{ "_meta": { "project": "Latin Prayer", "projectUrl": "https://latinprayer.org", "apiDocs": "https://latinprayer.org/llms.txt", "content": "2 Paralipomenon, Chapter 28 — 27 verses (Clementine Vulgate)", "translation": { "name": "Clementine Vulgate", "language": "la", "languageName": "Latin", "copyright": "Public Domain" }, "book": { "name": "2 Paralipomenon", "slug": "2-paralipomenon", "testament": "OT", "order": 14, "totalChapters": 36 }, "chapter": 28, "verseCount": 27, "navigation": { "htmlUrl": "https://latinprayer.org/latin/2-paralipomenon/28/", "bookIndex": "https://latinprayer.org/latin/2-paralipomenon/index.json", "bookHtmlUrl": "https://latinprayer.org/latin/2-paralipomenon/", "translationIndex": "https://latinprayer.org/latin/index.json", "translationHtmlUrl": "https://latinprayer.org/latin/", "previousChapter": "https://latinprayer.org/latin/2-paralipomenon/27.json", "previousChapterHtmlUrl": "https://latinprayer.org/latin/2-paralipomenon/27/", "nextChapter": "https://latinprayer.org/latin/2-paralipomenon/29.json", "nextChapterHtmlUrl": "https://latinprayer.org/latin/2-paralipomenon/29/" }, "crossReferences": { "english": "https://latinprayer.org/bible/2-paralipomenon/28.json", "englishHtmlUrl": "https://latinprayer.org/bible/2-paralipomenon/28/", "german": "https://latinprayer.org/bibel/2-paralipomenon/28.json", "germanHtmlUrl": "https://latinprayer.org/bibel/2-chronik/28/" } }, "citation": "2 Paralipomenon 28 (Clementine Vulgate)", "verses": [ { "verse": 1, "text": "Viginti annorum erat Achaz cum regnare cœpisset, et sedecim annis regnavit in Jerusalem. Non fecit rectum in conspectu Domini sicut David pater ejus,", "citation": "2 Paralipomenon 28:1 (Clementine Vulgate)" }, { "verse": 2, "text": "sed ambulavit in viis regum Israël, insuper et statuas fudit Baalim.", "citation": "2 Paralipomenon 28:2 (Clementine Vulgate)" }, { "verse": 3, "text": "Ipse est qui adolevit incensum in valle Benennom, et lustravit filios suos in igne juxta ritum gentium quas interfecit Dominus in adventu filiorum Israël.", "citation": "2 Paralipomenon 28:3 (Clementine Vulgate)" }, { "verse": 4, "text": "Sacrificabat quoque, et thymiama succendebat in excelsis, et in collibus, et sub omni ligno frondoso.", "citation": "2 Paralipomenon 28:4 (Clementine Vulgate)" }, { "verse": 5, "text": "Tradiditque eum Dominus Deus ejus in manu regis Syriæ, qui percussit eum, magnamque prædam cepit de ejus imperio, et adduxit in Damascum : manibus quoque regis Israël traditus est, et percussus plaga grandi.", "citation": "2 Paralipomenon 28:5 (Clementine Vulgate)" }, { "verse": 6, "text": "Occiditque Phacee filius Romeliæ, de Juda centum viginti millia in die uno, omnes viros bellatores : eo quod reliquissent Dominum Deum patrum suorum.", "citation": "2 Paralipomenon 28:6 (Clementine Vulgate)" }, { "verse": 7, "text": "Eodem tempore occidit Zechri, vir potens ex Ephraim, Maasiam filium regis, et Ezricam ducem domus ejus, Elcanam quoque secundum a rege.", "citation": "2 Paralipomenon 28:7 (Clementine Vulgate)" }, { "verse": 8, "text": "Ceperuntque filii Israël de fratribus suis ducenta millia mulierum, puerorum, et puellarum, et infinitam prædam : pertuleruntque eam in Samariam.", "citation": "2 Paralipomenon 28:8 (Clementine Vulgate)" }, { "verse": 9, "text": "Ea tempestate erat ibi propheta Domini, nomine Oded : qui egressus obviam exercitui venienti in Samariam, dixit eis : Ecce iratus Dominus Deus patrum vestrorum contra Juda, tradidit eos in manibus vestris, et occidistis eos atrociter, ita ut ad cælum pertingeret vestra crudelitas.", "citation": "2 Paralipomenon 28:9 (Clementine Vulgate)" }, { "verse": 10, "text": "Insuper filios Juda et Jerusalem vultis vobis subjicere in servos et ancillas : quod nequaquam facto opus est : peccastis enim super hoc Domino Deo vestro.", "citation": "2 Paralipomenon 28:10 (Clementine Vulgate)" }, { "verse": 11, "text": "Sed audite consilium meum, et reducite captivos quos adduxistis de fratribus vestris, quia magnus furor Domini imminet vobis.", "citation": "2 Paralipomenon 28:11 (Clementine Vulgate)" }, { "verse": 12, "text": "Steterunt itaque viri de principibus filiorum Ephraim, Azarias filius Johanan, Barachias filius Mosollamoth, Ezechias filius Sellum, et Amasa filius Adali, contra eos qui veniebant de prælio,", "citation": "2 Paralipomenon 28:12 (Clementine Vulgate)" }, { "verse": 13, "text": "et dixerunt eis : Non introducetis huc captivos, ne peccemus Domino. Quare vultis adjicere super peccata nostra, et vetera cumulare delicta ? grande quippe peccatum est, et ira furoris Domini imminet super Israël.", "citation": "2 Paralipomenon 28:13 (Clementine Vulgate)" }, { "verse": 14, "text": "Dimiseruntque viri bellatores prædam, et universa quæ ceperant, coram principibus, et omni multitudine.", "citation": "2 Paralipomenon 28:14 (Clementine Vulgate)" }, { "verse": 15, "text": "Steteruntque viri quos supra memoravimus, et apprehendentes captivos, omnesque qui nudi erant, vestierunt de spoliis : cumque vestissent eos, et calceassent, et refecissent cibo ac potu, unxissentque propter laborem, et adhibuissent eis curam : quicumque ambulare non poterant, et erant imbecillo corpore, imposuerunt eos jumentis, et adduxerunt Jericho civitatem palmarum ad fratres eorum, ipsique reversi sunt in Samariam.", "citation": "2 Paralipomenon 28:15 (Clementine Vulgate)" }, { "verse": 16, "text": "Tempore illo misit rex Achaz ad regem Assyriorum, postulans auxilium.", "citation": "2 Paralipomenon 28:16 (Clementine Vulgate)" }, { "verse": 17, "text": "Veneruntque Idumæi, et percusserunt multos ex Juda, et ceperunt prædam magnam.", "citation": "2 Paralipomenon 28:17 (Clementine Vulgate)" }, { "verse": 18, "text": "Philisthiim quoque diffusi sunt per urbes campestres, et ad meridiem Juda : ceperuntque Bethsames, et Ajalon, et Gaderoth, Socho quoque, et Thamnan, et Gamzo, cum viculis suis, et habitaverunt in eis.", "citation": "2 Paralipomenon 28:18 (Clementine Vulgate)" }, { "verse": 19, "text": "Humiliaverat enim Dominus Judam propter Achaz regem Juda, eo quod nudasset eum auxilio, et contemptui habuisset Dominum.", "citation": "2 Paralipomenon 28:19 (Clementine Vulgate)" }, { "verse": 20, "text": "Adduxitque contra eum Thelgathphalnasar regem Assyriorum, qui et afflixit eum, et nullo resistente vastavit.", "citation": "2 Paralipomenon 28:20 (Clementine Vulgate)" }, { "verse": 21, "text": "Igitur Achaz, spoliata domo Domini, et domo regum ac principum, dedit regi Assyriorum munera, et tamen nihil ei profuit.", "citation": "2 Paralipomenon 28:21 (Clementine Vulgate)" }, { "verse": 22, "text": "Insuper et tempore angustiæ suæ auxit contemptum in Dominum, ipse per se rex Achaz,", "citation": "2 Paralipomenon 28:22 (Clementine Vulgate)" }, { "verse": 23, "text": "immolavit diis Damasci victimas percussoribus suis, et dixit : Dii regum Syriæ auxiliantur eis, quos ego placabo hostiis, et aderunt mihi : cum e contrario ipsi fuerint ruinæ ei, et universo Israël.", "citation": "2 Paralipomenon 28:23 (Clementine Vulgate)" }, { "verse": 24, "text": "Direptis itaque Achaz omnibus vasis domus Dei, atque confractis, clausit januas templi Dei, et fecit sibi altaria in universis angulis Jerusalem.", "citation": "2 Paralipomenon 28:24 (Clementine Vulgate)" }, { "verse": 25, "text": "In omnibus quoque urbibus Juda exstruxit aras ad cremandum thus, atque ad iracundiam provocavit Dominum Deum patrum suorum.", "citation": "2 Paralipomenon 28:25 (Clementine Vulgate)" }, { "verse": 26, "text": "Reliqua autem sermonum ejus, et omnium operum suorum priorum et novissimorum, scripta sunt in libro regum Juda et Israël.", "citation": "2 Paralipomenon 28:26 (Clementine Vulgate)" }, { "verse": 27, "text": "Dormivitque Achaz cum patribus suis, et sepelierunt eum in civitate Jerusalem : neque enim receperunt eum in sepulchra regum Israël. Regnavitque Ezechias filius ejus pro eo.", "citation": "2 Paralipomenon 28:27 (Clementine Vulgate)" } ] }