{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "1 Machabees, Chapter 7 — 50 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "1 Machabees",
      "slug": "1-machabees",
      "testament": "OT",
      "order": 45,
      "totalChapters": 16
    },
    "chapter": 7,
    "verseCount": 50,
    "navigation": {
      "htmlUrl": "https://latinprayer.org/latin/1-machabees/7/",
      "bookIndex": "https://latinprayer.org/latin/1-machabees/index.json",
      "bookHtmlUrl": "https://latinprayer.org/latin/1-machabees/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/1-machabees/6.json",
      "previousChapterHtmlUrl": "https://latinprayer.org/latin/1-machabees/6/",
      "nextChapter": "https://latinprayer.org/latin/1-machabees/8.json",
      "nextChapterHtmlUrl": "https://latinprayer.org/latin/1-machabees/8/"
    },
    "crossReferences": {
      "english": "https://latinprayer.org/bible/1-machabees/7.json",
      "englishHtmlUrl": "https://latinprayer.org/bible/1-machabees/7/",
      "german": "https://latinprayer.org/bibel/1-machabees/7.json",
      "germanHtmlUrl": "https://latinprayer.org/bibel/1-makkabaeer/7/"
    }
  },
  "citation": "1 Machabees 7 (Clementine Vulgate)",
  "verses": [
    {
      "verse": 1,
      "text": "Anno centesimo quinquagesimo primo, exiit Demetrius Seleuci filius ab urbe Roma, et ascendit cum paucis viris in civitatem maritimam, et regnavit illic.",
      "citation": "1 Machabees 7:1 (Clementine Vulgate)"
    },
    {
      "verse": 2,
      "text": "Et factum est, ut ingressus est domum regni patrum suorum, comprehendit exercitus Antiochum et Lysiam, ut adducerent eos ad eum.",
      "citation": "1 Machabees 7:2 (Clementine Vulgate)"
    },
    {
      "verse": 3,
      "text": "Et res ei innotuit, et ait : Nolite mihi ostendere faciem eorum.",
      "citation": "1 Machabees 7:3 (Clementine Vulgate)"
    },
    {
      "verse": 4,
      "text": "Et occidit eos exercitus. Et sedit Demetrius super sedem regni sui.",
      "citation": "1 Machabees 7:4 (Clementine Vulgate)"
    },
    {
      "verse": 5,
      "text": "Et venerunt ad eum viri iniqui et impii ex Israël : et Alcimus dux eorum, qui volebat fieri sacerdos.",
      "citation": "1 Machabees 7:5 (Clementine Vulgate)"
    },
    {
      "verse": 6,
      "text": "Et accusaverunt populum apud regem, dicentes : Perdidit Judas et fratres ejus omnes amicos tuos, et nos dispersit de terra nostra.",
      "citation": "1 Machabees 7:6 (Clementine Vulgate)"
    },
    {
      "verse": 7,
      "text": "Nunc ergo mitte virum, cui credis, ut eat, et videat exterminium omne quod fecit nobis, et regionibus regis : et puniat omnes amicos ejus, et adjutores eorum.",
      "citation": "1 Machabees 7:7 (Clementine Vulgate)"
    },
    {
      "verse": 8,
      "text": "Et elegit rex ex amicis suis Bacchidem, qui dominabatur trans flumen magnum in regno, et fidelem regi : et misit eum,",
      "citation": "1 Machabees 7:8 (Clementine Vulgate)"
    },
    {
      "verse": 9,
      "text": "ut videret exterminium quod fecit Judas : sed et Alcimum impium constituit in sacerdotium, et mandavit ei facere ultionem in filios Israël.",
      "citation": "1 Machabees 7:9 (Clementine Vulgate)"
    },
    {
      "verse": 10,
      "text": "Et surrexerunt, et venerunt cum exercitu magno in terram Juda : et miserunt nuntios, et locuti sunt ad Judam et ad fratres ejus verbis pacificis in dolo.",
      "citation": "1 Machabees 7:10 (Clementine Vulgate)"
    },
    {
      "verse": 11,
      "text": "Et non intenderunt sermonibus eorum : viderunt enim quia venerunt cum exercitu magno.",
      "citation": "1 Machabees 7:11 (Clementine Vulgate)"
    },
    {
      "verse": 12,
      "text": "Et convenerunt ad Alcimum et Bacchidem congregatio scribarum requirere quæ justa sunt :",
      "citation": "1 Machabees 7:12 (Clementine Vulgate)"
    },
    {
      "verse": 13,
      "text": "et primi, Assidæi qui erant in filiis Israël : et exquirebant ab eis pacem.",
      "citation": "1 Machabees 7:13 (Clementine Vulgate)"
    },
    {
      "verse": 14,
      "text": "Dixerunt enim : Homo sacerdos de semine Aaron venit ; non decipiet nos :",
      "citation": "1 Machabees 7:14 (Clementine Vulgate)"
    },
    {
      "verse": 15,
      "text": "et locutus est cum eis verba pacifica, et juravit illis, dicens : Non inferemus vobis malum, neque amicis vestris.",
      "citation": "1 Machabees 7:15 (Clementine Vulgate)"
    },
    {
      "verse": 16,
      "text": "Et crediderunt ei : et comprehendit ex eis sexaginta viros, et occidit eos in una die, secundum verbum quod scriptum est :",
      "citation": "1 Machabees 7:16 (Clementine Vulgate)"
    },
    {
      "verse": 17,
      "text": "Carnes sanctorum tuorum, et sanguinem ipsorum effuderunt in circuitu Jerusalem, et non erat qui sepeliret.",
      "citation": "1 Machabees 7:17 (Clementine Vulgate)"
    },
    {
      "verse": 18,
      "text": "Et incubuit timor et tremor in omnem populum : quia dixerunt : Non est veritas, et judicium in eis : transgressi sunt enim constitutum, et jusjurandum quod juraverunt.",
      "citation": "1 Machabees 7:18 (Clementine Vulgate)"
    },
    {
      "verse": 19,
      "text": "Et movit Bacchides castra ab Jerusalem, et applicuit in Bethzecha : et misit, et comprehendit multos ex eis qui a se effugerant : et quosdam de populo mactavit, et in puteum magnum projecit.",
      "citation": "1 Machabees 7:19 (Clementine Vulgate)"
    },
    {
      "verse": 20,
      "text": "Et commisit regionem Alcimo, et reliquit cum eo auxilium in adjutorium ipsi. Et abiit Bacchides ad regem :",
      "citation": "1 Machabees 7:20 (Clementine Vulgate)"
    },
    {
      "verse": 21,
      "text": "et satis agebat Alcimus pro principatu sacerdotii sui :",
      "citation": "1 Machabees 7:21 (Clementine Vulgate)"
    },
    {
      "verse": 22,
      "text": "et convenerunt ad eum omnes, qui perturbabant populum suum, et obtinuerunt terram Juda, et fecerunt plagam magnam in Israël.",
      "citation": "1 Machabees 7:22 (Clementine Vulgate)"
    },
    {
      "verse": 23,
      "text": "Et vidit Judas omnia mala quæ fecit Alcimus et qui cum eo erant filiis Israël, multo plus quam gentes :",
      "citation": "1 Machabees 7:23 (Clementine Vulgate)"
    },
    {
      "verse": 24,
      "text": "et exiit in omnes fines Judææ in circuitu, et fecit vindictam in viros desertores, et cessaverunt ultra exire in regionem.",
      "citation": "1 Machabees 7:24 (Clementine Vulgate)"
    },
    {
      "verse": 25,
      "text": "Vidit autem Alcimus quod prævaluit Judas et qui cum eo erant, et cognovit quia non potest sustinere eos : et regressus est ad regem, et accusavit eos multis criminibus.",
      "citation": "1 Machabees 7:25 (Clementine Vulgate)"
    },
    {
      "verse": 26,
      "text": "Et misit rex Nicanorem, unum ex principibus suis nobilioribus, qui erat inimicitias exercens contra Israël : et mandavit ei evertere populum.",
      "citation": "1 Machabees 7:26 (Clementine Vulgate)"
    },
    {
      "verse": 27,
      "text": "Et venit Nicanor in Jerusalem cum exercitu magno, et misit ad Judam et ad fratres ejus verbis pacificis cum dolo,",
      "citation": "1 Machabees 7:27 (Clementine Vulgate)"
    },
    {
      "verse": 28,
      "text": "dicens : Non sit pugna inter me et vos : veniam cum viris paucis, ut videam facies vestras cum pace.",
      "citation": "1 Machabees 7:28 (Clementine Vulgate)"
    },
    {
      "verse": 29,
      "text": "Et venit ad Judam, et salutaverunt se invicem pacifice : et hostes parati erant rapere Judam.",
      "citation": "1 Machabees 7:29 (Clementine Vulgate)"
    },
    {
      "verse": 30,
      "text": "Et innotuit sermo Judæ quoniam cum dolo venerat ad eum : et conterritus est ab eo, et amplius noluit videre faciem ejus.",
      "citation": "1 Machabees 7:30 (Clementine Vulgate)"
    },
    {
      "verse": 31,
      "text": "Et cognovit Nicanor quoniam denudatum est consilium ejus : et exivit obviam Judæ in pugnam juxta Capharsalama.",
      "citation": "1 Machabees 7:31 (Clementine Vulgate)"
    },
    {
      "verse": 32,
      "text": "Et ceciderunt de Nicanoris exercitu fere quinque millia viri, et fugerunt in civitatem David.",
      "citation": "1 Machabees 7:32 (Clementine Vulgate)"
    },
    {
      "verse": 33,
      "text": "Et post hæc verba ascendit Nicanor in montem Sion : et exierunt de sacerdotibus populi salutare eum in pace, et demonstrare ei holocautomata, quæ offerebantur pro rege.",
      "citation": "1 Machabees 7:33 (Clementine Vulgate)"
    },
    {
      "verse": 34,
      "text": "Et irridens sprevit eos, et polluit : et locutus est superbe,",
      "citation": "1 Machabees 7:34 (Clementine Vulgate)"
    },
    {
      "verse": 35,
      "text": "et juravit cum ira, dicens : Nisi traditus fuerit Judas et exercitus ejus in manus meas, continuo cum regressus fuero in pace, succendam domum istam. Et exiit cum ira magna.",
      "citation": "1 Machabees 7:35 (Clementine Vulgate)"
    },
    {
      "verse": 36,
      "text": "Et intraverunt sacerdotes, et steterunt ante faciem altaris et templi, et flentes dixerunt :",
      "citation": "1 Machabees 7:36 (Clementine Vulgate)"
    },
    {
      "verse": 37,
      "text": "Tu, Domine, elegisti domum istam ad invocandum nomen tuum in ea, ut esset domus orationis et obsecrationis populo tuo :",
      "citation": "1 Machabees 7:37 (Clementine Vulgate)"
    },
    {
      "verse": 38,
      "text": "fac vindictam in homine isto et exercitu ejus, et cadant in gladio : memento blasphemias eorum, et ne dederis eis ut permaneant.",
      "citation": "1 Machabees 7:38 (Clementine Vulgate)"
    },
    {
      "verse": 39,
      "text": "Et exiit Nicanor ab Jerusalem, et castra applicuit ad Bethoron : et occurrit illi exercitus Syriæ.",
      "citation": "1 Machabees 7:39 (Clementine Vulgate)"
    },
    {
      "verse": 40,
      "text": "Et Judas applicuit in Adarsa cum tribus millibus viris : et oravit Judas, et dixit :",
      "citation": "1 Machabees 7:40 (Clementine Vulgate)"
    },
    {
      "verse": 41,
      "text": "Qui missi erant a rege Sennacherib, Domine, quia blasphemaverunt te, exiit angelus, et percussit ex eis centum octoginta quinque millia :",
      "citation": "1 Machabees 7:41 (Clementine Vulgate)"
    },
    {
      "verse": 42,
      "text": "sic contere exercitum istum in conspectu nostro hodie : et sciant ceteri quia male locutus est super sancta tua : et judica illum secundum malitiam illius.",
      "citation": "1 Machabees 7:42 (Clementine Vulgate)"
    },
    {
      "verse": 43,
      "text": "Et commiserunt exercitus prælium tertiadecima die mensis Adar : et contrita sunt castra Nicanoris, et cecidit ipse primus in prælio.",
      "citation": "1 Machabees 7:43 (Clementine Vulgate)"
    },
    {
      "verse": 44,
      "text": "Ut autem vidit exercitus ejus quia cecidisset Nicanor, projecerunt arma sua, et fugerunt :",
      "citation": "1 Machabees 7:44 (Clementine Vulgate)"
    },
    {
      "verse": 45,
      "text": "et persecuti sunt eos viam unius diei ab Adazer usquequo veniatur in Gazara, et tubis cecinerunt post eos cum significationibus :",
      "citation": "1 Machabees 7:45 (Clementine Vulgate)"
    },
    {
      "verse": 46,
      "text": "et exierunt de omnibus castellis Judææ in circuitu, et ventilabant eos cornibus, et convertebantur iterum ad eos, et ceciderunt omnes gladio, et non est relictus ex eis nec unus.",
      "citation": "1 Machabees 7:46 (Clementine Vulgate)"
    },
    {
      "verse": 47,
      "text": "Et acceperunt spolia eorum in prædam : et caput Nicanoris amputaverunt, et dexteram ejus, quam extenderat superbe, et attulerunt, et suspenderunt contra Jerusalem.",
      "citation": "1 Machabees 7:47 (Clementine Vulgate)"
    },
    {
      "verse": 48,
      "text": "Et lætatus est populus valde, et egerunt diem illam in lætitia magna.",
      "citation": "1 Machabees 7:48 (Clementine Vulgate)"
    },
    {
      "verse": 49,
      "text": "Et constituit agi omnibus annis diem istam tertiadecima die mensis Adar.",
      "citation": "1 Machabees 7:49 (Clementine Vulgate)"
    },
    {
      "verse": 50,
      "text": "Et siluit terra Juda dies paucos.",
      "citation": "1 Machabees 7:50 (Clementine Vulgate)"
    }
  ]
}