{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "2 Machabees, Chapter 3 — 40 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "2 Machabees",
      "slug": "2-machabees",
      "testament": "OT",
      "order": 46,
      "totalChapters": 15
    },
    "chapter": 3,
    "verseCount": 40,
    "navigation": {
      "htmlUrl": "https://latinprayer.org/latin/2-machabees/3/",
      "bookIndex": "https://latinprayer.org/latin/2-machabees/index.json",
      "bookHtmlUrl": "https://latinprayer.org/latin/2-machabees/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/2-machabees/2.json",
      "previousChapterHtmlUrl": "https://latinprayer.org/latin/2-machabees/2/",
      "nextChapter": "https://latinprayer.org/latin/2-machabees/4.json",
      "nextChapterHtmlUrl": "https://latinprayer.org/latin/2-machabees/4/"
    },
    "crossReferences": {
      "english": "https://latinprayer.org/bible/2-machabees/3.json",
      "englishHtmlUrl": "https://latinprayer.org/bible/2-machabees/3/",
      "german": "https://latinprayer.org/bibel/2-machabees/3.json",
      "germanHtmlUrl": "https://latinprayer.org/bibel/2-makkabaeer/3/"
    }
  },
  "citation": "2 Machabees 3 (Clementine Vulgate)",
  "verses": [
    {
      "verse": 1,
      "text": "Igitur cum sancta civitas habitaretur in omni pace, leges etiam adhuc optime custodirentur, propter Oniæ pontificis pietatem, et animos odio habentes mala,",
      "citation": "2 Machabees 3:1 (Clementine Vulgate)"
    },
    {
      "verse": 2,
      "text": "fiebat ut et ipsi reges et principes locum summo honore dignum ducerent, et templum maximis muneribus illustrarent :",
      "citation": "2 Machabees 3:2 (Clementine Vulgate)"
    },
    {
      "verse": 3,
      "text": "ita ut Seleucus Asiæ rex de redditibus suis præstaret omnes sumptus ad ministerium sacrificiorum pertinentes.",
      "citation": "2 Machabees 3:3 (Clementine Vulgate)"
    },
    {
      "verse": 4,
      "text": "Simon autem de tribu Benjamin, præpositus templi constitutus, contendebat, obsistente sibi principe sacerdotum, iniquum aliquid in civitate moliri.",
      "citation": "2 Machabees 3:4 (Clementine Vulgate)"
    },
    {
      "verse": 5,
      "text": "Sed cum vincere Oniam non posset, venit ad Apollonium Tharsææ filium, qui eo tempore erat dux Cœlesyriæ et Phœnicis :",
      "citation": "2 Machabees 3:5 (Clementine Vulgate)"
    },
    {
      "verse": 6,
      "text": "et nuntiavit ei pecuniis innumerabilibus plenum esse ærarium Jerosolymis, et communes copias immensas esse, quæ non pertinent ad rationem sacrificiorum : esse autem possibile sub potestate regis cadere universa.",
      "citation": "2 Machabees 3:6 (Clementine Vulgate)"
    },
    {
      "verse": 7,
      "text": "Cumque retulisset ad regem Apollonius de pecuniis quæ delatæ erant, illæ accitum Heliodorum, qui erat super negotia ejus, misit, cum mandatis ut prædictam pecuniam transportaret.",
      "citation": "2 Machabees 3:7 (Clementine Vulgate)"
    },
    {
      "verse": 8,
      "text": "Statimque Heliodorus iter est agressus, specie quidem quasi per Cœlesyriam et Phœnicen civitates esset peragraturus, re vera autem regis propositum perfecturus.",
      "citation": "2 Machabees 3:8 (Clementine Vulgate)"
    },
    {
      "verse": 9,
      "text": "Sed cum venisset Jerosolymam, et benigne a summo sacerdote in civitate esset exceptus, narravit de dato indicio pecuniarum, et cujus rei gratia adesset, aperuit : interrogabat autem si vere hæc ita essent.",
      "citation": "2 Machabees 3:9 (Clementine Vulgate)"
    },
    {
      "verse": 10,
      "text": "Tunc summus sacerdos ostendit deposita esse hæc, et victualia viduarum et pupillorum :",
      "citation": "2 Machabees 3:10 (Clementine Vulgate)"
    },
    {
      "verse": 11,
      "text": "quædam vero esse Hircani Tobiæ viri valde eminentis, in his quæ detulerat impius Simon : universa autem argenti talenta esse quadringenta, et auri ducenta :",
      "citation": "2 Machabees 3:11 (Clementine Vulgate)"
    },
    {
      "verse": 12,
      "text": "decipi vero eos qui credidissent loco et templo quod per universum mundum honoratur pro sui veneratione et sanctitate, omnino impossibile esse.",
      "citation": "2 Machabees 3:12 (Clementine Vulgate)"
    },
    {
      "verse": 13,
      "text": "At ille pro his quæ habebat in mandatis a rege, dicebat omni genere regi ea esse deferenda.",
      "citation": "2 Machabees 3:13 (Clementine Vulgate)"
    },
    {
      "verse": 14,
      "text": "Constituta autem die, intrabat de his Heliodorus ordinaturus. Non modica vero per universam civitatem erat trepidatio.",
      "citation": "2 Machabees 3:14 (Clementine Vulgate)"
    },
    {
      "verse": 15,
      "text": "Sacerdotes autem ante altare cum stolis sacerdotalibus jactaverunt se, et invocabant de cælo eum qui de depositis legem posuit, ut his qui deposuerant ea salva custodiret.",
      "citation": "2 Machabees 3:15 (Clementine Vulgate)"
    },
    {
      "verse": 16,
      "text": "Jam vero qui videbat summi sacerdotis vultum, mente vulnerabatur : facies enim et color immutatus declarabat internum animi dolorem :",
      "citation": "2 Machabees 3:16 (Clementine Vulgate)"
    },
    {
      "verse": 17,
      "text": "circumfusa enim erat mœstitia quædam viro, et horror corporis, per quem manifestus aspicientibus dolor cordis ejus efficiebatur.",
      "citation": "2 Machabees 3:17 (Clementine Vulgate)"
    },
    {
      "verse": 18,
      "text": "Alii etiam gregatim de domibus confluebant, publica supplicatione obsecrantes, pro eo quod in contemptum locus esset venturus.",
      "citation": "2 Machabees 3:18 (Clementine Vulgate)"
    },
    {
      "verse": 19,
      "text": "Accinctæque mulieres ciliciis pectus, per plateas confluebant : sed et virgines quæ conclusæ erant, procurrebant ad Oniam, aliæ autem ad muros, quædam vero per fenestras aspiciebant :",
      "citation": "2 Machabees 3:19 (Clementine Vulgate)"
    },
    {
      "verse": 20,
      "text": "universæ autem protendentes manus in cælum, deprecabantur :",
      "citation": "2 Machabees 3:20 (Clementine Vulgate)"
    },
    {
      "verse": 21,
      "text": "erat enim misera commistæ multitudinis, et magni sacerdotis in agone constituti exspectatio.",
      "citation": "2 Machabees 3:21 (Clementine Vulgate)"
    },
    {
      "verse": 22,
      "text": "Et hi quidem invocabant omnipotentem Deum, ut credita sibi his qui crediderant, cum omni integritate conservarentur.",
      "citation": "2 Machabees 3:22 (Clementine Vulgate)"
    },
    {
      "verse": 23,
      "text": "Heliodorus autem, quod decreverat, perficiebat eodem loco ipse cum satellitibus circa ærarium præsens.",
      "citation": "2 Machabees 3:23 (Clementine Vulgate)"
    },
    {
      "verse": 24,
      "text": "Sed spiritus omnipotentis Dei magnam fecit suæ ostensionis evidentiam, ita ut omnes qui ausi fuerant parere ei, ruentes Dei virtute, in dissolutionem et formidinem converterentur.",
      "citation": "2 Machabees 3:24 (Clementine Vulgate)"
    },
    {
      "verse": 25,
      "text": "Apparuit enim illis quidam equus terribilem habens sessorem, optimis operimentis adornatus : isque cum impetu Heliodoro priores calces elisit : qui autem ei sedebat, videbatur arma habere aurea.",
      "citation": "2 Machabees 3:25 (Clementine Vulgate)"
    },
    {
      "verse": 26,
      "text": "Alii etiam apparuerunt duo juvenes virtute decori, optimi gloria, speciosique amictu : qui circumsteterunt eum, et ex utraque parte flagellabant, sine intermissione multis plagis verberantes.",
      "citation": "2 Machabees 3:26 (Clementine Vulgate)"
    },
    {
      "verse": 27,
      "text": "Subito autem Heliodorus concidit in terram, eumque multa caligine circumfusum rapuerunt, atque in sella gestatoria positum ejecerunt.",
      "citation": "2 Machabees 3:27 (Clementine Vulgate)"
    },
    {
      "verse": 28,
      "text": "Et is, qui cum multis cursoribus et satellitibus prædictum ingressus est ærarium, portabatur nullo sibi auxilium ferente, manifesta Dei cognita virtute :",
      "citation": "2 Machabees 3:28 (Clementine Vulgate)"
    },
    {
      "verse": 29,
      "text": "et ille quidem per divinam virtutem jacebat mutus, atque omni spe et salute privatus.",
      "citation": "2 Machabees 3:29 (Clementine Vulgate)"
    },
    {
      "verse": 30,
      "text": "Hi autem Dominum benedicebant, quia magnificabat locum suum : et templum, quod paulo ante timore ac tumultu erat plenum, apparente omnipotente Domino, gaudio et lætitia impletum est.",
      "citation": "2 Machabees 3:30 (Clementine Vulgate)"
    },
    {
      "verse": 31,
      "text": "Tunc vero ex amicis Heliodori quidam rogabant confestim Oniam, ut invocaret Altissimum ut vitam donaret ei qui in supremo spiritu erat constitutus.",
      "citation": "2 Machabees 3:31 (Clementine Vulgate)"
    },
    {
      "verse": 32,
      "text": "Considerans autem summus sacerdos ne forte rex suspicaretur malitiam aliquam ex Judæis circa Heliodorum consummatum, obtulit pro salute viri hostiam salutarem.",
      "citation": "2 Machabees 3:32 (Clementine Vulgate)"
    },
    {
      "verse": 33,
      "text": "Cumque summus sacerdos exoraret, iidem juvenes eisdem vestibus amicti astantes Heliodoro, dixerunt : Oniæ sacerdoti gratias age : nam propter eum Dominus tibi vitam donavit.",
      "citation": "2 Machabees 3:33 (Clementine Vulgate)"
    },
    {
      "verse": 34,
      "text": "Tu autem a Deo flagellatus, nuntia omnibus magnalia Dei, et potestatem. Et his dictis, non comparuerunt.",
      "citation": "2 Machabees 3:34 (Clementine Vulgate)"
    },
    {
      "verse": 35,
      "text": "Heliodorus autem, hostia Deo oblata, et votis magnis promissis ei qui vivere illi concessit, et Oniæ gratias agens, recepto exercitu, repedabat ad regem.",
      "citation": "2 Machabees 3:35 (Clementine Vulgate)"
    },
    {
      "verse": 36,
      "text": "Testabatur autem omnibus ea quæ sub oculis suis viderat opera magni Dei.",
      "citation": "2 Machabees 3:36 (Clementine Vulgate)"
    },
    {
      "verse": 37,
      "text": "Cum autem rex interrogasset Heliodorum, quis esset aptus adhuc semel Jerosolymam mitti, ait :",
      "citation": "2 Machabees 3:37 (Clementine Vulgate)"
    },
    {
      "verse": 38,
      "text": "Si quem habes hostem, aut regni tui insidiatorem, mitte illuc, et flagellatum eum recipies, si tamen evaserit : eo quod in loco sit vere Dei quædam virtus.",
      "citation": "2 Machabees 3:38 (Clementine Vulgate)"
    },
    {
      "verse": 39,
      "text": "Nam ipse, qui habet in cælis habitationem, visitator et adjutor est loci illius, et venientes ad malefaciendum percutit ac perdit.",
      "citation": "2 Machabees 3:39 (Clementine Vulgate)"
    },
    {
      "verse": 40,
      "text": "Igitur de Heliodoro et ærarii custodia ita res se habet.",
      "citation": "2 Machabees 3:40 (Clementine Vulgate)"
    }
  ]
}