{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "2 Paralipomenon, Chapter 22 — 12 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "2 Paralipomenon",
      "slug": "2-paralipomenon",
      "testament": "OT",
      "order": 14,
      "totalChapters": 36
    },
    "chapter": 22,
    "verseCount": 12,
    "navigation": {
      "htmlUrl": "https://latinprayer.org/latin/2-paralipomenon/22/",
      "bookIndex": "https://latinprayer.org/latin/2-paralipomenon/index.json",
      "bookHtmlUrl": "https://latinprayer.org/latin/2-paralipomenon/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/2-paralipomenon/21.json",
      "previousChapterHtmlUrl": "https://latinprayer.org/latin/2-paralipomenon/21/",
      "nextChapter": "https://latinprayer.org/latin/2-paralipomenon/23.json",
      "nextChapterHtmlUrl": "https://latinprayer.org/latin/2-paralipomenon/23/"
    },
    "crossReferences": {
      "english": "https://latinprayer.org/bible/2-paralipomenon/22.json",
      "englishHtmlUrl": "https://latinprayer.org/bible/2-paralipomenon/22/",
      "german": "https://latinprayer.org/bibel/2-paralipomenon/22.json",
      "germanHtmlUrl": "https://latinprayer.org/bibel/2-chronik/22/"
    }
  },
  "citation": "2 Paralipomenon 22 (Clementine Vulgate)",
  "verses": [
    {
      "verse": 1,
      "text": "Constituerunt autem habitatores Jerusalem Ochoziam filium ejus minimum regem pro eo : omnes enim majores natu, qui ante eum fuerant, interfecerant latrones Arabum qui irruerant in castra : regnavitque Ochozias filius Joram regis Juda.",
      "citation": "2 Paralipomenon 22:1 (Clementine Vulgate)"
    },
    {
      "verse": 2,
      "text": "Quadraginta duorum annorum erat Ochozias cum regnare cœpisset, et uno anno regnavit in Jerusalem : et nomen matris ejus Athalia filia Amri.",
      "citation": "2 Paralipomenon 22:2 (Clementine Vulgate)"
    },
    {
      "verse": 3,
      "text": "Sed et ipse ingressus est per vias domus Achab : mater enim ejus impulit eum ut impie ageret.",
      "citation": "2 Paralipomenon 22:3 (Clementine Vulgate)"
    },
    {
      "verse": 4,
      "text": "Fecit igitur malum in conspectu Domini, sicut domus Achab : ipsi enim fuerunt ei consiliarii post mortem patris sui, in interitum ejus :",
      "citation": "2 Paralipomenon 22:4 (Clementine Vulgate)"
    },
    {
      "verse": 5,
      "text": "ambulavitque in consiliis eorum. Et perrexit cum Joram filio Achab rege Israël in bellum contra Hazaël regem Syriæ in Ramoth Galaad : vulneraveruntque Syri Joram.",
      "citation": "2 Paralipomenon 22:5 (Clementine Vulgate)"
    },
    {
      "verse": 6,
      "text": "Qui reversus est ut curaretur in Jezrahel : multas enim plagas acceperat in supradicto certamine. Igitur Ochozias filius Joram rex Juda descendit ut inviseret Joram filium Achab in Jezrahel ægrotantem.",
      "citation": "2 Paralipomenon 22:6 (Clementine Vulgate)"
    },
    {
      "verse": 7,
      "text": "Voluntatis quippe fuit Dei adversus Ochoziam, ut veniret ad Joram : et cum venisset, et egrederetur cum eo adversum Jehu filium Namsi, quem unxit Dominus ut deleret domum Achab.",
      "citation": "2 Paralipomenon 22:7 (Clementine Vulgate)"
    },
    {
      "verse": 8,
      "text": "Cum ergo everteret Jehu domum Achab, invenit principes Juda, et filios fratrum Ochoziæ, qui ministrabant ei, et interfecit illos.",
      "citation": "2 Paralipomenon 22:8 (Clementine Vulgate)"
    },
    {
      "verse": 9,
      "text": "Ipsum quoque perquirens Ochoziam, comprehendit latitantem in Samaria : adductumque ad se, occidit : et sepelierunt eum, eo quod esset filius Josaphat, qui quæsierat Dominum in toto corde suo. Nec erat ultra spes aliqua ut de stirpe quis regnaret Ochoziæ :",
      "citation": "2 Paralipomenon 22:9 (Clementine Vulgate)"
    },
    {
      "verse": 10,
      "text": "siquidem Athalia mater ejus, videns quod mortuus esset filius suus, surrexit, et interfecit omnem stirpem regiam domus Joram.",
      "citation": "2 Paralipomenon 22:10 (Clementine Vulgate)"
    },
    {
      "verse": 11,
      "text": "Porro Josabeth filia regis tulit Joas filium Ochoziæ, et furata est eum de medio filiorum regis, cum interficerentur : absconditque eum cum nutrice sua in cubiculo lectulorum : Josabeth autem, quæ absconderat eum, erat filia regis Joram, uxor Jojadæ pontificis, soror Ochoziæ : et idcirco Athalia non interfecit eum.",
      "citation": "2 Paralipomenon 22:11 (Clementine Vulgate)"
    },
    {
      "verse": 12,
      "text": "Fuit ergo cum eis in domo Dei absconditus sex annis, quibus regnavit Athalia super terram.",
      "citation": "2 Paralipomenon 22:12 (Clementine Vulgate)"
    }
  ]
}