{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "1 Kings Samuel, Chapter 9 — 27 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "1 Kings Samuel",
      "slug": "1-kings-samuel",
      "testament": "OT",
      "order": 9,
      "totalChapters": 31
    },
    "chapter": 9,
    "verseCount": 27,
    "navigation": {
      "htmlUrl": "https://latinprayer.org/latin/1-kings-samuel/9/",
      "bookIndex": "https://latinprayer.org/latin/1-kings-samuel/index.json",
      "bookHtmlUrl": "https://latinprayer.org/latin/1-kings-samuel/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/1-kings-samuel/8.json",
      "previousChapterHtmlUrl": "https://latinprayer.org/latin/1-kings-samuel/8/",
      "nextChapter": "https://latinprayer.org/latin/1-kings-samuel/10.json",
      "nextChapterHtmlUrl": "https://latinprayer.org/latin/1-kings-samuel/10/"
    },
    "crossReferences": {
      "english": "https://latinprayer.org/bible/1-kings-samuel/9.json",
      "englishHtmlUrl": "https://latinprayer.org/bible/1-kings-samuel/9/",
      "german": "https://latinprayer.org/bibel/1-kings-samuel/9.json",
      "germanHtmlUrl": "https://latinprayer.org/bibel/1-samuel/9/"
    }
  },
  "citation": "1 Kings Samuel 9 (Clementine Vulgate)",
  "verses": [
    {
      "verse": 1,
      "text": "Et erat vir de Benjamin nomine Cis, filius Abiel, filii Seror, filii Bechorath, filii Aphia, filii viri Jemini, fortis robore.",
      "citation": "1 Kings Samuel 9:1 (Clementine Vulgate)"
    },
    {
      "verse": 2,
      "text": "Et erat ei filius vocabulo Saul, electus et bonus : et non erat vir de filiis Israël melior illo : ab humero et sursum eminebat super omnem populum.",
      "citation": "1 Kings Samuel 9:2 (Clementine Vulgate)"
    },
    {
      "verse": 3,
      "text": "Perierant autem asinæ Cis patris Saul : et dixit Cis ad Saul filium suum : Tolle tecum unum de pueris, et consurgens vade, et quære asinas. Qui cum transissent per montem Ephraim",
      "citation": "1 Kings Samuel 9:3 (Clementine Vulgate)"
    },
    {
      "verse": 4,
      "text": "et per terram Salisa, et non invenissent, transierunt etiam per terram Salim, et non erant : sed et per terram Jemini, et minime repererunt.",
      "citation": "1 Kings Samuel 9:4 (Clementine Vulgate)"
    },
    {
      "verse": 5,
      "text": "Cum autem venissent in terram Suph, dixit Saul ad puerum qui erat cum eo : Veni et revertamur, ne forte dimiserit pater meus asinas, et sollicitus sit pro nobis.",
      "citation": "1 Kings Samuel 9:5 (Clementine Vulgate)"
    },
    {
      "verse": 6,
      "text": "Qui ait ei : Ecce vir Dei est in civitate hac, vir nobilis : omne quod loquitur, sine ambiguitate venit. Nunc ergo eamus illuc, si forte indicet nobis de via nostra, propter quam venimus.",
      "citation": "1 Kings Samuel 9:6 (Clementine Vulgate)"
    },
    {
      "verse": 7,
      "text": "Dixitque Saul ad puerum suum : Ecce ibimus : quid feremus ad virum Dei ? panis defecit in sitarciis nostris, et sportulam non habemus ut demus homini Dei, nec quidquam aliud.",
      "citation": "1 Kings Samuel 9:7 (Clementine Vulgate)"
    },
    {
      "verse": 8,
      "text": "Rursum puer respondit Sauli, et ait : Ecce inventa est in manu mea quarta pars stateris argenti : demus homini Dei, ut indicet nobis viam nostram.",
      "citation": "1 Kings Samuel 9:8 (Clementine Vulgate)"
    },
    {
      "verse": 9,
      "text": "(Olim in Israël sic loquebatur unusquisque vadens consulere Deum : Venite, et eamus ad videntem. Qui enim propheta dicitur hodie, vocabatur olim videns.)",
      "citation": "1 Kings Samuel 9:9 (Clementine Vulgate)"
    },
    {
      "verse": 10,
      "text": "Et dixit Saul ad puerum suum : Optimus sermo tuus. Veni, eamus. Et ierunt in civitatem in qua erat vir Dei.",
      "citation": "1 Kings Samuel 9:10 (Clementine Vulgate)"
    },
    {
      "verse": 11,
      "text": "Cumque ascenderent clivum civitatis, invenerunt puellas egredientes ad hauriendam aquam, et dixerunt eis : Num hic est videns ?",
      "citation": "1 Kings Samuel 9:11 (Clementine Vulgate)"
    },
    {
      "verse": 12,
      "text": "Quæ respondentes, dixerunt illis : Hic est : ecce ante te, festina nunc : hodie enim venit in civitatem, quia sacrificium est hodie populi in excelso.",
      "citation": "1 Kings Samuel 9:12 (Clementine Vulgate)"
    },
    {
      "verse": 13,
      "text": "Ingredientes urbem, statim invenietis eum antequam ascendat excelsum ad vescendum, neque enim comesurus est populus donec ille veniat : quia ipse benedicit hostiæ, et deinceps comedunt qui vocati sunt. Nunc ergo conscendite, quia hodie reperietis eum.",
      "citation": "1 Kings Samuel 9:13 (Clementine Vulgate)"
    },
    {
      "verse": 14,
      "text": "Et ascenderunt in civitatem. Cumque illi ambularent in medio urbis, apparuit Samuel egrediens obviam eis, ut ascenderet in excelsum.",
      "citation": "1 Kings Samuel 9:14 (Clementine Vulgate)"
    },
    {
      "verse": 15,
      "text": "Dominus autem revelaverat auriculam Samuelis ante unam diem quam veniret Saul, dicens :",
      "citation": "1 Kings Samuel 9:15 (Clementine Vulgate)"
    },
    {
      "verse": 16,
      "text": "Hac ipsa hora quæ nunc est, cras mittam virum ad te de terra Benjamin, et unges eum ducem super populum meum Israël : et salvabit populum meum de manu Philisthinorum, quia respexi populum meum : venit enim clamor eorum ad me.",
      "citation": "1 Kings Samuel 9:16 (Clementine Vulgate)"
    },
    {
      "verse": 17,
      "text": "Cumque aspexisset Samuel Saulem, Dominus dixit ei : Ecce vir quem dixeram tibi : iste dominabitur populo meo.",
      "citation": "1 Kings Samuel 9:17 (Clementine Vulgate)"
    },
    {
      "verse": 18,
      "text": "Accessit autem Saul ad Samuelem in medio portæ, et ait : Indica, oro, mihi, ubi est domus videntis.",
      "citation": "1 Kings Samuel 9:18 (Clementine Vulgate)"
    },
    {
      "verse": 19,
      "text": "Et respondit Samuel Sauli, dicens : Ego sum videns : ascende ante me in excelsum, ut comedatis mecum hodie, et dimittam te mane : et omnia quæ sunt in corde tuo indicabo tibi.",
      "citation": "1 Kings Samuel 9:19 (Clementine Vulgate)"
    },
    {
      "verse": 20,
      "text": "Et de asinis quas nudiustertius perdidisti, ne sollicitus sis, quia inventæ sunt. Et cujus erunt optima quæque Israël ? nonne tibi et omni domui patris tui ?",
      "citation": "1 Kings Samuel 9:20 (Clementine Vulgate)"
    },
    {
      "verse": 21,
      "text": "Respondens autem Saul, ait : Numquid non filius Jemini ego sum de minima tribu Israël, et cognatio mea novissima inter omnes familias de tribu Benjamin ? quare ergo locutus es mihi sermonem istum ?",
      "citation": "1 Kings Samuel 9:21 (Clementine Vulgate)"
    },
    {
      "verse": 22,
      "text": "Assumens itaque Samuel Saulem et puerum ejus, introduxit eos in triclinium, et dedit eis locum in capite eorum qui fuerant invitati : erant enim quasi triginta viri.",
      "citation": "1 Kings Samuel 9:22 (Clementine Vulgate)"
    },
    {
      "verse": 23,
      "text": "Dixitque Samuel coco : Da partem quam dedi tibi, et præcepi ut reponeres seorsum apud te.",
      "citation": "1 Kings Samuel 9:23 (Clementine Vulgate)"
    },
    {
      "verse": 24,
      "text": "Levavit autem cocus armum, et posuit ante Saul. Dixitque Samuel : Ecce quod remansit : pone ante te, et comede, quia de industria servatum est tibi quando populum vocavi. Et comedit Saul cum Samuele in die illa.",
      "citation": "1 Kings Samuel 9:24 (Clementine Vulgate)"
    },
    {
      "verse": 25,
      "text": "Et descenderunt de excelso in oppidum, et locutus est cum Saule in solario : stravitque Saul in solario, et dormivit.",
      "citation": "1 Kings Samuel 9:25 (Clementine Vulgate)"
    },
    {
      "verse": 26,
      "text": "Cumque mane surrexissent, et jam elucesceret, vocavit Samuel Saulem in solario, dicens : Surge, et dimittam te. Et surrexit Saul : egressique sunt ambo, ipse videlicet, et Samuel.",
      "citation": "1 Kings Samuel 9:26 (Clementine Vulgate)"
    },
    {
      "verse": 27,
      "text": "Cumque descenderent in extrema parte civitatis, Samuel dixit ad Saul : Dic puero ut antecedat nos et transeat : tu autem subsiste paulisper, ut indicem tibi verbum Domini.",
      "citation": "1 Kings Samuel 9:27 (Clementine Vulgate)"
    }
  ]
}