{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "1 Machabees, Chapter 10 — 89 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "1 Machabees",
      "slug": "1-machabees",
      "testament": "OT",
      "order": 45,
      "totalChapters": 16
    },
    "chapter": 10,
    "verseCount": 89,
    "navigation": {
      "htmlUrl": "https://latinprayer.org/latin/1-machabees/10/",
      "bookIndex": "https://latinprayer.org/latin/1-machabees/index.json",
      "bookHtmlUrl": "https://latinprayer.org/latin/1-machabees/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/1-machabees/9.json",
      "previousChapterHtmlUrl": "https://latinprayer.org/latin/1-machabees/9/",
      "nextChapter": "https://latinprayer.org/latin/1-machabees/11.json",
      "nextChapterHtmlUrl": "https://latinprayer.org/latin/1-machabees/11/"
    },
    "crossReferences": {
      "english": "https://latinprayer.org/bible/1-machabees/10.json",
      "englishHtmlUrl": "https://latinprayer.org/bible/1-machabees/10/",
      "german": "https://latinprayer.org/bibel/1-machabees/10.json",
      "germanHtmlUrl": "https://latinprayer.org/bibel/1-makkabaeer/10/"
    }
  },
  "citation": "1 Machabees 10 (Clementine Vulgate)",
  "verses": [
    {
      "verse": 1,
      "text": "Et anno centesimo sexagesimo, ascendit Alexander Antiochi filius, qui cognominatus est Nobilis, et occupavit Ptolemaidam : et receperunt eum, et regnavit illic.",
      "citation": "1 Machabees 10:1 (Clementine Vulgate)"
    },
    {
      "verse": 2,
      "text": "Et audivit Demetrius rex, et congregavit exercitum copiosum valde, et exivit obviam illi in prælium.",
      "citation": "1 Machabees 10:2 (Clementine Vulgate)"
    },
    {
      "verse": 3,
      "text": "Et misit Demetrius epistolam ad Jonathan verbis pacificis, ut magnificaret eum.",
      "citation": "1 Machabees 10:3 (Clementine Vulgate)"
    },
    {
      "verse": 4,
      "text": "Dixit enim : Anticipemus facere pacem cum eo, priusquam faciat cum Alexandro adversum nos :",
      "citation": "1 Machabees 10:4 (Clementine Vulgate)"
    },
    {
      "verse": 5,
      "text": "recordabitur enim omnium malorum, quæ fecimus in eum, et in fratrem ejus, et in gentem ejus.",
      "citation": "1 Machabees 10:5 (Clementine Vulgate)"
    },
    {
      "verse": 6,
      "text": "Et dedit ei potestatem congregandi exercitum, et fabricare arma, et esse ipsum socium ejus : et obsides, qui erant in arce, jussit tradi ei.",
      "citation": "1 Machabees 10:6 (Clementine Vulgate)"
    },
    {
      "verse": 7,
      "text": "Et venit Jonathas in Jerusalem, et legit epistolas in auditu omnis populi, et eorum qui in arce erant.",
      "citation": "1 Machabees 10:7 (Clementine Vulgate)"
    },
    {
      "verse": 8,
      "text": "Et timuerunt timore magno, quoniam audierunt quod dedit ei rex potestatem congregandi exercitum.",
      "citation": "1 Machabees 10:8 (Clementine Vulgate)"
    },
    {
      "verse": 9,
      "text": "Et traditi sunt Jonathæ obsides, et reddidit eos parentibus suis :",
      "citation": "1 Machabees 10:9 (Clementine Vulgate)"
    },
    {
      "verse": 10,
      "text": "et habitavit Jonathas in Jerusalem, et cœpit ædificare et innovare civitatem.",
      "citation": "1 Machabees 10:10 (Clementine Vulgate)"
    },
    {
      "verse": 11,
      "text": "Et dixit facientibus opera ut exstruerent muros, et montem Sion in circuitu lapidibus quadratis ad munitionem : et ita fecerunt.",
      "citation": "1 Machabees 10:11 (Clementine Vulgate)"
    },
    {
      "verse": 12,
      "text": "Et fugerunt alienigenæ, qui erant in munitionibus quas Bacchides ædificaverat :",
      "citation": "1 Machabees 10:12 (Clementine Vulgate)"
    },
    {
      "verse": 13,
      "text": "et reliquit unusquisque locum suum, et abiit in terram suam :",
      "citation": "1 Machabees 10:13 (Clementine Vulgate)"
    },
    {
      "verse": 14,
      "text": "tantum in Bethsura remanserunt aliqui ex his qui reliquerant legem et præcepta Dei : erat enim hæc eis ad refugium.",
      "citation": "1 Machabees 10:14 (Clementine Vulgate)"
    },
    {
      "verse": 15,
      "text": "Et audivit Alexander rex promissa, quæ promisit Demetrius Jonathæ : et narraverunt ei prælia, et virtutes quas ipse fecit, et fratres ejus, et labores quos laboraverunt :",
      "citation": "1 Machabees 10:15 (Clementine Vulgate)"
    },
    {
      "verse": 16,
      "text": "et ait : Numquid inveniemus aliquem virum talem ? et nunc faciemus eum amicum, et socium nostrum.",
      "citation": "1 Machabees 10:16 (Clementine Vulgate)"
    },
    {
      "verse": 17,
      "text": "Et scripsit epistolam, et misit ei secundum hæc verba, dicens :",
      "citation": "1 Machabees 10:17 (Clementine Vulgate)"
    },
    {
      "verse": 18,
      "text": "Rex Alexander fratri Jonathæ salutem.",
      "citation": "1 Machabees 10:18 (Clementine Vulgate)"
    },
    {
      "verse": 19,
      "text": "Audivimus de te quod vir potens sis viribus, et aptus es ut sis amicus noster :",
      "citation": "1 Machabees 10:19 (Clementine Vulgate)"
    },
    {
      "verse": 20,
      "text": "et nunc constituimus te hodie summum sacerdotem gentis tuæ, et ut amicus voceris regis (et misit ei purpuram, et coronam auream) et quæ nostra sunt sentias nobiscum, et conserves amicitias ad nos.",
      "citation": "1 Machabees 10:20 (Clementine Vulgate)"
    },
    {
      "verse": 21,
      "text": "Et induit se Jonathas stola sancta septimo mense, anno centesimo sexagesimo, in die solemni scenopegiæ : et congregavit exercitum, et fecit arma copiosa.",
      "citation": "1 Machabees 10:21 (Clementine Vulgate)"
    },
    {
      "verse": 22,
      "text": "Et audivit Demetrius verba ista, et contristatus est nimis, et ait :",
      "citation": "1 Machabees 10:22 (Clementine Vulgate)"
    },
    {
      "verse": 23,
      "text": "Quid hoc fecimus, quod præoccupavit nos Alexander apprehendere amicitiam Judæorum ad munimen sui ?",
      "citation": "1 Machabees 10:23 (Clementine Vulgate)"
    },
    {
      "verse": 24,
      "text": "scribam et ego illis verba deprecatoria, et dignitates, et dona, ut sint mecum in adjutorium.",
      "citation": "1 Machabees 10:24 (Clementine Vulgate)"
    },
    {
      "verse": 25,
      "text": "Et scripsit eis in hæc verba : Rex Demetrius genti Judæorum salutem.",
      "citation": "1 Machabees 10:25 (Clementine Vulgate)"
    },
    {
      "verse": 26,
      "text": "Quoniam servastis ad nos pactum, et mansistis in amicitia nostra, et non accessistis ad inimicos nostros, audivimus, et gavisi sumus.",
      "citation": "1 Machabees 10:26 (Clementine Vulgate)"
    },
    {
      "verse": 27,
      "text": "Et nunc perseverate adhuc conservare ad nos fidem, et retribuemus vobis bona pro his quæ fecistis nobiscum :",
      "citation": "1 Machabees 10:27 (Clementine Vulgate)"
    },
    {
      "verse": 28,
      "text": "et remittemus vobis præstationes multas, et dabimus vobis donationes.",
      "citation": "1 Machabees 10:28 (Clementine Vulgate)"
    },
    {
      "verse": 29,
      "text": "Et nunc absolvo vos et omnes Judæos a tributis, et pretia salis indulgeo, et coronas remitto, et tertias seminis :",
      "citation": "1 Machabees 10:29 (Clementine Vulgate)"
    },
    {
      "verse": 30,
      "text": "et dimidiam partem fructus ligni, quod est portionis meæ, relinquo vobis ex hodierno die, et deinceps, ne accipiatur a terra Juda, et a tribus civitatibus quæ additæ sunt illi ex Samaria et Galilæa ; ex hodierna die et in totum tempus :",
      "citation": "1 Machabees 10:30 (Clementine Vulgate)"
    },
    {
      "verse": 31,
      "text": "et Jerusalem sit sancta, et libera cum finibus suis : et decimæ et tributa ipsius sint.",
      "citation": "1 Machabees 10:31 (Clementine Vulgate)"
    },
    {
      "verse": 32,
      "text": "Remitto etiam potestatem arcis, quæ est in Jerusalem : et do eam summo sacerdoti, ut constituat in ea viros quoscumque ipse elegerit, qui custodiant eam.",
      "citation": "1 Machabees 10:32 (Clementine Vulgate)"
    },
    {
      "verse": 33,
      "text": "Et omnem animam Judæorum, quæ captiva est a terra Juda in omni regno meo, relinquo liberam gratis, ut omnes a tributis solvantur, etiam pecorum suorum.",
      "citation": "1 Machabees 10:33 (Clementine Vulgate)"
    },
    {
      "verse": 34,
      "text": "Et omnes dies solemnes, et sabbata, et neomeniæ, et dies decreti, et tres dies ante diem solemnem, et tres dies post diem solemnem, sint omnes immunitatis et remissionis omnibus Judæis, qui sunt in regno meo :",
      "citation": "1 Machabees 10:34 (Clementine Vulgate)"
    },
    {
      "verse": 35,
      "text": "et nemo habebit potestatem agere aliquid, et movere negotia adversus aliquem illorum in omni causa.",
      "citation": "1 Machabees 10:35 (Clementine Vulgate)"
    },
    {
      "verse": 36,
      "text": "Et ascribantur ex Judæis in exercitu regis ad triginta millia virorum : et dabuntur illis copiæ ut oportet omnibus exercitibus regis, et ex eis ordinabuntur qui sint in munitionibus regis magni :",
      "citation": "1 Machabees 10:36 (Clementine Vulgate)"
    },
    {
      "verse": 37,
      "text": "et ex his constituentur super negotia regni, quæ aguntur ex fide, et principes sint ex eis, et ambulent in legibus suis, sicut præcepit rex in terra Juda.",
      "citation": "1 Machabees 10:37 (Clementine Vulgate)"
    },
    {
      "verse": 38,
      "text": "Et tres civitates, quæ additæ sunt Judææ ex regione Samariæ, cum Judæa reputentur : ut sint sub uno, et non obediant alii potestati, nisi summi sacerdotis.",
      "citation": "1 Machabees 10:38 (Clementine Vulgate)"
    },
    {
      "verse": 39,
      "text": "Ptolemaida et confines ejus, quas dedi donum sanctis qui sunt in Jerusalem, ad necessarios sumptus sanctorum.",
      "citation": "1 Machabees 10:39 (Clementine Vulgate)"
    },
    {
      "verse": 40,
      "text": "Et ego do singulis annis quindecim millia siclorum argenti de rationibus regis, quæ me contingunt :",
      "citation": "1 Machabees 10:40 (Clementine Vulgate)"
    },
    {
      "verse": 41,
      "text": "et omne quod reliquum fuerit, quod non reddiderant qui super negotia erant annis prioribus, ex hoc dabunt in opera domus.",
      "citation": "1 Machabees 10:41 (Clementine Vulgate)"
    },
    {
      "verse": 42,
      "text": "Et super hæc quinque millia siclorum argenti, quæ accipiebant de sanctorum ratione per singulos annos : et hæc ad sacerdotes pertineant, qui ministerio funguntur.",
      "citation": "1 Machabees 10:42 (Clementine Vulgate)"
    },
    {
      "verse": 43,
      "text": "Et quicumque confugerint in templum quod est Jerosolymis, et in omnibus finibus ejus, obnoxii regi in omni negotio dimittantur, et universa quæ sunt eis in regno meo, libera habeant.",
      "citation": "1 Machabees 10:43 (Clementine Vulgate)"
    },
    {
      "verse": 44,
      "text": "Et ad ædificanda vel restauranda opera sanctorum, sumptus dabuntur de ratione regis :",
      "citation": "1 Machabees 10:44 (Clementine Vulgate)"
    },
    {
      "verse": 45,
      "text": "et ad exstruendos muros Jerusalem, et communiendos in circuitu, sumptus dabuntur de ratione regis, et ad construendos muros in Judæa.",
      "citation": "1 Machabees 10:45 (Clementine Vulgate)"
    },
    {
      "verse": 46,
      "text": "Ut audivit autem Jonathas et populus sermones istos, non crediderunt eis, nec receperunt eos : quia recordati sunt malitiæ magnæ, quam fecerat in Israël, et tribulaverat eos valde.",
      "citation": "1 Machabees 10:46 (Clementine Vulgate)"
    },
    {
      "verse": 47,
      "text": "Et complacuit eis in Alexandrum, quia ipse fuerat eis princeps sermonum pacis, et ipsi auxilium ferebant omnibus diebus.",
      "citation": "1 Machabees 10:47 (Clementine Vulgate)"
    },
    {
      "verse": 48,
      "text": "Et congregavit rex Alexander exercitum magnum, et admovit castra contra Demetrium.",
      "citation": "1 Machabees 10:48 (Clementine Vulgate)"
    },
    {
      "verse": 49,
      "text": "Et commiserunt prælium duo reges, et fugit exercitus Demetrii, et insecutus est eum Alexander, et incubuit super eos.",
      "citation": "1 Machabees 10:49 (Clementine Vulgate)"
    },
    {
      "verse": 50,
      "text": "Et invaluit prælium nimis, donec occidit sol : et cecidit Demetrius in die illa.",
      "citation": "1 Machabees 10:50 (Clementine Vulgate)"
    },
    {
      "verse": 51,
      "text": "Et misit Alexander ad Ptolemæum regem Ægypti legatos secundum hæc verba, dicens :",
      "citation": "1 Machabees 10:51 (Clementine Vulgate)"
    },
    {
      "verse": 52,
      "text": "Quoniam regressus sum in regnum meum, et sedi in sede patrum meorum, et obtinui principatum, et contrivi Demetrium, et possedi regionem nostram,",
      "citation": "1 Machabees 10:52 (Clementine Vulgate)"
    },
    {
      "verse": 53,
      "text": "et commisi pugnam cum eo, et contritus est ipse et castra ejus a nobis, et sedimus in sede regni ejus :",
      "citation": "1 Machabees 10:53 (Clementine Vulgate)"
    },
    {
      "verse": 54,
      "text": "et nunc statuamus ad invicem amicitiam : et da mihi filiam tuam uxorem, et ego ero gener tuus, et dabo tibi dona, et ipsi, digna te.",
      "citation": "1 Machabees 10:54 (Clementine Vulgate)"
    },
    {
      "verse": 55,
      "text": "Et respondit rex Ptolemæus, dicens : Felix dies, in qua reversus es ad terram patrum tuorum, et sedisti in sede regni eorum.",
      "citation": "1 Machabees 10:55 (Clementine Vulgate)"
    },
    {
      "verse": 56,
      "text": "Et nunc faciam tibi quod scripsisti : sed occurre mihi Ptolemaidam, ut videamus invicem nos, et spondeam tibi sicut dixisti.",
      "citation": "1 Machabees 10:56 (Clementine Vulgate)"
    },
    {
      "verse": 57,
      "text": "Et exivit Ptolemæus de Ægypto, ipse et Cleopatra filia ejus, et venit Ptolemaidam anno centesimo sexagesimo secundo.",
      "citation": "1 Machabees 10:57 (Clementine Vulgate)"
    },
    {
      "verse": 58,
      "text": "Et occurrit ei Alexander rex, et dedit ei Cleopatram filiam suam : et fecit nuptias ejus Ptolemaidæ, sicut reges in magna gloria.",
      "citation": "1 Machabees 10:58 (Clementine Vulgate)"
    },
    {
      "verse": 59,
      "text": "Et scripsit rex Alexander Jonathæ, ut veniret obviam sibi.",
      "citation": "1 Machabees 10:59 (Clementine Vulgate)"
    },
    {
      "verse": 60,
      "text": "Et abiit cum gloria Ptolemaidam, et occurrit ibi duobus regibus, et dedit illis argentum multum, et aurum, et dona : et invenit gratiam in conspectu eorum.",
      "citation": "1 Machabees 10:60 (Clementine Vulgate)"
    },
    {
      "verse": 61,
      "text": "Et convenerunt adversus eum viri pestilentes ex Israël, viri iniqui interpellantes adversus eum : et non intendit ad eos rex.",
      "citation": "1 Machabees 10:61 (Clementine Vulgate)"
    },
    {
      "verse": 62,
      "text": "Et jussit spoliari Jonathan vestibus suis, et indui eum purpura : et ita fecerunt. Et collocavit eum rex sedere secum.",
      "citation": "1 Machabees 10:62 (Clementine Vulgate)"
    },
    {
      "verse": 63,
      "text": "Dixitque principibus suis : Exite cum eo in medium civitatis, et prædicate, ut nemo adversus eum interpellet de ullo negotio, nec quisquam ei molestus sit de ulla ratione.",
      "citation": "1 Machabees 10:63 (Clementine Vulgate)"
    },
    {
      "verse": 64,
      "text": "Et factum est, ut viderunt qui interpellabant gloriam ejus, quæ prædicabatur, et opertum eum purpura, fugerunt omnes :",
      "citation": "1 Machabees 10:64 (Clementine Vulgate)"
    },
    {
      "verse": 65,
      "text": "et magnificavit eum rex, et scripsit eum inter primos amicos, et posuit eum ducem, et participem principatus.",
      "citation": "1 Machabees 10:65 (Clementine Vulgate)"
    },
    {
      "verse": 66,
      "text": "Et reversus est Jonathas in Jerusalem cum pace et lætitia.",
      "citation": "1 Machabees 10:66 (Clementine Vulgate)"
    },
    {
      "verse": 67,
      "text": "In anno centesimo sexagesimo quinto, venit Demetrius filius Demetrii a Creta in terram patrum suorum.",
      "citation": "1 Machabees 10:67 (Clementine Vulgate)"
    },
    {
      "verse": 68,
      "text": "Et audivit Alexander rex, et contristatus est valde, et reversus est Antiochiam.",
      "citation": "1 Machabees 10:68 (Clementine Vulgate)"
    },
    {
      "verse": 69,
      "text": "Et constituit Demetrius rex Apollonium ducem, qui præerat Cœlesyriæ : et congregavit exercitum magnum, et accessit ad Jamniam : et misit ad Jonathan summum sacerdotem,",
      "citation": "1 Machabees 10:69 (Clementine Vulgate)"
    },
    {
      "verse": 70,
      "text": "dicens : Tu solus resistis nobis : ego autem factus sum in derisum, et in opprobrium, propterea quia tu potestatem adversum nos exerces in montibus.",
      "citation": "1 Machabees 10:70 (Clementine Vulgate)"
    },
    {
      "verse": 71,
      "text": "Nunc ergo si confidis in virtutibus tuis, descende ad nos in campum, et comparemus illic invicem : quia mecum est virtus bellorum.",
      "citation": "1 Machabees 10:71 (Clementine Vulgate)"
    },
    {
      "verse": 72,
      "text": "Interroga, et disce quis sum ego, et ceteri qui auxilio sunt mihi, qui et dicunt quia non potest stare pes vester ante faciem nostram, quia bis in fugam conversi sunt patres tui in terra sua :",
      "citation": "1 Machabees 10:72 (Clementine Vulgate)"
    },
    {
      "verse": 73,
      "text": "et nunc quomodo poteris sustinere equitatum et exercitum tantum in campo, ubi non est lapis, neque saxum, neque locus fugiendi ?",
      "citation": "1 Machabees 10:73 (Clementine Vulgate)"
    },
    {
      "verse": 74,
      "text": "Ut audivit autem Jonathas sermones Apollonii, motus est animo : et elegit decem millia virorum, et exiit ab Jerusalem, et occurrit ei Simon frater ejus in adjutorium :",
      "citation": "1 Machabees 10:74 (Clementine Vulgate)"
    },
    {
      "verse": 75,
      "text": "et applicuerunt castra in Joppen, et exclusit eum a civitate, quia custodia Apollonii Joppe erat : et oppugnavit eam.",
      "citation": "1 Machabees 10:75 (Clementine Vulgate)"
    },
    {
      "verse": 76,
      "text": "Et exterriti qui erant in civitate, aperuerunt ei, et obtinuit Jonathas Joppen.",
      "citation": "1 Machabees 10:76 (Clementine Vulgate)"
    },
    {
      "verse": 77,
      "text": "Et audivit Apollonius, et admovit tria millia equitum, et exercitum multum.",
      "citation": "1 Machabees 10:77 (Clementine Vulgate)"
    },
    {
      "verse": 78,
      "text": "Et abiit Azotum tamquam iter faciens, et statim exiit in campum, eo quod haberet multitudinem equitum, et confideret in eis. Et insecutus est eum Jonathas in Azotum, et commiserunt prælium.",
      "citation": "1 Machabees 10:78 (Clementine Vulgate)"
    },
    {
      "verse": 79,
      "text": "Et reliquit Apollonius in castris mille equites post eos occulte.",
      "citation": "1 Machabees 10:79 (Clementine Vulgate)"
    },
    {
      "verse": 80,
      "text": "Et cognovit Jonathas quoniam insidiæ sunt post se, et circuierunt castra ejus, et jecerunt jacula in populum a mane usque ad vesperam.",
      "citation": "1 Machabees 10:80 (Clementine Vulgate)"
    },
    {
      "verse": 81,
      "text": "Populus autem stabat, sicut præceperat Jonathas : et laboraverunt equi eorum.",
      "citation": "1 Machabees 10:81 (Clementine Vulgate)"
    },
    {
      "verse": 82,
      "text": "Et ejecit Simon exercitum suum, et commisit contra legionem : equites enim fatigati erant : et contriti sunt ab eo, et fugerunt.",
      "citation": "1 Machabees 10:82 (Clementine Vulgate)"
    },
    {
      "verse": 83,
      "text": "Et qui dispersi sunt per campum, fugerunt in Azotum, et intraverunt in Bethdagon idolum suum, ut ibi se liberarent.",
      "citation": "1 Machabees 10:83 (Clementine Vulgate)"
    },
    {
      "verse": 84,
      "text": "Et succendit Jonathas Azotum, et civitates quæ erant in circuitu ejus, et accepit spolia eorum, et templum Dagon : et omnes qui fugerunt in illud, succendit igni.",
      "citation": "1 Machabees 10:84 (Clementine Vulgate)"
    },
    {
      "verse": 85,
      "text": "Et fuerunt qui ceciderunt gladio, cum his qui succensi sunt, fere octo millia virorum.",
      "citation": "1 Machabees 10:85 (Clementine Vulgate)"
    },
    {
      "verse": 86,
      "text": "Et movit inde Jonathas castra, et applicuit ea Ascalonem : et exierunt de civitate obviam illi in magna gloria.",
      "citation": "1 Machabees 10:86 (Clementine Vulgate)"
    },
    {
      "verse": 87,
      "text": "Et reversus est Jonathas in Jerusalem cum suis, habentibus spolia multa.",
      "citation": "1 Machabees 10:87 (Clementine Vulgate)"
    },
    {
      "verse": 88,
      "text": "Et factum est, ut audivit Alexander rex sermones istos, addidit adhuc glorificare Jonathan.",
      "citation": "1 Machabees 10:88 (Clementine Vulgate)"
    },
    {
      "verse": 89,
      "text": "Et misit ei fibulam auream, sicut consuetudo est dari cognatis regum. Et dedit ei Accaron, et omnes fines ejus, in possessionem.",
      "citation": "1 Machabees 10:89 (Clementine Vulgate)"
    }
  ]
}