{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "1 Machabees, Chapter 5 — 68 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "1 Machabees",
      "slug": "1-machabees",
      "testament": "OT",
      "order": 45,
      "totalChapters": 16
    },
    "chapter": 5,
    "verseCount": 68,
    "navigation": {
      "htmlUrl": "https://latinprayer.org/latin/1-machabees/5/",
      "bookIndex": "https://latinprayer.org/latin/1-machabees/index.json",
      "bookHtmlUrl": "https://latinprayer.org/latin/1-machabees/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/1-machabees/4.json",
      "previousChapterHtmlUrl": "https://latinprayer.org/latin/1-machabees/4/",
      "nextChapter": "https://latinprayer.org/latin/1-machabees/6.json",
      "nextChapterHtmlUrl": "https://latinprayer.org/latin/1-machabees/6/"
    },
    "crossReferences": {
      "english": "https://latinprayer.org/bible/1-machabees/5.json",
      "englishHtmlUrl": "https://latinprayer.org/bible/1-machabees/5/",
      "german": "https://latinprayer.org/bibel/1-machabees/5.json",
      "germanHtmlUrl": "https://latinprayer.org/bibel/1-makkabaeer/5/"
    }
  },
  "citation": "1 Machabees 5 (Clementine Vulgate)",
  "verses": [
    {
      "verse": 1,
      "text": "Et factum est, ut audierunt gentes in circuitu quia ædificatum est altare et sanctuarium sicut prius, iratæ sunt valde :",
      "citation": "1 Machabees 5:1 (Clementine Vulgate)"
    },
    {
      "verse": 2,
      "text": "et cogitabant tollere genus Jacob, qui erant inter eos, et cœperunt occidere de populo, et persequi.",
      "citation": "1 Machabees 5:2 (Clementine Vulgate)"
    },
    {
      "verse": 3,
      "text": "Et debellabat Judas filios Esau in Idumæa, et eos qui erant in Acrabathane, quia circumsedebant Israëlitas : et percussit eos plaga magna.",
      "citation": "1 Machabees 5:3 (Clementine Vulgate)"
    },
    {
      "verse": 4,
      "text": "Et recordatus est malitiam filiorum Bean, qui erant populo in laqueum et in scandalum, insidiantes ei in via.",
      "citation": "1 Machabees 5:4 (Clementine Vulgate)"
    },
    {
      "verse": 5,
      "text": "Et conclusi sunt ab eo in turribus, et applicuit ad eos, et anathematizavit eos, et incendit turres eorum igni cum omnibus qui in eis erant.",
      "citation": "1 Machabees 5:5 (Clementine Vulgate)"
    },
    {
      "verse": 6,
      "text": "Et transivit ad filios Ammon, et invenit manum fortem, et populum copiosum, et Timotheum ducem ipsorum :",
      "citation": "1 Machabees 5:6 (Clementine Vulgate)"
    },
    {
      "verse": 7,
      "text": "et commisit cum eis prælia multa, et contriti sunt in conspectu eorum, et percussit eos :",
      "citation": "1 Machabees 5:7 (Clementine Vulgate)"
    },
    {
      "verse": 8,
      "text": "et cepit Gazer civitatem et filias ejus, et reversus est in Judæam.",
      "citation": "1 Machabees 5:8 (Clementine Vulgate)"
    },
    {
      "verse": 9,
      "text": "Et congregatæ sunt gentes quæ sunt in Galaad adversus Israëlitas, qui erant in finibus eorum, ut tollerent eos : et fugerunt in Datheman munitionem.",
      "citation": "1 Machabees 5:9 (Clementine Vulgate)"
    },
    {
      "verse": 10,
      "text": "Et miserunt litteras ad Judam et fratres ejus, dicentes : Congregatæ sunt adversum nos gentes per circuitum, ut nos auferant,",
      "citation": "1 Machabees 5:10 (Clementine Vulgate)"
    },
    {
      "verse": 11,
      "text": "et parant venire, et occupare munitionem, in quam confugimus : et Timotheus est dux exercitus eorum.",
      "citation": "1 Machabees 5:11 (Clementine Vulgate)"
    },
    {
      "verse": 12,
      "text": "Nunc ergo veni, et eripe nos de manibus eorum, quia cecidit multitudo de nobis.",
      "citation": "1 Machabees 5:12 (Clementine Vulgate)"
    },
    {
      "verse": 13,
      "text": "Et omnes fratres nostri, qui erant in locis Tubin, interfecti sunt : et captivas duxerunt uxores eorum, et natos, et spolia, et peremerunt illic fere mille viros.",
      "citation": "1 Machabees 5:13 (Clementine Vulgate)"
    },
    {
      "verse": 14,
      "text": "Et adhuc epistolæ legebantur, et ecce alii nuntii venerunt de Galilæa conscissis tunicis, nuntiantes secundum verba hæc :",
      "citation": "1 Machabees 5:14 (Clementine Vulgate)"
    },
    {
      "verse": 15,
      "text": "dicentes convenisse adversum se a Ptolemaida, et Tyro, et Sidone : et repleta est omnis Galilæa alienigenis, ut nos consumant.",
      "citation": "1 Machabees 5:15 (Clementine Vulgate)"
    },
    {
      "verse": 16,
      "text": "Ut audivit autem Judas et populus sermones istos, convenit ecclesia magna cogitare quid facerent fratribus suis, qui in tribulatione erant, et expugnabantur ab eis.",
      "citation": "1 Machabees 5:16 (Clementine Vulgate)"
    },
    {
      "verse": 17,
      "text": "Dixitque Judas Simoni fratri suo : Elige tibi viros, et vade, et libera fratres tuos in Galilæa : ego autem et frater meus Jonathas ibimus in Galaaditim.",
      "citation": "1 Machabees 5:17 (Clementine Vulgate)"
    },
    {
      "verse": 18,
      "text": "Et reliquit Josephum filium Zachariæ, et Azariam, duces populi, cum residuo exercitu in Judæa ad custodiam :",
      "citation": "1 Machabees 5:18 (Clementine Vulgate)"
    },
    {
      "verse": 19,
      "text": "et præcepit illis, dicens : Præestote populo huic : et nolite bellum committere adversum gentes, donec revertamur.",
      "citation": "1 Machabees 5:19 (Clementine Vulgate)"
    },
    {
      "verse": 20,
      "text": "Et partiti sunt Simoni viri tria millia, ut iret in Galilæam : Judæ autem octo millia in Galaaditim.",
      "citation": "1 Machabees 5:20 (Clementine Vulgate)"
    },
    {
      "verse": 21,
      "text": "Et abiit Simon in Galilæam, et commisit prælia multa cum gentibus : et contritæ sunt gentes a facie ejus, et persecutus est eos usque ad portam",
      "citation": "1 Machabees 5:21 (Clementine Vulgate)"
    },
    {
      "verse": 22,
      "text": "Ptolemaidis : et ceciderunt de gentibus fere tria millia virorum. Et accepit spolia eorum,",
      "citation": "1 Machabees 5:22 (Clementine Vulgate)"
    },
    {
      "verse": 23,
      "text": "et assumpsit eos qui erant in Galilæa et in Arbatis, cum uxoribus, et natis, et omnibus quæ erant illis, et adduxit in Judæam cum lætitia magna.",
      "citation": "1 Machabees 5:23 (Clementine Vulgate)"
    },
    {
      "verse": 24,
      "text": "Et Judas Machabæus, et Jonathas frater ejus, transierunt Jordanem, et abierunt viam trium dierum per desertum.",
      "citation": "1 Machabees 5:24 (Clementine Vulgate)"
    },
    {
      "verse": 25,
      "text": "Et occurrerunt eis Nabuthæi, et susceperunt eos pacifice, et narraverunt eis omnia quæ acciderant fratribus eorum in Galaaditide,",
      "citation": "1 Machabees 5:25 (Clementine Vulgate)"
    },
    {
      "verse": 26,
      "text": "et quia multi ex eis comprehensi sunt in Barasa, et Bosor, et in Alimis, et in Casphor, et Mageth, et Carnaim : hæ omnes civitates munitæ et magnæ.",
      "citation": "1 Machabees 5:26 (Clementine Vulgate)"
    },
    {
      "verse": 27,
      "text": "Sed et in ceteris civitatibus Galaaditidis tenentur comprehensi, et in crastinum constituerunt admovere exercitum civitatibus his, et comprehendere, et tollere eos in una die.",
      "citation": "1 Machabees 5:27 (Clementine Vulgate)"
    },
    {
      "verse": 28,
      "text": "Et convertit Judas et exercitus ejus viam in desertum Bosor repente, et occupavit civitatem : et occidit omnem masculum in ore gladii, et accepit omnia spolia eorum, et succendit eam igni.",
      "citation": "1 Machabees 5:28 (Clementine Vulgate)"
    },
    {
      "verse": 29,
      "text": "Et surrexerunt inde nocte, et ibant usque ad munitionem.",
      "citation": "1 Machabees 5:29 (Clementine Vulgate)"
    },
    {
      "verse": 30,
      "text": "Et factum est diluculo, cum elevassent oculos suos, ecce populus multus, cujus non erat numerus, portantes scalas et machinas ut comprehenderent munitionem, et expugnarent eos.",
      "citation": "1 Machabees 5:30 (Clementine Vulgate)"
    },
    {
      "verse": 31,
      "text": "Et vidit Judas quia cœpit bellum, et clamor belli ascendit ad cælum sicut tuba, et clamor magnus de civitate :",
      "citation": "1 Machabees 5:31 (Clementine Vulgate)"
    },
    {
      "verse": 32,
      "text": "et dixit exercitui suo : Pugnate hodie pro fratribus vestris.",
      "citation": "1 Machabees 5:32 (Clementine Vulgate)"
    },
    {
      "verse": 33,
      "text": "Et venit tribus ordinibus post eos, et exclamaverunt tubis, et clamaverunt in oratione.",
      "citation": "1 Machabees 5:33 (Clementine Vulgate)"
    },
    {
      "verse": 34,
      "text": "Et cognoverunt castra Timothei quia Machabæus est, et refugerunt a facie ejus : et percusserunt eos plaga magna. Et ceciderunt ex eis in die illa fere octo millia virorum.",
      "citation": "1 Machabees 5:34 (Clementine Vulgate)"
    },
    {
      "verse": 35,
      "text": "Et divertit Judas in Maspha, et expugnavit, et cepit eam : et occidit omnem masculum ejus, et sumpsit spolia ejus, et succendit eam igni.",
      "citation": "1 Machabees 5:35 (Clementine Vulgate)"
    },
    {
      "verse": 36,
      "text": "Inde perrexit, et cepit Casbon, et Mageth, et Bosor, et reliquas civitates Galaaditidis.",
      "citation": "1 Machabees 5:36 (Clementine Vulgate)"
    },
    {
      "verse": 37,
      "text": "Post hæc autem verba congregavit Timotheus exercitum alium, et castra posuit contra Raphon trans torrentem.",
      "citation": "1 Machabees 5:37 (Clementine Vulgate)"
    },
    {
      "verse": 38,
      "text": "Et misit Judas speculari exercitum : et renuntiaverunt ei, dicentes : Quia convenerunt ad eum omnes gentes quæ in circuitu nostro sunt, exercitus multus nimis :",
      "citation": "1 Machabees 5:38 (Clementine Vulgate)"
    },
    {
      "verse": 39,
      "text": "et Arabas conduxerunt in auxilium sibi, et castra posuerunt trans torrentem, parati ad te venire in prælium. Et abiit Judas obviam illis.",
      "citation": "1 Machabees 5:39 (Clementine Vulgate)"
    },
    {
      "verse": 40,
      "text": "Et ait Timotheus principibus exercitus sui : Cum appropinquaverit Judas, et exercitus ejus, ad torrentem aquæ : si transierit ad nos prior, non poterimus sustinere eum, quia potens poterit adversum nos ;",
      "citation": "1 Machabees 5:40 (Clementine Vulgate)"
    },
    {
      "verse": 41,
      "text": "si vero timuerit transire, et posuerit castra extra flumen, transfretamus ad eos, et poterimus adversus illum.",
      "citation": "1 Machabees 5:41 (Clementine Vulgate)"
    },
    {
      "verse": 42,
      "text": "Ut autem appropinquavit Judas ad torrentem aquæ, statuit scribas populi secus torrentem, et mandavit eis, dicens : Neminem hominem reliqueritis, sed veniant omnes in prælium.",
      "citation": "1 Machabees 5:42 (Clementine Vulgate)"
    },
    {
      "verse": 43,
      "text": "Et transfretavit ad illos prior, et omnis populus post eum, et contritæ sunt omnes gentes a facie eorum, et projecerunt arma sua, et fugerunt ad fanum, quod erat in Carnaim.",
      "citation": "1 Machabees 5:43 (Clementine Vulgate)"
    },
    {
      "verse": 44,
      "text": "Et occupavit ipsam civitatem, et fanum succendit igni cum omnibus qui erant in ipso : et oppressa est Carnaim, et non potuit sustinere contra faciem Judæ.",
      "citation": "1 Machabees 5:44 (Clementine Vulgate)"
    },
    {
      "verse": 45,
      "text": "Et congregavit Judas universos Israëlitas, qui erant in Galaaditide, a minimo usque ad maximum, et uxores eorum, et natos, et exercitum magnum valde, ut venirent in terram Juda.",
      "citation": "1 Machabees 5:45 (Clementine Vulgate)"
    },
    {
      "verse": 46,
      "text": "Et venerunt usque Ephron : et hæc civitas magna in ingressu posita, munita valde, et non erat declinare ab ea dextera vel sinistra, sed per mediam iter erat.",
      "citation": "1 Machabees 5:46 (Clementine Vulgate)"
    },
    {
      "verse": 47,
      "text": "Et incluserunt se qui erant in civitate, et obstruxerunt portas lapidibus : et misit ad eos Judas verbis pacificis,",
      "citation": "1 Machabees 5:47 (Clementine Vulgate)"
    },
    {
      "verse": 48,
      "text": "dicens : Transeamus per terram vestram, ut eamus in terram nostram : et nemo vobis nocebit, tantum pedibus transibimus. Et nolebant eis aperire.",
      "citation": "1 Machabees 5:48 (Clementine Vulgate)"
    },
    {
      "verse": 49,
      "text": "Et præcepit Judas prædicare in castris, ut applicarent unusquisque in quo erat loco :",
      "citation": "1 Machabees 5:49 (Clementine Vulgate)"
    },
    {
      "verse": 50,
      "text": "et applicuerunt se viri virtutis, et oppugnavit civitatem illam tota die et tota nocte, et tradita est civitas in manu ejus :",
      "citation": "1 Machabees 5:50 (Clementine Vulgate)"
    },
    {
      "verse": 51,
      "text": "et peremerunt omnem masculum in ore gladii, et eradicavit eam, et accepit spolia ejus : et transivit per totam civitatem super interfectos.",
      "citation": "1 Machabees 5:51 (Clementine Vulgate)"
    },
    {
      "verse": 52,
      "text": "Et transgressi sunt Jordanem in campo magno, contra faciem Bethsan.",
      "citation": "1 Machabees 5:52 (Clementine Vulgate)"
    },
    {
      "verse": 53,
      "text": "Et erat Judas congregans extremos, et exhortabatur populum per totam viam, donec venirent in terram Juda :",
      "citation": "1 Machabees 5:53 (Clementine Vulgate)"
    },
    {
      "verse": 54,
      "text": "et ascenderunt in montem Sion cum lætitia, et gaudio, et obtulerunt holocausta, quod nemo ex eis cecidisset donec reverterentur in pace.",
      "citation": "1 Machabees 5:54 (Clementine Vulgate)"
    },
    {
      "verse": 55,
      "text": "Et in diebus quibus erat Judas et Jonathas in terra Galaad, et Simon frater ejus in Galilæa contra faciem Ptolemaidis,",
      "citation": "1 Machabees 5:55 (Clementine Vulgate)"
    },
    {
      "verse": 56,
      "text": "audivit Josephus Zachariæ filius, et Azarias princeps virtutis, res bene gestas, et prælia quæ facta sunt,",
      "citation": "1 Machabees 5:56 (Clementine Vulgate)"
    },
    {
      "verse": 57,
      "text": "et dixit : Faciamus et ipsi nobis nomen, et eamus pugnare adversus gentes quæ in circuitu nostro sunt.",
      "citation": "1 Machabees 5:57 (Clementine Vulgate)"
    },
    {
      "verse": 58,
      "text": "Et præcepit his qui erant in exercitu suo, et abierunt Jamniam.",
      "citation": "1 Machabees 5:58 (Clementine Vulgate)"
    },
    {
      "verse": 59,
      "text": "Et exivit Gorgias de civitate, et viri ejus obviam illis in pugnam.",
      "citation": "1 Machabees 5:59 (Clementine Vulgate)"
    },
    {
      "verse": 60,
      "text": "Et fugati sunt Josephus et Azarias usque in fines Judææ : et ceciderunt illo die de populo Israël ad duo millia viri, et facta est fuga magna in populo :",
      "citation": "1 Machabees 5:60 (Clementine Vulgate)"
    },
    {
      "verse": 61,
      "text": "quia non audierunt Judam, et fratres ejus, existimantes fortiter se facturos.",
      "citation": "1 Machabees 5:61 (Clementine Vulgate)"
    },
    {
      "verse": 62,
      "text": "Ipsi autem non erant de semine virorum illorum, per quos salus facta est in Israël.",
      "citation": "1 Machabees 5:62 (Clementine Vulgate)"
    },
    {
      "verse": 63,
      "text": "Et viri Juda magnificati sunt valde in conspectu omnis Israël, et gentium omnium ubi audiebatur nomen eorum.",
      "citation": "1 Machabees 5:63 (Clementine Vulgate)"
    },
    {
      "verse": 64,
      "text": "Et convenerunt ad eos fausta acclamantes.",
      "citation": "1 Machabees 5:64 (Clementine Vulgate)"
    },
    {
      "verse": 65,
      "text": "Et exivit Judas et fratres ejus, et expugnabant filios Esau in terra quæ ad austrum est, et percussit Chebron et filias ejus : et muros ejus, et turres succendit igni in circuitu.",
      "citation": "1 Machabees 5:65 (Clementine Vulgate)"
    },
    {
      "verse": 66,
      "text": "Et movit castra ut iret in terram alienigenarum, et perambulabat Samariam.",
      "citation": "1 Machabees 5:66 (Clementine Vulgate)"
    },
    {
      "verse": 67,
      "text": "In die illa ceciderunt sacerdotes in bello, dum volunt fortiter facere, dum sine consilio exeunt in prælium.",
      "citation": "1 Machabees 5:67 (Clementine Vulgate)"
    },
    {
      "verse": 68,
      "text": "Et declinavit Judas in Azotum in terram alienigenarum, et diruit aras eorum, et sculptilia deorum ipsorum succendit igni : et cepit spolia civitatum, et reversus est in terram Juda.",
      "citation": "1 Machabees 5:68 (Clementine Vulgate)"
    }
  ]
}