{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "2 Machabees, Chapter 10 — 38 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "2 Machabees",
      "slug": "2-machabees",
      "testament": "OT",
      "order": 46,
      "totalChapters": 15
    },
    "chapter": 10,
    "verseCount": 38,
    "navigation": {
      "htmlUrl": "https://latinprayer.org/latin/2-machabees/10/",
      "bookIndex": "https://latinprayer.org/latin/2-machabees/index.json",
      "bookHtmlUrl": "https://latinprayer.org/latin/2-machabees/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/2-machabees/9.json",
      "previousChapterHtmlUrl": "https://latinprayer.org/latin/2-machabees/9/",
      "nextChapter": "https://latinprayer.org/latin/2-machabees/11.json",
      "nextChapterHtmlUrl": "https://latinprayer.org/latin/2-machabees/11/"
    },
    "crossReferences": {
      "english": "https://latinprayer.org/bible/2-machabees/10.json",
      "englishHtmlUrl": "https://latinprayer.org/bible/2-machabees/10/",
      "german": "https://latinprayer.org/bibel/2-machabees/10.json",
      "germanHtmlUrl": "https://latinprayer.org/bibel/2-makkabaeer/10/"
    }
  },
  "citation": "2 Machabees 10 (Clementine Vulgate)",
  "verses": [
    {
      "verse": 1,
      "text": "Machabæus autem, et qui cum eo erant, Domino se protegente, templum quidem et civitatem recepit :",
      "citation": "2 Machabees 10:1 (Clementine Vulgate)"
    },
    {
      "verse": 2,
      "text": "aras autem quas alienigenæ per plateas exstruxerant, itemque delubra demolitus est :",
      "citation": "2 Machabees 10:2 (Clementine Vulgate)"
    },
    {
      "verse": 3,
      "text": "et purgato templo, aliud altare fecerunt, et de ignitis lapidibus igne concepto sacrificia obtulerunt post biennium, et incensum, et lucernas, et panes propositionis posuerunt.",
      "citation": "2 Machabees 10:3 (Clementine Vulgate)"
    },
    {
      "verse": 4,
      "text": "Quibus gestis, rogabant Dominum prostrati in terram, ne amplius talibus malis inciderent : sed et, siquando peccassent, ut ab ipso mitius corriperentur, et non barbaris ac blasphemis hominibus traderentur.",
      "citation": "2 Machabees 10:4 (Clementine Vulgate)"
    },
    {
      "verse": 5,
      "text": "Qua die autem templum ab alienigenis pollutum fuerat, contigit eadem die purificationem fieri, vigesima quinta mensis qui fuit Casleu.",
      "citation": "2 Machabees 10:5 (Clementine Vulgate)"
    },
    {
      "verse": 6,
      "text": "Et cum lætitia diebus octo egerunt in modum tabernaculorum, recordantes quod ante modicum temporis diem solemnem tabernaculorum in montibus et in speluncis more bestiarum egerant.",
      "citation": "2 Machabees 10:6 (Clementine Vulgate)"
    },
    {
      "verse": 7,
      "text": "Propter quod thyrsos, et ramos virides, et palmas præferebant ei qui prosperavit mundari locum suum.",
      "citation": "2 Machabees 10:7 (Clementine Vulgate)"
    },
    {
      "verse": 8,
      "text": "Et decreverunt communi præcepto et decreto universæ genti Judæorum omnibus annis agere dies istos.",
      "citation": "2 Machabees 10:8 (Clementine Vulgate)"
    },
    {
      "verse": 9,
      "text": "Et Antiochi quidem, qui appellatus est Nobilis, vitæ excessus ita se habuit.",
      "citation": "2 Machabees 10:9 (Clementine Vulgate)"
    },
    {
      "verse": 10,
      "text": "Nunc autem de Eupatore Antiochi impii filio quæ gesta sunt narrabimus, breviantes mala quæ in bellis gesta sunt.",
      "citation": "2 Machabees 10:10 (Clementine Vulgate)"
    },
    {
      "verse": 11,
      "text": "Hic enim suscepto regno, constituit super negotia regni Lysiam quemdam, Phœnicis et Syriæ militiæ principem.",
      "citation": "2 Machabees 10:11 (Clementine Vulgate)"
    },
    {
      "verse": 12,
      "text": "Nam Ptolemæus, qui dicebatur Macer, justi tenax erga Judæos esse constituit, et præcipue propter iniquitatem quæ facta erat in eos, et pacifice agere cum eis.",
      "citation": "2 Machabees 10:12 (Clementine Vulgate)"
    },
    {
      "verse": 13,
      "text": "Sed ob hoc accusatus ab amicis apud Eupatorem, cum frequenter proditor audiret, eo quod Cyprum creditam sibi a Philometore deseruisset, et ad Antiochum Nobilem translatus etiam ab eo recessisset, veneno vitam finivit.",
      "citation": "2 Machabees 10:13 (Clementine Vulgate)"
    },
    {
      "verse": 14,
      "text": "Gorgias autem cum esset dux locorum, assumptis advenis, frequenter Judæos debellabat.",
      "citation": "2 Machabees 10:14 (Clementine Vulgate)"
    },
    {
      "verse": 15,
      "text": "Judæi vero qui tenebant opportunas munitiones, fugatos ab Jerosolymis suscipiebant, et bellare tentabant.",
      "citation": "2 Machabees 10:15 (Clementine Vulgate)"
    },
    {
      "verse": 16,
      "text": "Hi vero qui erant cum Machabæo, per orationes Dominum rogantes ut esset sibi adjutor, impetum fecerunt in munitiones Idumæorum :",
      "citation": "2 Machabees 10:16 (Clementine Vulgate)"
    },
    {
      "verse": 17,
      "text": "multaque vi insistentes, loca obtinuerunt, occurrentes interemerunt, et omnes simul non minus viginti millibus trucidaverunt.",
      "citation": "2 Machabees 10:17 (Clementine Vulgate)"
    },
    {
      "verse": 18,
      "text": "Quidam autem cum confugissent in duas turres valde munitas, omnem apparatum ad repugnandum habentes,",
      "citation": "2 Machabees 10:18 (Clementine Vulgate)"
    },
    {
      "verse": 19,
      "text": "Machabæus ad eorum expugnationem relicto Simone, et Josepho, itemque Zachæo, eisque qui cum ipsis erant satis multis, ipse ad eas quæ amplius perurgebant pugnas conversus est.",
      "citation": "2 Machabees 10:19 (Clementine Vulgate)"
    },
    {
      "verse": 20,
      "text": "Hi vero qui cum Simone erant, cupiditate ducti, a quibusdam qui in turribus erant, suasi sunt pecunia : et septuaginta millibus didrachmis acceptis, dimiserunt quosdam effugere.",
      "citation": "2 Machabees 10:20 (Clementine Vulgate)"
    },
    {
      "verse": 21,
      "text": "Cum autem Machabæo nuntiatum esset quod factum est, principibus populi congregatis accusavit quod pecunia fratres vendidissent, adversariis eorum dimissis.",
      "citation": "2 Machabees 10:21 (Clementine Vulgate)"
    },
    {
      "verse": 22,
      "text": "Hos igitur proditores factos interfecit, et confestim duas turres occupavit.",
      "citation": "2 Machabees 10:22 (Clementine Vulgate)"
    },
    {
      "verse": 23,
      "text": "Armis autem ac manibus omnia prospere agendo in duabus munitionibus plus quam viginti millia peremit.",
      "citation": "2 Machabees 10:23 (Clementine Vulgate)"
    },
    {
      "verse": 24,
      "text": "At Timotheus, qui prius a Judæis fuerat superatus, convocato exercitu peregrinæ multitudinis, et congregato equitatu Asiano, advenit quasi armis Judæam capturus.",
      "citation": "2 Machabees 10:24 (Clementine Vulgate)"
    },
    {
      "verse": 25,
      "text": "Machabæus autem et qui cum ipso erant, appropinquante illo, deprecabantur Dominum, caput terra aspergentes, lumbosque ciliciis præcincti,",
      "citation": "2 Machabees 10:25 (Clementine Vulgate)"
    },
    {
      "verse": 26,
      "text": "ad altaris crepidinem provoluti, ut sibi propitius, inimicis autem eorum esset inimicus, et adversariis adversaretur, sicut lex dicit.",
      "citation": "2 Machabees 10:26 (Clementine Vulgate)"
    },
    {
      "verse": 27,
      "text": "Et ita post orationem, sumptis armis, longius de civitate procedentes, et proximi hostibus effecti, resederunt.",
      "citation": "2 Machabees 10:27 (Clementine Vulgate)"
    },
    {
      "verse": 28,
      "text": "Primo autem solis ortu utrique commiserunt : isti quidem victoriæ et prosperitatis sponsorem cum virtute Dominum habentes : illi autem ducem belli animum habebant.",
      "citation": "2 Machabees 10:28 (Clementine Vulgate)"
    },
    {
      "verse": 29,
      "text": "Sed cum vehemens pugna esset, apparuerunt adversariis de cælo viri quinque in equis, frenis aureis decori, ducatum Judæis præstantes :",
      "citation": "2 Machabees 10:29 (Clementine Vulgate)"
    },
    {
      "verse": 30,
      "text": "ex quibus duo Machabæum medium habentes, armis suis circumseptum incolumem conservabant : in adversarios autem tela et fulmina jaciebant, ex quo et cæcitate confusi et repleti perturbatione, cadebant.",
      "citation": "2 Machabees 10:30 (Clementine Vulgate)"
    },
    {
      "verse": 31,
      "text": "Interfecti sunt autem viginti millia quingenti, et equites sexcenti.",
      "citation": "2 Machabees 10:31 (Clementine Vulgate)"
    },
    {
      "verse": 32,
      "text": "Timotheus vero confugit in Gazaram præsidium munitum, cui præerat Chæreas.",
      "citation": "2 Machabees 10:32 (Clementine Vulgate)"
    },
    {
      "verse": 33,
      "text": "Machabæus autem et qui cum eo erant, lætantes obsederunt præsidium diebus quatuor.",
      "citation": "2 Machabees 10:33 (Clementine Vulgate)"
    },
    {
      "verse": 34,
      "text": "At hi qui intus erant, loci firmitate confisi, supra modum maledicebant, et sermones nefandos jactabant.",
      "citation": "2 Machabees 10:34 (Clementine Vulgate)"
    },
    {
      "verse": 35,
      "text": "Sed cum dies quinta illucesceret, viginti juvenes ex his qui cum Machabæo erant, accensi animis propter blasphemiam, viriliter accesserunt ad murum, et feroci animo incedentes ascendebant :",
      "citation": "2 Machabees 10:35 (Clementine Vulgate)"
    },
    {
      "verse": 36,
      "text": "sed et alii similiter ascendentes, turres portasque succendere aggressi sunt, atque ipsos maledicos vivos concremare.",
      "citation": "2 Machabees 10:36 (Clementine Vulgate)"
    },
    {
      "verse": 37,
      "text": "Per continuum autem biduum præsidio vastato, Timotheum occultantem se in quodam repertum loco peremerunt : et fratrem illius Chæream et Apollophanem occiderunt.",
      "citation": "2 Machabees 10:37 (Clementine Vulgate)"
    },
    {
      "verse": 38,
      "text": "Quibus gestis, in hymnis et confessionibus benedicebant Dominum, qui magna fecit in Israël, et victoriam dedit illis.",
      "citation": "2 Machabees 10:38 (Clementine Vulgate)"
    }
  ]
}