{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "2 Machabees, Chapter 7 — 42 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "2 Machabees",
      "slug": "2-machabees",
      "testament": "OT",
      "order": 46,
      "totalChapters": 15
    },
    "chapter": 7,
    "verseCount": 42,
    "navigation": {
      "htmlUrl": "https://latinprayer.org/latin/2-machabees/7/",
      "bookIndex": "https://latinprayer.org/latin/2-machabees/index.json",
      "bookHtmlUrl": "https://latinprayer.org/latin/2-machabees/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/2-machabees/6.json",
      "previousChapterHtmlUrl": "https://latinprayer.org/latin/2-machabees/6/",
      "nextChapter": "https://latinprayer.org/latin/2-machabees/8.json",
      "nextChapterHtmlUrl": "https://latinprayer.org/latin/2-machabees/8/"
    },
    "crossReferences": {
      "english": "https://latinprayer.org/bible/2-machabees/7.json",
      "englishHtmlUrl": "https://latinprayer.org/bible/2-machabees/7/",
      "german": "https://latinprayer.org/bibel/2-machabees/7.json",
      "germanHtmlUrl": "https://latinprayer.org/bibel/2-makkabaeer/7/"
    }
  },
  "citation": "2 Machabees 7 (Clementine Vulgate)",
  "verses": [
    {
      "verse": 1,
      "text": "Contigit autem et septem fratres una cum matre sua apprehensos compelli a rege edere contra fas carnes porcinas, flagris et taureis cruciatos.",
      "citation": "2 Machabees 7:1 (Clementine Vulgate)"
    },
    {
      "verse": 2,
      "text": "Unus autem ex illis, qui erat primus, sic ait : Quid quæris, et quid vis discere a nobis ? parati sumus mori, magis quam patrias Dei leges prævaricari.",
      "citation": "2 Machabees 7:2 (Clementine Vulgate)"
    },
    {
      "verse": 3,
      "text": "Iratus itaque rex, jussit sartagines et ollas æneas succendi : quibus statim succensis,",
      "citation": "2 Machabees 7:3 (Clementine Vulgate)"
    },
    {
      "verse": 4,
      "text": "jussit ei qui prior fuerat locutus amputari linguam, et cute capitis abstracta, summas quoque manus et pedes ei præscindi, ceteris ejus fratribus et matre inspicientibus.",
      "citation": "2 Machabees 7:4 (Clementine Vulgate)"
    },
    {
      "verse": 5,
      "text": "Et cum jam per omnia inutilis factus esset, jussit ignem admoveri, et adhuc spirantem torreri in sartagine : in qua cum diu cruciaretur, ceteri una cum matre invicem se hortabantur mori fortiter,",
      "citation": "2 Machabees 7:5 (Clementine Vulgate)"
    },
    {
      "verse": 6,
      "text": "dicentes : Dominus Deus aspiciet veritatem, et consolabitur in nobis, quemadmodum in protestatione cantici declaravit Moyses : Et in servis suis consolabitur.",
      "citation": "2 Machabees 7:6 (Clementine Vulgate)"
    },
    {
      "verse": 7,
      "text": "Mortuo itaque illo primo hoc modo, sequentem deducebant ad illudendum : et cute capitis ejus cum capillis abstracta, interrogabant si manducaret, priusquam toto corpore per membra singula puniretur.",
      "citation": "2 Machabees 7:7 (Clementine Vulgate)"
    },
    {
      "verse": 8,
      "text": "At ille respondens patria voce, dixit : Non faciam. Propter quod et iste, sequenti loco, primi tormenta suscepit :",
      "citation": "2 Machabees 7:8 (Clementine Vulgate)"
    },
    {
      "verse": 9,
      "text": "et in ultimo spiritu constitutus, sic ait : Tu quidem scelestissime in præsenti vita nos perdis : sed Rex mundi defunctos nos pro suis legibus in æternæ vitæ resurrectione suscitabit.",
      "citation": "2 Machabees 7:9 (Clementine Vulgate)"
    },
    {
      "verse": 10,
      "text": "Post hunc tertius illuditur, et linguam postulatus cito protulit, et manus constanter extendit :",
      "citation": "2 Machabees 7:10 (Clementine Vulgate)"
    },
    {
      "verse": 11,
      "text": "et cum fiducia ait : E cælo ista possideo, sed propter Dei leges nunc hæc ipsa despicio, quoniam ab ipso me ea recepturum spero :",
      "citation": "2 Machabees 7:11 (Clementine Vulgate)"
    },
    {
      "verse": 12,
      "text": "ita ut rex, et qui cum ipso erant, mirarentur adolescentis animum, quod tamquam nihilum duceret cruciatus.",
      "citation": "2 Machabees 7:12 (Clementine Vulgate)"
    },
    {
      "verse": 13,
      "text": "Et hoc ita defuncto, quartum vexabant similiter torquentes.",
      "citation": "2 Machabees 7:13 (Clementine Vulgate)"
    },
    {
      "verse": 14,
      "text": "Et cum jam esset ad mortem, sic ait : Potius est ab hominibus morti datos spem exspectare a Deo, iterum ab ipso resuscitandos : tibi enim resurrectio ad vitam non erit.",
      "citation": "2 Machabees 7:14 (Clementine Vulgate)"
    },
    {
      "verse": 15,
      "text": "Et cum admovissent quintum, vexabant eum. At ille respiciens in eum,",
      "citation": "2 Machabees 7:15 (Clementine Vulgate)"
    },
    {
      "verse": 16,
      "text": "dixit : Potestatem inter homines habens, cum sis corruptibilis, facis quod vis : noli autem putare genus nostrum a Deo esse derelictum :",
      "citation": "2 Machabees 7:16 (Clementine Vulgate)"
    },
    {
      "verse": 17,
      "text": "tu autem patienter sustine, et videbis magnam potestatem ipsius, qualiter te et semen tuum torquebit.",
      "citation": "2 Machabees 7:17 (Clementine Vulgate)"
    },
    {
      "verse": 18,
      "text": "Post hunc ducebant sextum, et is, mori incipiens, sic ait : Noli frustra errare : nos enim propter nosmetipsos hæc patimur, peccantes in Deum nostrum, et digna admiratione facta sunt in nobis :",
      "citation": "2 Machabees 7:18 (Clementine Vulgate)"
    },
    {
      "verse": 19,
      "text": "tu autem ne existimes tibi impune futurum, quod contra Deum pugnare tentaveris.",
      "citation": "2 Machabees 7:19 (Clementine Vulgate)"
    },
    {
      "verse": 20,
      "text": "Supra modum autem mater mirabilis, et bonorum memoria digna, quæ pereuntes septem filios sub unius diei tempore conspiciens, bono animo ferebat propter spem quam in Deum habebat :",
      "citation": "2 Machabees 7:20 (Clementine Vulgate)"
    },
    {
      "verse": 21,
      "text": "singulos illorum hortabatur voce patria fortiter, repleta sapientia : et, femineæ cogitationi masculinum animum inserens,",
      "citation": "2 Machabees 7:21 (Clementine Vulgate)"
    },
    {
      "verse": 22,
      "text": "dixit ad eos : Nescio qualiter in utero meo apparuistis, neque enim ego spiritum et animam donavi vobis et vitam, et singulorum membra non ego ipsa compegi :",
      "citation": "2 Machabees 7:22 (Clementine Vulgate)"
    },
    {
      "verse": 23,
      "text": "sed enim mundi Creator, qui formavit hominis nativitatem, quique omnium invenit originem, et spiritum vobis iterum cum misericordia reddet et vitam, sicut nunc vosmetipsos despicitis propter leges ejus.",
      "citation": "2 Machabees 7:23 (Clementine Vulgate)"
    },
    {
      "verse": 24,
      "text": "Antiochus autem, contemni se arbitratus, simul et exprobrantis voce despecta, cum adhuc adolescentior superesset, non solum verbis hortabatur, sed et cum juramento affirmabat se divitem et beatum facturum, et translatum a patriis legibus amicum habiturum, et res necessarias ei præbiturum.",
      "citation": "2 Machabees 7:24 (Clementine Vulgate)"
    },
    {
      "verse": 25,
      "text": "Sed ad hæc cum adolescens nequaquam inclinaretur, vocavit rex matrem, et suadebat ei ut adolescenti fieret in salutem.",
      "citation": "2 Machabees 7:25 (Clementine Vulgate)"
    },
    {
      "verse": 26,
      "text": "Cum autem multis eam verbis esset hortatus, promisit suasurum se filio suo.",
      "citation": "2 Machabees 7:26 (Clementine Vulgate)"
    },
    {
      "verse": 27,
      "text": "Itaque inclinata ad illum, irridens crudelem tyrannum, ait patria voce : Fili mi, miserere mei, quæ te in utero novem mensibus portavi, et lac triennio dedi et alui, et in ætatem istam perduxi.",
      "citation": "2 Machabees 7:27 (Clementine Vulgate)"
    },
    {
      "verse": 28,
      "text": "Peto, nate, ut aspicias ad cælum et terram, et ad omnia quæ in eis sunt, et intelligas quia ex nihilo fecit illa Deus, et hominum genus :",
      "citation": "2 Machabees 7:28 (Clementine Vulgate)"
    },
    {
      "verse": 29,
      "text": "ita fiet, ut non timeas carnificem istum, sed dignus fratribus tuis effectus particeps, suscipe mortem, ut in illa miseratione cum fratribus tuis te recipiam.",
      "citation": "2 Machabees 7:29 (Clementine Vulgate)"
    },
    {
      "verse": 30,
      "text": "Cum hæc illa adhuc diceret, ait adolescens : Quem sustinetis ? non obedio præcepto regis, sed præcepto legis, quæ data est nobis per Moysen.",
      "citation": "2 Machabees 7:30 (Clementine Vulgate)"
    },
    {
      "verse": 31,
      "text": "Tu vero, qui inventor omnis malitiæ factus es in Hebræos, non effugies manum Dei.",
      "citation": "2 Machabees 7:31 (Clementine Vulgate)"
    },
    {
      "verse": 32,
      "text": "Nos enim pro peccatis nostris hæc patimur.",
      "citation": "2 Machabees 7:32 (Clementine Vulgate)"
    },
    {
      "verse": 33,
      "text": "Et si nobis propter increpationem et correptionem Dominus Deus noster modicum iratus est : sed iterum reconciliabitur servis suis.",
      "citation": "2 Machabees 7:33 (Clementine Vulgate)"
    },
    {
      "verse": 34,
      "text": "Tu autem, o sceleste, et omnium hominum flagitiosissime, noli frustra extolli vanis spebus in servos ejus inflammatus :",
      "citation": "2 Machabees 7:34 (Clementine Vulgate)"
    },
    {
      "verse": 35,
      "text": "nondum enim omnipotentis Dei, et omnia inspicientis, judicium effugisti.",
      "citation": "2 Machabees 7:35 (Clementine Vulgate)"
    },
    {
      "verse": 36,
      "text": "Nam fratres mei, modico nunc dolore sustentato, sub testamento æternæ vitæ effecti sunt : tu vero judicio Dei justas superbiæ tuæ pœnas exsolves.",
      "citation": "2 Machabees 7:36 (Clementine Vulgate)"
    },
    {
      "verse": 37,
      "text": "Ego autem, sicut fratres mei, animam et corpus meum trado pro patriis legibus, invocans Deum maturius genti nostræ propitium fieri, teque cum tormentis et verberibus confiteri quod ipse est Deus solus.",
      "citation": "2 Machabees 7:37 (Clementine Vulgate)"
    },
    {
      "verse": 38,
      "text": "In me vero et in fratribus meis desinet Omnipotentis ira, quæ super omne genus nostrum juste superducta est.",
      "citation": "2 Machabees 7:38 (Clementine Vulgate)"
    },
    {
      "verse": 39,
      "text": "Tunc rex accensus ira in hunc, super omnes crudelius desævit, indigne ferens se derisum.",
      "citation": "2 Machabees 7:39 (Clementine Vulgate)"
    },
    {
      "verse": 40,
      "text": "Et hic itaque mundus obiit, per omnia in Domino confidens.",
      "citation": "2 Machabees 7:40 (Clementine Vulgate)"
    },
    {
      "verse": 41,
      "text": "Novissime autem post filios, et mater consumpta est.",
      "citation": "2 Machabees 7:41 (Clementine Vulgate)"
    },
    {
      "verse": 42,
      "text": "Igitur de sacrificiis et de nimiis crudelitatibus satis dictum est.",
      "citation": "2 Machabees 7:42 (Clementine Vulgate)"
    }
  ]
}