{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "2 Esdras Nehemias, Chapter 5 — 19 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "2 Esdras Nehemias",
      "slug": "2-esdras-nehemias",
      "testament": "OT",
      "order": 16,
      "totalChapters": 13
    },
    "chapter": 5,
    "verseCount": 19,
    "navigation": {
      "htmlUrl": "https://latinprayer.org/latin/2-esdras-nehemias/5/",
      "bookIndex": "https://latinprayer.org/latin/2-esdras-nehemias/index.json",
      "bookHtmlUrl": "https://latinprayer.org/latin/2-esdras-nehemias/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/2-esdras-nehemias/4.json",
      "previousChapterHtmlUrl": "https://latinprayer.org/latin/2-esdras-nehemias/4/",
      "nextChapter": "https://latinprayer.org/latin/2-esdras-nehemias/6.json",
      "nextChapterHtmlUrl": "https://latinprayer.org/latin/2-esdras-nehemias/6/"
    },
    "crossReferences": {
      "english": "https://latinprayer.org/bible/2-esdras-nehemias/5.json",
      "englishHtmlUrl": "https://latinprayer.org/bible/2-esdras-nehemias/5/",
      "german": "https://latinprayer.org/bibel/2-esdras-nehemias/5.json",
      "germanHtmlUrl": "https://latinprayer.org/bibel/2-esra-nehemia/5/"
    }
  },
  "citation": "2 Esdras Nehemias 5 (Clementine Vulgate)",
  "verses": [
    {
      "verse": 1,
      "text": "Et factus est clamor populi et uxorum ejus magnus adversus fratres suos Judæos.",
      "citation": "2 Esdras Nehemias 5:1 (Clementine Vulgate)"
    },
    {
      "verse": 2,
      "text": "Et erant qui dicerent : Filii nostri et filiæ nostræ multæ sunt nimis : accipiamus pro pretio eorum frumentum, et comedamus, et vivamus.",
      "citation": "2 Esdras Nehemias 5:2 (Clementine Vulgate)"
    },
    {
      "verse": 3,
      "text": "Et erant qui dicerent : Agros nostros, et vineas, et domus nostras opponamus, et accipiamus frumentum in fame.",
      "citation": "2 Esdras Nehemias 5:3 (Clementine Vulgate)"
    },
    {
      "verse": 4,
      "text": "Et alii dicebant : Mutuo sumamus pecunias in tributa regis, demusque agros nostros et vineas :",
      "citation": "2 Esdras Nehemias 5:4 (Clementine Vulgate)"
    },
    {
      "verse": 5,
      "text": "et nunc sicut carnes fratrum nostrorum, sic carnes nostræ sunt : et sicut filii eorum, ita et filii nostri : ecce nos subjugamus filios nostros et filias nostras in servitutem, et de filiabus nostris sunt famulæ, nec habemus unde possint redimi : et agros nostros et vineas nostras alii possident.",
      "citation": "2 Esdras Nehemias 5:5 (Clementine Vulgate)"
    },
    {
      "verse": 6,
      "text": "Et iratus sum nimis cum audissem clamorem eorum secundum verba hæc :",
      "citation": "2 Esdras Nehemias 5:6 (Clementine Vulgate)"
    },
    {
      "verse": 7,
      "text": "cogitavitque cor meum mecum, et increpavi optimates et magistratus, et dixi eis : Usurasne singuli a fratribus vestris exigitis ? Et congregavi adversum eos concionem magnam,",
      "citation": "2 Esdras Nehemias 5:7 (Clementine Vulgate)"
    },
    {
      "verse": 8,
      "text": "et dixi eis : Nos, ut scitis, redemimus fratres nostros Judæos, qui venditi fuerant gentibus secundum possibilitatem nostram : et vos igitur vendetis fratres vestros, et redimemus eos ? Et siluerunt, nec invenerunt quid responderent.",
      "citation": "2 Esdras Nehemias 5:8 (Clementine Vulgate)"
    },
    {
      "verse": 9,
      "text": "Dixique ad eos : Non est bona res quam facitis : quare non in timore Dei nostri ambulastis, ne exprobretur nobis a gentibus inimicis nostris ?",
      "citation": "2 Esdras Nehemias 5:9 (Clementine Vulgate)"
    },
    {
      "verse": 10,
      "text": "Et ego, et fratres mei, et pueri mei commodavimus plurimis pecuniam et frumentum. Non repetamus in commune istud : æs alienum concedamus quod debetur nobis.",
      "citation": "2 Esdras Nehemias 5:10 (Clementine Vulgate)"
    },
    {
      "verse": 11,
      "text": "Reddite eis hodie agros suos, et vineas suas, et oliveta sua, et domos suas : quin potius et centesimum pecuniæ, frumenti, vini et olei, quam exigere soletis ab eis, date pro illis.",
      "citation": "2 Esdras Nehemias 5:11 (Clementine Vulgate)"
    },
    {
      "verse": 12,
      "text": "Et dixerunt : Reddemus, et ab eis nihil quæremus : sicque faciemus ut loqueris. Et vocavi sacerdotes, et adjuravi eos ut facerent juxta quod dixeram.",
      "citation": "2 Esdras Nehemias 5:12 (Clementine Vulgate)"
    },
    {
      "verse": 13,
      "text": "Insuper excussi sinum meum, et dixi : Sic excutiat Deus omnem virum qui non compleverit verbum istud, de domo sua, et de laboribus suis : sic excutiatur, et vacuus fiat. Et dixit universa multitudo : Amen : et laudaverunt Deum. Fecit ergo populus sicut erat dictum.",
      "citation": "2 Esdras Nehemias 5:13 (Clementine Vulgate)"
    },
    {
      "verse": 14,
      "text": "A die autem illa, qua præceperat rex mihi ut essem dux in terra Juda, ab anno vigesimo usque ad annum trigesimum secundum Artaxerxis regis per annos duodecim, ego et fratres mei annonas quæ ducibus debebantur non comedimus.",
      "citation": "2 Esdras Nehemias 5:14 (Clementine Vulgate)"
    },
    {
      "verse": 15,
      "text": "Duces autem primi, qui fuerant ante me, gravaverunt populum, et acceperunt ab eis in pane, et vino, et pecunia, quotidie siclos quadraginta : sed et ministri eorum depresserunt populum. Ego autem non feci ita propter timorem Dei :",
      "citation": "2 Esdras Nehemias 5:15 (Clementine Vulgate)"
    },
    {
      "verse": 16,
      "text": "quin potius in opere muri ædificavi, et agrum non emi, et omnes pueri mei congregati ad opus erant.",
      "citation": "2 Esdras Nehemias 5:16 (Clementine Vulgate)"
    },
    {
      "verse": 17,
      "text": "Judæi quoque et magistratus centum quinquaginta viri, et qui veniebant ad nos de gentibus quæ in circuitu nostro sunt, in mensa mea erant.",
      "citation": "2 Esdras Nehemias 5:17 (Clementine Vulgate)"
    },
    {
      "verse": 18,
      "text": "Parabatur autem mihi per dies singulos bos unus, arietes sex electi, exceptis volatilibus, et inter dies decem vina diversa, et alia multa tribuebam : insuper et annonas ducatus mei non quæsivi : valde enim attenuatus erat populus.",
      "citation": "2 Esdras Nehemias 5:18 (Clementine Vulgate)"
    },
    {
      "verse": 19,
      "text": "Memento mei, Deus meus, in bonum, secundum omnia quæ feci populo huic.",
      "citation": "2 Esdras Nehemias 5:19 (Clementine Vulgate)"
    }
  ]
}