{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "1 Paralipomenon, Chapter 19 — 19 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "1 Paralipomenon",
      "slug": "1-paralipomenon",
      "testament": "OT",
      "order": 13,
      "totalChapters": 29
    },
    "chapter": 19,
    "verseCount": 19,
    "navigation": {
      "htmlUrl": "https://latinprayer.org/latin/1-paralipomenon/19/",
      "bookIndex": "https://latinprayer.org/latin/1-paralipomenon/index.json",
      "bookHtmlUrl": "https://latinprayer.org/latin/1-paralipomenon/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/1-paralipomenon/18.json",
      "previousChapterHtmlUrl": "https://latinprayer.org/latin/1-paralipomenon/18/",
      "nextChapter": "https://latinprayer.org/latin/1-paralipomenon/20.json",
      "nextChapterHtmlUrl": "https://latinprayer.org/latin/1-paralipomenon/20/"
    },
    "crossReferences": {
      "english": "https://latinprayer.org/bible/1-paralipomenon/19.json",
      "englishHtmlUrl": "https://latinprayer.org/bible/1-paralipomenon/19/",
      "german": "https://latinprayer.org/bibel/1-paralipomenon/19.json",
      "germanHtmlUrl": "https://latinprayer.org/bibel/1-chronik/19/"
    }
  },
  "citation": "1 Paralipomenon 19 (Clementine Vulgate)",
  "verses": [
    {
      "verse": 1,
      "text": "Accidit autem ut moreretur Naas rex filiorum Ammon, et regnaret filius ejus pro eo.",
      "citation": "1 Paralipomenon 19:1 (Clementine Vulgate)"
    },
    {
      "verse": 2,
      "text": "Dixitque David : Faciam misericordiam cum Hanon filio Naas : præstitit enim mihi pater ejus gratiam. Misitque David nuntios ad consolandum eum super morte patris sui. Qui cum pervenissent in terram filiorum Ammon ut consolarentur Hanon,",
      "citation": "1 Paralipomenon 19:2 (Clementine Vulgate)"
    },
    {
      "verse": 3,
      "text": "dixerunt principes filiorum Ammon ad Hanon : Tu forsitan putas, quod David honoris causa in patrem tuum miserit qui consolentur te : nec animadvertis quod ut explorent, et investigent, et scrutentur terram tuam, venerint ad te servi ejus.",
      "citation": "1 Paralipomenon 19:3 (Clementine Vulgate)"
    },
    {
      "verse": 4,
      "text": "Igitur Hanon pueros David decalvavit, et rasit, et præcidit tunicas eorum a natibus usque ad pedes, et dimisit eos.",
      "citation": "1 Paralipomenon 19:4 (Clementine Vulgate)"
    },
    {
      "verse": 5,
      "text": "Qui cum abiissent, et hoc mandassent David, misit in occursum eorum (grandem enim contumeliam sustinuerant) et præcepit ut manerent in Jericho, donec cresceret barba eorum, et tunc reverterentur.",
      "citation": "1 Paralipomenon 19:5 (Clementine Vulgate)"
    },
    {
      "verse": 6,
      "text": "Videntes autem filii Ammon quod injuriam fecissent David, tam Hanon quam reliquus populus, miserunt mille talenta argenti, ut conducerent sibi de Mesopotamia, et de Syria Maacha, et de Soba currus et equites.",
      "citation": "1 Paralipomenon 19:6 (Clementine Vulgate)"
    },
    {
      "verse": 7,
      "text": "Conduxeruntque triginta duo millia curruum, et regem Maacha cum populo ejus. Qui cum venissent, castrametati sunt e regione Medaba. Filii quoque Ammon congregati de urbibus suis venerunt ad bellum.",
      "citation": "1 Paralipomenon 19:7 (Clementine Vulgate)"
    },
    {
      "verse": 8,
      "text": "Quod cum audisset David, misit Joab, et omnem exercitum virorum fortium :",
      "citation": "1 Paralipomenon 19:8 (Clementine Vulgate)"
    },
    {
      "verse": 9,
      "text": "egressique filii Ammon, direxerunt aciem juxta portam civitatis ; reges autem, qui ad auxilium ejus venerant, separatim in agro steterunt.",
      "citation": "1 Paralipomenon 19:9 (Clementine Vulgate)"
    },
    {
      "verse": 10,
      "text": "Igitur Joab, intelligens bellum ex adverso et post tergum contra se fieri, elegit viros fortissimos de universo Israël, et perrexit contra Syrum.",
      "citation": "1 Paralipomenon 19:10 (Clementine Vulgate)"
    },
    {
      "verse": 11,
      "text": "Reliquam autem partem populi dedit sub manu Abisai fratris sui : et perrexerunt contra filios Ammon.",
      "citation": "1 Paralipomenon 19:11 (Clementine Vulgate)"
    },
    {
      "verse": 12,
      "text": "Dixitque : Si vicerit me Syrus, auxilio eris mihi : si autem superaverint te filii Ammon, ero tibi in præsidium.",
      "citation": "1 Paralipomenon 19:12 (Clementine Vulgate)"
    },
    {
      "verse": 13,
      "text": "Confortare, et agamus viriliter pro populo nostro, et pro urbibus Dei nostri : Dominus autem, quod in conspectu suo bonum est, faciet.",
      "citation": "1 Paralipomenon 19:13 (Clementine Vulgate)"
    },
    {
      "verse": 14,
      "text": "Perrexit ergo Joab et populus qui cum eo erat, contra Syrum ad prælium : et fugavit eos.",
      "citation": "1 Paralipomenon 19:14 (Clementine Vulgate)"
    },
    {
      "verse": 15,
      "text": "Porro filii Ammon videntes quod fugisset Syrus, ipsi quoque fugerunt Abisai fratrem ejus, et ingressi sunt civitatem : reversusque est etiam Joab in Jerusalem.",
      "citation": "1 Paralipomenon 19:15 (Clementine Vulgate)"
    },
    {
      "verse": 16,
      "text": "Videns autem Syrus quod cecidisset coram Israël, misit nuntios, et adduxit Syrum, qui erat trans fluvium : Sophach autem princeps militiæ Adarezer erat dux eorum.",
      "citation": "1 Paralipomenon 19:16 (Clementine Vulgate)"
    },
    {
      "verse": 17,
      "text": "Quod cum nuntiatum esset David, congregavit universum Israël, et transivit Jordanem, irruitque in eos et direxit ex adverso aciem, illis contra pugnantibus.",
      "citation": "1 Paralipomenon 19:17 (Clementine Vulgate)"
    },
    {
      "verse": 18,
      "text": "Fugit autem Syrus Israël, et interfecit David de Syris septem millia curruum, et quadraginta millia peditum, et Sophach exercitus principem.",
      "citation": "1 Paralipomenon 19:18 (Clementine Vulgate)"
    },
    {
      "verse": 19,
      "text": "Videntes autem servi Adarezer se ab Israël esse superatos, transfugerunt ad David, et servierunt ei : noluitque ultra Syria auxilium præbere filiis Ammon.",
      "citation": "1 Paralipomenon 19:19 (Clementine Vulgate)"
    }
  ]
}