{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "2 Paralipomenon, Chapter 29 — 36 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "2 Paralipomenon",
      "slug": "2-paralipomenon",
      "testament": "OT",
      "order": 14,
      "totalChapters": 36
    },
    "chapter": 29,
    "verseCount": 36,
    "navigation": {
      "htmlUrl": "https://latinprayer.org/latin/2-paralipomenon/29/",
      "bookIndex": "https://latinprayer.org/latin/2-paralipomenon/index.json",
      "bookHtmlUrl": "https://latinprayer.org/latin/2-paralipomenon/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/2-paralipomenon/28.json",
      "previousChapterHtmlUrl": "https://latinprayer.org/latin/2-paralipomenon/28/",
      "nextChapter": "https://latinprayer.org/latin/2-paralipomenon/30.json",
      "nextChapterHtmlUrl": "https://latinprayer.org/latin/2-paralipomenon/30/"
    },
    "crossReferences": {
      "english": "https://latinprayer.org/bible/2-paralipomenon/29.json",
      "englishHtmlUrl": "https://latinprayer.org/bible/2-paralipomenon/29/",
      "german": "https://latinprayer.org/bibel/2-paralipomenon/29.json",
      "germanHtmlUrl": "https://latinprayer.org/bibel/2-chronik/29/"
    }
  },
  "citation": "2 Paralipomenon 29 (Clementine Vulgate)",
  "verses": [
    {
      "verse": 1,
      "text": "Igitur Ezechias regnare cœpit, cum viginti quinque esset annorum, et viginti novem annis regnavit in Jerusalem : nomen matris ejus Abia filia Zachariæ.",
      "citation": "2 Paralipomenon 29:1 (Clementine Vulgate)"
    },
    {
      "verse": 2,
      "text": "Fecitque quod erat placitum in conspectu Domini, juxta omnia quæ fecerat David pater ejus.",
      "citation": "2 Paralipomenon 29:2 (Clementine Vulgate)"
    },
    {
      "verse": 3,
      "text": "Ipse, anno et mense primo regni sui, aperuit valvas domus Domini, et instauravit eas.",
      "citation": "2 Paralipomenon 29:3 (Clementine Vulgate)"
    },
    {
      "verse": 4,
      "text": "Adduxitque sacerdotes atque Levitas, et congregavit eos in plateam orientalem.",
      "citation": "2 Paralipomenon 29:4 (Clementine Vulgate)"
    },
    {
      "verse": 5,
      "text": "Dixitque ad eos : Audite me, Levitæ, et sanctificamini : mundate domum Domini Dei patrum vestrorum, et auferte omnem immunditiam de sanctuario.",
      "citation": "2 Paralipomenon 29:5 (Clementine Vulgate)"
    },
    {
      "verse": 6,
      "text": "Peccaverunt patres nostri, et fecerunt malum in conspectu Domini Dei nostri, derelinquentes eum : averterunt facies suas a tabernaculo Domini, et præbuerunt dorsum.",
      "citation": "2 Paralipomenon 29:6 (Clementine Vulgate)"
    },
    {
      "verse": 7,
      "text": "Clauserunt ostia quæ erant in porticu, et extinxerunt lucernas, incensumque non adoleverunt, et holocausta non obtulerunt in sanctuario Deo Israël.",
      "citation": "2 Paralipomenon 29:7 (Clementine Vulgate)"
    },
    {
      "verse": 8,
      "text": "Concitatus est itaque furor Domini super Judam et Jerusalem, tradiditque eos in commotionem, et in interitum, et in sibilum, sicut ipsi cernitis oculis vestris.",
      "citation": "2 Paralipomenon 29:8 (Clementine Vulgate)"
    },
    {
      "verse": 9,
      "text": "En corruerunt patres nostri gladiis : filii nostri, et filiæ nostræ, et conjuges captivæ ductæ sunt propter hoc scelus.",
      "citation": "2 Paralipomenon 29:9 (Clementine Vulgate)"
    },
    {
      "verse": 10,
      "text": "Nunc ergo placet mihi ut ineamus fœdus cum Domino Deo Israël, et avertet a nobis furorem iræ suæ.",
      "citation": "2 Paralipomenon 29:10 (Clementine Vulgate)"
    },
    {
      "verse": 11,
      "text": "Filii mei, nolite negligere : vos elegit Dominus ut stetis coram eo, et ministretis illi, colatisque eum, et cremetis ei incensum.",
      "citation": "2 Paralipomenon 29:11 (Clementine Vulgate)"
    },
    {
      "verse": 12,
      "text": "Surrexerunt ergo Levitæ : Mahath filius Amasai, et Joël filius Azariæ de filiis Caath : porro de filiis Merari, Cis filius Abdi, et Azarias filius Jalaleel. De filiis autem Gersom, Joah filius Zemma, et Eden filius Joah.",
      "citation": "2 Paralipomenon 29:12 (Clementine Vulgate)"
    },
    {
      "verse": 13,
      "text": "At vero de filiis Elisaphan, Samri, et Jahiel. De filiis quoque Asaph, Zacharias, et Mathanias :",
      "citation": "2 Paralipomenon 29:13 (Clementine Vulgate)"
    },
    {
      "verse": 14,
      "text": "necnon de filiis Heman, Jahiel, et Semei : sed et de filiis Idithun, Semeias, et Oziel.",
      "citation": "2 Paralipomenon 29:14 (Clementine Vulgate)"
    },
    {
      "verse": 15,
      "text": "Congregaveruntque fratres suos, et sanctificati sunt, et ingressi sunt juxta mandatum regis et imperium Domini, ut expiarent domum Dei.",
      "citation": "2 Paralipomenon 29:15 (Clementine Vulgate)"
    },
    {
      "verse": 16,
      "text": "Sacerdotes quoque ingressi templum Domini ut sanctificarent illud, extulerunt omnem immunditiam quam intro repererant in vestibulo domus Domini : quam tulerunt Levitæ, et asportaverunt ad torrentem Cedron foras.",
      "citation": "2 Paralipomenon 29:16 (Clementine Vulgate)"
    },
    {
      "verse": 17,
      "text": "Cœperunt autem prima die mensis primi mundare, et in die octavo ejusdem mensis ingressi sunt porticum templi Domini, expiaveruntque templum diebus octo, et in die sextadecima mensis ejusdem, quod cœperant, impleverunt.",
      "citation": "2 Paralipomenon 29:17 (Clementine Vulgate)"
    },
    {
      "verse": 18,
      "text": "Ingressi quoque sunt ad Ezechiam regem, et dixerunt ei : Sanctificavimus omnem domum Domini, et altare holocausti, vasaque ejus, necnon et mensam propositionis cum omnibus vasis suis,",
      "citation": "2 Paralipomenon 29:18 (Clementine Vulgate)"
    },
    {
      "verse": 19,
      "text": "cunctamque templi supellectilem, quam polluerat rex Achaz in regno suo, postquam prævaricatus est : et ecce exposita sunt omnia coram altare Domini.",
      "citation": "2 Paralipomenon 29:19 (Clementine Vulgate)"
    },
    {
      "verse": 20,
      "text": "Consurgensque diluculo Ezechias rex, adunavit omnes principes civitatis, et ascendit in domum Domini :",
      "citation": "2 Paralipomenon 29:20 (Clementine Vulgate)"
    },
    {
      "verse": 21,
      "text": "obtuleruntque simul tauros septem, et arietes septem, agnos septem, et hircos septem pro peccato, pro regno, pro sanctuario, pro Juda : dixitque sacerdotibus filiis Aaron, ut offerrent super altare Domini.",
      "citation": "2 Paralipomenon 29:21 (Clementine Vulgate)"
    },
    {
      "verse": 22,
      "text": "Mactaverunt igitur tauros, et susceperunt sanguinem sacerdotes, et fuderunt illum super altare : mactaverunt etiam arietes, et illorum sanguinem super altare fuderunt, immolaveruntque agnos, et fuderunt super altare sanguinem.",
      "citation": "2 Paralipomenon 29:22 (Clementine Vulgate)"
    },
    {
      "verse": 23,
      "text": "Applicuerunt hircos pro peccato coram rege, et universa multitudine, imposueruntque manus suas super eos :",
      "citation": "2 Paralipomenon 29:23 (Clementine Vulgate)"
    },
    {
      "verse": 24,
      "text": "et immolaverunt illos sacerdotes, et asperserunt sanguinem eorum coram altare pro piaculo universi Israëlis : pro omni quippe Israël præceperat rex ut holocaustum fieret, et pro peccato.",
      "citation": "2 Paralipomenon 29:24 (Clementine Vulgate)"
    },
    {
      "verse": 25,
      "text": "Constituit quoque Levitas in domo Domini cum cymbalis, et psalteriis, et citharis secundum dispositionem David regis, et Gad videntis, et Nathan prophetæ : siquidem Domini præceptum fuit per manum prophetarum ejus.",
      "citation": "2 Paralipomenon 29:25 (Clementine Vulgate)"
    },
    {
      "verse": 26,
      "text": "Steteruntque Levitæ tenentes organa David, et sacerdotes tubas.",
      "citation": "2 Paralipomenon 29:26 (Clementine Vulgate)"
    },
    {
      "verse": 27,
      "text": "Et jussit Ezechias ut offerrent holocausta super altare : cumque offerrentur holocausta, cœperunt laudes canere Domino, et clangere tubis, atque in diversis organis quæ David rex Israël præparaverat, concrepare.",
      "citation": "2 Paralipomenon 29:27 (Clementine Vulgate)"
    },
    {
      "verse": 28,
      "text": "Omni autem turba adorante, cantores, et ii qui tenebant tubas, erant in officio suo donec compleretur holocaustum.",
      "citation": "2 Paralipomenon 29:28 (Clementine Vulgate)"
    },
    {
      "verse": 29,
      "text": "Cumque finita esset oblatio, incurvatus est rex, et omnes qui erant cum eo, et adoraverunt.",
      "citation": "2 Paralipomenon 29:29 (Clementine Vulgate)"
    },
    {
      "verse": 30,
      "text": "Præcepitque Ezechias et principes Levitis, ut laudarent Dominum sermonibus David, et Asaph videntis : qui laudaverunt eum magna lætitia, et incurvato genu adoraverunt.",
      "citation": "2 Paralipomenon 29:30 (Clementine Vulgate)"
    },
    {
      "verse": 31,
      "text": "Ezechias autem etiam hæc addidit : Implestis manus vestras Domino : accedite, et offerte victimas et laudes in domo Domini. Obtulit ergo universa multitudo hostias, et laudes, et holocausta, mente devota.",
      "citation": "2 Paralipomenon 29:31 (Clementine Vulgate)"
    },
    {
      "verse": 32,
      "text": "Porro numerus holocaustorum quæ obtulit multitudo, hic fuit : tauros septuaginta, arietes centum, agnos ducentos.",
      "citation": "2 Paralipomenon 29:32 (Clementine Vulgate)"
    },
    {
      "verse": 33,
      "text": "Sanctificaveruntque Domino boves sexcentos, et oves tria millia.",
      "citation": "2 Paralipomenon 29:33 (Clementine Vulgate)"
    },
    {
      "verse": 34,
      "text": "Sacerdotes vero pauci erant, nec poterant sufficere ut pelles holocaustorum detraherent : unde et Levitæ fratres eorum adjuverunt eos, donec impleretur opus, et sanctificarentur antistites : Levitæ quippe faciliori ritu sanctificantur quam sacerdotes.",
      "citation": "2 Paralipomenon 29:34 (Clementine Vulgate)"
    },
    {
      "verse": 35,
      "text": "Fuerunt ergo holocausta plurima, adipes pacificorum, et libamina holocaustorum : et completus est cultus domus Domini.",
      "citation": "2 Paralipomenon 29:35 (Clementine Vulgate)"
    },
    {
      "verse": 36,
      "text": "Lætatusque est Ezechias et omnis populus, eo quod ministerium Domini esset expletum : de repente quippe hoc fieri placuerat.",
      "citation": "2 Paralipomenon 29:36 (Clementine Vulgate)"
    }
  ]
}