{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "2 Paralipomenon, Chapter 9 — 31 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "2 Paralipomenon",
      "slug": "2-paralipomenon",
      "testament": "OT",
      "order": 14,
      "totalChapters": 36
    },
    "chapter": 9,
    "verseCount": 31,
    "navigation": {
      "htmlUrl": "https://latinprayer.org/latin/2-paralipomenon/9/",
      "bookIndex": "https://latinprayer.org/latin/2-paralipomenon/index.json",
      "bookHtmlUrl": "https://latinprayer.org/latin/2-paralipomenon/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/2-paralipomenon/8.json",
      "previousChapterHtmlUrl": "https://latinprayer.org/latin/2-paralipomenon/8/",
      "nextChapter": "https://latinprayer.org/latin/2-paralipomenon/10.json",
      "nextChapterHtmlUrl": "https://latinprayer.org/latin/2-paralipomenon/10/"
    },
    "crossReferences": {
      "english": "https://latinprayer.org/bible/2-paralipomenon/9.json",
      "englishHtmlUrl": "https://latinprayer.org/bible/2-paralipomenon/9/",
      "german": "https://latinprayer.org/bibel/2-paralipomenon/9.json",
      "germanHtmlUrl": "https://latinprayer.org/bibel/2-chronik/9/"
    }
  },
  "citation": "2 Paralipomenon 9 (Clementine Vulgate)",
  "verses": [
    {
      "verse": 1,
      "text": "Regina quoque Saba, cum audisset famam Salomonis, venit ut tentaret eum in ænigmatibus in Jerusalem, cum magnis opibus et camelis, qui portabant aromata, et auri plurimum, gemmasque pretiosas. Cumque venisset ad Salomonem, locuta est ei quæcumque erant in corde suo.",
      "citation": "2 Paralipomenon 9:1 (Clementine Vulgate)"
    },
    {
      "verse": 2,
      "text": "Et exposuit ei Salomon omnia quæ proposuerat : nec quidquam fuit, quod non perspicuum ei fecerit.",
      "citation": "2 Paralipomenon 9:2 (Clementine Vulgate)"
    },
    {
      "verse": 3,
      "text": "Quæ postquam vidit, sapientiam scilicet Salomonis, et domum quam ædificaverat,",
      "citation": "2 Paralipomenon 9:3 (Clementine Vulgate)"
    },
    {
      "verse": 4,
      "text": "necnon et cibaria mensæ ejus, et habitacula servorum, et officia ministrorum ejus, et vestimenta eorum, pincernas quoque et vestes eorum, et victimas quas immolabat in domo Domini : non erat præ stupore ultra in ea spiritus.",
      "citation": "2 Paralipomenon 9:4 (Clementine Vulgate)"
    },
    {
      "verse": 5,
      "text": "Dixitque ad regem : Verus est sermo quem audieram in terra mea de virtutibus et sapientia tua.",
      "citation": "2 Paralipomenon 9:5 (Clementine Vulgate)"
    },
    {
      "verse": 6,
      "text": "Non credebam narrantibus donec ipsa venissem, et vidissent oculi mei, et probassem vix medietatem sapientiæ tuæ mihi fuisse narratam : vicisti famam virtutibus tuis.",
      "citation": "2 Paralipomenon 9:6 (Clementine Vulgate)"
    },
    {
      "verse": 7,
      "text": "Beati viri tui, et beati servi tui, qui assistunt coram te omni tempore, et audiunt sapientiam tuam.",
      "citation": "2 Paralipomenon 9:7 (Clementine Vulgate)"
    },
    {
      "verse": 8,
      "text": "Sit Dominus Deus tuus benedictus, qui voluit te ordinare super thronum suum, regem Domini Dei tui. Quia diligit Deus Israël, et vult servare eum in æternum, idcirco posuit te super eum regem ut facias judicia atque justitiam.",
      "citation": "2 Paralipomenon 9:8 (Clementine Vulgate)"
    },
    {
      "verse": 9,
      "text": "Dedit autem regi centum viginti talenta auri, et aromata multa nimis, et gemmas pretiosissimas : non fuerunt aromata talia, ut hæc quæ dedit regina Saba regi Salomoni.",
      "citation": "2 Paralipomenon 9:9 (Clementine Vulgate)"
    },
    {
      "verse": 10,
      "text": "Sed et servi Hiram cum servis Salomonis attulerunt aurum de Ophir, et ligna thyina, et gemmas pretiosissimas :",
      "citation": "2 Paralipomenon 9:10 (Clementine Vulgate)"
    },
    {
      "verse": 11,
      "text": "de quibus fecit rex, de lignis scilicet thyinis, gradus in domo Domini, et in domo regia, citharas quoque, et psalteria cantoribus : numquam visa sunt in terra Juda ligna talia.",
      "citation": "2 Paralipomenon 9:11 (Clementine Vulgate)"
    },
    {
      "verse": 12,
      "text": "Rex autem Salomon dedit reginæ Saba cuncta quæ voluit, et quæ postulavit, et multo plura quam attulerat ad eum : quæ reversa abiit in terram suam cum servis suis.",
      "citation": "2 Paralipomenon 9:12 (Clementine Vulgate)"
    },
    {
      "verse": 13,
      "text": "Erat autem pondus auri quod afferebatur Salomoni per singulos annos, sexcenta sexaginta sex talenta auri,",
      "citation": "2 Paralipomenon 9:13 (Clementine Vulgate)"
    },
    {
      "verse": 14,
      "text": "excepta ea summa quam legati diversarum gentium et negotiatores afferre consueverant, omnesque reges Arabiæ, et satrapæ terrarum, qui comportabant aurum et argentum Salomoni.",
      "citation": "2 Paralipomenon 9:14 (Clementine Vulgate)"
    },
    {
      "verse": 15,
      "text": "Fecit igitur rex Salomon ducentas hastas aureas de summa sexcentorum aureorum, qui in singulis hastis expendebantur :",
      "citation": "2 Paralipomenon 9:15 (Clementine Vulgate)"
    },
    {
      "verse": 16,
      "text": "trecenta quoque scuta aurea trecentorum aureorum, quibus tegebantur singula scuta : posuitque ea rex in armentario, quod erat consitum nemore.",
      "citation": "2 Paralipomenon 9:16 (Clementine Vulgate)"
    },
    {
      "verse": 17,
      "text": "Fecit quoque rex solium eburneum grande, et vestivit illud auro mundissimo.",
      "citation": "2 Paralipomenon 9:17 (Clementine Vulgate)"
    },
    {
      "verse": 18,
      "text": "Sex quoque gradus, quibus ascendebatur ad solium, et scabellum aureum, et brachiola duo altrinsecus, et duos leones stantes juxta brachiola,",
      "citation": "2 Paralipomenon 9:18 (Clementine Vulgate)"
    },
    {
      "verse": 19,
      "text": "sed et alios duodecim leunculos stantes super sex gradus ex utraque parte : non fuit tale solium in universis regnis.",
      "citation": "2 Paralipomenon 9:19 (Clementine Vulgate)"
    },
    {
      "verse": 20,
      "text": "Omnia quoque vasa convivii regis erant aurea, et vasa domus saltus Libani ex auro purissimo. Argentum enim in diebus illis pro nihilo reputabatur.",
      "citation": "2 Paralipomenon 9:20 (Clementine Vulgate)"
    },
    {
      "verse": 21,
      "text": "Siquidem naves regis ibant in Tharsis cum servis Hiram, semel in annis tribus : et deferebant inde aurum, et argentum, et ebur, et simias, et pavos.",
      "citation": "2 Paralipomenon 9:21 (Clementine Vulgate)"
    },
    {
      "verse": 22,
      "text": "Magnificatus est igitur Salomon super omnes reges terræ præ divitiis et gloria.",
      "citation": "2 Paralipomenon 9:22 (Clementine Vulgate)"
    },
    {
      "verse": 23,
      "text": "Omnesque reges terrarum desiderabant videre faciem Salomonis, ut audirent sapientiam quam dederat Deus in corde ejus :",
      "citation": "2 Paralipomenon 9:23 (Clementine Vulgate)"
    },
    {
      "verse": 24,
      "text": "et deferebant ei munera, vasa argentea et aurea, et vestes, et arma, et aromata, equos, et mulos, per singulos annos.",
      "citation": "2 Paralipomenon 9:24 (Clementine Vulgate)"
    },
    {
      "verse": 25,
      "text": "Habuit quoque Salomon quadraginta millia equorum in stabulis, et curruum equitumque duodecim millia : constituitque eos in urbibus quadrigarum, et ubi erat rex in Jerusalem.",
      "citation": "2 Paralipomenon 9:25 (Clementine Vulgate)"
    },
    {
      "verse": 26,
      "text": "Exercuit etiam potestatem super cunctos reges a flumine Euphrate usque ad terram Philisthinorum, et usque ad terminos Ægypti.",
      "citation": "2 Paralipomenon 9:26 (Clementine Vulgate)"
    },
    {
      "verse": 27,
      "text": "Tantamque copiam præbuit argenti in Jerusalem quasi lapidum : et cedrorum tantam multitudinem velut sycomororum quæ gignuntur in campestribus.",
      "citation": "2 Paralipomenon 9:27 (Clementine Vulgate)"
    },
    {
      "verse": 28,
      "text": "Adducebantur autem ei equi de Ægypto, cunctisque regionibus.",
      "citation": "2 Paralipomenon 9:28 (Clementine Vulgate)"
    },
    {
      "verse": 29,
      "text": "Reliqua autem operum Salomonis priorum et novissimorum scripta sunt in verbis Nathan prophetæ, et in libris Ahiæ Silonitis, in visione quoque Addo videntis contra Jeroboam filium Nabat.",
      "citation": "2 Paralipomenon 9:29 (Clementine Vulgate)"
    },
    {
      "verse": 30,
      "text": "Regnavit autem Salomon in Jerusalem super omnem Israël quadraginta annis.",
      "citation": "2 Paralipomenon 9:30 (Clementine Vulgate)"
    },
    {
      "verse": 31,
      "text": "Dormivitque cum patribus suis, et sepelierunt eum in civitate David : regnavitque Roboam filius ejus pro eo.",
      "citation": "2 Paralipomenon 9:31 (Clementine Vulgate)"
    }
  ]
}