{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "2 Machabees, Chapter 6 — 31 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "2 Machabees",
      "slug": "2-machabees",
      "testament": "OT",
      "order": 46,
      "totalChapters": 15
    },
    "chapter": 6,
    "verseCount": 31,
    "navigation": {
      "htmlUrl": "https://latinprayer.org/latin/2-machabees/6/",
      "bookIndex": "https://latinprayer.org/latin/2-machabees/index.json",
      "bookHtmlUrl": "https://latinprayer.org/latin/2-machabees/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/2-machabees/5.json",
      "previousChapterHtmlUrl": "https://latinprayer.org/latin/2-machabees/5/",
      "nextChapter": "https://latinprayer.org/latin/2-machabees/7.json",
      "nextChapterHtmlUrl": "https://latinprayer.org/latin/2-machabees/7/"
    },
    "crossReferences": {
      "english": "https://latinprayer.org/bible/2-machabees/6.json",
      "englishHtmlUrl": "https://latinprayer.org/bible/2-machabees/6/",
      "german": "https://latinprayer.org/bibel/2-machabees/6.json",
      "germanHtmlUrl": "https://latinprayer.org/bibel/2-makkabaeer/6/"
    }
  },
  "citation": "2 Machabees 6 (Clementine Vulgate)",
  "verses": [
    {
      "verse": 1,
      "text": "Sed non post multum temporis, misit rex senem quemdam Antiochenum, qui compelleret Judæos ut se transferrent a patriis et Dei legibus :",
      "citation": "2 Machabees 6:1 (Clementine Vulgate)"
    },
    {
      "verse": 2,
      "text": "contaminare etiam quod in Jerosolymis erat templum, et cognominare Jovis Olympii : et in Garizim, prout erant hi qui locum inhabitabant, Jovis hospitalis.",
      "citation": "2 Machabees 6:2 (Clementine Vulgate)"
    },
    {
      "verse": 3,
      "text": "Pessima autem et universis gravis erat malorum incursio :",
      "citation": "2 Machabees 6:3 (Clementine Vulgate)"
    },
    {
      "verse": 4,
      "text": "nam templum luxuria et comessationibus gentium erat plenum, et scortantium cum meretricibus : sacratisque ædibus mulieres se ultro ingerebant, intro ferentes ea quæ non licebat.",
      "citation": "2 Machabees 6:4 (Clementine Vulgate)"
    },
    {
      "verse": 5,
      "text": "Altare etiam plenum erat illicitis, quæ legibus prohibebantur.",
      "citation": "2 Machabees 6:5 (Clementine Vulgate)"
    },
    {
      "verse": 6,
      "text": "Neque autem sabbata custodiebantur, neque dies solemnes patrii servabantur, nec simpliciter Judæum se esse quisquam confitebatur.",
      "citation": "2 Machabees 6:6 (Clementine Vulgate)"
    },
    {
      "verse": 7,
      "text": "Ducebantur autem cum amara necessitate in die natalis regis ad sacrificia : et cum Liberi sacra celebrarentur, cogebantur hedera coronati Libero circuire.",
      "citation": "2 Machabees 6:7 (Clementine Vulgate)"
    },
    {
      "verse": 8,
      "text": "Decretum autem exiit in proximas gentilium civitates, suggerentibus Ptolemæis, ut pari modo et ipsi adversus Judæos agerent, ut sacrificarent :",
      "citation": "2 Machabees 6:8 (Clementine Vulgate)"
    },
    {
      "verse": 9,
      "text": "eos autem qui nollent transire ad instituta gentium, interficerent : erat ergo videre miseriam.",
      "citation": "2 Machabees 6:9 (Clementine Vulgate)"
    },
    {
      "verse": 10,
      "text": "Duæ enim mulieres delatæ sunt natos suos circumcidisse : quas, infantibus ad ubera suspensis, cum publice per civitatem circumduxissent, per muros præcipitaverunt.",
      "citation": "2 Machabees 6:10 (Clementine Vulgate)"
    },
    {
      "verse": 11,
      "text": "Alii vero, ad proximas coëuntes speluncas, et latenter sabbati diem celebrantes, cum indicati essent Philippo, flammis succensi sunt, eo quod verebantur propter religionem et observantiam manu sibimet auxilium ferre.",
      "citation": "2 Machabees 6:11 (Clementine Vulgate)"
    },
    {
      "verse": 12,
      "text": "Obsecro autem eos qui hunc librum lecturi sunt, ne abhorrescant propter adversos casus : sed reputent ea quæ acciderunt, non ad interitum, sed ad correptionem esse generis nostri.",
      "citation": "2 Machabees 6:12 (Clementine Vulgate)"
    },
    {
      "verse": 13,
      "text": "Etenim multo tempore non sinere peccatoribus ex sententia agere, sed statim ultiones adhibere, magni beneficii est indicium.",
      "citation": "2 Machabees 6:13 (Clementine Vulgate)"
    },
    {
      "verse": 14,
      "text": "Non enim, sicut in aliis nationibus, Dominus patienter exspectat, ut eas cum judicii dies advenerit, in plenitudine peccatorum puniat :",
      "citation": "2 Machabees 6:14 (Clementine Vulgate)"
    },
    {
      "verse": 15,
      "text": "ita et in nobis statuit ut, peccatis nostris in finem devolutis, ita demum in nos vindicet.",
      "citation": "2 Machabees 6:15 (Clementine Vulgate)"
    },
    {
      "verse": 16,
      "text": "Propter quod numquam quidem a nobis misericordiam suam amovet : corripiens vero in adversis, populum suum non dereliquit.",
      "citation": "2 Machabees 6:16 (Clementine Vulgate)"
    },
    {
      "verse": 17,
      "text": "Sed hæc nobis ad commonitionem legentium dicta sint paucis. Jam enim veniendum est ad narrationem.",
      "citation": "2 Machabees 6:17 (Clementine Vulgate)"
    },
    {
      "verse": 18,
      "text": "Igitur Eleazarus, unus de primoribus scribarum, vir ætate provectus, et vultu decorus, aperto ore hians compellebatur carnem porcinam manducare.",
      "citation": "2 Machabees 6:18 (Clementine Vulgate)"
    },
    {
      "verse": 19,
      "text": "At ille gloriosissimam mortem magis quam odibilem vitam complectens, voluntarie præibat ad supplicium.",
      "citation": "2 Machabees 6:19 (Clementine Vulgate)"
    },
    {
      "verse": 20,
      "text": "Intuens autem quemadmodum oporteret accedere, patienter sustinens, destinavit non admittere illicita propter vitæ amorem.",
      "citation": "2 Machabees 6:20 (Clementine Vulgate)"
    },
    {
      "verse": 21,
      "text": "Hi autem qui astabant, iniqua miseratione commoti propter antiquam viri amicitiam, tollentes eum secreto rogabant afferri carnes quibus vesci ei licebat, ut simularetur manducasse sicut rex imperaverat de sacrificii carnibus,",
      "citation": "2 Machabees 6:21 (Clementine Vulgate)"
    },
    {
      "verse": 22,
      "text": "ut hoc facto, a morte liberaretur : et propter veterem viri amicitiam, hanc in eo faciebant humanitatem.",
      "citation": "2 Machabees 6:22 (Clementine Vulgate)"
    },
    {
      "verse": 23,
      "text": "At ille cogitare cœpit ætatis ac senectutis suæ eminentiam dignam, et ingenitæ nobilitatis canitiem, atque a puero optimæ conversationis actus : et secundum sanctæ et a Deo conditæ legis constituta, respondit cito, dicens præmitti se velle in infernum.",
      "citation": "2 Machabees 6:23 (Clementine Vulgate)"
    },
    {
      "verse": 24,
      "text": "Non enim ætati nostræ dignum est, inquit, fingere : ut multi adolescentium, arbitrantes Eleazarum nonaginta annorum transisse ad vitam alienigenarum,",
      "citation": "2 Machabees 6:24 (Clementine Vulgate)"
    },
    {
      "verse": 25,
      "text": "et ipsi propter meam simulationem, et propter modicum corruptibilis vitæ tempus decipiantur, et per hoc maculam atque execrationem meæ senectuti conquiram.",
      "citation": "2 Machabees 6:25 (Clementine Vulgate)"
    },
    {
      "verse": 26,
      "text": "Nam etsi in præsenti tempore suppliciis hominum eripiar, sed manum Omnipotentis nec vivus, nec defunctus, effugiam.",
      "citation": "2 Machabees 6:26 (Clementine Vulgate)"
    },
    {
      "verse": 27,
      "text": "Quam ob rem fortiter vita excedendo, senectute quidem dignus apparebo :",
      "citation": "2 Machabees 6:27 (Clementine Vulgate)"
    },
    {
      "verse": 28,
      "text": "adolescentibus autem exemplum forte relinquam, si prompto animo ac fortiter pro gravissimis ac sanctissimis legibus honesta morte perfungar. His dictis, confestim ad supplicium trahebatur.",
      "citation": "2 Machabees 6:28 (Clementine Vulgate)"
    },
    {
      "verse": 29,
      "text": "Hi autem qui eum ducebant, et paulo ante fuerant mitiores, in iram conversi sunt propter sermones ab eo dictos, quos illi per arrogantiam prolatos arbitrabantur.",
      "citation": "2 Machabees 6:29 (Clementine Vulgate)"
    },
    {
      "verse": 30,
      "text": "Sed cum plagis perimeretur, ingemuit, et dixit : Domine, qui habes sanctam scientiam, manifeste tu scis quia cum a morte possem liberari, duros corporis sustineo dolores : secundum animam vero propter timorem tuum libenter hæc patior.",
      "citation": "2 Machabees 6:30 (Clementine Vulgate)"
    },
    {
      "verse": 31,
      "text": "Et iste quidem hoc modo vita decessit, non solum juvenibus, sed et universæ genti memoriam mortis suæ ad exemplum virtutis et fortitudinis derelinquens.",
      "citation": "2 Machabees 6:31 (Clementine Vulgate)"
    }
  ]
}