{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "2 Paralipomenon, Chapter 26 — 23 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "2 Paralipomenon",
      "slug": "2-paralipomenon",
      "testament": "OT",
      "order": 14,
      "totalChapters": 36
    },
    "chapter": 26,
    "verseCount": 23,
    "navigation": {
      "htmlUrl": "https://latinprayer.org/latin/2-paralipomenon/26/",
      "bookIndex": "https://latinprayer.org/latin/2-paralipomenon/index.json",
      "bookHtmlUrl": "https://latinprayer.org/latin/2-paralipomenon/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/2-paralipomenon/25.json",
      "previousChapterHtmlUrl": "https://latinprayer.org/latin/2-paralipomenon/25/",
      "nextChapter": "https://latinprayer.org/latin/2-paralipomenon/27.json",
      "nextChapterHtmlUrl": "https://latinprayer.org/latin/2-paralipomenon/27/"
    },
    "crossReferences": {
      "english": "https://latinprayer.org/bible/2-paralipomenon/26.json",
      "englishHtmlUrl": "https://latinprayer.org/bible/2-paralipomenon/26/",
      "german": "https://latinprayer.org/bibel/2-paralipomenon/26.json",
      "germanHtmlUrl": "https://latinprayer.org/bibel/2-chronik/26/"
    }
  },
  "citation": "2 Paralipomenon 26 (Clementine Vulgate)",
  "verses": [
    {
      "verse": 1,
      "text": "Omnis autem populus Juda filium ejus Oziam, annorum sedecim, constituit regem pro Amasia patre suo.",
      "citation": "2 Paralipomenon 26:1 (Clementine Vulgate)"
    },
    {
      "verse": 2,
      "text": "Ipse ædificavit Ailath, et restituit eam ditioni Juda, postquam dormivit rex cum patribus suis.",
      "citation": "2 Paralipomenon 26:2 (Clementine Vulgate)"
    },
    {
      "verse": 3,
      "text": "Sedecim annorum erat Ozias cum regnare cœpisset, et quinquaginta duobus annis regnavit in Jerusalem : nomen matris ejus Jechelia de Jerusalem.",
      "citation": "2 Paralipomenon 26:3 (Clementine Vulgate)"
    },
    {
      "verse": 4,
      "text": "Fecitque quod erat rectum in oculis Domini, juxta omnia quæ fecerat Amasias pater ejus.",
      "citation": "2 Paralipomenon 26:4 (Clementine Vulgate)"
    },
    {
      "verse": 5,
      "text": "Et exquisivit Dominum in diebus Zachariæ intelligentis et videntis Deum : cumque requireret Dominum, direxit eum in omnibus.",
      "citation": "2 Paralipomenon 26:5 (Clementine Vulgate)"
    },
    {
      "verse": 6,
      "text": "Denique egressus est, et pugnavit contra Philisthiim, et destruxit murum Geth, et murum Jabniæ, murumque Azoti : ædificavit quoque oppida in Azoto et in Philisthiim.",
      "citation": "2 Paralipomenon 26:6 (Clementine Vulgate)"
    },
    {
      "verse": 7,
      "text": "Et adjuvit eum Deus contra Philisthiim, et contra Arabes qui habitabant in Gurbaal, et contra Ammonitas.",
      "citation": "2 Paralipomenon 26:7 (Clementine Vulgate)"
    },
    {
      "verse": 8,
      "text": "Appendebantque Ammonitæ munera Oziæ : et divulgatum est nomen ejus usque ad introitum Ægypti propter crebras victorias.",
      "citation": "2 Paralipomenon 26:8 (Clementine Vulgate)"
    },
    {
      "verse": 9,
      "text": "Ædificavitque Ozias turres in Jerusalem super portam anguli, et super portam vallis, et reliquas in eodem muri latere, firmavitque eas.",
      "citation": "2 Paralipomenon 26:9 (Clementine Vulgate)"
    },
    {
      "verse": 10,
      "text": "Exstruxit etiam turres in solitudine, et effodit cisternas plurimas, eo quod haberet multa pecora tam in campestribus quam in eremi vastitate : vineas quoque habuit et vinitores, in montibus et in Carmelo : erat quippe homo agriculturæ deditus.",
      "citation": "2 Paralipomenon 26:10 (Clementine Vulgate)"
    },
    {
      "verse": 11,
      "text": "Fuit autem exercitus bellatorum ejus, qui procedebant ad prælia sub manu Jehiel scribæ, Maasiæque doctoris, et sub manu Hananiæ, qui erat de ducibus regis.",
      "citation": "2 Paralipomenon 26:11 (Clementine Vulgate)"
    },
    {
      "verse": 12,
      "text": "Omnisque numerus principum per familias, virorum fortium duorum millium sexcentorum.",
      "citation": "2 Paralipomenon 26:12 (Clementine Vulgate)"
    },
    {
      "verse": 13,
      "text": "Et sub eis universus exercitus trecentorum et septem millium quingentorum, qui erant apti ad bella, et pro rege contra adversarios dimicabant.",
      "citation": "2 Paralipomenon 26:13 (Clementine Vulgate)"
    },
    {
      "verse": 14,
      "text": "Præparavit quoque eis Ozias, id est, cuncto exercitui, clypeos, et hastas, et galeas, et loricas, arcusque et fundas ad jaciendos lapides.",
      "citation": "2 Paralipomenon 26:14 (Clementine Vulgate)"
    },
    {
      "verse": 15,
      "text": "Et fecit in Jerusalem diversi generis machinas, quas in turribus collocavit et in angulis murorum, ut mitterent sagittas, et saxa grandia : egressumque est nomen ejus procul, eo quod auxiliaretur ei Dominus, et corroborasset illum.",
      "citation": "2 Paralipomenon 26:15 (Clementine Vulgate)"
    },
    {
      "verse": 16,
      "text": "Sed cum roboratus esset, elevatum est cor ejus in interitum suum, et neglexit Dominum Deum suum : ingressusque templum Domini, adolere voluit incensum super altare thymiamatis.",
      "citation": "2 Paralipomenon 26:16 (Clementine Vulgate)"
    },
    {
      "verse": 17,
      "text": "Statimque ingressus post eum Azarias sacerdos, et cum eo sacerdotes Domini octoginta, viri fortissimi,",
      "citation": "2 Paralipomenon 26:17 (Clementine Vulgate)"
    },
    {
      "verse": 18,
      "text": "restiterunt regi, atque dixerunt : Non est tui officii, Ozia, ut adoleas incensum Domino, sed sacerdotum, hoc est, filiorum Aaron, qui consecrati sunt ad hujuscemodi ministerium : egredere de sanctuario, ne contempseris : quia non reputabitur tibi in gloriam hoc a Domino Deo.",
      "citation": "2 Paralipomenon 26:18 (Clementine Vulgate)"
    },
    {
      "verse": 19,
      "text": "Iratusque Ozias, tenens in manu thuribulum ut adoleret incensum, minabatur sacerdotibus. Statimque orta est lepra in fronte ejus coram sacerdotibus, in domo Domini super altare thymiamatis.",
      "citation": "2 Paralipomenon 26:19 (Clementine Vulgate)"
    },
    {
      "verse": 20,
      "text": "Cumque respexisset eum Azarias pontifex, et omnes reliqui sacerdotes, viderunt lepram in fronte ejus, et festinato expulerunt eum. Sed et ipse perterritus, acceleravit egredi, eo quod sensisset illico plagam Domini.",
      "citation": "2 Paralipomenon 26:20 (Clementine Vulgate)"
    },
    {
      "verse": 21,
      "text": "Fuit igitur Ozias rex leprosus usque ad diem mortis suæ, et habitavit in domo separata plenus lepra, ob quam ejectus fuerat de domo Domini. Porro Joatham filius ejus rexit domum regis, et judicabat populum terræ.",
      "citation": "2 Paralipomenon 26:21 (Clementine Vulgate)"
    },
    {
      "verse": 22,
      "text": "Reliqua autem sermonum Oziæ priorum et novissimorum scripsit Isaias filius Amos propheta.",
      "citation": "2 Paralipomenon 26:22 (Clementine Vulgate)"
    },
    {
      "verse": 23,
      "text": "Dormivitque Ozias cum patribus suis, et sepelierunt eum in agro regalium sepulchrorum, eo quod esset leprosus : regnavitque Joatham filius ejus pro eo.",
      "citation": "2 Paralipomenon 26:23 (Clementine Vulgate)"
    }
  ]
}