo, et homo ille magnus nimis : erantque ei oves tria millia, et mille capræ : et accidit ut tonderetur grex ejus in Carmelo.",
      "citation": "1 Kings Samuel 25:2 (Clementine Vulgate)"
    },
    {
      "verse": 3,
      "text": "Nomen autem viri illius erat Nabal. Et nomen uxoris ejus Abigail : eratque mulier illa prudentissima, et speciosa : porro vir ejus durus, et pessimus, et malitiosus : erat autem de genere Caleb.",
      "citation": "1 Kings Samuel 25:3 (Clementine Vulgate)"
    },
    {
      "verse": 4,
      "text": "Cum ergo audisset David in deserto quod tonderet Nabal gregem suum,",
      "citation": "1 Kings Samuel 25:4 (Clementine Vulgate)"
    },
    {
      "verse": 5,
      "text": "misit decem juvenes, et dixit eis : Ascendite in Carmelum, et venietis ad Nabal, et salutabitis eum ex nomine meo pacifice.",
      "citation": "1 Kings Samuel 25:5 (Clementine Vulgate)"
    },
    {
      "verse": 6,
      "text": "Et dicetis : Sit fratribus meis et tibi pax, et domui tuæ pax, et omnibus, quæcumque habes, sit pax.",
      "citation": "1 Kings Samuel 25:6 (Clementine Vulgate)"
    },
    {
      "verse": 7,
      "text": "Audivi quod tonderent pastores tui, qui erant nobiscum in deserto : numquam eis molesti fuimus, nec aliquando defuit quidquam eis de grege, omni tempore quo fuerunt nobiscum in Carmelo.",
      "citation": "1 Kings Samuel 25:7 (Clementine Vulgate)"
    },
    {
      "verse": 8,
      "text": "Interroga pueros tuos, et indicabunt tibi. Nunc ergo inveniant pueri tui gratiam in oculis tuis : in die enim bona venimus : quodcumque invenerit manus tua, da servis tuis, et filio tuo David.",
      "citation": "1 Kings Samuel 25:8 (Clementine Vulgate)"
    },
    {
      "verse": 9,
      "text": "Cumque venissent pueri David, locuti sunt ad Nabal omnia verba hæc ex nomine David : et siluerunt.",
      "citation": "1 Kings Samuel 25:9 (Clementine Vulgate)"
    },
    {
      "verse": 10,
      "text": "Respondens autem Nabal pueris David, ait : Quis est David ? et quis est filius Isai ? hodie increverunt servi qui fugiunt dominos suos.",
      "citation": "1 Kings Samuel 25:10 (Clementine Vulgate)"
    },
    {
      "verse": 11,
      "text": "Tollam ergo panes meos, et aquas meas, et carnes pecorum quæ occidi tonsoribus meis, et dabo viris quos nescio unde sint ?",
      "citation": "1 Kings Samuel 25:11 (Clementine Vulgate)"
    },
    {
      "verse": 12,
      "text": "Regressi sunt itaque pueri David per viam suam, et reversi venerunt, et nuntiaverunt ei omnia verba quæ dixerat.",
      "citation": "1 Kings Samuel 25:12 (Clementine Vulgate)"
    },
    {
      "verse": 13,
      "text": "Tunc ait David pueris suis : Accingatur unusquisque gladio suo. Et accincti sunt singuli gladiis suis, accinctusque est et David ense suo : et secuti sunt David quasi quadringenti viri : porro ducenti remanserunt ad sarcinas.",
      "citation": "1 Kings Samuel 25:13 (Clementine Vulgate)"
    },
    {
      "verse": 14,
      "text": "Abigail autem uxori Nabal nuntiavit unus de pueris suis, dicens : Ecce David misit nuntios de deserto, ut benedicerent domino nostro : et aversatus est eos.",
      "citation": "1 Kings Samuel 25:14 (Clementine Vulgate)"
    },
    {
      "verse": 15,
      "text": "Homines isti boni satis fuerant nobis, et non molesti : nec quidquam aliquando periit omni tempore quo fuimus conversati cum eis in deserto :",
      "citation": "1 Kings Samuel 25:15 (Clementine Vulgate)"
    },
    {
      "verse": 16,
      "text": "pro muro erant nobis tam in nocte quam in die, omnibus diebus quibus pavimus apud eos greges.",
      "citation": "1 Kings Samuel 25:16 (Clementine Vulgate)"
    },
    {
      "verse": 17,
      "text": "Quam ob rem considera, et recogita quid facias : quoniam completa est malitia adversum virum tuum, et adversum domum tuam, et ipse est filius Belial, ita ut nemo possit ei loqui.",
      "citation": "1 Kings Samuel 25:17 (Clementine Vulgate)"
    },
    {
      "verse": 18,
      "text": "Festinavit igitur Abigail, et tulit ducentos panes, et duos utres vini, et quinque arietes coctos, et quinque sata polentæ, et centum ligaturas uvæ passæ, et ducentas massas caricarum, et posuit super asinos :",
      "citation": "1 Kings Samuel 25:18 (Clementine Vulgate)"
    },
    {
      "verse": 19,
      "text": "dixitque pueris suis : Præcedite me : ecce ego post tergum sequar vos : viro autem suo Nabal non indicavit.",
      "citation": "1 Kings Samuel 25:19 (Clementine Vulgate)"
    },
    {
      "verse": 20,
      "text": "Cum ergo ascendisset asinum, et descenderet ad radices montis, David et viri ejus descendebant in occursum ejus : quibus et illa occurrit.",
      "citation": "1 Kings Samuel 25:20 (Clementine Vulgate)"
    },
    {
      "verse": 21,
      "text": "Et ait David : Vere frustra servavi omnia quæ hujus erant in deserto, et non periit quidquam de cunctis quæ ad eum pertinebant : et reddidit mihi malum pro bono.",
      "citation": "1 Kings Samuel 25:21 (Clementine Vulgate)"
    },
    {
      "verse": 22,
      "text": "Hæc faciat Deus inimicis David, et hæc addat, si reliquero de omnibus quæ ad ipsum pertinent usque mane mingentem ad parietem.",
      "citation": "1 Kings Samuel 25:22 (Clementine Vulgate)"
    },
    {
      "verse": 23,
      "text": "Cum autem vidisset Abigail David, festinavit, et descendit de asino, et procidit coram David super faciem suam, et adoravit super terram,",
      "citation": "1 Kings Samuel 25:23 (Clementine Vulgate)"
    },
    {
      "verse": 24,
      "text": "et cecidit ad pedes ejus, et dixit : In me sit, domine mi, hæc iniquitas : loquatur, obsecro, ancilla tua in auribus tuis, et audi verba famulæ tuæ.",
      "citation": "1 Kings Samuel 25:24 (Clementine Vulgate)"
    },
    {
      "verse": 25,
      "text": "Ne ponat, oro, dominus meus rex cor suum super virum istum iniquum Nabal : quoniam secundum nomen suum stultus est, et stultitia est cum eo : ego autem ancilla tua non vidi pueros tuos, domine mi, quos misisti.",
      "citation": "1 Kings Samuel 25:25 (Clementine Vulgate)"
    },
    {
      "verse": 26,
      "text": "Nunc ergo, domine mi, vivit Dominus, et vivit anima tua, qui prohibuit te ne venires in sanguinem, et salvavit manum tuam tibi : et nunc fiant sicut Nabal inimici tui, et qui quærunt domino meo malum.",
      "citation": "1 Kings Samuel 25:26 (Clementine Vulgate)"
    },
    {
      "verse": 27,
      "text": "Quapropter suscipe benedictionem hanc, quam attulit ancilla tua tibi domino meo, et da pueris qui sequuntur te dominum meum.",
      "citation": "1 Kings Samuel 25:27 (Clementine Vulgate)"
    },
    {
      "verse": 28,
      "text": "Aufer iniquitatem famulæ tuæ : faciens enim faciet Dominus tibi domino meo domum fidelem, quia prælia Domini, domine mi, tu præliaris : malitia ergo non inveniatur in te omnibus diebus vitæ tuæ.",
      "citation": "1 Kings Samuel 25:28 (Clementine Vulgate)"
    },
    {
      "verse": 29,
      "text": "Si enim surrexerit aliquando homo persequens te, et quærens animam tuam, erit anima domini mei custodita quasi in fasciculo viventium apud Dominum Deum tuum : porro inimicorum tuorum anima rotabitur, quasi in impetu et circulo fundæ.",
      "citation": "1 Kings Samuel 25:29 (Clementine Vulgate)"
    },
    {
      "verse": 30,
      "text": "Cum ergo fecerit Dominus tibi domino meo omnia quæ locutus est bona de te, et constituerit te ducem super Israël,",
      "citation": "1 Kings Samuel 25:30 (Clementine Vulgate)"
    },
    {
      "verse": 31,
      "text": "non erit tibi hoc in singultum, et in scrupulum cordis domino meo, quod effuderis sanguinem innoxium, aut ipse te ultus fueris : et cum benefecerit Dominus domino meo, recordaberis ancillæ tuæ.",
      "citation": "1 Kings Samuel 25:31 (Clementine Vulgate)"
    },
    {
      "verse": 32,
      "text": "Et ait David ad Abigail : Benedictus Dominus Deus Israël, qui misit hodie te in occursum meum, et benedictum eloquium tuum,",
      "citation": "1 Kings Samuel 25:32 (Clementine Vulgate)"
    },
    {
      "verse": 33,
      "text": "et benedicta tu, quæ prohibuisti me hodie ne irem ad sanguinem, et ulciscerer me manu mea.",
      "citation": "1 Kings Samuel 25:33 (Clementine Vulgate)"
    },
    {
      "verse": 34,
      "text": "Alioquin vivit Dominus Deus Israël, qui prohibuit me ne malum facerem tibi : nisi cito venisses in occursum mihi, non remansisset Nabal usque ad lucem matutinam mingens ad parietem.",
      "citation": "1 Kings Samuel 25:34 (Clementine Vulgate)"
    },
    {
      "verse": 35,
      "text": "Suscepit ergo David de manu ejus omnia quæ attulerat ei, dixitque ei : Vade pacifice in domum tuam : ecce audivi vocem tuam, et honoravi faciem tuam.",
      "citation": "1 Kings Samuel 25:35 (Clementine Vulgate)"
    },
    {
      "verse": 36,
      "text": "Venit autem Abigail ad Nabal : et ecce erat ei convivium in domo ejus quasi convivium regis, et cor Nabal jucundum : erat enim ebrius nimis : et non indicavit ei verbum pusillum aut grande usque mane.",
      "citation": "1 Kings Samuel 25:36 (Clementine Vulgate)"
    },
    {
      "verse": 37,
      "text": "Diluculo autem cum digessisset vinum Nabal, indicavit ei uxor sua verba hæc : et emortuum est cor ejus intrinsecus, et factus est quasi lapis.",
      "citation": "1 Kings Samuel 25:37 (Clementine Vulgate)"
    },
    {
      "verse": 38,
      "text": "Cumque pertransissent decem dies, percussit Dominus Nabal, et mortuus est.",
      "citation": "1 Kings Samuel 25:38 (Clementine Vulgate)"
    },
    {
      "verse": 39,
      "text": "Quod cum audisset David mortuum Nabal, ait : Benedictus Dominus, qui judicavit causam opprobrii mei de manu Nabal, et servum suum custodivit a malo, et malitiam Nabal reddidit Dominus in caput ejus. Misit ergo David, et locutus est ad Abigail, ut sumeret eam sibi in uxorem.",
      "citation": "1 Kings Samuel 25:39 (Clementine Vulgate)"
    },
    {
      "verse": 40,
      "text": "Et venerunt pueri David ad Abigail in Carmelum, et locuti sunt ad eam, dicentes : David misit nos ad te, ut accipiat te sibi in uxorem.",
      "citation": "1 Kings Samuel 25:40 (Clementine Vulgate)"
    },
    {
      "verse": 41,
      "text": "Quæ consurgens, adoravit prona in terram, et ait : Ecce famula tua sit in ancillam, ut lavet pedes servorum domini mei.",
      "citation": "1 Kings Samuel 25:41 (Clementine Vulgate)"
    },
    {
      "verse": 42,
      "text": "Et festinavit, et surrexit Abigail, et ascendit super asinum, et quinque puellæ ierunt cum ea, pedissequæ ejus, et secuta est nuntios David : et facta est illi uxor.",
      "citation": "1 Kings Samuel 25:42 (Clementine Vulgate)"
    },
    {
      "verse": 43,
      "text": "Sed et Achinoam accepit David de Jezraël : et fuit utraque uxor ejus.",
      "citation": "1 Kings Samuel 25:43 (Clementine Vulgate)"
    },
    {
      "verse": 44,
      "text": "Saul autem dedit Michol filiam suam, uxorem David, Phalti filio Lais, qui erat de Gallim.",
      "citation": "1 Kings Samuel 25:44 (Clementine Vulgate)"
    }
  ]
}