{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "2 Machabees, Chapter 14 — 46 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "2 Machabees",
      "slug": "2-machabees",
      "testament": "OT",
      "order": 46,
      "totalChapters": 15
    },
    "chapter": 14,
    "verseCount": 46,
    "navigation": {
      "htmlUrl": "https://latinprayer.org/latin/2-machabees/14/",
      "bookIndex": "https://latinprayer.org/latin/2-machabees/index.json",
      "bookHtmlUrl": "https://latinprayer.org/latin/2-machabees/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/2-machabees/13.json",
      "previousChapterHtmlUrl": "https://latinprayer.org/latin/2-machabees/13/",
      "nextChapter": "https://latinprayer.org/latin/2-machabees/15.json",
      "nextChapterHtmlUrl": "https://latinprayer.org/latin/2-machabees/15/"
    },
    "crossReferences": {
      "english": "https://latinprayer.org/bible/2-machabees/14.json",
      "englishHtmlUrl": "https://latinprayer.org/bible/2-machabees/14/",
      "german": "https://latinprayer.org/bibel/2-machabees/14.json",
      "germanHtmlUrl": "https://latinprayer.org/bibel/2-makkabaeer/14/"
    }
  },
  "citation": "2 Machabees 14 (Clementine Vulgate)",
  "verses": [
    {
      "verse": 1,
      "text": "Sed post triennii tempus, cognovit Judas et qui cum eo erant Demetrium Seleuci cum multitudine valida et navibus per portam Tripolis ascendisse ad loca opportuna,",
      "citation": "2 Machabees 14:1 (Clementine Vulgate)"
    },
    {
      "verse": 2,
      "text": "et tenuisse regiones adversus Antiochum, et ducem ejus Lysiam.",
      "citation": "2 Machabees 14:2 (Clementine Vulgate)"
    },
    {
      "verse": 3,
      "text": "Alcimus autem quidam, qui summus sacerdos fuerat, sed voluntarie coinquinatus est temporibus commistionis, considerans nullo modo sibi esse salutem neque accessum ad altare,",
      "citation": "2 Machabees 14:3 (Clementine Vulgate)"
    },
    {
      "verse": 4,
      "text": "venit ad regem Demetrium centesimo quinquagesimo anno, offerens ei coronam auream et palmam, super hæc et thallos, qui templi esse videbantur. Et ipsa quidem die siluit.",
      "citation": "2 Machabees 14:4 (Clementine Vulgate)"
    },
    {
      "verse": 5,
      "text": "Tempus autem opportunum dementiæ suæ nactus, convocatus a Demetrio ad consilium, et interrogatus quibus rebus et consiliis Judæi niterentur,",
      "citation": "2 Machabees 14:5 (Clementine Vulgate)"
    },
    {
      "verse": 6,
      "text": "respondit : Ipsi qui dicuntur Assidæi Judæorum, quibus præest Judas Machabæus, bella nutriunt, et seditiones movent, nec patiuntur regnum esse quietum :",
      "citation": "2 Machabees 14:6 (Clementine Vulgate)"
    },
    {
      "verse": 7,
      "text": "nam et ego defraudatus parentum gloria (dico autem summo sacerdotio) huc veni :",
      "citation": "2 Machabees 14:7 (Clementine Vulgate)"
    },
    {
      "verse": 8,
      "text": "primo quidem utilitatibus regis fidem servans, secundo autem etiam civibus consulens : nam illorum pravitate universum genus nostrum non minime vexatur.",
      "citation": "2 Machabees 14:8 (Clementine Vulgate)"
    },
    {
      "verse": 9,
      "text": "Sed oro his singulis, o rex, cognitis, et regioni et generi, secundum humanitatem tuam pervulgatam omnibus, prospice :",
      "citation": "2 Machabees 14:9 (Clementine Vulgate)"
    },
    {
      "verse": 10,
      "text": "nam, quamdiu superest Judas, impossibile est pacem esse negotiis.",
      "citation": "2 Machabees 14:10 (Clementine Vulgate)"
    },
    {
      "verse": 11,
      "text": "Talibus autem ab hoc dictis, et ceteri amici hostiliter se habentes adversus Judam, inflammaverunt Demetrium.",
      "citation": "2 Machabees 14:11 (Clementine Vulgate)"
    },
    {
      "verse": 12,
      "text": "Qui statim Nicanorem præpositum elephantorum ducem misit in Judæam :",
      "citation": "2 Machabees 14:12 (Clementine Vulgate)"
    },
    {
      "verse": 13,
      "text": "datis mandatis ut ipsum quidem Judam caperet : eos vero qui cum illo erant, dispergeret, et constitueret Alcimum maximi templi summum sacerdotem.",
      "citation": "2 Machabees 14:13 (Clementine Vulgate)"
    },
    {
      "verse": 14,
      "text": "Tunc gentes quæ de Judæa fugerant Judam, gregatim se Nicanori miscebant, miserias et clades Judæorum prosperitates rerum suarum existimantes.",
      "citation": "2 Machabees 14:14 (Clementine Vulgate)"
    },
    {
      "verse": 15,
      "text": "Audito itaque Judæi Nicanoris adventu, et conventu nationum, conspersi terra rogabant eum qui populum suum constituit, ut in æternum custodiret, quique suam portionem signis evidentibus protegit.",
      "citation": "2 Machabees 14:15 (Clementine Vulgate)"
    },
    {
      "verse": 16,
      "text": "Imperante autem duce, statim inde moverunt, conveneruntque ad castellum Dessau.",
      "citation": "2 Machabees 14:16 (Clementine Vulgate)"
    },
    {
      "verse": 17,
      "text": "Simon vero frater Judæ commiserat cum Nicanore : sed conterritus est repentino adventu adversariorum.",
      "citation": "2 Machabees 14:17 (Clementine Vulgate)"
    },
    {
      "verse": 18,
      "text": "Nicanor tamen, audiens virtutem comitum Judæ, et animi magnitudinem quam pro patriæ certaminibus habebant, sanguine judicium facere metuebat.",
      "citation": "2 Machabees 14:18 (Clementine Vulgate)"
    },
    {
      "verse": 19,
      "text": "Quam ob rem præmisit Posidonium, et Theodotium, et Matthiam, ut darent dextras atque acciperent.",
      "citation": "2 Machabees 14:19 (Clementine Vulgate)"
    },
    {
      "verse": 20,
      "text": "Et cum diu de his consilium ageretur, et ipse dux ad multitudinem retulisset, omnium una fuit sententia amicitiis annuere.",
      "citation": "2 Machabees 14:20 (Clementine Vulgate)"
    },
    {
      "verse": 21,
      "text": "Itaque diem constituerunt, qua secreto inter se agerent : et singulis sellæ prolatæ sunt, et positæ.",
      "citation": "2 Machabees 14:21 (Clementine Vulgate)"
    },
    {
      "verse": 22,
      "text": "Præcepit autem Judas armatos esse locis opportunis, ne forte ab hostibus repente mali aliquid oriretur : et congruum colloquium fecerunt.",
      "citation": "2 Machabees 14:22 (Clementine Vulgate)"
    },
    {
      "verse": 23,
      "text": "Morabatur autem Nicanor Jerosolymis, nihilque inique agebat : gregesque turbarum quæ congregatæ fuerant, dimisit.",
      "citation": "2 Machabees 14:23 (Clementine Vulgate)"
    },
    {
      "verse": 24,
      "text": "Habebat autem Judam semper carum ex animo, et erat viro inclinatus.",
      "citation": "2 Machabees 14:24 (Clementine Vulgate)"
    },
    {
      "verse": 25,
      "text": "Rogavitque eum ducere uxorem, filiosque procreare. Nuptias fecit : quiete egit, communiterque vivebant.",
      "citation": "2 Machabees 14:25 (Clementine Vulgate)"
    },
    {
      "verse": 26,
      "text": "Alcimus autem, videns caritatem illorum ad invicem et conventiones, venit ad Demetrium, et dicebat Nicanorem rebus alienis assentire, Judamque regni insidiatorem successorem sibi destinasse.",
      "citation": "2 Machabees 14:26 (Clementine Vulgate)"
    },
    {
      "verse": 27,
      "text": "Itaque rex exasperatus, et pessimis hujus criminationibus irritatus, scripsit Nicanori, dicens graviter quidem se ferre de amicitiæ conventione, jubere tamen Machabæum citius vinctum mittere Antiochiam.",
      "citation": "2 Machabees 14:27 (Clementine Vulgate)"
    },
    {
      "verse": 28,
      "text": "Quibus cognitis, Nicanor consternabatur, et graviter ferebat, si ea quæ convenerant irrita faceret, nihil læsus a viro :",
      "citation": "2 Machabees 14:28 (Clementine Vulgate)"
    },
    {
      "verse": 29,
      "text": "sed quia regi resistere non poterat, opportunitatem observabat qua præceptum perficeret.",
      "citation": "2 Machabees 14:29 (Clementine Vulgate)"
    },
    {
      "verse": 30,
      "text": "At Machabæus, videns secum austerius agere Nicanorem, et consuetum occursum ferocius exhibentem, intelligens non ex bono esse austeritatem istam, paucis suorum congregatis, occultavit se a Nicanore.",
      "citation": "2 Machabees 14:30 (Clementine Vulgate)"
    },
    {
      "verse": 31,
      "text": "Quod cum ille cognovit, fortiter se a viro præventum, venit ad maximum et sanctissimum templum : et sacerdotibus solitas hostias offerentibus, jussit sibi tradi virum.",
      "citation": "2 Machabees 14:31 (Clementine Vulgate)"
    },
    {
      "verse": 32,
      "text": "Quibus cum juramento dicentibus nescire se ubi esset qui quærebatur, extendens manum ad templum,",
      "citation": "2 Machabees 14:32 (Clementine Vulgate)"
    },
    {
      "verse": 33,
      "text": "juravit, dicens : Nisi Judam mihi vinctum tradideritis, istud Dei fanum in planitiem deducam, et altare effodiam, et templum hoc Libero patri consecrabo.",
      "citation": "2 Machabees 14:33 (Clementine Vulgate)"
    },
    {
      "verse": 34,
      "text": "Et his dictis abiit. Sacerdotes autem protendentes manus in cælum, invocabant eum qui semper propugnator esset gentis ipsorum, hæc dicentes :",
      "citation": "2 Machabees 14:34 (Clementine Vulgate)"
    },
    {
      "verse": 35,
      "text": "Tu, Domine universorum, qui nullius indiges, voluisti templum habitationis tuæ fieri in nobis.",
      "citation": "2 Machabees 14:35 (Clementine Vulgate)"
    },
    {
      "verse": 36,
      "text": "Et nunc, Sancte sanctorum, omnium Domine, conserva in æternum impollutam domum istam, quæ nuper mundata est.",
      "citation": "2 Machabees 14:36 (Clementine Vulgate)"
    },
    {
      "verse": 37,
      "text": "Razias autem quidam de senioribus ab Jerosolymis delatus est Nicanori, vir amator civitatis, et bene audiens : qui pro affectu pater Judæorum appellabatur.",
      "citation": "2 Machabees 14:37 (Clementine Vulgate)"
    },
    {
      "verse": 38,
      "text": "Hic multis temporibus continentiæ propositum tenuit in Judaismo, corpusque et animam tradere contentus pro perseverantia.",
      "citation": "2 Machabees 14:38 (Clementine Vulgate)"
    },
    {
      "verse": 39,
      "text": "Volens autem Nicanor manifestare odium quod habebat in Judæos, misit milites quingentos ut eum comprehenderent.",
      "citation": "2 Machabees 14:39 (Clementine Vulgate)"
    },
    {
      "verse": 40,
      "text": "Putabat enim, si illum decepisset, se cladem Judæis maximam illaturum.",
      "citation": "2 Machabees 14:40 (Clementine Vulgate)"
    },
    {
      "verse": 41,
      "text": "Turbis autem irruere in domum ejus, et januam dirumpere : atque ignem admovere cupientibus, cum jam comprehenderetur, gladio se petiit,",
      "citation": "2 Machabees 14:41 (Clementine Vulgate)"
    },
    {
      "verse": 42,
      "text": "eligens nobiliter mori potius quam subditus fieri peccatoribus, et contra natales suos indignis injuriis agi.",
      "citation": "2 Machabees 14:42 (Clementine Vulgate)"
    },
    {
      "verse": 43,
      "text": "Sed cum per festinationem non certo ictu plagam dedisset, et turbæ intra ostia irrumperent, recurrens audacter ad murum præcipitavit semetipsum viriliter in turbas :",
      "citation": "2 Machabees 14:43 (Clementine Vulgate)"
    },
    {
      "verse": 44,
      "text": "quibus velociter locum dantibus casui ejus, venit per mediam cervicem.",
      "citation": "2 Machabees 14:44 (Clementine Vulgate)"
    },
    {
      "verse": 45,
      "text": "Et cum adhuc spiraret, accensus animo, surrexit, et cum sanguis ejus magno fluxu deflueret, et gravissimis vulneribus esset saucius, cursu turbam pertransiit :",
      "citation": "2 Machabees 14:45 (Clementine Vulgate)"
    },
    {
      "verse": 46,
      "text": "et stans supra quamdam petram præruptam, et jam exsanguis effectus, complexus intestina sua, utrisque manibus projecit super turbas, invocans dominatorem vitæ ac spiritus ut hæc illi iterum redderet : atque ita vita defunctus est.",
      "citation": "2 Machabees 14:46 (Clementine Vulgate)"
    }
  ]
}