{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "1 Machabees, Chapter 14 — 49 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "1 Machabees",
      "slug": "1-machabees",
      "testament": "OT",
      "order": 45,
      "totalChapters": 16
    },
    "chapter": 14,
    "verseCount": 49,
    "navigation": {
      "htmlUrl": "https://latinprayer.org/latin/1-machabees/14/",
      "bookIndex": "https://latinprayer.org/latin/1-machabees/index.json",
      "bookHtmlUrl": "https://latinprayer.org/latin/1-machabees/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/1-machabees/13.json",
      "previousChapterHtmlUrl": "https://latinprayer.org/latin/1-machabees/13/",
      "nextChapter": "https://latinprayer.org/latin/1-machabees/15.json",
      "nextChapterHtmlUrl": "https://latinprayer.org/latin/1-machabees/15/"
    },
    "crossReferences": {
      "english": "https://latinprayer.org/bible/1-machabees/14.json",
      "englishHtmlUrl": "https://latinprayer.org/bible/1-machabees/14/",
      "german": "https://latinprayer.org/bibel/1-machabees/14.json",
      "germanHtmlUrl": "https://latinprayer.org/bibel/1-makkabaeer/14/"
    }
  },
  "citation": "1 Machabees 14 (Clementine Vulgate)",
  "verses": [
    {
      "verse": 1,
      "text": "Anno centesimo septuagesimo secundo, congregavit rex Demetrius exercitum suum, et abiit in Mediam ad contrahenda sibi auxilia, ut expugnaret Tryphonem.",
      "citation": "1 Machabees 14:1 (Clementine Vulgate)"
    },
    {
      "verse": 2,
      "text": "Et audivit Arsaces rex Persidis et Mediæ, quia intravit Demetrius confines suos : et misit unum de principibus suis ut comprehenderet eum vivum, et adduceret eum ad se.",
      "citation": "1 Machabees 14:2 (Clementine Vulgate)"
    },
    {
      "verse": 3,
      "text": "Et abiit, et percussit castra Demetrii : et comprehendit eum, et duxit eum ad Arsacem, et posuit eum in custodiam.",
      "citation": "1 Machabees 14:3 (Clementine Vulgate)"
    },
    {
      "verse": 4,
      "text": "Et siluit omnis terra Juda omnibus diebus Simonis, et quæsivit bona genti suæ : et placuit illis potestas ejus et gloria ejus omnibus diebus.",
      "citation": "1 Machabees 14:4 (Clementine Vulgate)"
    },
    {
      "verse": 5,
      "text": "Et cum omni gloria sua accepit Joppen in portum, et fecit introitum in insulis maris.",
      "citation": "1 Machabees 14:5 (Clementine Vulgate)"
    },
    {
      "verse": 6,
      "text": "Et dilatavit fines gentis suæ, et obtinuit regionem.",
      "citation": "1 Machabees 14:6 (Clementine Vulgate)"
    },
    {
      "verse": 7,
      "text": "Et congregavit captivitatem multam, et dominatus est Gazaræ, et Bethsuræ, et arci : et abstulit immunditias ex ea, et non erat qui resisteret ei.",
      "citation": "1 Machabees 14:7 (Clementine Vulgate)"
    },
    {
      "verse": 8,
      "text": "Et unusquisque colebat terram suam cum pace : et terra Juda dabat fructus suos, et ligna camporum fructum suum.",
      "citation": "1 Machabees 14:8 (Clementine Vulgate)"
    },
    {
      "verse": 9,
      "text": "Seniores in plateis sedebant omnes, et de bonis terræ tractabant, et juvenes induebant se gloriam, et stolas belli.",
      "citation": "1 Machabees 14:9 (Clementine Vulgate)"
    },
    {
      "verse": 10,
      "text": "Et civitatibus tribuebat alimonias, et constituebat eas ut essent vasa munitionis quoadusque nominatum est nomen gloriæ ejus usque ad extremum terræ.",
      "citation": "1 Machabees 14:10 (Clementine Vulgate)"
    },
    {
      "verse": 11,
      "text": "Fecit pacem super terram, et lætatus est Israël lætitia magna.",
      "citation": "1 Machabees 14:11 (Clementine Vulgate)"
    },
    {
      "verse": 12,
      "text": "Et sedit unusquisque sub vite sua, et sub ficulnea sua : et non erat qui eos terreret.",
      "citation": "1 Machabees 14:12 (Clementine Vulgate)"
    },
    {
      "verse": 13,
      "text": "Defecit impugnans eos super terram : reges contriti sunt in diebus illis.",
      "citation": "1 Machabees 14:13 (Clementine Vulgate)"
    },
    {
      "verse": 14,
      "text": "Et confirmavit omnes humiles populi sui, et legem exquisivit, et abstulit omnem iniquum et malum :",
      "citation": "1 Machabees 14:14 (Clementine Vulgate)"
    },
    {
      "verse": 15,
      "text": "sancta glorificavit, et multiplicavit vasa sanctorum.",
      "citation": "1 Machabees 14:15 (Clementine Vulgate)"
    },
    {
      "verse": 16,
      "text": "Et auditum est Romæ quia defunctus esset Jonathas, et usque in Spartiatas : et contristati sunt valde.",
      "citation": "1 Machabees 14:16 (Clementine Vulgate)"
    },
    {
      "verse": 17,
      "text": "Ut audierunt autem quod Simon frater ejus factus esset summus sacerdos loco ejus, et ipse obtineret omnem regionem, et civitates in ea,",
      "citation": "1 Machabees 14:17 (Clementine Vulgate)"
    },
    {
      "verse": 18,
      "text": "scripserunt ad eum in tabulis æreis, ut renovarent amicitias et societatem quam fecerant cum Juda et cum Jonatha, fratribus ejus.",
      "citation": "1 Machabees 14:18 (Clementine Vulgate)"
    },
    {
      "verse": 19,
      "text": "Et lectæ sunt in conspectu ecclesiæ in Jerusalem. Et hoc exemplum epistolarum, quas Spartiatæ miserunt :",
      "citation": "1 Machabees 14:19 (Clementine Vulgate)"
    },
    {
      "verse": 20,
      "text": "Spartianorum principes et civitates, Simoni sacerdoti magno, et senioribus, et sacerdotibus, et reliquo populo Judæorum, fratribus, salutem.",
      "citation": "1 Machabees 14:20 (Clementine Vulgate)"
    },
    {
      "verse": 21,
      "text": "Legati, qui missi sunt ad populum nostrum, nuntiaverunt nobis de vestra gloria, et honore, ac lætitia : et gavisi sumus in introitu eorum.",
      "citation": "1 Machabees 14:21 (Clementine Vulgate)"
    },
    {
      "verse": 22,
      "text": "Et scripsimus quæ ab eis erant dicta in conciliis populi, sic : Numenius Antiochi, et Antipater Jasonis filius, legati Judæorum, venerunt ad nos, renovantes nobiscum amicitiam pristinam.",
      "citation": "1 Machabees 14:22 (Clementine Vulgate)"
    },
    {
      "verse": 23,
      "text": "Et placuit populo excipere viros gloriose, et ponere exemplum sermonum eorum in segregatis populi libris, ut sit ad memoriam populo Spartiatarum. Exemplum autem horum scripsimus Simoni magno sacerdoti.",
      "citation": "1 Machabees 14:23 (Clementine Vulgate)"
    },
    {
      "verse": 24,
      "text": "Post hæc autem misit Simon Numenium Romam, habentem clypeum aureum magnum, pondo mnarum mille, ad statuendam cum eis societatem. Cum autem audisset populus Romanus",
      "citation": "1 Machabees 14:24 (Clementine Vulgate)"
    },
    {
      "verse": 25,
      "text": "sermones istos, dixerunt : Quam gratiarum actionem reddemus Simoni, et filiis ejus ?",
      "citation": "1 Machabees 14:25 (Clementine Vulgate)"
    },
    {
      "verse": 26,
      "text": "restituit enim ipse fratres suos, et expugnavit inimicos Israël ab eis, et statuerunt ei libertatem, et descripserunt in tabulis æreis, et posuerunt in titulis in monte Sion.",
      "citation": "1 Machabees 14:26 (Clementine Vulgate)"
    },
    {
      "verse": 27,
      "text": "Et hoc est exemplum scripturæ : Octavadecima die mensis Elul, anno centesimo septuagesimo secundo, anno tertio sub Simone sacerdote magno in Asaramel,",
      "citation": "1 Machabees 14:27 (Clementine Vulgate)"
    },
    {
      "verse": 28,
      "text": "in conventu magno sacerdotum, et populi, et principum gentis, et seniorum regionis, nota facta sunt hæc : quoniam frequenter facta sunt prælia in regione nostra,",
      "citation": "1 Machabees 14:28 (Clementine Vulgate)"
    },
    {
      "verse": 29,
      "text": "Simon autem Mathathiæ filius, ex filiis Jarib, et fratres ejus, dederunt se periculo, et restiterunt adversariis gentis suæ, ut starent sancta ipsorum, et lex : et gloria magna glorificaverunt gentem suam.",
      "citation": "1 Machabees 14:29 (Clementine Vulgate)"
    },
    {
      "verse": 30,
      "text": "Et congregavit Jonathas gentem suam, et factus est illis sacerdos magnus, et appositus est ad populum suum.",
      "citation": "1 Machabees 14:30 (Clementine Vulgate)"
    },
    {
      "verse": 31,
      "text": "Et voluerunt inimici eorum calcare et atterere regionem ipsorum, et extendere manus in sancta eorum.",
      "citation": "1 Machabees 14:31 (Clementine Vulgate)"
    },
    {
      "verse": 32,
      "text": "Tunc restitit Simon, et pugnavit pro gente sua, et erogavit pecunias multas, et armavit viros virtutis gentis suæ, et dedit illis stipendia :",
      "citation": "1 Machabees 14:32 (Clementine Vulgate)"
    },
    {
      "verse": 33,
      "text": "et munivit civitates Judææ, et Bethsuram, quæ erat in finibus Judææ, ubi erant arma hostium antea : et posuit illic præsidium viros Judæos.",
      "citation": "1 Machabees 14:33 (Clementine Vulgate)"
    },
    {
      "verse": 34,
      "text": "Et Joppen munivit, quæ erat ad mare, et Gazaram, quæ est in finibus Azoti, in qua hostes antea habitabant : et collocavit illic Judæos, et quæcumque apta erant ad correptionem eorum, posuit in eis.",
      "citation": "1 Machabees 14:34 (Clementine Vulgate)"
    },
    {
      "verse": 35,
      "text": "Et vidit populus actum Simonis, et gloriam quam cogitabat facere genti suæ, et posuerunt eum ducem suum, et principem sacerdotum, eo quod ipse fecerat hæc omnia, et justitiam, et fidem, quam conservavit genti suæ, et exquisivit omni modo exaltare populum suum.",
      "citation": "1 Machabees 14:35 (Clementine Vulgate)"
    },
    {
      "verse": 36,
      "text": "Et in diebus ejus prosperatum est in manibus ejus, ut tollerentur gentes de regione ipsorum, et qui in civitate David erant, in Jerusalem in arce, de qua procedebant, et contaminabant omnia quæ in circuitu sanctorum sunt, et inferebant plagam magnam castitati :",
      "citation": "1 Machabees 14:36 (Clementine Vulgate)"
    },
    {
      "verse": 37,
      "text": "et collocavit in ea viros Judæos ad tutamentum regionis, et civitatis, et exaltavit muros Jerusalem.",
      "citation": "1 Machabees 14:37 (Clementine Vulgate)"
    },
    {
      "verse": 38,
      "text": "Et rex Demetrius statuit illi summum sacerdotium.",
      "citation": "1 Machabees 14:38 (Clementine Vulgate)"
    },
    {
      "verse": 39,
      "text": "Secundum hæc fecit eum amicum suum, et glorificavit eum gloria magna.",
      "citation": "1 Machabees 14:39 (Clementine Vulgate)"
    },
    {
      "verse": 40,
      "text": "Audivit enim quod appellati sunt Judæi a Romanis amici, et socii, et fratres, et quia susceperunt legatos Simonis gloriose,",
      "citation": "1 Machabees 14:40 (Clementine Vulgate)"
    },
    {
      "verse": 41,
      "text": "et quia Judæi et sacerdotes eorum consenserunt eum esse ducem suum, et summum sacerdotem in æternum, donec surgat propheta fidelis :",
      "citation": "1 Machabees 14:41 (Clementine Vulgate)"
    },
    {
      "verse": 42,
      "text": "et ut sit super eos dux, et ut cura esset illi pro sanctis, et ut constitueret præpositos super opera eorum, et super regionem, et super arma, et super præsidia :",
      "citation": "1 Machabees 14:42 (Clementine Vulgate)"
    },
    {
      "verse": 43,
      "text": "et cura sit illi de sanctis : et ut audiatur ab omnibus, et scribantur in nomine ejus omnes conscriptiones in regione : et ut operiatur purpura et auro :",
      "citation": "1 Machabees 14:43 (Clementine Vulgate)"
    },
    {
      "verse": 44,
      "text": "et ne liceat ulli ex populo et ex sacerdotibus irritum facere aliquid horum, et contradicere his quæ ab eo dicuntur, aut convocare conventum in regione sine ipso, et vestiri purpura, et uti fibula aurea :",
      "citation": "1 Machabees 14:44 (Clementine Vulgate)"
    },
    {
      "verse": 45,
      "text": "qui autem fecerit extra hæc, aut irritum fecerit aliquid horum, reus erit.",
      "citation": "1 Machabees 14:45 (Clementine Vulgate)"
    },
    {
      "verse": 46,
      "text": "Et complacuit omni populo statuere Simonem, et facere secundum verba ista.",
      "citation": "1 Machabees 14:46 (Clementine Vulgate)"
    },
    {
      "verse": 47,
      "text": "Et suscepit Simon, et placuit ei ut summo sacerdotio fungeretur, et esset dux et princeps gentis Judæorum, et sacerdotum, et præesset omnibus.",
      "citation": "1 Machabees 14:47 (Clementine Vulgate)"
    },
    {
      "verse": 48,
      "text": "Et scripturam istam dixerunt ponere in tabulis æreis, et ponere eas in peribolo sanctorum, in loco celebri :",
      "citation": "1 Machabees 14:48 (Clementine Vulgate)"
    },
    {
      "verse": 49,
      "text": "exemplum autem eorum ponere in ærario, ut habeat Simon, et filii ejus.",
      "citation": "1 Machabees 14:49 (Clementine Vulgate)"
    }
  ]
}