{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "2 Kings Samuel, Chapter 13 — 39 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "2 Kings Samuel",
      "slug": "2-kings-samuel",
      "testament": "OT",
      "order": 10,
      "totalChapters": 24
    },
    "chapter": 13,
    "verseCount": 39,
    "navigation": {
      "htmlUrl": "https://latinprayer.org/latin/2-kings-samuel/13/",
      "bookIndex": "https://latinprayer.org/latin/2-kings-samuel/index.json",
      "bookHtmlUrl": "https://latinprayer.org/latin/2-kings-samuel/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/2-kings-samuel/12.json",
      "previousChapterHtmlUrl": "https://latinprayer.org/latin/2-kings-samuel/12/",
      "nextChapter": "https://latinprayer.org/latin/2-kings-samuel/14.json",
      "nextChapterHtmlUrl": "https://latinprayer.org/latin/2-kings-samuel/14/"
    },
    "crossReferences": {
      "english": "https://latinprayer.org/bible/2-kings-samuel/13.json",
      "englishHtmlUrl": "https://latinprayer.org/bible/2-kings-samuel/13/",
      "german": "https://latinprayer.org/bibel/2-kings-samuel/13.json",
      "germanHtmlUrl": "https://latinprayer.org/bibel/2-samuel/13/"
    }
  },
  "citation": "2 Kings Samuel 13 (Clementine Vulgate)",
  "verses": [
    {
      "verse": 1,
      "text": "Factum est autem post hæc ut Absalom filii David sororem speciosissimam, vocabulo Thamar, adamaret Amnon filius David,",
      "citation": "2 Kings Samuel 13:1 (Clementine Vulgate)"
    },
    {
      "verse": 2,
      "text": "et deperiret eam valde, ita ut propter amorem ejus ægrotaret : quia cum esset virgo, difficile ei videbatur ut quippiam inhoneste ageret cum ea.",
      "citation": "2 Kings Samuel 13:2 (Clementine Vulgate)"
    },
    {
      "verse": 3,
      "text": "Erat autem Amnon amicus nomine Jonadab, filius Semmaa fratris David, vir prudens valde.",
      "citation": "2 Kings Samuel 13:3 (Clementine Vulgate)"
    },
    {
      "verse": 4,
      "text": "Qui dixit ad eum : Quare sic attenuaris macie, fili regis, per singulos dies ? cur non indicas mihi ? Dixitque ei Amnon : Thamar sororem fratris mei Absalom amo.",
      "citation": "2 Kings Samuel 13:4 (Clementine Vulgate)"
    },
    {
      "verse": 5,
      "text": "Cui respondit Jonadab : Cuba super lectum tuum, et languorem simula : cumque venerit pater tuus ut visitet te, dic ei : Veniat, oro, Thamar soror mea, ut det mihi cibum, et faciat pulmentum, ut comedam de manu ejus.",
      "citation": "2 Kings Samuel 13:5 (Clementine Vulgate)"
    },
    {
      "verse": 6,
      "text": "Accubuit itaque Amnon, et quasi ægrotare cœpit : cumque venisset rex ad visitandum eum, ait Amnon ad regem : Veniat, obsecro, Thamar soror mea, ut faciat in oculis meis duas sorbitiunculas, et cibum capiam de manu ejus.",
      "citation": "2 Kings Samuel 13:6 (Clementine Vulgate)"
    },
    {
      "verse": 7,
      "text": "Misit ergo David ad Thamar domum, dicens : Veni in domum Amnon fratris tui, et fac ei pulmentum.",
      "citation": "2 Kings Samuel 13:7 (Clementine Vulgate)"
    },
    {
      "verse": 8,
      "text": "Venitque Thamar in domum Amnon fratris sui : ille autem jacebat. Quæ tollens farinam commiscuit, et liquefaciens, in oculis ejus coxit sorbitiunculas.",
      "citation": "2 Kings Samuel 13:8 (Clementine Vulgate)"
    },
    {
      "verse": 9,
      "text": "Tollensque quod coxerat, effudit, et posuit coram eo, et noluit comedere : dixitque Amnon : Ejicite universos a me. Cumque ejecissent omnes,",
      "citation": "2 Kings Samuel 13:9 (Clementine Vulgate)"
    },
    {
      "verse": 10,
      "text": "dixit Amnon ad Thamar : Infer cibum in conclave, ut vescar de manu tua. Tulit ergo Thamar sorbitiunculas quas fecerat, et intulit ad Amnon fratrem suum in conclave.",
      "citation": "2 Kings Samuel 13:10 (Clementine Vulgate)"
    },
    {
      "verse": 11,
      "text": "Cumque obtulisset ei cibum, apprehendit eam, et ait : Veni, cuba mecum, soror mea.",
      "citation": "2 Kings Samuel 13:11 (Clementine Vulgate)"
    },
    {
      "verse": 12,
      "text": "Quæ respondit ei : Noli frater mi, noli opprimere me : neque enim hoc fas est in Israël : noli facere stultitiam hanc.",
      "citation": "2 Kings Samuel 13:12 (Clementine Vulgate)"
    },
    {
      "verse": 13,
      "text": "Ego enim ferre non potero opprobrium meum, et tu eris quasi unus de insipientibus in Israël : quin potius loquere ad regem, et non negabit me tibi.",
      "citation": "2 Kings Samuel 13:13 (Clementine Vulgate)"
    },
    {
      "verse": 14,
      "text": "Noluit autem acquiescere precibus ejus, sed prævalens viribus oppressit eam, et cubavit cum ea.",
      "citation": "2 Kings Samuel 13:14 (Clementine Vulgate)"
    },
    {
      "verse": 15,
      "text": "Et exosam eam habuit Amnon odio magno nimis : ita ut majus esset odium quo oderat eam, amore quo ante dilexerat. Dixitque ei Amnon : Surge, et vade.",
      "citation": "2 Kings Samuel 13:15 (Clementine Vulgate)"
    },
    {
      "verse": 16,
      "text": "Quæ respondit ei : Majus est hoc malum quod nunc agis adversum me, quam quod ante fecisti, expellens me. Et noluit audire eam :",
      "citation": "2 Kings Samuel 13:16 (Clementine Vulgate)"
    },
    {
      "verse": 17,
      "text": "sed vocato puero qui ministrabat ei, dixit : Ejice hanc a me foras, et claude ostium post eam.",
      "citation": "2 Kings Samuel 13:17 (Clementine Vulgate)"
    },
    {
      "verse": 18,
      "text": "Quæ induta erat talari tunica : hujuscemodi enim filiæ regis virgines vestibus utebantur. Ejecit itaque eam minister illius foras : clausitque fores post eam.",
      "citation": "2 Kings Samuel 13:18 (Clementine Vulgate)"
    },
    {
      "verse": 19,
      "text": "Quæ aspergens cinerem capiti suo, scissa talari tunica, impositisque manibus super caput suum, ibat ingrediens, et clamans.",
      "citation": "2 Kings Samuel 13:19 (Clementine Vulgate)"
    },
    {
      "verse": 20,
      "text": "Dixit autem ei Absalom frater suus : Numquid Amnon frater tuus concubuit tecum ? sed nunc soror, tace : frater tuus est : neque affligas cor tuum pro hac re. Mansit itaque Thamar contabescens in domo Absalom fratris sui.",
      "citation": "2 Kings Samuel 13:20 (Clementine Vulgate)"
    },
    {
      "verse": 21,
      "text": "Cum autem audisset rex David verba hæc, contristatus est valde : et noluit contristare spiritum Amnon filii sui, quoniam diligebat eum, quia primogenitus erat ei.",
      "citation": "2 Kings Samuel 13:21 (Clementine Vulgate)"
    },
    {
      "verse": 22,
      "text": "Porro non est locutus Absalom ad Amnon nec malum nec bonum : oderat enim Absalom Amnon, eo quod violasset Thamar sororem suam.",
      "citation": "2 Kings Samuel 13:22 (Clementine Vulgate)"
    },
    {
      "verse": 23,
      "text": "Factum est autem post tempus biennii ut tonderentur oves Absalom in Baalhasor, quæ est juxta Ephraim : et vocavit Absalom omnes filios regis,",
      "citation": "2 Kings Samuel 13:23 (Clementine Vulgate)"
    },
    {
      "verse": 24,
      "text": "venitque ad regem, et ait ad eum : Ecce tondentur oves servi tui : veniat, oro, rex cum servis suis ad servum suum.",
      "citation": "2 Kings Samuel 13:24 (Clementine Vulgate)"
    },
    {
      "verse": 25,
      "text": "Dixitque rex ad Absalom : Noli fili mi, noli rogare ut veniamus omnes et gravemus te. Cum autem cogeret eum, et noluisset ire, benedixit ei.",
      "citation": "2 Kings Samuel 13:25 (Clementine Vulgate)"
    },
    {
      "verse": 26,
      "text": "Et ait Absalom : Si non vis venire, veniat, obsecro, nobiscum saltem Amnon frater meus. Dixitque ad eum rex : Non est necesse ut vadat tecum.",
      "citation": "2 Kings Samuel 13:26 (Clementine Vulgate)"
    },
    {
      "verse": 27,
      "text": "Coëgit itaque Absalom eum, et dimisit cum eo Amnon et universos filios regis. Feceratque Absalom convivium quasi convivium regis.",
      "citation": "2 Kings Samuel 13:27 (Clementine Vulgate)"
    },
    {
      "verse": 28,
      "text": "Præceperat autem Absalom pueris suis, dicens : Observate cum temulentus fuerit Amnon vino, et dixero vobis : Percutite eum, et interficite : nolite timere : ego enim sum qui præcipio vobis : roboramini, et estote viri fortes.",
      "citation": "2 Kings Samuel 13:28 (Clementine Vulgate)"
    },
    {
      "verse": 29,
      "text": "Fecerunt ergo pueri Absalom adversum Amnon sicut præceperat eis Absalom. Surgentesque omnes filii regis ascenderunt singuli mulas suas, et fugerunt.",
      "citation": "2 Kings Samuel 13:29 (Clementine Vulgate)"
    },
    {
      "verse": 30,
      "text": "Cumque adhuc pergerent in itinere, fama pervenit ad David, dicens : Percussit Absalom omnes filios regis, et non remansit ex eis saltem unus.",
      "citation": "2 Kings Samuel 13:30 (Clementine Vulgate)"
    },
    {
      "verse": 31,
      "text": "Surrexit itaque rex, et scidit vestimenta sua, et cecidit super terram : et omnes servi illius qui assistebant ei, sciderunt vestimenta sua.",
      "citation": "2 Kings Samuel 13:31 (Clementine Vulgate)"
    },
    {
      "verse": 32,
      "text": "Respondens autem Jonadab filius Semmaa fratris David, dixit : Ne æstimet dominus meus rex quod omnes pueri filii regis occisi sint : Amnon solus mortuus est, quoniam in ore Absalom erat positus ex die qua oppressit Thamar sororem ejus.",
      "citation": "2 Kings Samuel 13:32 (Clementine Vulgate)"
    },
    {
      "verse": 33,
      "text": "Nunc ergo ne ponat dominus meus rex super cor suum verbum istud, dicens : Omnes filii regis occisi sunt : quoniam Amnon solus mortuus est.",
      "citation": "2 Kings Samuel 13:33 (Clementine Vulgate)"
    },
    {
      "verse": 34,
      "text": "Fugit autem Absalom. Et elevavit puer speculator oculos suos, et aspexit : et ecce populus multus veniebat per iter devium ex latere montis.",
      "citation": "2 Kings Samuel 13:34 (Clementine Vulgate)"
    },
    {
      "verse": 35,
      "text": "Dixit autem Jonadab ad regem : Ecce filii regis adsunt : juxta verbum servi tui, sic factum est.",
      "citation": "2 Kings Samuel 13:35 (Clementine Vulgate)"
    },
    {
      "verse": 36,
      "text": "Cumque cessasset loqui, apparuerunt et filii regis : et intrantes levaverunt vocem suam, et fleverunt : sed et rex et omnes servi ejus fleverunt ploratu magno nimis.",
      "citation": "2 Kings Samuel 13:36 (Clementine Vulgate)"
    },
    {
      "verse": 37,
      "text": "Porro Absalom fugiens abiit ad Tholomai filium Ammiud regem Gessur. Luxit ergo David filium suum cunctis diebus.",
      "citation": "2 Kings Samuel 13:37 (Clementine Vulgate)"
    },
    {
      "verse": 38,
      "text": "Absalom autem cum fugisset, et venisset in Gessur, fuit ibi tribus annis.",
      "citation": "2 Kings Samuel 13:38 (Clementine Vulgate)"
    },
    {
      "verse": 39,
      "text": "Cessavitque rex David persequi Absalom, eo quod consolatus esset super Amnon interitu.",
      "citation": "2 Kings Samuel 13:39 (Clementine Vulgate)"
    }
  ]
}