{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "2 Machabees, Chapter 9 — 29 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "2 Machabees",
      "slug": "2-machabees",
      "testament": "OT",
      "order": 46,
      "totalChapters": 15
    },
    "chapter": 9,
    "verseCount": 29,
    "navigation": {
      "htmlUrl": "https://latinprayer.org/latin/2-machabees/9/",
      "bookIndex": "https://latinprayer.org/latin/2-machabees/index.json",
      "bookHtmlUrl": "https://latinprayer.org/latin/2-machabees/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/2-machabees/8.json",
      "previousChapterHtmlUrl": "https://latinprayer.org/latin/2-machabees/8/",
      "nextChapter": "https://latinprayer.org/latin/2-machabees/10.json",
      "nextChapterHtmlUrl": "https://latinprayer.org/latin/2-machabees/10/"
    },
    "crossReferences": {
      "english": "https://latinprayer.org/bible/2-machabees/9.json",
      "englishHtmlUrl": "https://latinprayer.org/bible/2-machabees/9/",
      "german": "https://latinprayer.org/bibel/2-machabees/9.json",
      "germanHtmlUrl": "https://latinprayer.org/bibel/2-makkabaeer/9/"
    }
  },
  "citation": "2 Machabees 9 (Clementine Vulgate)",
  "verses": [
    {
      "verse": 1,
      "text": "Eodem tempore, Antiochus inhoneste revertebatur de Perside.",
      "citation": "2 Machabees 9:1 (Clementine Vulgate)"
    },
    {
      "verse": 2,
      "text": "Intraverat enim in eam quæ dicitur Persepolis, et tentavit expoliare templum, et civitatem opprimere : sed multitudine ad arma concurrente, in fugam versi sunt : et ita contigit ut Antiochus post fugam turpiter rediret.",
      "citation": "2 Machabees 9:2 (Clementine Vulgate)"
    },
    {
      "verse": 3,
      "text": "Et cum venisset circa Ecbatanam, recognovit quæ erga Nicanorem et Timotheum gesta sunt.",
      "citation": "2 Machabees 9:3 (Clementine Vulgate)"
    },
    {
      "verse": 4,
      "text": "Elatus autem in ira, arbitrabatur se injuriam illorum qui se fugaverant posse in Judæos retorquere : ideoque jussit agitari currum suum sine intermissione agens iter, cælesti eum judicio perurgente, eo quod ita superbe locutus est se venturum Jerosolymam, et congeriem sepulchri Judæorum eam facturum.",
      "citation": "2 Machabees 9:4 (Clementine Vulgate)"
    },
    {
      "verse": 5,
      "text": "Sed qui universa conspicit Dominus Deus Israël, percussit eum insanabili et invisibili plaga. Ut enim finivit hunc ipsum sermonem, apprehendit eum dolor dirus viscerum, et amara internorum tormenta :",
      "citation": "2 Machabees 9:5 (Clementine Vulgate)"
    },
    {
      "verse": 6,
      "text": "et quidem satis juste, quippe qui multis et novis cruciatibus aliorum torserat viscera, licet ille nullo modo a sua malitia cessaret.",
      "citation": "2 Machabees 9:6 (Clementine Vulgate)"
    },
    {
      "verse": 7,
      "text": "Super hoc autem superbia repletus, ignem spirans animo in Judæos, et præcipiens accelerari negotium, contigit illum impetu euntem de curru cadere, et gravi corporis collisione membra vexari.",
      "citation": "2 Machabees 9:7 (Clementine Vulgate)"
    },
    {
      "verse": 8,
      "text": "Isque qui sibi videbatur etiam fluctibus maris imperare, supra humanum modum superbia repletus, et montium altitudines in statera appendere, nunc humiliatus ad terram in gestatorio portabatur, manifestam Dei virtutem in semetipso contestans :",
      "citation": "2 Machabees 9:8 (Clementine Vulgate)"
    },
    {
      "verse": 9,
      "text": "ita ut de corpore impii vermes scaturirent, ac viventis in doloribus carnes ejus effluerent, odore etiam illius et fœtore exercitus gravaretur :",
      "citation": "2 Machabees 9:9 (Clementine Vulgate)"
    },
    {
      "verse": 10,
      "text": "et qui paulo ante sidera cæli contingere se arbitrabatur, eum nemo poterat propter intolerantiam fœtoris portare.",
      "citation": "2 Machabees 9:10 (Clementine Vulgate)"
    },
    {
      "verse": 11,
      "text": "Hinc igitur cœpit ex gravi superbia deductus ad agnitionem sui venire, divina admonitus plaga, per momenta singula doloribus suis augmenta capientibus.",
      "citation": "2 Machabees 9:11 (Clementine Vulgate)"
    },
    {
      "verse": 12,
      "text": "Et cum nec ipse jam fœtorem suum ferre posset, ita ait : Justum est subditum esse Deo, et mortalem non paria Deo sentire.",
      "citation": "2 Machabees 9:12 (Clementine Vulgate)"
    },
    {
      "verse": 13,
      "text": "Orabat autem hic scelestus Dominum, a quo non esset misericordiam consecuturus.",
      "citation": "2 Machabees 9:13 (Clementine Vulgate)"
    },
    {
      "verse": 14,
      "text": "Et civitatem, ad quam festinans veniebat ut eam ad solum deduceret ac sepulchrum congestorum faceret, nunc optat liberam reddere :",
      "citation": "2 Machabees 9:14 (Clementine Vulgate)"
    },
    {
      "verse": 15,
      "text": "et Judæos, quos nec sepultura quidem se dignos habiturum, sed avibus ac feris diripiendos traditurum, et cum parvulis exterminaturum dixerat, æquales nunc Atheniensibus facturum pollicetur :",
      "citation": "2 Machabees 9:15 (Clementine Vulgate)"
    },
    {
      "verse": 16,
      "text": "templum etiam sanctum, quod prius expoliaverat, optimis donis ornaturum, et sancta vasa multiplicaturum, et pertinentes ad sacrificia sumptus de redditibus suis præstaturum :",
      "citation": "2 Machabees 9:16 (Clementine Vulgate)"
    },
    {
      "verse": 17,
      "text": "super hæc, et Judæum se futurum, et omnem locum terræ perambulaturum, et prædicaturum Dei potestatem.",
      "citation": "2 Machabees 9:17 (Clementine Vulgate)"
    },
    {
      "verse": 18,
      "text": "Sed non cessantibus doloribus (supervenerat enim in eum justum Dei judicium), desperans scripsit ad Judæos in modum deprecationis epistolam hæc continentem :",
      "citation": "2 Machabees 9:18 (Clementine Vulgate)"
    },
    {
      "verse": 19,
      "text": "Optimis civibus Judæis plurimam salutem, et bene valere, et esse felices, rex et principes Antiochus.",
      "citation": "2 Machabees 9:19 (Clementine Vulgate)"
    },
    {
      "verse": 20,
      "text": "Si bene valetis, et filii vestri, et ex sententia vobis cuncta sunt, maximas agimus gratias.",
      "citation": "2 Machabees 9:20 (Clementine Vulgate)"
    },
    {
      "verse": 21,
      "text": "Et ego in infirmitate constitutus, vestri autem memor benigne reversus de Persidis locis, et infirmitate gravi apprehensus, necessarium duxi pro communi utilitate curam habere :",
      "citation": "2 Machabees 9:21 (Clementine Vulgate)"
    },
    {
      "verse": 22,
      "text": "non desperans memetipsum, sed spem multam habens effugiendi infirmitatem.",
      "citation": "2 Machabees 9:22 (Clementine Vulgate)"
    },
    {
      "verse": 23,
      "text": "Respiciens autem quod et pater meus, quibus temporibus in locis superioribus ducebat exercitum, ostendit qui post se susciperet principatum :",
      "citation": "2 Machabees 9:23 (Clementine Vulgate)"
    },
    {
      "verse": 24,
      "text": "ut si quid contrarium accideret, aut difficile nuntiaretur, scientes hi qui in regionibus erant, cui esset rerum summa derelicta, non turbarentur.",
      "citation": "2 Machabees 9:24 (Clementine Vulgate)"
    },
    {
      "verse": 25,
      "text": "Ad hæc, considerans de proximo potentes quosque et vicinos temporibus insidiantes, et eventum exspectantes, designavi filium meum Antiochum regem, quem sæpe recurrens in superiora regna multis vestrum commendabam : et scripsi ad eum quæ subjecta sunt.",
      "citation": "2 Machabees 9:25 (Clementine Vulgate)"
    },
    {
      "verse": 26,
      "text": "Ora itaque vos, et peto memores beneficiorum publice et privatim, ut unusquisque conservet fidem ad me et ad filium meum.",
      "citation": "2 Machabees 9:26 (Clementine Vulgate)"
    },
    {
      "verse": 27,
      "text": "Confido enim eum modeste et humane acturum, et sequentem propositum meum, et communem vobis fore.",
      "citation": "2 Machabees 9:27 (Clementine Vulgate)"
    },
    {
      "verse": 28,
      "text": "Igitur homicida et blasphemus pessime percussus, et ut ipse alios tractaverat, peregre in montibus miserabili obitu vita functus est.",
      "citation": "2 Machabees 9:28 (Clementine Vulgate)"
    },
    {
      "verse": 29,
      "text": "Transferebat autem corpus Philippus collactaneus ejus : qui, metuens filium Antiochi, ad Ptolemæum Philometorem in Ægyptum abiit.",
      "citation": "2 Machabees 9:29 (Clementine Vulgate)"
    }
  ]
}