{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "3 Kings, Chapter 1 — 53 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "3 Kings",
      "slug": "3-kings",
      "testament": "OT",
      "order": 11,
      "totalChapters": 22
    },
    "chapter": 1,
    "verseCount": 53,
    "navigation": {
      "htmlUrl": "https://latinprayer.org/latin/3-kings/1/",
      "bookIndex": "https://latinprayer.org/latin/3-kings/index.json",
      "bookHtmlUrl": "https://latinprayer.org/latin/3-kings/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": null,
      "previousChapterHtmlUrl": null,
      "nextChapter": "https://latinprayer.org/latin/3-kings/2.json",
      "nextChapterHtmlUrl": "https://latinprayer.org/latin/3-kings/2/"
    },
    "crossReferences": {
      "english": "https://latinprayer.org/bible/3-kings/1.json",
      "englishHtmlUrl": "https://latinprayer.org/bible/3-kings/1/",
      "german": "https://latinprayer.org/bibel/3-kings/1.json",
      "germanHtmlUrl": "https://latinprayer.org/bibel/1-koenige/1/"
    }
  },
  "citation": "3 Kings 1 (Clementine Vulgate)",
  "verses": [
    {
      "verse": 1,
      "text": "Et rex David senuerat, habebatque ætatis plurimos dies : cumque operiretur vestibus, non calefiebat.",
      "citation": "3 Kings 1:1 (Clementine Vulgate)"
    },
    {
      "verse": 2,
      "text": "Dixerunt ergo ei servi sui : Quæramus domino nostro regi adolescentulam virginem, et stet coram rege, et foveat eum, dormiatque in sinu suo, et calefaciat dominum nostrum regem.",
      "citation": "3 Kings 1:2 (Clementine Vulgate)"
    },
    {
      "verse": 3,
      "text": "Quæsierunt igitur adolescentulam speciosam in omnibus finibus Israël, et invenerunt Abisag Sunamitidem, et adduxerunt eam ad regem.",
      "citation": "3 Kings 1:3 (Clementine Vulgate)"
    },
    {
      "verse": 4,
      "text": "Erat autem puella pulchra nimis, dormiebatque cum rege, et ministrabat ei : rex vero non cognovit eam.",
      "citation": "3 Kings 1:4 (Clementine Vulgate)"
    },
    {
      "verse": 5,
      "text": "Adonias autem filius Haggith elevabatur, dicens : Ego regnabo. Fecitque sibi currus et equites, et quinquaginta viros qui currerent ante eum.",
      "citation": "3 Kings 1:5 (Clementine Vulgate)"
    },
    {
      "verse": 6,
      "text": "Nec corripuit eum pater suus aliquando, dicens : Quare hoc fecisti ? Erat autem et ipse pulcher valde, secundus natu post Absalom.",
      "citation": "3 Kings 1:6 (Clementine Vulgate)"
    },
    {
      "verse": 7,
      "text": "Et sermo ei cum Joab filio Sarviæ, et cum Abiathar sacerdote, qui adjuvabant partes Adoniæ.",
      "citation": "3 Kings 1:7 (Clementine Vulgate)"
    },
    {
      "verse": 8,
      "text": "Sadoc vero sacerdos, et Banaias filius Jojadæ, et Nathan propheta, et Semei et Rei, et robur exercitus David, non erat cum Adonia.",
      "citation": "3 Kings 1:8 (Clementine Vulgate)"
    },
    {
      "verse": 9,
      "text": "Immolatis ergo Adonias arietibus et vitulis, et universis pinguibus, juxta lapidem Zoheleth, qui erat vicinus fonti Rogel, vocavit universos fratres suos filios regis, et omnes viros Juda servos regis.",
      "citation": "3 Kings 1:9 (Clementine Vulgate)"
    },
    {
      "verse": 10,
      "text": "Nathan autem prophetam, et Banaiam, et robustos quosque, et Salomonem fratrem suum non vocavit.",
      "citation": "3 Kings 1:10 (Clementine Vulgate)"
    },
    {
      "verse": 11,
      "text": "Dixit itaque Nathan ad Bethsabee matrem Salomonis : Num audisti quod regnaverit Adonias filius Haggith, et dominus noster David hoc ignorat ?",
      "citation": "3 Kings 1:11 (Clementine Vulgate)"
    },
    {
      "verse": 12,
      "text": "Nunc ergo veni, accipe consilium a me, et salva animam tuam, filiique tui Salomonis.",
      "citation": "3 Kings 1:12 (Clementine Vulgate)"
    },
    {
      "verse": 13,
      "text": "Vade, et ingredere ad regem David, et dic ei : Nonne tu, domine mi rex, jurasti mihi ancillæ tuæ, dicens : Salomon filius tuus regnabit post me, et ipse sedebit in solio meo ? quare ergo regnat Adonias ?",
      "citation": "3 Kings 1:13 (Clementine Vulgate)"
    },
    {
      "verse": 14,
      "text": "Et adhuc ibi te loquente cum rege, ego veniam post te, et complebo sermones tuos.",
      "citation": "3 Kings 1:14 (Clementine Vulgate)"
    },
    {
      "verse": 15,
      "text": "Ingressa est itaque Bethsabee ad regem in cubiculum : rex autem senuerat nimis, et Abisag Sunamitis ministrabat ei.",
      "citation": "3 Kings 1:15 (Clementine Vulgate)"
    },
    {
      "verse": 16,
      "text": "Inclinavit se Bethsabee, et adoravit regem. Ad quam rex : Quid tibi, inquit, vis ?",
      "citation": "3 Kings 1:16 (Clementine Vulgate)"
    },
    {
      "verse": 17,
      "text": "Quæ respondens, ait : Domine mi, tu jurasti per Dominum Deum tuum ancillæ tuæ : Salomon filius tuus regnabit post me, et ipse sedebit in solio meo.",
      "citation": "3 Kings 1:17 (Clementine Vulgate)"
    },
    {
      "verse": 18,
      "text": "Et ecce nunc Adonias regnat, te, domine mi rex, ignorante.",
      "citation": "3 Kings 1:18 (Clementine Vulgate)"
    },
    {
      "verse": 19,
      "text": "Mactavit boves, et pinguia quæque, et arietes plurimos, et vocavit omnes filios regis, Abiathar quoque sacerdotem, et Joab principem militiæ : Salomonem autem servum tuum non vocavit.",
      "citation": "3 Kings 1:19 (Clementine Vulgate)"
    },
    {
      "verse": 20,
      "text": "Verumtamen, domine mi rex, in te oculi respiciunt totius Israël, ut indices eis quis sedere debeat in solio tuo, domine mi rex, post te.",
      "citation": "3 Kings 1:20 (Clementine Vulgate)"
    },
    {
      "verse": 21,
      "text": "Eritque, cum dormierit dominus meus rex cum patribus suis, erimus ego et filius meus Salomon peccatores.",
      "citation": "3 Kings 1:21 (Clementine Vulgate)"
    },
    {
      "verse": 22,
      "text": "Adhuc illa loquente cum rege, Nathan propheta venit.",
      "citation": "3 Kings 1:22 (Clementine Vulgate)"
    },
    {
      "verse": 23,
      "text": "Et nuntiaverunt regi, dicentes : Adest Nathan propheta. Cumque introisset in conspectu regis, et adorasset eum pronus in terram,",
      "citation": "3 Kings 1:23 (Clementine Vulgate)"
    },
    {
      "verse": 24,
      "text": "dixit Nathan : Domine mi rex, tu dixisti : Adonias regnet post me, et ipse sedeat super thronum meum ?",
      "citation": "3 Kings 1:24 (Clementine Vulgate)"
    },
    {
      "verse": 25,
      "text": "Quia descendit hodie, et immolavit boves, et pinguia, et arietes plurimos, et vocavit universos filios regis et principes exercitus, Abiathar quoque sacerdotem, illisque vescentibus et bibentibus coram eo, et dicentibus : Vivat rex Adonias :",
      "citation": "3 Kings 1:25 (Clementine Vulgate)"
    },
    {
      "verse": 26,
      "text": "me servum tuum, et Sadoc sacerdotem, et Banaiam filium Jojadæ, et Salomonem famulum tuum non vocavit.",
      "citation": "3 Kings 1:26 (Clementine Vulgate)"
    },
    {
      "verse": 27,
      "text": "Numquid a domino meo rege exivit hoc verbum, et mihi non indicasti servo tuo quis sessurus esset super thronum domini mei regis post eum ?",
      "citation": "3 Kings 1:27 (Clementine Vulgate)"
    },
    {
      "verse": 28,
      "text": "Et respondit rex David, dicens : Vocate ad me Bethsabee. Quæ cum fuisset ingressa coram rege, et stetisset ante eum,",
      "citation": "3 Kings 1:28 (Clementine Vulgate)"
    },
    {
      "verse": 29,
      "text": "juravit rex, et ait : Vivit Dominus, qui eruit animam meam de omni angustia,",
      "citation": "3 Kings 1:29 (Clementine Vulgate)"
    },
    {
      "verse": 30,
      "text": "quia sicut juravi tibi per Dominum Deum Israël, dicens : Salomon filius tuus regnabit post me, et ipse sedebit super solium meum pro me : sic faciam hodie.",
      "citation": "3 Kings 1:30 (Clementine Vulgate)"
    },
    {
      "verse": 31,
      "text": "Summissoque Bethsabee in terram vultu, adoravit regem, dicens : Vivat dominus meus David in æternum.",
      "citation": "3 Kings 1:31 (Clementine Vulgate)"
    },
    {
      "verse": 32,
      "text": "Dixit quoque rex David : Vocate mihi Sadoc sacerdotem, et Nathan prophetam, et Banaiam filium Jojadæ. Qui cum ingressi fuissent coram rege,",
      "citation": "3 Kings 1:32 (Clementine Vulgate)"
    },
    {
      "verse": 33,
      "text": "dixit ad eos : Tollite vobiscum servos domini vestri, et imponite Salomonem filium meum super mulam meam, et ducite eum in Gihon.",
      "citation": "3 Kings 1:33 (Clementine Vulgate)"
    },
    {
      "verse": 34,
      "text": "Et ungat eum ibi Sadoc sacerdos et Nathan propheta in regem super Israël : et canetis buccina, atque dicetis : Vivat rex Salomon.",
      "citation": "3 Kings 1:34 (Clementine Vulgate)"
    },
    {
      "verse": 35,
      "text": "Et ascendetis post eum, et veniet, et sedebit super solium meum, et ipse regnabit pro me : illique præcipiam ut sit dux super Israël et super Judam.",
      "citation": "3 Kings 1:35 (Clementine Vulgate)"
    },
    {
      "verse": 36,
      "text": "Et respondit Banaias filius Jojadæ regi, dicens : Amen : sic loquatur Dominus Deus domini mei regis.",
      "citation": "3 Kings 1:36 (Clementine Vulgate)"
    },
    {
      "verse": 37,
      "text": "Quomodo fuit Dominus cum domino meo rege, sic sit cum Salomone, et sublimius faciat solium ejus a solio domini mei regis David.",
      "citation": "3 Kings 1:37 (Clementine Vulgate)"
    },
    {
      "verse": 38,
      "text": "Descendit ergo Sadoc sacerdos, et Nathan propheta, et Banaias filius Jojadæ, et Cerethi, et Phelethi : et imposuerunt Salomonem super mulam regis David, et adduxerunt eum in Gihon.",
      "citation": "3 Kings 1:38 (Clementine Vulgate)"
    },
    {
      "verse": 39,
      "text": "Sumpsitque Sadoc sacerdos cornu olei de tabernaculo, et unxit Salomonem : et cecinerunt buccina, et dixit omnis populus : Vivat rex Salomon.",
      "citation": "3 Kings 1:39 (Clementine Vulgate)"
    },
    {
      "verse": 40,
      "text": "Et ascendit universa multitudo post eum, et populus canentium tibiis, et lætantium gaudio magno : et insonuit terra a clamore eorum.",
      "citation": "3 Kings 1:40 (Clementine Vulgate)"
    },
    {
      "verse": 41,
      "text": "Audivit autem Adonias, et omnes qui invitati fuerant ab eo : jamque convivium finitum erat : sed et Joab, audita voce tubæ, ait : Quid sibi vult clamor civitatis tumultuantis ?",
      "citation": "3 Kings 1:41 (Clementine Vulgate)"
    },
    {
      "verse": 42,
      "text": "Adhuc illo loquente, Jonathas filius Abiathar sacerdotis venit : cui dixit Adonias : Ingredere, quia vir fortis es, et bona nuntians.",
      "citation": "3 Kings 1:42 (Clementine Vulgate)"
    },
    {
      "verse": 43,
      "text": "Responditque Jonathas Adoniæ : Nequaquam : dominus enim noster rex David regem constituit Salomonem :",
      "citation": "3 Kings 1:43 (Clementine Vulgate)"
    },
    {
      "verse": 44,
      "text": "misitque cum eo Sadoc sacerdotem, et Nathan prophetam, et Banaiam filium Jojadæ, et Cerethi, et Phelethi, et imposuerunt eum super mulam regis.",
      "citation": "3 Kings 1:44 (Clementine Vulgate)"
    },
    {
      "verse": 45,
      "text": "Unxeruntque eum Sadoc sacerdos et Nathan propheta regem in Gihon : et ascenderunt inde lætantes, et insonuit civitas : hæc est vox quam audistis.",
      "citation": "3 Kings 1:45 (Clementine Vulgate)"
    },
    {
      "verse": 46,
      "text": "Sed et Salomon sedet super solium regni.",
      "citation": "3 Kings 1:46 (Clementine Vulgate)"
    },
    {
      "verse": 47,
      "text": "Et ingressi servi regis benedixerunt domino nostro regi David, dicentes : Amplificet Deus nomen Salomonis super nomen tuum, et magnificet thronus ejus super thronum tuum. Et adoravit rex in lectulo suo :",
      "citation": "3 Kings 1:47 (Clementine Vulgate)"
    },
    {
      "verse": 48,
      "text": "et locutus est : Benedictus Dominus Deus Israël, qui dedit hodie sedentem in solio meo, videntibus oculis meis.",
      "citation": "3 Kings 1:48 (Clementine Vulgate)"
    },
    {
      "verse": 49,
      "text": "Territi sunt ergo, et surrexerunt omnes qui invitati fuerant ab Adonia, et ivit unusquisque in viam suam.",
      "citation": "3 Kings 1:49 (Clementine Vulgate)"
    },
    {
      "verse": 50,
      "text": "Adonias autem timens Salomonem, surrexit, et abiit, tenuitque cornu altaris.",
      "citation": "3 Kings 1:50 (Clementine Vulgate)"
    },
    {
      "verse": 51,
      "text": "Et nuntiaverunt Salomoni, dicentes : Ecce Adonias timens regem Salomonem, tenuit cornu altaris, dicens : Juret mihi rex Salomon hodie, quod non interficiat servum suum gladio.",
      "citation": "3 Kings 1:51 (Clementine Vulgate)"
    },
    {
      "verse": 52,
      "text": "Dixitque Salomon : Si fuerit vir bonus, non cadet ne unus quidem capillus ejus in terram : sin autem malum inventum fuerit in eo, morietur.",
      "citation": "3 Kings 1:52 (Clementine Vulgate)"
    },
    {
      "verse": 53,
      "text": "Misit ergo rex Salomon, et eduxit eum ab altari : et ingressus adoravit regem Salomonem : dixitque ei Salomon : Vade in domum tuam.",
      "citation": "3 Kings 1:53 (Clementine Vulgate)"
    }
  ]
}