{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "2 Machabees, Chapter 1 — 36 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "2 Machabees",
      "slug": "2-machabees",
      "testament": "OT",
      "order": 46,
      "totalChapters": 15
    },
    "chapter": 1,
    "verseCount": 36,
    "navigation": {
      "htmlUrl": "https://latinprayer.org/latin/2-machabees/1/",
      "bookIndex": "https://latinprayer.org/latin/2-machabees/index.json",
      "bookHtmlUrl": "https://latinprayer.org/latin/2-machabees/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": null,
      "previousChapterHtmlUrl": null,
      "nextChapter": "https://latinprayer.org/latin/2-machabees/2.json",
      "nextChapterHtmlUrl": "https://latinprayer.org/latin/2-machabees/2/"
    },
    "crossReferences": {
      "english": "https://latinprayer.org/bible/2-machabees/1.json",
      "englishHtmlUrl": "https://latinprayer.org/bible/2-machabees/1/",
      "german": "https://latinprayer.org/bibel/2-machabees/1.json",
      "germanHtmlUrl": "https://latinprayer.org/bibel/2-makkabaeer/1/"
    }
  },
  "citation": "2 Machabees 1 (Clementine Vulgate)",
  "verses": [
    {
      "verse": 1,
      "text": "Fratribus qui sunt per Ægyptum Judæis, salutem dicunt fratres qui sunt in Jerosolymis Judæi, et qui in regione Judææ, et pacem bonam.",
      "citation": "2 Machabees 1:1 (Clementine Vulgate)"
    },
    {
      "verse": 2,
      "text": "Benefaciat vobis Deus, et meminerit testamenti sui, quod locutus est ad Abraham, et Isaac, et Jacob servorum suorum fidelium :",
      "citation": "2 Machabees 1:2 (Clementine Vulgate)"
    },
    {
      "verse": 3,
      "text": "et det vobis cor omnibus ut colatis eum, et faciatis ejus voluntatem, corde magno et animo volenti.",
      "citation": "2 Machabees 1:3 (Clementine Vulgate)"
    },
    {
      "verse": 4,
      "text": "Adaperiat cor vestrum in lege sua, et in præceptis suis, et faciat pacem.",
      "citation": "2 Machabees 1:4 (Clementine Vulgate)"
    },
    {
      "verse": 5,
      "text": "Exaudiat orationes vestras, et reconcilietur vobis, nec vos deserat in tempore malo.",
      "citation": "2 Machabees 1:5 (Clementine Vulgate)"
    },
    {
      "verse": 6,
      "text": "Et nunc hic sumus orantes pro vobis.",
      "citation": "2 Machabees 1:6 (Clementine Vulgate)"
    },
    {
      "verse": 7,
      "text": "Regnante Demetrio, anno centesimo sexagesimo nono, nos Judæi scripsimus vobis in tribulatione et impetu qui supervenit nobis in istis annis, ex quo recessit Jason a sancta terra, et a regno.",
      "citation": "2 Machabees 1:7 (Clementine Vulgate)"
    },
    {
      "verse": 8,
      "text": "Portam succenderunt, et effuderunt sanguinem innocentem : et oravimus ad Dominum, et exauditi sumus, et obtulimus sacrificium et similaginem, et accendimus lucernas, et proposuimus panes.",
      "citation": "2 Machabees 1:8 (Clementine Vulgate)"
    },
    {
      "verse": 9,
      "text": "Et nunc frequentate dies scenopegiæ mensis Casleu.",
      "citation": "2 Machabees 1:9 (Clementine Vulgate)"
    },
    {
      "verse": 10,
      "text": "Anno centesimo octogesimo octavo, populus qui est Jerosolymis et in Judæa, senatusque et Judas, Aristobolo magistro Ptolemæi regis, qui est de genere christorum sacerdotum, et his qui in Ægypto sunt Judæis, salutem et sanitatem.",
      "citation": "2 Machabees 1:10 (Clementine Vulgate)"
    },
    {
      "verse": 11,
      "text": "De magnis periculis a Deo liberati, magnifice gratias agimus ipsi, utpote qui adversus talem regem dimicavimus.",
      "citation": "2 Machabees 1:11 (Clementine Vulgate)"
    },
    {
      "verse": 12,
      "text": "Ipse enim ebullire fecit de Perside eos qui pugnaverunt contra nos et sanctam civitatem.",
      "citation": "2 Machabees 1:12 (Clementine Vulgate)"
    },
    {
      "verse": 13,
      "text": "Nam cum in Perside esset dux ipse, et cum ipso immensus exercitus, cecidit in templo Naneæ, consilio deceptus sacerdotum Naneæ.",
      "citation": "2 Machabees 1:13 (Clementine Vulgate)"
    },
    {
      "verse": 14,
      "text": "Etenim cum ea habitaturus venit ad locum Antiochus et amici ejus, et ut acciperet pecunias multas dotis nomine.",
      "citation": "2 Machabees 1:14 (Clementine Vulgate)"
    },
    {
      "verse": 15,
      "text": "Cumque proposuissent eas sacerdotes Naneæ, et ipse cum paucis ingressus esset intra ambitum fani, clauserunt templum,",
      "citation": "2 Machabees 1:15 (Clementine Vulgate)"
    },
    {
      "verse": 16,
      "text": "cum intrasset Antiochus : apertoque occulto aditu templi, mittentes lapides percusserunt ducem et eos qui cum eo erant : et diviserunt membratim, et capitibus amputatis foras projecerunt.",
      "citation": "2 Machabees 1:16 (Clementine Vulgate)"
    },
    {
      "verse": 17,
      "text": "Per omnia benedictus Deus, qui tradidit impios.",
      "citation": "2 Machabees 1:17 (Clementine Vulgate)"
    },
    {
      "verse": 18,
      "text": "Facturi igitur quinta et vigesima die mensis Casleu purificationem templi, necessarium duximus significare vobis : ut et vos quoque agatis diem scenopegiæ, et diem ignis, qui datus est quando Nehemias ædificato templo et altari obtulit sacrificia.",
      "citation": "2 Machabees 1:18 (Clementine Vulgate)"
    },
    {
      "verse": 19,
      "text": "Nam cum in Persidem ducerentur patres nostri, sacerdotes qui tunc cultores Dei erant, acceptum ignem de altari occulte absconderunt in valle, ubi erat puteus altus et siccus, et in eo contutati sunt eum, ita ut omnibus ignotus esset locus.",
      "citation": "2 Machabees 1:19 (Clementine Vulgate)"
    },
    {
      "verse": 20,
      "text": "Cum autem præterissent anni multi, et placuit Deo ut mitteretur Nehemias a rege Persidis, nepotes sacerdotum illorum qui absconderant, misit ad requirendum ignem : et sicut narraverunt nobis, non invenerunt ignem, sed aquam crassam.",
      "citation": "2 Machabees 1:20 (Clementine Vulgate)"
    },
    {
      "verse": 21,
      "text": "Et jussit eos haurire, et afferre sibi : et sacrificia quæ imposita erant, jussit sacerdos Nehemias aspergi ipsa aqua : et ligna, et quæ erant superposita.",
      "citation": "2 Machabees 1:21 (Clementine Vulgate)"
    },
    {
      "verse": 22,
      "text": "Utque hoc factum est, et tempus affuit quo sol refulsit, qui prius erat in nubilo, accensus est ignis magnus, ita ut omnes mirarentur.",
      "citation": "2 Machabees 1:22 (Clementine Vulgate)"
    },
    {
      "verse": 23,
      "text": "Orationem autem faciebant omnes sacerdotes, dum consummaretur sacrificium, Jonatha inchoante, ceteris autem respondentibus.",
      "citation": "2 Machabees 1:23 (Clementine Vulgate)"
    },
    {
      "verse": 24,
      "text": "Et Nehemiæ erat oratio hunc habens modum : Domine Deus omnium creator, terribilis et fortis, justus et misericors, qui solus est bonus rex,",
      "citation": "2 Machabees 1:24 (Clementine Vulgate)"
    },
    {
      "verse": 25,
      "text": "solus præstans, solus justus et omnipotens et æternus, qui liberas Israël de omni malo ; qui fecisti patres electos, et sanctificasti eos :",
      "citation": "2 Machabees 1:25 (Clementine Vulgate)"
    },
    {
      "verse": 26,
      "text": "accipe sacrificium pro universo populo tuo Israël, et custodi partem tuam, et sanctifica.",
      "citation": "2 Machabees 1:26 (Clementine Vulgate)"
    },
    {
      "verse": 27,
      "text": "Congrega dispersionem nostram, libera eos qui serviunt gentibus, et contemptos et abominatos respice, ut sciant gentes quia tu es Deus noster.",
      "citation": "2 Machabees 1:27 (Clementine Vulgate)"
    },
    {
      "verse": 28,
      "text": "Afflige opprimentes nos, et contumeliam facientes in superbia.",
      "citation": "2 Machabees 1:28 (Clementine Vulgate)"
    },
    {
      "verse": 29,
      "text": "Constitue populum tuum in loco sancto tuo, sicut dixit Moyses.",
      "citation": "2 Machabees 1:29 (Clementine Vulgate)"
    },
    {
      "verse": 30,
      "text": "Sacerdotes autem psallebant hymnos usquequo consumptum esset sacrificium.",
      "citation": "2 Machabees 1:30 (Clementine Vulgate)"
    },
    {
      "verse": 31,
      "text": "Cum autem consumptum esset sacrificium, ex residua aqua Nehemias jussit lapides majores perfundi.",
      "citation": "2 Machabees 1:31 (Clementine Vulgate)"
    },
    {
      "verse": 32,
      "text": "Quod ut factum est, ex eis flamma accensa est : sed ex lumine quod refulsit ab altari, consumpta est.",
      "citation": "2 Machabees 1:32 (Clementine Vulgate)"
    },
    {
      "verse": 33,
      "text": "Ut vero manifestata est res, renuntiatum est regi Persarum quod in loco in quo ignem absconderent hi qui translati fuerant sacerdotes, aqua apparuit, de qua Nehemias, et qui cum eo erant, purificaverunt sacrificia.",
      "citation": "2 Machabees 1:33 (Clementine Vulgate)"
    },
    {
      "verse": 34,
      "text": "Considerans autem rex, et rem diligenter examinans, fecit ei templum, ut probaret quod factum erat :",
      "citation": "2 Machabees 1:34 (Clementine Vulgate)"
    },
    {
      "verse": 35,
      "text": "et cum probasset, sacerdotibus donavit multa bona, et alia atque alia munera : et accipiens manu sua, tribuebat eis.",
      "citation": "2 Machabees 1:35 (Clementine Vulgate)"
    },
    {
      "verse": 36,
      "text": "Appellavit autem Nehemias hunc locum Nephthar, quod interpretatur Purificatio : vocatur autem apud plures Nephi.",
      "citation": "2 Machabees 1:36 (Clementine Vulgate)"
    }
  ]
}