{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "1 Machabees, Chapter 12 — 54 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "1 Machabees",
      "slug": "1-machabees",
      "testament": "OT",
      "order": 45,
      "totalChapters": 16
    },
    "chapter": 12,
    "verseCount": 54,
    "navigation": {
      "htmlUrl": "https://latinprayer.org/latin/1-machabees/12/",
      "bookIndex": "https://latinprayer.org/latin/1-machabees/index.json",
      "bookHtmlUrl": "https://latinprayer.org/latin/1-machabees/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/1-machabees/11.json",
      "previousChapterHtmlUrl": "https://latinprayer.org/latin/1-machabees/11/",
      "nextChapter": "https://latinprayer.org/latin/1-machabees/13.json",
      "nextChapterHtmlUrl": "https://latinprayer.org/latin/1-machabees/13/"
    },
    "crossReferences": {
      "english": "https://latinprayer.org/bible/1-machabees/12.json",
      "englishHtmlUrl": "https://latinprayer.org/bible/1-machabees/12/",
      "german": "https://latinprayer.org/bibel/1-machabees/12.json",
      "germanHtmlUrl": "https://latinprayer.org/bibel/1-makkabaeer/12/"
    }
  },
  "citation": "1 Machabees 12 (Clementine Vulgate)",
  "verses": [
    {
      "verse": 1,
      "text": "Et vidit Jonathas quia tempus eum juvat, et elegit viros, et misit eos Romam statuere et renovare cum eis amicitiam :",
      "citation": "1 Machabees 12:1 (Clementine Vulgate)"
    },
    {
      "verse": 2,
      "text": "et ad Spartiatas, et ad alia loca misit epistolas secundum eamdem formam :",
      "citation": "1 Machabees 12:2 (Clementine Vulgate)"
    },
    {
      "verse": 3,
      "text": "et abierunt Romam, et intraverunt curiam, et dixerunt : Jonathas summus sacerdos, et gens Judæorum miserunt nos, ut renovaremus amicitiam et societatem secundum pristinum.",
      "citation": "1 Machabees 12:3 (Clementine Vulgate)"
    },
    {
      "verse": 4,
      "text": "Et dederunt illis epistolas ad ipsos per loca, ut deducerent eos in terram Juda cum pace.",
      "citation": "1 Machabees 12:4 (Clementine Vulgate)"
    },
    {
      "verse": 5,
      "text": "Et hoc est exemplum epistolarum, quas scripsit Jonathas Spartiatis :",
      "citation": "1 Machabees 12:5 (Clementine Vulgate)"
    },
    {
      "verse": 6,
      "text": "Jonathas summus sacerdos, et seniores gentis, et sacerdotes, et reliquus populus Judæorum, Spartiatis fratribus salutem.",
      "citation": "1 Machabees 12:6 (Clementine Vulgate)"
    },
    {
      "verse": 7,
      "text": "Jampridem missæ erant epistolæ ad Oniam summum sacerdotem ab Ario, qui regnabat apud vos, quoniam estis fratres nostri, sicut rescriptum continet, quod subjectum est.",
      "citation": "1 Machabees 12:7 (Clementine Vulgate)"
    },
    {
      "verse": 8,
      "text": "Et suscepit Onias virum, qui missus fuerat, cum honore : et accepit epistolas, in quibus significabatur de societate et amicitia.",
      "citation": "1 Machabees 12:8 (Clementine Vulgate)"
    },
    {
      "verse": 9,
      "text": "Nos cum nullo horum indigeremus, habentes solatio sanctos libros, qui sunt in manibus nostris,",
      "citation": "1 Machabees 12:9 (Clementine Vulgate)"
    },
    {
      "verse": 10,
      "text": "maluimus mittere ad vos renovare fraternitatem et amicitiam, ne forte alieni efficiamur a vobis : multa enim tempora transierunt, ex quo misistis ad nos.",
      "citation": "1 Machabees 12:10 (Clementine Vulgate)"
    },
    {
      "verse": 11,
      "text": "Nos ergo in omni tempore sine intermissione in diebus solemnibus, et ceteris, quibus oportet, memores sumus vestri in sacrificiis quæ offerimus, et in observationibus, sicut fas est, et decet meminisse fratrum.",
      "citation": "1 Machabees 12:11 (Clementine Vulgate)"
    },
    {
      "verse": 12,
      "text": "Lætamur itaque de gloria vestra.",
      "citation": "1 Machabees 12:12 (Clementine Vulgate)"
    },
    {
      "verse": 13,
      "text": "Nos autem circumdederunt multæ tribulationes, et multa prælia, et impugnaverunt nos reges qui sunt in circuitu nostro.",
      "citation": "1 Machabees 12:13 (Clementine Vulgate)"
    },
    {
      "verse": 14,
      "text": "Noluimus ergo vobis molesti esse, neque ceteris sociis et amicis nostris in his præliis :",
      "citation": "1 Machabees 12:14 (Clementine Vulgate)"
    },
    {
      "verse": 15,
      "text": "habuimus enim de cælo auxilium, et liberati sumus nos, et humiliati sunt inimici nostri.",
      "citation": "1 Machabees 12:15 (Clementine Vulgate)"
    },
    {
      "verse": 16,
      "text": "Elegimus itaque Numenium Antiochi filium, et Antipatrem Jasonis filium, et misimus ad Romanos renovare cum eis amicitiam et societatem pristinam.",
      "citation": "1 Machabees 12:16 (Clementine Vulgate)"
    },
    {
      "verse": 17,
      "text": "Mandavimus itaque eis ut veniant etiam ad vos, et salutent vos, et reddant vobis epistolas nostras de innovatione fraternitatis nostræ.",
      "citation": "1 Machabees 12:17 (Clementine Vulgate)"
    },
    {
      "verse": 18,
      "text": "Et nunc benefacietis respondentes nobis ad hæc.",
      "citation": "1 Machabees 12:18 (Clementine Vulgate)"
    },
    {
      "verse": 19,
      "text": "Et hoc est rescriptum epistolarum quod miserat Oniæ :",
      "citation": "1 Machabees 12:19 (Clementine Vulgate)"
    },
    {
      "verse": 20,
      "text": "Arius rex Spartiatarum Oniæ sacerdoti magno salutem.",
      "citation": "1 Machabees 12:20 (Clementine Vulgate)"
    },
    {
      "verse": 21,
      "text": "Inventum est in scriptura de Spartiatis, et Judæis, quoniam sunt fratres, et quod sunt de genere Abraham.",
      "citation": "1 Machabees 12:21 (Clementine Vulgate)"
    },
    {
      "verse": 22,
      "text": "Et nunc ex quo hæc cognovimus, benefacitis scribentes nobis de pace vestra.",
      "citation": "1 Machabees 12:22 (Clementine Vulgate)"
    },
    {
      "verse": 23,
      "text": "Sed et nos rescripsimus vobis : Pecora nostra, et possessiones nostræ, vestræ sunt : et vestræ, nostræ : mandavimus itaque hæc nuntiari vobis.",
      "citation": "1 Machabees 12:23 (Clementine Vulgate)"
    },
    {
      "verse": 24,
      "text": "Et audivit Jonathas quoniam regressi sunt principes Demetrii cum exercitu multo supra quam prius, pugnare adversus eum :",
      "citation": "1 Machabees 12:24 (Clementine Vulgate)"
    },
    {
      "verse": 25,
      "text": "et exiit ab Jerusalem, et occurrit eis in Amathite regione : non enim dederat eis spatium ut ingrederentur regionem ejus.",
      "citation": "1 Machabees 12:25 (Clementine Vulgate)"
    },
    {
      "verse": 26,
      "text": "Et misit speculatores in castra eorum : et reversi renuntiaverunt quod constituunt supervenire illis nocte.",
      "citation": "1 Machabees 12:26 (Clementine Vulgate)"
    },
    {
      "verse": 27,
      "text": "Cum occidisset autem sol, præcepit Jonathas suis vigilare, et esse in armis paratos ad pugnam tota nocte : et posuit custodes per circuitum castrorum.",
      "citation": "1 Machabees 12:27 (Clementine Vulgate)"
    },
    {
      "verse": 28,
      "text": "Et audierunt adversarii quod paratus est Jonathas cum suis in bello : et timuerunt, et formidaverunt in corde suo : et accenderunt focos in castris suis.",
      "citation": "1 Machabees 12:28 (Clementine Vulgate)"
    },
    {
      "verse": 29,
      "text": "Jonathas autem, et qui cum eo erant, non cognoverunt usque mane : videbant autem luminaria ardentia,",
      "citation": "1 Machabees 12:29 (Clementine Vulgate)"
    },
    {
      "verse": 30,
      "text": "et secutus est eos Jonathas, et non comprehendit eos : transierant enim flumen Eleutherum.",
      "citation": "1 Machabees 12:30 (Clementine Vulgate)"
    },
    {
      "verse": 31,
      "text": "Et divertit Jonathas ad Arabas, qui vocantur Zabadæi : et percussit eos, et accepit spolia eorum.",
      "citation": "1 Machabees 12:31 (Clementine Vulgate)"
    },
    {
      "verse": 32,
      "text": "Et junxit, et venit Damascum, et perambulabat omnem regionem illam.",
      "citation": "1 Machabees 12:32 (Clementine Vulgate)"
    },
    {
      "verse": 33,
      "text": "Simon autem exiit, et venit usque ad Ascalonem, et ad proxima præsidia : et declinavit in Joppen, et occupavit eam",
      "citation": "1 Machabees 12:33 (Clementine Vulgate)"
    },
    {
      "verse": 34,
      "text": "(audivit enim quod vellent præsidium tradere partibus Demetrii), et posuit ibi custodes ut custodirent eam.",
      "citation": "1 Machabees 12:34 (Clementine Vulgate)"
    },
    {
      "verse": 35,
      "text": "Et reversus est Jonathas, et convocavit seniores populi, et cogitavit cum eis ædificare præsidia in Judæa,",
      "citation": "1 Machabees 12:35 (Clementine Vulgate)"
    },
    {
      "verse": 36,
      "text": "et ædificare muros in Jerusalem, et exaltare altitudinem magnam inter medium arcis et civitatis, ut separaret eam a civitate, ut esset ipsa singulariter, et neque emant, neque vendant.",
      "citation": "1 Machabees 12:36 (Clementine Vulgate)"
    },
    {
      "verse": 37,
      "text": "Et convenerunt ut ædificarent civitatem : et cecidit murus qui erat super torrentem ab ortu solis, et reparavit eum, qui vocatur Caphetetha :",
      "citation": "1 Machabees 12:37 (Clementine Vulgate)"
    },
    {
      "verse": 38,
      "text": "et Simon ædificavit Adiada in Sephela, et munivit eam, et imposuit portas et seras.",
      "citation": "1 Machabees 12:38 (Clementine Vulgate)"
    },
    {
      "verse": 39,
      "text": "Et cum cogitasset Tryphon regnare Asiæ, et assumere diadema, et extendere manum in Antiochum regem :",
      "citation": "1 Machabees 12:39 (Clementine Vulgate)"
    },
    {
      "verse": 40,
      "text": "timens ne forte non permitteret eum Jonathas, sed pugnaret adversus eum, quærebat comprehendere eum, et occidere. Et exsurgens abiit in Bethsan.",
      "citation": "1 Machabees 12:40 (Clementine Vulgate)"
    },
    {
      "verse": 41,
      "text": "Et exivit Jonathas obviam illi cum quadraginta millibus virorum electorum in prælium, et venit Bethsan.",
      "citation": "1 Machabees 12:41 (Clementine Vulgate)"
    },
    {
      "verse": 42,
      "text": "Et vidit Tryphon quia venit Jonathas cum exercitu multo ut extenderet in eum manus : timuit,",
      "citation": "1 Machabees 12:42 (Clementine Vulgate)"
    },
    {
      "verse": 43,
      "text": "et excepit eum cum honore, et commendavit eum omnibus amicis suis, et dedit ei munera : et præcepit exercitibus suis ut obedirent ei, sicut sibi.",
      "citation": "1 Machabees 12:43 (Clementine Vulgate)"
    },
    {
      "verse": 44,
      "text": "Et dixit Jonathæ : Ut quid vexasti universum populum, cum bellum nobis non sit ?",
      "citation": "1 Machabees 12:44 (Clementine Vulgate)"
    },
    {
      "verse": 45,
      "text": "et nunc remitte eos in domos suas : elige autem tibi viros paucos, qui tecum sint, et veni mecum Ptolemaidam, et tradam eam tibi, et reliqua præsidia, et exercitum, et universos præpositos negotii : et conversus abibo : propterea enim veni.",
      "citation": "1 Machabees 12:45 (Clementine Vulgate)"
    },
    {
      "verse": 46,
      "text": "Et credidit ei, et fecit sicut dixit : et dimisit exercitum, et abierunt in terram Juda.",
      "citation": "1 Machabees 12:46 (Clementine Vulgate)"
    },
    {
      "verse": 47,
      "text": "Retinuit autem secum tria millia virorum : ex quibus remisit in Galilæam duo millia : mille autem venerunt cum eo.",
      "citation": "1 Machabees 12:47 (Clementine Vulgate)"
    },
    {
      "verse": 48,
      "text": "Ut autem intravit Ptolemaidam Jonathas, clauserunt portas civitatis Ptolemenses, et comprehenderunt eum : et omnes qui cum eo intraverant, gladio interfecerunt.",
      "citation": "1 Machabees 12:48 (Clementine Vulgate)"
    },
    {
      "verse": 49,
      "text": "Et misit Tryphon exercitum et equites in Galilæam et in campum magnum, ut perderent omnes socios Jonathæ.",
      "citation": "1 Machabees 12:49 (Clementine Vulgate)"
    },
    {
      "verse": 50,
      "text": "At illi cum cognovissent quia comprehensus est Jonathas, et periit, et omnes qui cum eo erant, hortati sunt semetipsos, et exierunt parati in prælium.",
      "citation": "1 Machabees 12:50 (Clementine Vulgate)"
    },
    {
      "verse": 51,
      "text": "Et videntes hi qui insecuti fuerant, quia pro anima res est illis, reversi sunt :",
      "citation": "1 Machabees 12:51 (Clementine Vulgate)"
    },
    {
      "verse": 52,
      "text": "illi autem venerunt omnes cum pace in terram Juda. Et planxerunt Jonathan, et eos qui cum ipso fuerant, valde : et luxit Israël luctu magno.",
      "citation": "1 Machabees 12:52 (Clementine Vulgate)"
    },
    {
      "verse": 53,
      "text": "Et quæsierunt omnes gentes quæ erant in circuitu eorum conterere eos : dixerunt enim :",
      "citation": "1 Machabees 12:53 (Clementine Vulgate)"
    },
    {
      "verse": 54,
      "text": "Non habent principem et adjuvantem : nunc ergo expugnemus illos, et tollamus de hominibus memoriam eorum.",
      "citation": "1 Machabees 12:54 (Clementine Vulgate)"
    }
  ]
}