{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "1 Paralipomenon, Chapter 22 — 19 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "1 Paralipomenon",
      "slug": "1-paralipomenon",
      "testament": "OT",
      "order": 13,
      "totalChapters": 29
    },
    "chapter": 22,
    "verseCount": 19,
    "navigation": {
      "htmlUrl": "https://latinprayer.org/latin/1-paralipomenon/22/",
      "bookIndex": "https://latinprayer.org/latin/1-paralipomenon/index.json",
      "bookHtmlUrl": "https://latinprayer.org/latin/1-paralipomenon/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/1-paralipomenon/21.json",
      "previousChapterHtmlUrl": "https://latinprayer.org/latin/1-paralipomenon/21/",
      "nextChapter": "https://latinprayer.org/latin/1-paralipomenon/23.json",
      "nextChapterHtmlUrl": "https://latinprayer.org/latin/1-paralipomenon/23/"
    },
    "crossReferences": {
      "english": "https://latinprayer.org/bible/1-paralipomenon/22.json",
      "englishHtmlUrl": "https://latinprayer.org/bible/1-paralipomenon/22/",
      "german": "https://latinprayer.org/bibel/1-paralipomenon/22.json",
      "germanHtmlUrl": "https://latinprayer.org/bibel/1-chronik/22/"
    }
  },
  "citation": "1 Paralipomenon 22 (Clementine Vulgate)",
  "verses": [
    {
      "verse": 1,
      "text": "Dixitque David : Hæc est domus Dei, et hoc altare in holocaustum Israëli.",
      "citation": "1 Paralipomenon 22:1 (Clementine Vulgate)"
    },
    {
      "verse": 2,
      "text": "Et præcepit ut congregarentur omnes proselyti de terra Israël, et constituit ex eis latomos ad cædendos lapides et poliendos, ut ædificaretur domus Dei.",
      "citation": "1 Paralipomenon 22:2 (Clementine Vulgate)"
    },
    {
      "verse": 3,
      "text": "Ferrum quoque plurimum ad clavos januarum, et ad commissuras atque juncturas, præparavit David : et æris pondus innumerabile.",
      "citation": "1 Paralipomenon 22:3 (Clementine Vulgate)"
    },
    {
      "verse": 4,
      "text": "Ligna quoque cedrina non poterant æstimari, quæ Sidonii et Tyrii deportaverant ad David.",
      "citation": "1 Paralipomenon 22:4 (Clementine Vulgate)"
    },
    {
      "verse": 5,
      "text": "Et dixit David : Solomon filius meus puer parvulus est et delicatus : domus autem, quam ædificari volo Domino, talis esse debet ut in cunctis regionibus nominetur : præparabo ergo ei necessaria. Et ob hanc causam ante mortem suam omnes præparavit impensas.",
      "citation": "1 Paralipomenon 22:5 (Clementine Vulgate)"
    },
    {
      "verse": 6,
      "text": "Vocavitque Salomonem filium suum, et præcepit ei ut ædificaret domum Domino Deo Israël.",
      "citation": "1 Paralipomenon 22:6 (Clementine Vulgate)"
    },
    {
      "verse": 7,
      "text": "Dixitque David ad Salomonem : Fili mi, voluntatis meæ fuit ut ædificarem domum nomini Domini Dei mei :",
      "citation": "1 Paralipomenon 22:7 (Clementine Vulgate)"
    },
    {
      "verse": 8,
      "text": "sed factus est sermo Domini ad me, dicens : Multum sanguinem effudisti, et plurima bella bellasti : non poteris ædificare domum nomini meo, tanto effuso sanguine coram me :",
      "citation": "1 Paralipomenon 22:8 (Clementine Vulgate)"
    },
    {
      "verse": 9,
      "text": "filius qui nascetur tibi, erit vir quietissimus : faciam enim eum requiescere ab omnibus inimicis suis per circuitum : et ob hanc causam Pacificus vocabitur : et pacem et otium dabo in Israël cunctis diebus ejus.",
      "citation": "1 Paralipomenon 22:9 (Clementine Vulgate)"
    },
    {
      "verse": 10,
      "text": "Ipse ædificabit domum nomini meo, et ipse erit mihi in filium, et ego ero illi in patrem : firmaboque solium regni ejus super Israël in æternum.",
      "citation": "1 Paralipomenon 22:10 (Clementine Vulgate)"
    },
    {
      "verse": 11,
      "text": "Nunc ergo fili mi, sit Dominus tecum, et prosperare, et ædifica domum Domino Deo tuo sicut locutus est de te.",
      "citation": "1 Paralipomenon 22:11 (Clementine Vulgate)"
    },
    {
      "verse": 12,
      "text": "Det quoque Dominus prudentiam et sensum ut regere possis Israël, et custodire legem Domini Dei tui.",
      "citation": "1 Paralipomenon 22:12 (Clementine Vulgate)"
    },
    {
      "verse": 13,
      "text": "Tunc enim proficere poteris, si custodieris mandata et judicia quæ præcepit Dominus Moysi ut doceret Israël. Confortare, et viriliter age : ne timeas, neque paveas.",
      "citation": "1 Paralipomenon 22:13 (Clementine Vulgate)"
    },
    {
      "verse": 14,
      "text": "Ecce ego in paupertate mea præparavi impensas domus Domini, auri talenta centum millia, et argenti mille millia talentorum : æris vero et ferri non est pondus, vincitur enim numerus magnitudine ; ligna et lapides præparavi ad universa impendia.",
      "citation": "1 Paralipomenon 22:14 (Clementine Vulgate)"
    },
    {
      "verse": 15,
      "text": "Habes quoque plurimos artifices, latomos, et cæmentarios, artificesque lignorum, et omnium artium ad faciendum opus prudentissimos,",
      "citation": "1 Paralipomenon 22:15 (Clementine Vulgate)"
    },
    {
      "verse": 16,
      "text": "in auro et argento et ære et ferro, cujus non est numerus. Surge igitur et fac, et erit Dominus tecum.",
      "citation": "1 Paralipomenon 22:16 (Clementine Vulgate)"
    },
    {
      "verse": 17,
      "text": "Præcepit quoque David cunctis principibus Israël ut adjuvarent Salomonem filium suum :",
      "citation": "1 Paralipomenon 22:17 (Clementine Vulgate)"
    },
    {
      "verse": 18,
      "text": "Cernitis, inquiens, quod Dominus Deus vester vobiscum sit, et dederit vobis requiem per circuitum, et tradiderit omnes inimicos vestros in manus vestras, et subjecta sit terra coram Domino, et coram populo ejus.",
      "citation": "1 Paralipomenon 22:18 (Clementine Vulgate)"
    },
    {
      "verse": 19,
      "text": "Præbete igitur corda vestra et animas vestras, ut quæratis Dominum Deum vestrum : et consurgite, et ædificate sanctuarium Domino Deo, ut introducatur arca fœderis Domini, et vasa Domino consecrata, in domum quæ ædificatur nomini Domini.",
      "citation": "1 Paralipomenon 22:19 (Clementine Vulgate)"
    }
  ]
}