{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "2 Paralipomenon, Chapter 36 — 23 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "2 Paralipomenon",
      "slug": "2-paralipomenon",
      "testament": "OT",
      "order": 14,
      "totalChapters": 36
    },
    "chapter": 36,
    "verseCount": 23,
    "navigation": {
      "htmlUrl": "https://latinprayer.org/latin/2-paralipomenon/36/",
      "bookIndex": "https://latinprayer.org/latin/2-paralipomenon/index.json",
      "bookHtmlUrl": "https://latinprayer.org/latin/2-paralipomenon/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/2-paralipomenon/35.json",
      "previousChapterHtmlUrl": "https://latinprayer.org/latin/2-paralipomenon/35/",
      "nextChapter": null,
      "nextChapterHtmlUrl": null
    },
    "crossReferences": {
      "english": "https://latinprayer.org/bible/2-paralipomenon/36.json",
      "englishHtmlUrl": "https://latinprayer.org/bible/2-paralipomenon/36/",
      "german": "https://latinprayer.org/bibel/2-paralipomenon/36.json",
      "germanHtmlUrl": "https://latinprayer.org/bibel/2-chronik/36/"
    }
  },
  "citation": "2 Paralipomenon 36 (Clementine Vulgate)",
  "verses": [
    {
      "verse": 1,
      "text": "Tulit ergo populus terræ Joachaz filium Josiæ, et constituit regem pro patre suo in Jerusalem.",
      "citation": "2 Paralipomenon 36:1 (Clementine Vulgate)"
    },
    {
      "verse": 2,
      "text": "Viginti trium annorum erat Joachaz cum regnare cœpisset, et tribus mensibus regnavit in Jerusalem.",
      "citation": "2 Paralipomenon 36:2 (Clementine Vulgate)"
    },
    {
      "verse": 3,
      "text": "Amovit autem eum rex Ægypti cum venisset in Jerusalem, et condemnavit terram centum talentis argenti, et talento auri.",
      "citation": "2 Paralipomenon 36:3 (Clementine Vulgate)"
    },
    {
      "verse": 4,
      "text": "Constituitque pro eo regem Eliakim fratrem ejus super Judam et Jerusalem, et vertit nomen ejus Joakim : ipsum vero Joachaz tulit secum, et abduxit in Ægyptum.",
      "citation": "2 Paralipomenon 36:4 (Clementine Vulgate)"
    },
    {
      "verse": 5,
      "text": "Viginti quinque annorum erat Joakim cum regnare cœpisset, et undecim annis regnavit in Jerusalem : fecitque malum coram Domino Deo suo.",
      "citation": "2 Paralipomenon 36:5 (Clementine Vulgate)"
    },
    {
      "verse": 6,
      "text": "Contra hunc ascendit Nabuchodonosor rex Chaldæorum, et vinctum catenis duxit in Babylonem.",
      "citation": "2 Paralipomenon 36:6 (Clementine Vulgate)"
    },
    {
      "verse": 7,
      "text": "Ad quam et vasa Domini transtulit, et posuit ea in templo suo.",
      "citation": "2 Paralipomenon 36:7 (Clementine Vulgate)"
    },
    {
      "verse": 8,
      "text": "Reliqua autem verborum Joakim, et abominationum ejus quas operatus est, et quæ inventa sunt in eo, continentur in libro regum Juda et Israël. Regnavit autem Joachin filius ejus pro eo.",
      "citation": "2 Paralipomenon 36:8 (Clementine Vulgate)"
    },
    {
      "verse": 9,
      "text": "Octo annorum erat Joachin cum regnare cœpisset, et tribus mensibus ac decem diebus regnavit in Jerusalem : fecitque malum in conspectu Domini.",
      "citation": "2 Paralipomenon 36:9 (Clementine Vulgate)"
    },
    {
      "verse": 10,
      "text": "Cumque anni circulus volveretur, misit Nabuchodonosor rex, qui adduxerunt eum in Babylonem, asportatis simul pretiosissimis vasis domus Domini. Regem vero constituit Sedeciam patruum ejus super Judam et Jerusalem.",
      "citation": "2 Paralipomenon 36:10 (Clementine Vulgate)"
    },
    {
      "verse": 11,
      "text": "Viginti et unius anni erat Sedecias cum regnare cœpisset, et undecim annis regnavit in Jerusalem :",
      "citation": "2 Paralipomenon 36:11 (Clementine Vulgate)"
    },
    {
      "verse": 12,
      "text": "fecitque malum in oculis Domini Dei sui, nec erubuit faciem Jeremiæ prophetæ, loquentis ad se ex ore Domini.",
      "citation": "2 Paralipomenon 36:12 (Clementine Vulgate)"
    },
    {
      "verse": 13,
      "text": "A rege quoque Nabuchodonosor recessit, qui adjuraverat eum per Deum : et induravit cervicem suam et cor ut non reverteretur ad Dominum Deum Israël.",
      "citation": "2 Paralipomenon 36:13 (Clementine Vulgate)"
    },
    {
      "verse": 14,
      "text": "Sed et universi principes sacerdotum et populus prævaricati sunt inique juxta universas abominationes gentium, et polluerunt domum Domini quam sanctificaverat sibi in Jerusalem.",
      "citation": "2 Paralipomenon 36:14 (Clementine Vulgate)"
    },
    {
      "verse": 15,
      "text": "Mittebat autem Dominus Deus patrum suorum ad illos per manum nuntiorum suorum de nocte consurgens, et quotidie commonens : eo quod parceret populo et habitaculo suo.",
      "citation": "2 Paralipomenon 36:15 (Clementine Vulgate)"
    },
    {
      "verse": 16,
      "text": "At illi subsannabant nuntios Dei, et parvipendebant sermones ejus, illudebantque prophetis, donec ascenderet furor Domini in populum ejus, et esset nulla curatio.",
      "citation": "2 Paralipomenon 36:16 (Clementine Vulgate)"
    },
    {
      "verse": 17,
      "text": "Adduxit enim super eos regem Chaldæorum, et interfecit juvenes eorum gladio in domo sanctuarii sui : non est misertus adolescentis, et virginis, et senis, nec decrepiti quidem, sed omnes tradidit in manibus ejus.",
      "citation": "2 Paralipomenon 36:17 (Clementine Vulgate)"
    },
    {
      "verse": 18,
      "text": "Universaque vasa domus Domini, tam majora quam minora, et thesauros templi, et regis, et principum, transtulit in Babylonem.",
      "citation": "2 Paralipomenon 36:18 (Clementine Vulgate)"
    },
    {
      "verse": 19,
      "text": "Incenderunt hostes domum Dei, destruxeruntque murum Jerusalem : universas turres combusserunt, et quidquid pretiosum fuerat, demoliti sunt.",
      "citation": "2 Paralipomenon 36:19 (Clementine Vulgate)"
    },
    {
      "verse": 20,
      "text": "Si quis evaserat gladium, ductus in Babylonem servivit regi et filiis ejus, donec imperaret rex Persarum,",
      "citation": "2 Paralipomenon 36:20 (Clementine Vulgate)"
    },
    {
      "verse": 21,
      "text": "et compleretur sermo Domini ex ore Jeremiæ, et celebraret terra sabbata sua : cunctis enim diebus desolationis egit sabbatum usque dum complerentur septuaginta anni.",
      "citation": "2 Paralipomenon 36:21 (Clementine Vulgate)"
    },
    {
      "verse": 22,
      "text": "Anno autem primo Cyri regis Persarum, ad explendum sermonem Domini quem locutus fuerat per os Jeremiæ, suscitavit Dominus spiritum Cyri regis Persarum : qui jussit prædicari in universo regno suo, etiam per scripturam, dicens :",
      "citation": "2 Paralipomenon 36:22 (Clementine Vulgate)"
    },
    {
      "verse": 23,
      "text": "Hæc dicit Cyrus rex Persarum : Omnia regna terræ dedit mihi Dominus Deus cæli, et ipse præcepit mihi ut ædificarem ei domum in Jerusalem, quæ est in Judæa : quis ex vobis est in omni populo ejus ? sit Dominus Deus suus cum eo, et ascendat.",
      "citation": "2 Paralipomenon 36:23 (Clementine Vulgate)"
    }
  ]
}