{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "3 Kings, Chapter 12 — 33 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "3 Kings",
      "slug": "3-kings",
      "testament": "OT",
      "order": 11,
      "totalChapters": 22
    },
    "chapter": 12,
    "verseCount": 33,
    "navigation": {
      "htmlUrl": "https://latinprayer.org/latin/3-kings/12/",
      "bookIndex": "https://latinprayer.org/latin/3-kings/index.json",
      "bookHtmlUrl": "https://latinprayer.org/latin/3-kings/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/3-kings/11.json",
      "previousChapterHtmlUrl": "https://latinprayer.org/latin/3-kings/11/",
      "nextChapter": "https://latinprayer.org/latin/3-kings/13.json",
      "nextChapterHtmlUrl": "https://latinprayer.org/latin/3-kings/13/"
    },
    "crossReferences": {
      "english": "https://latinprayer.org/bible/3-kings/12.json",
      "englishHtmlUrl": "https://latinprayer.org/bible/3-kings/12/",
      "german": "https://latinprayer.org/bibel/3-kings/12.json",
      "germanHtmlUrl": "https://latinprayer.org/bibel/1-koenige/12/"
    }
  },
  "citation": "3 Kings 12 (Clementine Vulgate)",
  "verses": [
    {
      "verse": 1,
      "text": "Venit autem Roboam in Sichem : illuc enim congregatus erat omnis Israël ad constituendum eum regem.",
      "citation": "3 Kings 12:1 (Clementine Vulgate)"
    },
    {
      "verse": 2,
      "text": "At vero Jeroboam filius Nabat, cum adhuc esset in Ægypto profugus a facie regis Salomonis, audita morte ejus, reversus est de Ægypto.",
      "citation": "3 Kings 12:2 (Clementine Vulgate)"
    },
    {
      "verse": 3,
      "text": "Miseruntque et vocaverunt eum : venit ergo Jeroboam, et omnis multitudo Israël, et locuti sunt ad Roboam, dicentes :",
      "citation": "3 Kings 12:3 (Clementine Vulgate)"
    },
    {
      "verse": 4,
      "text": "Pater tuus durissimum jugum imposuit nobis : tu itaque nunc imminue paululum de imperio patris tui durissimo, et de jugo gravissimo quod imposuit nobis, et serviemus tibi.",
      "citation": "3 Kings 12:4 (Clementine Vulgate)"
    },
    {
      "verse": 5,
      "text": "Qui ait eis : Ite usque ad tertium diem, et revertimini ad me. Cumque abiisset populus,",
      "citation": "3 Kings 12:5 (Clementine Vulgate)"
    },
    {
      "verse": 6,
      "text": "iniit consilium rex Roboam cum senioribus qui assistebant coram Salomone patre ejus cum adhuc viveret, et ait : Quod datis mihi consilium, ut respondeam populo huic ?",
      "citation": "3 Kings 12:6 (Clementine Vulgate)"
    },
    {
      "verse": 7,
      "text": "Qui dixerunt ei : Si hodie obedieris populo huic, et servieris, et petitioni eorum cesseris, locutusque fueris ad eos verba lenia, erunt tibi servi cunctis diebus.",
      "citation": "3 Kings 12:7 (Clementine Vulgate)"
    },
    {
      "verse": 8,
      "text": "Qui dereliquit consilium senum, quod dederant ei, et adhibuit adolescentes, qui nutriti fuerant cum eo, et assistebant illi,",
      "citation": "3 Kings 12:8 (Clementine Vulgate)"
    },
    {
      "verse": 9,
      "text": "dixitque ad eos : Quod mihi datis consilium, ut respondeam populo huic, qui dixerunt mihi : Levius fac jugum quod imposuit pater tuus super nos ?",
      "citation": "3 Kings 12:9 (Clementine Vulgate)"
    },
    {
      "verse": 10,
      "text": "Et dixerunt ei juvenes qui nutriti fuerant cum eo : Sic loqueris populo huic, qui locuti sunt ad te, dicentes : Pater tuus aggravavit jugum nostrum : tu releva nos. Sic loqueris ad eos : Minimus digitus meus grossior est dorso patris mei.",
      "citation": "3 Kings 12:10 (Clementine Vulgate)"
    },
    {
      "verse": 11,
      "text": "Et nunc pater meus posuit super vos jugum grave, ego autem addam super jugum vestrum : pater meus cecidit vos flagellis, ego autem cædam vos scorpionibus.",
      "citation": "3 Kings 12:11 (Clementine Vulgate)"
    },
    {
      "verse": 12,
      "text": "Venit ergo Jeroboam et omnis populus ad Roboam die tertia, sicut locutus fuerat rex, dicens : Revertimini ad me die tertia.",
      "citation": "3 Kings 12:12 (Clementine Vulgate)"
    },
    {
      "verse": 13,
      "text": "Responditque rex populo dura, derelicto consilio seniorum quod ei dederant,",
      "citation": "3 Kings 12:13 (Clementine Vulgate)"
    },
    {
      "verse": 14,
      "text": "et locutus est eis secundum consilium juvenum, dicens : Pater meus aggravavit jugum vestrum, ego autem addam jugo vestro : pater meus cecidit vos flagellis, ego autem cædam vos scorpionibus.",
      "citation": "3 Kings 12:14 (Clementine Vulgate)"
    },
    {
      "verse": 15,
      "text": "Et non acquievit rex populo : quoniam aversatus fuerat eum Dominus, ut suscitaret verbum suum quod locutus fuerat in manu Ahiæ Silonitæ, ad Jeroboam filium Nabat.",
      "citation": "3 Kings 12:15 (Clementine Vulgate)"
    },
    {
      "verse": 16,
      "text": "Videns itaque populus quod noluisset eos audire rex, respondit ei dicens : Quæ nobis pars in David ? vel quæ hæreditas in filio Isai ? vade in tabernacula tua, Israël : nunc vide domum tuam, David. Et abiit Israël in tabernacula sua.",
      "citation": "3 Kings 12:16 (Clementine Vulgate)"
    },
    {
      "verse": 17,
      "text": "Super filios autem Israël, quicumque habitabant in civitatibus Juda, regnavit Roboam.",
      "citation": "3 Kings 12:17 (Clementine Vulgate)"
    },
    {
      "verse": 18,
      "text": "Misit ergo rex Roboam Aduram, qui erat super tributa : et lapidavit eum omnis Israël, et mortuus est. Porro rex Roboam festinus ascendit currum, et fugit in Jerusalem :",
      "citation": "3 Kings 12:18 (Clementine Vulgate)"
    },
    {
      "verse": 19,
      "text": "recessitque Israël a domo David usque in præsentem diem.",
      "citation": "3 Kings 12:19 (Clementine Vulgate)"
    },
    {
      "verse": 20,
      "text": "Factum est autem cum audisset omnis Israël quod reversus esset Jeroboam, miserunt, et vocaverunt eum congregato cœtu, et constituerunt eum regem super omnem Israël : nec secutus est quisquam domum David præter tribum Juda solam.",
      "citation": "3 Kings 12:20 (Clementine Vulgate)"
    },
    {
      "verse": 21,
      "text": "Venit autem Roboam Jerusalem, et congregavit universam domum Juda, et tribum Benjamin, centum octoginta millia electorum virorum bellatorum, ut pugnarent contra domum Israël, et reducerent regnum Roboam filio Salomonis.",
      "citation": "3 Kings 12:21 (Clementine Vulgate)"
    },
    {
      "verse": 22,
      "text": "Factus est autem sermo Domini ad Semeiam virum Dei, dicens :",
      "citation": "3 Kings 12:22 (Clementine Vulgate)"
    },
    {
      "verse": 23,
      "text": "Loquere ad Roboam filium Salomonis regem Juda, et ad omnem domum Juda, et Benjamin, et reliquos de populo, dicens :",
      "citation": "3 Kings 12:23 (Clementine Vulgate)"
    },
    {
      "verse": 24,
      "text": "Hæc dicit Dominus : Non ascendetis, neque bellabitis contra fratres vestros filios Israël : revertatur vir in domum suam : a me enim factum est verbum hoc. Audierunt sermonem Domini, et reversi sunt de itinere, sicut eis præceperat Dominus.",
      "citation": "3 Kings 12:24 (Clementine Vulgate)"
    },
    {
      "verse": 25,
      "text": "Ædificavit autem Jeroboam Sichem in monte Ephraim, et habitavit ibi : et egressus inde ædificavit Phanuel.",
      "citation": "3 Kings 12:25 (Clementine Vulgate)"
    },
    {
      "verse": 26,
      "text": "Dixitque Jeroboam in corde suo : Nunc revertetur regnum ad domum David,",
      "citation": "3 Kings 12:26 (Clementine Vulgate)"
    },
    {
      "verse": 27,
      "text": "si ascenderit populus iste ut faciat sacrificia in domo Domini in Jerusalem : et convertetur cor populi hujus ad dominum suum Roboam regem Juda, interficientque me, et revertentur ad eum.",
      "citation": "3 Kings 12:27 (Clementine Vulgate)"
    },
    {
      "verse": 28,
      "text": "Et excogitato consilio fecit duos vitulos aureos, et dixit eis : Nolite ultra ascendere in Jerusalem : ecce dii tui Israël, qui te eduxerunt de terra Ægypti.",
      "citation": "3 Kings 12:28 (Clementine Vulgate)"
    },
    {
      "verse": 29,
      "text": "Posuitque unum in Bethel, et alterum in Dan :",
      "citation": "3 Kings 12:29 (Clementine Vulgate)"
    },
    {
      "verse": 30,
      "text": "et factum est verbum hoc in peccatum : ibat enim populus ad adorandum vitulum usque in Dan.",
      "citation": "3 Kings 12:30 (Clementine Vulgate)"
    },
    {
      "verse": 31,
      "text": "Et fecit fana in excelsis, et sacerdotes de extremis populi, qui non erant de filiis Levi.",
      "citation": "3 Kings 12:31 (Clementine Vulgate)"
    },
    {
      "verse": 32,
      "text": "Constituitque diem solemnem in mense octavo, quintadecima die mensis, in similitudinem solemnitatis quæ celebrabatur in Juda. Et ascendens altare, similiter fecit in Bethel, ut immolaret vitulis quos fabricatus fuerat : constituitque in Bethel sacerdotes excelsorum quæ fecerat.",
      "citation": "3 Kings 12:32 (Clementine Vulgate)"
    },
    {
      "verse": 33,
      "text": "Et ascendit super altare quod exstruxerat in Bethel, quintadecima die mensis octavi, quem finxerat de corde suo : et fecit solemnitatem filiis Israël, et ascendit super altare, ut adoleret incensum.",
      "citation": "3 Kings 12:33 (Clementine Vulgate)"
    }
  ]
}