{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "1 Paralipomenon, Chapter 29 — 30 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "1 Paralipomenon",
      "slug": "1-paralipomenon",
      "testament": "OT",
      "order": 13,
      "totalChapters": 29
    },
    "chapter": 29,
    "verseCount": 30,
    "navigation": {
      "htmlUrl": "https://latinprayer.org/latin/1-paralipomenon/29/",
      "bookIndex": "https://latinprayer.org/latin/1-paralipomenon/index.json",
      "bookHtmlUrl": "https://latinprayer.org/latin/1-paralipomenon/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/1-paralipomenon/28.json",
      "previousChapterHtmlUrl": "https://latinprayer.org/latin/1-paralipomenon/28/",
      "nextChapter": null,
      "nextChapterHtmlUrl": null
    },
    "crossReferences": {
      "english": "https://latinprayer.org/bible/1-paralipomenon/29.json",
      "englishHtmlUrl": "https://latinprayer.org/bible/1-paralipomenon/29/",
      "german": "https://latinprayer.org/bibel/1-paralipomenon/29.json",
      "germanHtmlUrl": "https://latinprayer.org/bibel/1-chronik/29/"
    }
  },
  "citation": "1 Paralipomenon 29 (Clementine Vulgate)",
  "verses": [
    {
      "verse": 1,
      "text": "Locutusque est David rex ad omnem ecclesiam : Salomonem filium meum unum elegit Deus, adhuc puerum et tenellum : opus namque grande est, neque enim homini præparatur habitatio, sed Deo.",
      "citation": "1 Paralipomenon 29:1 (Clementine Vulgate)"
    },
    {
      "verse": 2,
      "text": "Ego autem totis viribus meis præparavi impensas domus Dei mei. Aurum ad vasa aurea, et argentum in argentea, æs in ænea, ferrum in ferrea, ligna ad lignea : et lapides onychinos, et quasi stibinos, et diversorum colorum, omnemque pretiosum lapidem, et marmor Parium abundantissime :",
      "citation": "1 Paralipomenon 29:2 (Clementine Vulgate)"
    },
    {
      "verse": 3,
      "text": "et super hæc quæ obtuli in domum Dei mei de peculio meo aurum et argentum, do in templum Dei mei, exceptis his quæ præparavi in ædem sanctam.",
      "citation": "1 Paralipomenon 29:3 (Clementine Vulgate)"
    },
    {
      "verse": 4,
      "text": "Tria millia talenta auri de auro Ophir, et septem millia talentorum argenti probatissimi ad deaurandos parietes templi.",
      "citation": "1 Paralipomenon 29:4 (Clementine Vulgate)"
    },
    {
      "verse": 5,
      "text": "Et ubicumque opus est aurum de auro, et ubicumque opus est argentum de argento, opera fiant per manus artificum : et si quis sponte offert, impleat manum suam hodie, et offerat quod voluerit Domino.",
      "citation": "1 Paralipomenon 29:5 (Clementine Vulgate)"
    },
    {
      "verse": 6,
      "text": "Polliciti sunt itaque principes familiarum, et proceres tribuum Israël, tribuni quoque, et centuriones, et principes possessionum regis.",
      "citation": "1 Paralipomenon 29:6 (Clementine Vulgate)"
    },
    {
      "verse": 7,
      "text": "Dederuntque in opera domus Dei auri talenta quinque millia, et solidos decem millia : argenti talenta decem millia, et æris talenta decem et octo millia : ferri quoque centum millia talentorum.",
      "citation": "1 Paralipomenon 29:7 (Clementine Vulgate)"
    },
    {
      "verse": 8,
      "text": "Et apud quemcumque inventi sunt lapides, dederunt in thesauros domus Domini per manum Jahiel Gersonitis.",
      "citation": "1 Paralipomenon 29:8 (Clementine Vulgate)"
    },
    {
      "verse": 9,
      "text": "Lætatusque est populus cum vota sponte promitterent, quia corde toto offerebant ea Domino : sed et David rex lætatus est gaudio magno.",
      "citation": "1 Paralipomenon 29:9 (Clementine Vulgate)"
    },
    {
      "verse": 10,
      "text": "Et benedixit Domino coram universa multitudine, et ait : Benedictus es, Domine Deus Israël patris nostri, ab æterno in æternum.",
      "citation": "1 Paralipomenon 29:10 (Clementine Vulgate)"
    },
    {
      "verse": 11,
      "text": "Tua est, Domine, magnificentia, et potentia, et gloria, atque victoria : et tibi laus : cuncta enim quæ in cælo sunt et in terra, tua sunt : tuum, Domine, regnum, et tu es super omnes principes.",
      "citation": "1 Paralipomenon 29:11 (Clementine Vulgate)"
    },
    {
      "verse": 12,
      "text": "Tuæ divitiæ, et tua est gloria : tu dominaris omnium. In manu tua virtus et potentia : in manu tua magnitudo, et imperium omnium.",
      "citation": "1 Paralipomenon 29:12 (Clementine Vulgate)"
    },
    {
      "verse": 13,
      "text": "Nunc igitur Deus noster, confitemur tibi, et laudamus nomen tuum inclytum.",
      "citation": "1 Paralipomenon 29:13 (Clementine Vulgate)"
    },
    {
      "verse": 14,
      "text": "Quis ego, et quis populus meus, ut possimus hæc tibi universa promittere ? Tua sunt omnia : et quæ de manu tua accepimus, dedimus tibi.",
      "citation": "1 Paralipomenon 29:14 (Clementine Vulgate)"
    },
    {
      "verse": 15,
      "text": "Peregrini enim sumus coram te, et advenæ, sicut omnes patres nostri. Dies nostri quasi umbra super terram, et nulla est mora.",
      "citation": "1 Paralipomenon 29:15 (Clementine Vulgate)"
    },
    {
      "verse": 16,
      "text": "Domine Deus noster, omnis hæc copia quam paravimus ut ædificaretur domus nomini sancto tuo, de manu tua est, et tua sunt omnia.",
      "citation": "1 Paralipomenon 29:16 (Clementine Vulgate)"
    },
    {
      "verse": 17,
      "text": "Scio, Deus meus, quod probes corda, et simplicitatem diligas, unde et ego in simplicitate cordis mei lætus obtuli universa hæc : et populum tuum qui hic repertus est, vidi cum ingenti gaudio tibi offerre donaria.",
      "citation": "1 Paralipomenon 29:17 (Clementine Vulgate)"
    },
    {
      "verse": 18,
      "text": "Domine Deus Abraham, et Isaac, et Israël patrum nostrorum, custodi in æternum hanc voluntatem cordis eorum, et semper in venerationem tui mens ista permaneat.",
      "citation": "1 Paralipomenon 29:18 (Clementine Vulgate)"
    },
    {
      "verse": 19,
      "text": "Salomoni quoque filio meo da cor perfectum, ut custodiat mandata tua, testimonia tua, et cæremonias tuas, et faciat universa : et ædificet ædem, cujus impensas paravi.",
      "citation": "1 Paralipomenon 29:19 (Clementine Vulgate)"
    },
    {
      "verse": 20,
      "text": "Præcepit autem David universæ ecclesiæ : Benedicite Domino Deo nostro. Et benedixit omnis ecclesia Domino Deo patrum suorum : et inclinaverunt se, et adoraverunt Deum, et deinde regem.",
      "citation": "1 Paralipomenon 29:20 (Clementine Vulgate)"
    },
    {
      "verse": 21,
      "text": "Immolaveruntque victimas Domino : et obtulerunt holocausta die sequenti, tauros mille, arietes mille, agnos mille cum libaminibus suis, et universo ritu abundantissime in omnem Israël.",
      "citation": "1 Paralipomenon 29:21 (Clementine Vulgate)"
    },
    {
      "verse": 22,
      "text": "Et comederunt, et biberunt coram Domino in die illo cum grandi lætitia. Et unxerunt secundo Salomonem filium David. Unxerunt autem eum Domino in principem, et Sadoc in pontificem.",
      "citation": "1 Paralipomenon 29:22 (Clementine Vulgate)"
    },
    {
      "verse": 23,
      "text": "Seditque Salomon super solium Domini in regem pro David patre suo, et cunctis placuit : et paruit illi omnis Israël.",
      "citation": "1 Paralipomenon 29:23 (Clementine Vulgate)"
    },
    {
      "verse": 24,
      "text": "Sed et universi principes, et potentes, et cuncti filii regis David dederunt manum, et subjecti fuerunt Salomoni regi.",
      "citation": "1 Paralipomenon 29:24 (Clementine Vulgate)"
    },
    {
      "verse": 25,
      "text": "Magnificavit ergo Dominus Salomonem super omnem Israël : et dedit illi gloriam regni, qualem nullus habuit ante eum rex Israël.",
      "citation": "1 Paralipomenon 29:25 (Clementine Vulgate)"
    },
    {
      "verse": 26,
      "text": "Igitur David filius Isai regnavit super universum Israël.",
      "citation": "1 Paralipomenon 29:26 (Clementine Vulgate)"
    },
    {
      "verse": 27,
      "text": "Et dies quibus regnavit super Israël, fuerunt quadraginta anni : in Hebron regnavit septem annis, et in Jerusalem annis triginta tribus.",
      "citation": "1 Paralipomenon 29:27 (Clementine Vulgate)"
    },
    {
      "verse": 28,
      "text": "Et mortuus est in senectute bona, plenus dierum, et divitiis, et gloria : et regnavit Salomon filius ejus pro eo.",
      "citation": "1 Paralipomenon 29:28 (Clementine Vulgate)"
    },
    {
      "verse": 29,
      "text": "Gesta autem David regis priora et novissima scripta sunt in libro Samuelis videntis, et in libro Nathan prophetæ, atque in volumine Gad videntis :",
      "citation": "1 Paralipomenon 29:29 (Clementine Vulgate)"
    },
    {
      "verse": 30,
      "text": "universique regni ejus, et fortitudinis, et temporum quæ transierunt sub eo, sive in Israël, sive in cunctis regnis terrarum.",
      "citation": "1 Paralipomenon 29:30 (Clementine Vulgate)"
    }
  ]
}