{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "2 Machabees, Chapter 11 — 38 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "2 Machabees",
      "slug": "2-machabees",
      "testament": "OT",
      "order": 46,
      "totalChapters": 15
    },
    "chapter": 11,
    "verseCount": 38,
    "navigation": {
      "htmlUrl": "https://latinprayer.org/latin/2-machabees/11/",
      "bookIndex": "https://latinprayer.org/latin/2-machabees/index.json",
      "bookHtmlUrl": "https://latinprayer.org/latin/2-machabees/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/2-machabees/10.json",
      "previousChapterHtmlUrl": "https://latinprayer.org/latin/2-machabees/10/",
      "nextChapter": "https://latinprayer.org/latin/2-machabees/12.json",
      "nextChapterHtmlUrl": "https://latinprayer.org/latin/2-machabees/12/"
    },
    "crossReferences": {
      "english": "https://latinprayer.org/bible/2-machabees/11.json",
      "englishHtmlUrl": "https://latinprayer.org/bible/2-machabees/11/",
      "german": "https://latinprayer.org/bibel/2-machabees/11.json",
      "germanHtmlUrl": "https://latinprayer.org/bibel/2-makkabaeer/11/"
    }
  },
  "citation": "2 Machabees 11 (Clementine Vulgate)",
  "verses": [
    {
      "verse": 1,
      "text": "Sed parvo post tempore, Lysias procurator regis et propinquus, ac negotiorum præpositus, graviter ferens de his quæ acciderant,",
      "citation": "2 Machabees 11:1 (Clementine Vulgate)"
    },
    {
      "verse": 2,
      "text": "congregatis octoginta millibus, et equitatu universo, veniebat adversus Judæos, existimans se civitatem quidem captam gentibus habitaculum facturum,",
      "citation": "2 Machabees 11:2 (Clementine Vulgate)"
    },
    {
      "verse": 3,
      "text": "templum vero in pecuniæ quæstum, sicut cetera delubra gentium, habiturum, et per singulos annos venale sacerdotium :",
      "citation": "2 Machabees 11:3 (Clementine Vulgate)"
    },
    {
      "verse": 4,
      "text": "nusquam recogitans Dei potestatem, sed mente effrenatus in multitudine peditum, et in millibus equitum, et in octoginta elephantis confidebat.",
      "citation": "2 Machabees 11:4 (Clementine Vulgate)"
    },
    {
      "verse": 5,
      "text": "Ingressus autem Judæam, et appropians Bethsuræ, quæ erat in angusto loco, ab Jerosolyma intervallo quinque stadiorum, illud præsidium expugnabat.",
      "citation": "2 Machabees 11:5 (Clementine Vulgate)"
    },
    {
      "verse": 6,
      "text": "Ut autem Machabæus et qui cum eo erant cognoverunt expugnari præsidia, cum fletu et lacrimis rogabant Dominum, et omnis turba simul, ut bonum angelum mitteret ad salutem Israël.",
      "citation": "2 Machabees 11:6 (Clementine Vulgate)"
    },
    {
      "verse": 7,
      "text": "Et ipse primus Machabæus, sumptis armis, ceteros adhortatus est simul secum periculum subire, et ferre auxilium fratribus suis.",
      "citation": "2 Machabees 11:7 (Clementine Vulgate)"
    },
    {
      "verse": 8,
      "text": "Cumque pariter prompto animo procederent, Jerosolymis apparuit præcedens eos eques in veste candida, armis aureis hastam vibrans.",
      "citation": "2 Machabees 11:8 (Clementine Vulgate)"
    },
    {
      "verse": 9,
      "text": "Tunc omnes simul benedixerunt misericordem Dominum, et convaluerunt animis : non solum homines, sed et bestias ferocissimas, et muros ferreos parati penetrare.",
      "citation": "2 Machabees 11:9 (Clementine Vulgate)"
    },
    {
      "verse": 10,
      "text": "Ibant igitur prompti, de cælo habentes adjutorem et miserantem super eos Dominum.",
      "citation": "2 Machabees 11:10 (Clementine Vulgate)"
    },
    {
      "verse": 11,
      "text": "Leonum autem more impetu irruentes in hostes, prostraverunt ex eis undecim millia peditum, et equitum mille sexcentos :",
      "citation": "2 Machabees 11:11 (Clementine Vulgate)"
    },
    {
      "verse": 12,
      "text": "universos autem in fugam verterunt, plures autem ex eis vulnerati nudi evaserunt. Sed et ipse Lysias turpiter fugiens evasit.",
      "citation": "2 Machabees 11:12 (Clementine Vulgate)"
    },
    {
      "verse": 13,
      "text": "Et quia non insensatus erat, secum ipse reputans factam erga se diminutionem, et intelligens invictos esse Hebræos, omnipotentis Dei auxilio innitentes, misit ad eos :",
      "citation": "2 Machabees 11:13 (Clementine Vulgate)"
    },
    {
      "verse": 14,
      "text": "promisitque se consensurum omnibus quæ justa sunt, et regem compulsurum amicum fieri.",
      "citation": "2 Machabees 11:14 (Clementine Vulgate)"
    },
    {
      "verse": 15,
      "text": "Annuit autem Machabæus precibus Lysiæ, in omnibus utilitati consulens : et quæcumque Machabæus scripsit Lysiæ de Judæis, ea rex concessit.",
      "citation": "2 Machabees 11:15 (Clementine Vulgate)"
    },
    {
      "verse": 16,
      "text": "Nam erant scriptæ Judæis epistolæ a Lysia quidem hunc modum continentes : Lysias populo Judæorum salutem.",
      "citation": "2 Machabees 11:16 (Clementine Vulgate)"
    },
    {
      "verse": 17,
      "text": "Joannes et Abesalom, qui missi fuerant a vobis, tradentes scripta, postulabant ut ea quæ per illos significabantur, implerem.",
      "citation": "2 Machabees 11:17 (Clementine Vulgate)"
    },
    {
      "verse": 18,
      "text": "Quæcumque igitur regi potuerunt perferri, exposui : et quæ res permittebat, concessit.",
      "citation": "2 Machabees 11:18 (Clementine Vulgate)"
    },
    {
      "verse": 19,
      "text": "Si igitur in negotiis fidem conservaveritis, et deinceps bonorum vobis causa esset, tentabo.",
      "citation": "2 Machabees 11:19 (Clementine Vulgate)"
    },
    {
      "verse": 20,
      "text": "De ceteris autem per singula verbo mandavi et istis, et his, qui a me missi sunt, colloqui vobiscum.",
      "citation": "2 Machabees 11:20 (Clementine Vulgate)"
    },
    {
      "verse": 21,
      "text": "Bene valete. Anno centesimo, quadragesimo octavo mensis Dioscori, die vigesima et quarta.",
      "citation": "2 Machabees 11:21 (Clementine Vulgate)"
    },
    {
      "verse": 22,
      "text": "Regis autem epistola ista continebat : Rex Antiochus Lysiæ fratri salutem.",
      "citation": "2 Machabees 11:22 (Clementine Vulgate)"
    },
    {
      "verse": 23,
      "text": "Patre nostro inter deos translato, nos volentes eos qui sunt in regno nostro sine tumultu agere, et rebus suis adhibere diligentiam,",
      "citation": "2 Machabees 11:23 (Clementine Vulgate)"
    },
    {
      "verse": 24,
      "text": "audivimus Judæos non consensisse patri meo ut transferrentur ad ritum Græcorum, sed tenere velle suum institutum, ac propterea postulare a nobis concedi sibi legitima sua.",
      "citation": "2 Machabees 11:24 (Clementine Vulgate)"
    },
    {
      "verse": 25,
      "text": "Volentes igitur hanc quoque gentem quietam esse, statuentes judicavimus templum restitui illis, ut agerent secundum suorum majorum consuetudinem.",
      "citation": "2 Machabees 11:25 (Clementine Vulgate)"
    },
    {
      "verse": 26,
      "text": "Bene igitur feceris, si miseris ad eos et dexteram dederis : ut cognita nostra voluntate, bono animo sint, et utilitatibus propriis deserviant.",
      "citation": "2 Machabees 11:26 (Clementine Vulgate)"
    },
    {
      "verse": 27,
      "text": "Ad Judæos vero regis epistola talis erat : Rex Antiochus senatui Judæorum, et ceteris Judæis salutem.",
      "citation": "2 Machabees 11:27 (Clementine Vulgate)"
    },
    {
      "verse": 28,
      "text": "Si valetis, sic estis ut volumus : sed et ipsi bene valemus.",
      "citation": "2 Machabees 11:28 (Clementine Vulgate)"
    },
    {
      "verse": 29,
      "text": "Adiit nos Menelaus, dicens velle vos descendere ad vestros, qui sunt apud nos.",
      "citation": "2 Machabees 11:29 (Clementine Vulgate)"
    },
    {
      "verse": 30,
      "text": "His igitur qui commeant usque ad diem trigesimum mensis Xanthici, damus dextras securitatis,",
      "citation": "2 Machabees 11:30 (Clementine Vulgate)"
    },
    {
      "verse": 31,
      "text": "ut Judæi utantur cibis et legibus suis, sicut et prius : et nemo eorum ullo modo molestiam patiatur de his quæ per ignorantiam gesta sunt.",
      "citation": "2 Machabees 11:31 (Clementine Vulgate)"
    },
    {
      "verse": 32,
      "text": "Misimus autem et Menelaum, qui vos alloquatur.",
      "citation": "2 Machabees 11:32 (Clementine Vulgate)"
    },
    {
      "verse": 33,
      "text": "Valete. Anno centesimo quadragesimo octavo, Xanthici mensis quintadecima die.",
      "citation": "2 Machabees 11:33 (Clementine Vulgate)"
    },
    {
      "verse": 34,
      "text": "Miserunt autem etiam Romani epistolam, ita se habentem : Quintus Memmius et Titus Manilius legati Romanorum, populo Judæorum salutem.",
      "citation": "2 Machabees 11:34 (Clementine Vulgate)"
    },
    {
      "verse": 35,
      "text": "De his quæ Lysias cognatus regis concessit vobis, et nos concessimus.",
      "citation": "2 Machabees 11:35 (Clementine Vulgate)"
    },
    {
      "verse": 36,
      "text": "De quibus autem ad regem judicavit referendum, confestim aliquem mittere, diligentius inter vos conferentes, ut decernamus, sicut congruit vobis : nos enim Antiochiam accedimus.",
      "citation": "2 Machabees 11:36 (Clementine Vulgate)"
    },
    {
      "verse": 37,
      "text": "Ideoque festinate rescribere, ut nos quoque sciamus cujus estis voluntatis.",
      "citation": "2 Machabees 11:37 (Clementine Vulgate)"
    },
    {
      "verse": 38,
      "text": "Bene valete. Anno centesimo quadragesimo octavo, quintadecima die mensis Xanthici.",
      "citation": "2 Machabees 11:38 (Clementine Vulgate)"
    }
  ]
}