{ "_meta": { "project": "Latin Prayer", "projectUrl": "https://latinprayer.org", "apiDocs": "https://latinprayer.org/llms.txt", "content": "2 Kings Samuel, Chapter 19 — 43 verses (Clementine Vulgate)", "translation": { "name": "Clementine Vulgate", "language": "la", "languageName": "Latin", "copyright": "Public Domain" }, "book": { "name": "2 Kings Samuel", "slug": "2-kings-samuel", "testament": "OT", "order": 10, "totalChapters": 24 }, "chapter": 19, "verseCount": 43, "navigation": { "htmlUrl": "https://latinprayer.org/latin/2-kings-samuel/19/", "bookIndex": "https://latinprayer.org/latin/2-kings-samuel/index.json", "bookHtmlUrl": "https://latinprayer.org/latin/2-kings-samuel/", "translationIndex": "https://latinprayer.org/latin/index.json", "translationHtmlUrl": "https://latinprayer.org/latin/", "previousChapter": "https://latinprayer.org/latin/2-kings-samuel/18.json", "previousChapterHtmlUrl": "https://latinprayer.org/latin/2-kings-samuel/18/", "nextChapter": "https://latinprayer.org/latin/2-kings-samuel/20.json", "nextChapterHtmlUrl": "https://latinprayer.org/latin/2-kings-samuel/20/" }, "crossReferences": { "english": "https://latinprayer.org/bible/2-kings-samuel/19.json", "englishHtmlUrl": "https://latinprayer.org/bible/2-kings-samuel/19/", "german": "https://latinprayer.org/bibel/2-kings-samuel/19.json", "germanHtmlUrl": "https://latinprayer.org/bibel/2-samuel/19/" } }, "citation": "2 Kings Samuel 19 (Clementine Vulgate)", "verses": [ { "verse": 1, "text": "Nuntiatum est autem Joab quod rex fleret et lugeret filium suum,", "citation": "2 Kings Samuel 19:1 (Clementine Vulgate)" }, { "verse": 2, "text": "et versa est victoria in luctum in die illa omni populo : audivit enim populus in die illa dici : Dolet rex super filio suo.", "citation": "2 Kings Samuel 19:2 (Clementine Vulgate)" }, { "verse": 3, "text": "Et declinavit populus in die illa ingredi civitatem, quomodo declinare solet populus versus et fugiens de prælio.", "citation": "2 Kings Samuel 19:3 (Clementine Vulgate)" }, { "verse": 4, "text": "Porro rex operuit caput suum, et clamabat voce magna : Fili mi Absalom, Absalom fili mi, fili mi.", "citation": "2 Kings Samuel 19:4 (Clementine Vulgate)" }, { "verse": 5, "text": "Ingressus ergo Joab ad regem in domum, dixit : Confudisti hodie vultus omnium servorum tuorum, qui salvam fecerunt animam tuam, et animam filiorum tuorum et filiarum tuarum, et animam uxorum tuarum, et animam concubinarum tuarum.", "citation": "2 Kings Samuel 19:5 (Clementine Vulgate)" }, { "verse": 6, "text": "Diligis odientes te, et odio habes diligentes te : et ostendisti hodie quia non curas de ducibus tuis et de servis tuis : et vere cognovi modo, quia si Absalom viveret, et omnes nos occubuissemus, tunc placeret tibi.", "citation": "2 Kings Samuel 19:6 (Clementine Vulgate)" }, { "verse": 7, "text": "Nunc igitur surge, et procede, et alloquens satisfac servis tuis : juro enim tibi per Dominum quod si non exieris, ne unus quidem remansurus sit tecum nocte hac : et pejus erit hoc tibi quam omnia mala quæ venerunt super te ab adolescentia tua usque in præsens.", "citation": "2 Kings Samuel 19:7 (Clementine Vulgate)" }, { "verse": 8, "text": "Surrexit ergo rex et sedit in porta : et omni populo nuntiatum est quod rex sederet in porta. Venitque universa multitudo coram rege : Israël autem fugit in tabernacula sua.", "citation": "2 Kings Samuel 19:8 (Clementine Vulgate)" }, { "verse": 9, "text": "Omnis quoque populus certabat in cunctis tribubus Israël, dicens : Rex liberavit nos de manu inimicorum nostrorum ; ipse salvavit nos de manu Philisthinorum : et nunc fugit de terra propter Absalom.", "citation": "2 Kings Samuel 19:9 (Clementine Vulgate)" }, { "verse": 10, "text": "Absalom autem, quem unximus super nos, mortuus est in bello : usquequo siletis, et non reducitis regem ?", "citation": "2 Kings Samuel 19:10 (Clementine Vulgate)" }, { "verse": 11, "text": "Rex vero David misit ad Sadoc et Abiathar sacerdotes, dicens : Loquimini ad majores natu Juda, dicentes : Cur venitis novissimi ad reducendum regem in domum suam ? (Sermo autem omnis Israël pervenerat ad regem in domo ejus.)", "citation": "2 Kings Samuel 19:11 (Clementine Vulgate)" }, { "verse": 12, "text": "Fratres mei vos, os meum, et caro mea vos, quare novissimi reducitis regem ?", "citation": "2 Kings Samuel 19:12 (Clementine Vulgate)" }, { "verse": 13, "text": "Et Amasæ dicite : Nonne os meum, et caro mea es ? hæc faciat mihi Deus, et hæc addat, si non magister militiæ fueris coram me omni tempore pro Joab.", "citation": "2 Kings Samuel 19:13 (Clementine Vulgate)" }, { "verse": 14, "text": "Et inclinavit cor omnium virorum Juda quasi viri unius : miseruntque ad regem, dicentes : Revertere tu, et omnes servi tui.", "citation": "2 Kings Samuel 19:14 (Clementine Vulgate)" }, { "verse": 15, "text": "Et reversus est rex, et venit usque ad Jordanem : et omnis Juda venit usque in Galgalam ut occurreret regi, et traduceret eum Jordanem.", "citation": "2 Kings Samuel 19:15 (Clementine Vulgate)" }, { "verse": 16, "text": "Festinavit autem Semei filius Gera filii Jemini de Bahurim, et descendit cum viris Juda in occursum regis David,", "citation": "2 Kings Samuel 19:16 (Clementine Vulgate)" }, { "verse": 17, "text": "cum mille viris de Benjamin, et Siba puer de domo Saul : et quindecim filii ejus, ac viginti servi erant cum eo : et irrumpentes Jordanem, ante regem", "citation": "2 Kings Samuel 19:17 (Clementine Vulgate)" }, { "verse": 18, "text": "transierunt vada, ut traducerent domum regis, et facerent juxta jussionem ejus : Semei autem filius Gera prostratus coram rege, cum jam transisset Jordanem,", "citation": "2 Kings Samuel 19:18 (Clementine Vulgate)" }, { "verse": 19, "text": "dixit ad eum : Ne reputes mihi, domine mi, iniquitatem, neque memineris injuriarum servi tui in die qua egressus es, domine mi rex, de Jerusalem, neque ponas, rex, in corde tuo.", "citation": "2 Kings Samuel 19:19 (Clementine Vulgate)" }, { "verse": 20, "text": "Agnosco enim servus tuus peccatum meum : et idcirco hodie primus veni de omni domo Joseph, descendique in occursum domini mei regis.", "citation": "2 Kings Samuel 19:20 (Clementine Vulgate)" }, { "verse": 21, "text": "Respondens vero Abisai filius Sarviæ, dixit : Numquid pro his verbis non occidetur Semei, quia maledixit christo Domini ?", "citation": "2 Kings Samuel 19:21 (Clementine Vulgate)" }, { "verse": 22, "text": "Et ait David : Quid mihi et vobis, filii Sarviæ ? cur efficimini mihi hodie in satan ? ergone hodie interficietur vir in Israël ? an ignoro hodie me factum regem super Israël ?", "citation": "2 Kings Samuel 19:22 (Clementine Vulgate)" }, { "verse": 23, "text": "Et ait rex Semei : Non morieris. Juravitque ei.", "citation": "2 Kings Samuel 19:23 (Clementine Vulgate)" }, { "verse": 24, "text": "Miphiboseth quoque filius Saul descendit in occursum regis, illotis pedibus et intonsa barba : vestesque suas non laverat a die qua egressus fuerat rex, usque ad diem reversionis ejus in pace.", "citation": "2 Kings Samuel 19:24 (Clementine Vulgate)" }, { "verse": 25, "text": "Cumque Jerusalem occurrisset regi, dixit ei rex : Quare non venisti mecum, Miphiboseth ?", "citation": "2 Kings Samuel 19:25 (Clementine Vulgate)" }, { "verse": 26, "text": "Et respondens ait : Domine mi rex, servus meus contempsit me : dixique ei ego famulus tuus ut sterneret mihi asinum, et ascendens abirem cum rege : claudus enim sum servus tuus.", "citation": "2 Kings Samuel 19:26 (Clementine Vulgate)" }, { "verse": 27, "text": "Insuper et accusavit me servum tuum ad te dominum meum regem : tu autem, domine mi rex, sicut angelus Dei es : fac quod placitum est tibi.", "citation": "2 Kings Samuel 19:27 (Clementine Vulgate)" }, { "verse": 28, "text": "Neque enim fuit domus patris mei, nisi morti obnoxia domino meo regi : tu autem posuisti me servum tuum inter convivas mensæ tuæ : quid ergo habeo justæ querelæ ? aut quid possum ultra vociferari ad regem ?", "citation": "2 Kings Samuel 19:28 (Clementine Vulgate)" }, { "verse": 29, "text": "Ait ergo ei rex : Quid ultra loqueris ? fixum est quod locutus sum : tu et Siba dividite possessiones.", "citation": "2 Kings Samuel 19:29 (Clementine Vulgate)" }, { "verse": 30, "text": "Responditque Miphiboseth regi : Etiam cuncta accipiat, postquam reversus est dominus meus rex pacifice in domum suam.", "citation": "2 Kings Samuel 19:30 (Clementine Vulgate)" }, { "verse": 31, "text": "Berzellai quoque Galaadites, descendens de Rogelim, traduxit regem Jordanem, paratus etiam ultra fluvium prosequi eum.", "citation": "2 Kings Samuel 19:31 (Clementine Vulgate)" }, { "verse": 32, "text": "Erat autem Berzellai Galaadites senex valde, id est, octogenarius, et ipse præbuit alimenta regi cum moraretur in castris : fuit quippe vir dives nimis.", "citation": "2 Kings Samuel 19:32 (Clementine Vulgate)" }, { "verse": 33, "text": "Dixit itaque rex ad Berzellai : Veni mecum, ut requiescas securus mecum in Jerusalem.", "citation": "2 Kings Samuel 19:33 (Clementine Vulgate)" }, { "verse": 34, "text": "Et ait Berzellai ad regem : Quot sunt dies annorum vitæ meæ, ut ascendam cum rege in Jerusalem ?", "citation": "2 Kings Samuel 19:34 (Clementine Vulgate)" }, { "verse": 35, "text": "Octogenarius sum hodie : numquid vigent sensus mei ad discernendum suave aut amarum ? aut delectare potest servum tuum cibus et potus ? vel audire possum ultra vocem cantorum atque cantatricum ? quare servus tuus sit oneri domino meo regi ?", "citation": "2 Kings Samuel 19:35 (Clementine Vulgate)" }, { "verse": 36, "text": "Paululum procedam famulus tuus ab Jordane tecum : non indigeo hac vicissitudine,", "citation": "2 Kings Samuel 19:36 (Clementine Vulgate)" }, { "verse": 37, "text": "sed obsecro ut revertar servus tuus, et moriar in civitate mea, et sepeliar juxta sepulchrum patris mei et matris meæ. Est autem servus tuus Chamaam : ipse vadat tecum, domine mi rex, et fac ei quidquid tibi bonum videtur.", "citation": "2 Kings Samuel 19:37 (Clementine Vulgate)" }, { "verse": 38, "text": "Dixit itaque ei rex : Mecum transeat Chamaam, et ego faciam ei quidquid tibi placuerit : et omne quod petieris a me, impetrabis.", "citation": "2 Kings Samuel 19:38 (Clementine Vulgate)" }, { "verse": 39, "text": "Cumque transisset universus populus et rex Jordanem, osculatus est rex Berzellai, et benedixit ei : et ille reversus est in locum suum.", "citation": "2 Kings Samuel 19:39 (Clementine Vulgate)" }, { "verse": 40, "text": "Transivit ergo rex in Galgalam, et Chamaam cum eo. Omnis autem populus Juda traduxerat regem, et media tantum pars adfuerat de populo Israël.", "citation": "2 Kings Samuel 19:40 (Clementine Vulgate)" }, { "verse": 41, "text": "Itaque omnes viri Israël concurrentes ad regem dixerunt ei : Quare te furati sunt fratres nostri viri Juda, et traduxerunt regem et domum ejus Jordanem, omnesque viros David cum eo ?", "citation": "2 Kings Samuel 19:41 (Clementine Vulgate)" }, { "verse": 42, "text": "Et respondit omnis vir Juda ad viros Israël : Quia mihi propior est rex : cur irasceris super hac re ? numquid comedimus aliquid ex rege, aut munera nobis data sunt ?", "citation": "2 Kings Samuel 19:42 (Clementine Vulgate)" }, { "verse": 43, "text": "Et respondit vir Israël ad viros Juda, et ait : Decem partibus major ego sum apud regem, magisque ad me pertinet David quam ad te : cur fecisti mihi injuriam, et non mihi nuntiatum est priori, ut reducerem regem meum ? Durius autem responderunt viri Juda viris Israël.", "citation": "2 Kings Samuel 19:43 (Clementine Vulgate)" } ] }