{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "1 Machabees, Chapter 15 — 41 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "1 Machabees",
      "slug": "1-machabees",
      "testament": "OT",
      "order": 45,
      "totalChapters": 16
    },
    "chapter": 15,
    "verseCount": 41,
    "navigation": {
      "htmlUrl": "https://latinprayer.org/latin/1-machabees/15/",
      "bookIndex": "https://latinprayer.org/latin/1-machabees/index.json",
      "bookHtmlUrl": "https://latinprayer.org/latin/1-machabees/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/1-machabees/14.json",
      "previousChapterHtmlUrl": "https://latinprayer.org/latin/1-machabees/14/",
      "nextChapter": "https://latinprayer.org/latin/1-machabees/16.json",
      "nextChapterHtmlUrl": "https://latinprayer.org/latin/1-machabees/16/"
    },
    "crossReferences": {
      "english": "https://latinprayer.org/bible/1-machabees/15.json",
      "englishHtmlUrl": "https://latinprayer.org/bible/1-machabees/15/",
      "german": "https://latinprayer.org/bibel/1-machabees/15.json",
      "germanHtmlUrl": "https://latinprayer.org/bibel/1-makkabaeer/15/"
    }
  },
  "citation": "1 Machabees 15 (Clementine Vulgate)",
  "verses": [
    {
      "verse": 1,
      "text": "Et misit rex Antiochus filius Demetrii epistolas ab insulis maris Simoni sacerdoti, et principi gentis Judæorum, et universæ genti :",
      "citation": "1 Machabees 15:1 (Clementine Vulgate)"
    },
    {
      "verse": 2,
      "text": "et erant continentes hunc modum : Rex Antiochus Simoni sacerdoti magno, et genti Judæorum salutem.",
      "citation": "1 Machabees 15:2 (Clementine Vulgate)"
    },
    {
      "verse": 3,
      "text": "Quoniam quidem pestilentes obtinuerunt regnum patrum nostrorum, volo autem vendicare regnum, et restituere illud sicut erat antea : et electam feci multitudinem exercitus, et feci naves bellicas.",
      "citation": "1 Machabees 15:3 (Clementine Vulgate)"
    },
    {
      "verse": 4,
      "text": "Volo autem procedere per regionem ut ulciscar in eos, qui corruperunt regionem nostram, et qui desolaverunt civitates multas in regno meo.",
      "citation": "1 Machabees 15:4 (Clementine Vulgate)"
    },
    {
      "verse": 5,
      "text": "Nunc ergo statuo tibi omnes oblationes, quas remiserunt tibi ante me omnes reges, et quæcumque alia dona remiserunt tibi :",
      "citation": "1 Machabees 15:5 (Clementine Vulgate)"
    },
    {
      "verse": 6,
      "text": "et permitto tibi facere percussuram proprii numismatis in regione tua :",
      "citation": "1 Machabees 15:6 (Clementine Vulgate)"
    },
    {
      "verse": 7,
      "text": "Jerusalem autem sanctam esse, et liberam : et omnia arma, quæ fabricata sunt, et præsidia, quæ construxisti, quæ tenes, maneant tibi.",
      "citation": "1 Machabees 15:7 (Clementine Vulgate)"
    },
    {
      "verse": 8,
      "text": "Et omne debitum regis, et quæ futura sunt regi, ex hoc et in totum tempus remittuntur tibi.",
      "citation": "1 Machabees 15:8 (Clementine Vulgate)"
    },
    {
      "verse": 9,
      "text": "Cum autem obtinuerimus regnum nostrum, glorificabimus te, et gentem tuam, et templum, gloria magna, ita ut manifestetur gloria vestra in universa terra.",
      "citation": "1 Machabees 15:9 (Clementine Vulgate)"
    },
    {
      "verse": 10,
      "text": "Anno centesimo septuagesimo quarto exiit Antiochus in terram patrum suorum, et convenerunt ad eum omnes exercitus, ita ut pauci relicti essent cum Tryphone.",
      "citation": "1 Machabees 15:10 (Clementine Vulgate)"
    },
    {
      "verse": 11,
      "text": "Et insecutus est eum Antiochus rex, et venit Doram fugiens per maritimam :",
      "citation": "1 Machabees 15:11 (Clementine Vulgate)"
    },
    {
      "verse": 12,
      "text": "sciebat enim quod congregata sunt mala in eum, et reliquit eum exercitus :",
      "citation": "1 Machabees 15:12 (Clementine Vulgate)"
    },
    {
      "verse": 13,
      "text": "et applicuit Antiochus super Doram cum centum viginti millibus virorum belligeratorum, et octo millibus equitum :",
      "citation": "1 Machabees 15:13 (Clementine Vulgate)"
    },
    {
      "verse": 14,
      "text": "et circuivit civitatem, et naves a mari accesserunt : et vexabant civitatem a terra et mari, et neminem sinebant ingredi vel egredi.",
      "citation": "1 Machabees 15:14 (Clementine Vulgate)"
    },
    {
      "verse": 15,
      "text": "Venit autem Numenius, et qui cum eo fuerant, ab urbe Roma, habentes epistolas regibus et regionibus scriptas, in quibus continebantur hæc :",
      "citation": "1 Machabees 15:15 (Clementine Vulgate)"
    },
    {
      "verse": 16,
      "text": "Lucius consul Romanorum, Ptolemæo regi salutem.",
      "citation": "1 Machabees 15:16 (Clementine Vulgate)"
    },
    {
      "verse": 17,
      "text": "Legati Judæorum venerunt ad nos amici nostri, renovantes pristinam amicitiam et societatem, missi a Simone principe sacerdotum et populo Judæorum.",
      "citation": "1 Machabees 15:17 (Clementine Vulgate)"
    },
    {
      "verse": 18,
      "text": "Attulerunt autem et clypeum aureum mnarum mille.",
      "citation": "1 Machabees 15:18 (Clementine Vulgate)"
    },
    {
      "verse": 19,
      "text": "Placuit itaque nobis scribere regibus et regionibus, ut non inferant illis mala, neque impugnent eos, et civitates eorum, et regiones eorum : et ut non ferant auxilium pugnantibus adversus eos.",
      "citation": "1 Machabees 15:19 (Clementine Vulgate)"
    },
    {
      "verse": 20,
      "text": "Visum autem est nobis accipere ab eis clypeum.",
      "citation": "1 Machabees 15:20 (Clementine Vulgate)"
    },
    {
      "verse": 21,
      "text": "Si qui ergo pestilentes refugerunt de regione ipsorum ad vos, tradite eos Simoni principi sacerdotum, ut vindicet in eos secundum legem suam.",
      "citation": "1 Machabees 15:21 (Clementine Vulgate)"
    },
    {
      "verse": 22,
      "text": "Hæc eadem scripta sunt Demetrio regi, et Attalo, et Ariarathi, et Arsaci,",
      "citation": "1 Machabees 15:22 (Clementine Vulgate)"
    },
    {
      "verse": 23,
      "text": "et in omnes regiones : et Lampsaco, et Spartiatis, et in Delum, et in Myndum, et in Sicyonem, et in Cariam, et in Samum, et in Pamphyliam, et in Lyciam, et in Alicarnassum, et in Coo, et in Siden, et in Aradon, et in Rhodum, et in Phaselidem, et in Gortynam, et Gnidum, et Cyprum, et Cyrenen.",
      "citation": "1 Machabees 15:23 (Clementine Vulgate)"
    },
    {
      "verse": 24,
      "text": "Exemplum autem eorum scripserunt Simoni principi sacerdotum, et populo Judæorum.",
      "citation": "1 Machabees 15:24 (Clementine Vulgate)"
    },
    {
      "verse": 25,
      "text": "Antiochus autem rex applicuit castra in Doram secundo, admovens ei semper manus, et machinas faciens : et conclusit Tryphonem, ne procederet :",
      "citation": "1 Machabees 15:25 (Clementine Vulgate)"
    },
    {
      "verse": 26,
      "text": "et misit ad eum Simon duo millia virorum electorum in auxilium, et argentum, et aurum, et vasa copiosa :",
      "citation": "1 Machabees 15:26 (Clementine Vulgate)"
    },
    {
      "verse": 27,
      "text": "et noluit ea accipere, sed rupit omnia, quæ pactus est cum eo antea, et alienavit se ab eo.",
      "citation": "1 Machabees 15:27 (Clementine Vulgate)"
    },
    {
      "verse": 28,
      "text": "Et misit ad eum Athenobium unum de amicis suis, ut tractaret cum ipso, dicens : Vos tenetis Joppen, et Gazaram, et arcem, quæ est in Jerusalem, civitates regni mei :",
      "citation": "1 Machabees 15:28 (Clementine Vulgate)"
    },
    {
      "verse": 29,
      "text": "fines earum desolastis, et fecistis plagam magnam in terra, et dominati estis per loca multa in regno meo.",
      "citation": "1 Machabees 15:29 (Clementine Vulgate)"
    },
    {
      "verse": 30,
      "text": "Nunc ergo tradite civitates quas occupastis, et tributa locorum in quibus dominati estis extra fines Judææ :",
      "citation": "1 Machabees 15:30 (Clementine Vulgate)"
    },
    {
      "verse": 31,
      "text": "sin autem, date pro illis quingenta talenta argenti, et exterminii, quod exterminastis, et tributorum civitatum alia talenta quingenta : sin autem, veniemus, et expugnabimus vos.",
      "citation": "1 Machabees 15:31 (Clementine Vulgate)"
    },
    {
      "verse": 32,
      "text": "Et venit Athenobius amicus regis in Jerusalem, et vidit gloriam Simonis, et claritatem in auro, et argento, et apparatum copiosum : et obstupuit, et retulit ei verba regis.",
      "citation": "1 Machabees 15:32 (Clementine Vulgate)"
    },
    {
      "verse": 33,
      "text": "Et respondit ei Simon, et dixit ei : Neque alienam terram sumpsimus, neque aliena detinemus : sed hæreditatem patrum nostrorum, quæ injuste ab inimicis nostris aliquo tempore possessa est.",
      "citation": "1 Machabees 15:33 (Clementine Vulgate)"
    },
    {
      "verse": 34,
      "text": "Nos vero tempus habentes, vindicamus hæreditatem patrum nostrorum.",
      "citation": "1 Machabees 15:34 (Clementine Vulgate)"
    },
    {
      "verse": 35,
      "text": "Nam de Joppe et Gazara quæ expostulas, ipsi faciebant in populo plagam magnam, et in regione nostra : horum damus talenta centum. Et non respondit ei Athenobius verbum.",
      "citation": "1 Machabees 15:35 (Clementine Vulgate)"
    },
    {
      "verse": 36,
      "text": "Reversus autem cum ira ad regem, renuntiavit ei verba ista, et gloriam Simonis, et universa quæ vidit, et iratus est rex ira magna.",
      "citation": "1 Machabees 15:36 (Clementine Vulgate)"
    },
    {
      "verse": 37,
      "text": "Tryphon autem fugit navi in Orthosiada.",
      "citation": "1 Machabees 15:37 (Clementine Vulgate)"
    },
    {
      "verse": 38,
      "text": "Et constituit rex Cendebæum ducem maritimum, et exercitum peditum et equitum dedit illi.",
      "citation": "1 Machabees 15:38 (Clementine Vulgate)"
    },
    {
      "verse": 39,
      "text": "Et mandavit illi movere castra contra faciem Judææ : et mandavit ei ædificare Gedorem, et obstruere portas civitatis, et debellare populum. Rex autem persequebatur Typhonem.",
      "citation": "1 Machabees 15:39 (Clementine Vulgate)"
    },
    {
      "verse": 40,
      "text": "Et pervenit Cendebæus Jamniam, et cœpit irritare plebem, et conculcare Judæam, et captivare populum, et interficere, et ædificare Gedorem.",
      "citation": "1 Machabees 15:40 (Clementine Vulgate)"
    },
    {
      "verse": 41,
      "text": "Et collocavit illic equites et exercitum, ut egressi perambularent viam Judææ, sicut constituit ei rex.",
      "citation": "1 Machabees 15:41 (Clementine Vulgate)"
    }
  ]
}