{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "3 Kings, Chapter 18 — 46 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "3 Kings",
      "slug": "3-kings",
      "testament": "OT",
      "order": 11,
      "totalChapters": 22
    },
    "chapter": 18,
    "verseCount": 46,
    "navigation": {
      "htmlUrl": "https://latinprayer.org/latin/3-kings/18/",
      "bookIndex": "https://latinprayer.org/latin/3-kings/index.json",
      "bookHtmlUrl": "https://latinprayer.org/latin/3-kings/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/3-kings/17.json",
      "previousChapterHtmlUrl": "https://latinprayer.org/latin/3-kings/17/",
      "nextChapter": "https://latinprayer.org/latin/3-kings/19.json",
      "nextChapterHtmlUrl": "https://latinprayer.org/latin/3-kings/19/"
    },
    "crossReferences": {
      "english": "https://latinprayer.org/bible/3-kings/18.json",
      "englishHtmlUrl": "https://latinprayer.org/bible/3-kings/18/",
      "german": "https://latinprayer.org/bibel/3-kings/18.json",
      "germanHtmlUrl": "https://latinprayer.org/bibel/1-koenige/18/"
    }
  },
  "citation": "3 Kings 18 (Clementine Vulgate)",
  "verses": [
    {
      "verse": 1,
      "text": "Post dies multos factum est verbum Domini ad Eliam, in anno tertio, dicens : Vade, et ostende te Achab, ut dem pluviam super faciem terræ.",
      "citation": "3 Kings 18:1 (Clementine Vulgate)"
    },
    {
      "verse": 2,
      "text": "Ivit ergo Elias, ut ostenderet se Achab : erat autem fames vehemens in Samaria.",
      "citation": "3 Kings 18:2 (Clementine Vulgate)"
    },
    {
      "verse": 3,
      "text": "Vocavitque Achab Abdiam dispensatorem domus suæ : Abdias autem timebat Dominum valde.",
      "citation": "3 Kings 18:3 (Clementine Vulgate)"
    },
    {
      "verse": 4,
      "text": "Nam cum interficeret Jezabel prophetas Domini, tulit ille centum prophetas, et abscondit eos quinquagenos et quinquagenos in speluncis, et pavit eos pane et aqua.",
      "citation": "3 Kings 18:4 (Clementine Vulgate)"
    },
    {
      "verse": 5,
      "text": "Dixit ergo Achab ad Abdiam : Vade in terram ad universos fontes aquarum, et in cunctas valles, si forte possimus invenire herbam, et salvare equos et mulos, et non penitus jumenta intereant.",
      "citation": "3 Kings 18:5 (Clementine Vulgate)"
    },
    {
      "verse": 6,
      "text": "Diviseruntque sibi regiones ut circuirent eas : Achab ibat per viam unam, et Abdias per viam alteram seorsum.",
      "citation": "3 Kings 18:6 (Clementine Vulgate)"
    },
    {
      "verse": 7,
      "text": "Cumque esset Abdias in via, Elias occurrit ei : qui cum cognovisset eum, cecidit super faciem suam, et ait : Num tu es, domine mi, Elias ?",
      "citation": "3 Kings 18:7 (Clementine Vulgate)"
    },
    {
      "verse": 8,
      "text": "Cui ille respondit : Ego. Vade, et dic domino tuo : Adest Elias.",
      "citation": "3 Kings 18:8 (Clementine Vulgate)"
    },
    {
      "verse": 9,
      "text": "Et ille : Quid peccavi, inquit, quoniam tradis me servum tuum in manu Achab, ut interficiat me ?",
      "citation": "3 Kings 18:9 (Clementine Vulgate)"
    },
    {
      "verse": 10,
      "text": "Vivit Dominus Deus tuus, quia non est gens aut regnum quo non miserit dominus meus te requirens : et respondentibus cunctis : Non est hic : adjuravit regna singula et gentes, eo quod minime reperireris.",
      "citation": "3 Kings 18:10 (Clementine Vulgate)"
    },
    {
      "verse": 11,
      "text": "Et nunc tu dicis mihi : Vade, et dic domino tuo : Adest Elias.",
      "citation": "3 Kings 18:11 (Clementine Vulgate)"
    },
    {
      "verse": 12,
      "text": "Cumque recessero a te, spiritus Domini asportabit te in locum quem ego ignoro : et ingressus nuntiabo Achab, et non inveniens te, interficiet me : servus autem tuus timet Dominum ab infantia sua.",
      "citation": "3 Kings 18:12 (Clementine Vulgate)"
    },
    {
      "verse": 13,
      "text": "Numquid non indicatum est tibi domino meo quid fecerim cum interficeret Jezabel prophetas Domini, quod absconderim de prophetis Domini centum viros, quinquagenos et quinquagenos, in speluncis, et paverim eos pane et aqua ?",
      "citation": "3 Kings 18:13 (Clementine Vulgate)"
    },
    {
      "verse": 14,
      "text": "et nunc tu dicis : Vade, et dic domino tuo : Adest Elias : ut interficiat me ?",
      "citation": "3 Kings 18:14 (Clementine Vulgate)"
    },
    {
      "verse": 15,
      "text": "Et dixit Elias : Vivit Dominus exercituum, ante cujus vultum sto, quia hodie apparebo ei.",
      "citation": "3 Kings 18:15 (Clementine Vulgate)"
    },
    {
      "verse": 16,
      "text": "Abiit ergo Abdias in occursum Achab, et indicavit ei : venitque Achab in occursum Eliæ.",
      "citation": "3 Kings 18:16 (Clementine Vulgate)"
    },
    {
      "verse": 17,
      "text": "Et cum vidisset eum, ait : Tune es ille, qui conturbas Israël ?",
      "citation": "3 Kings 18:17 (Clementine Vulgate)"
    },
    {
      "verse": 18,
      "text": "Et ille ait : Non ego turbavi Israël, sed tu, et domus patris tui, qui dereliquistis mandata Domini, et secuti estis Baalim.",
      "citation": "3 Kings 18:18 (Clementine Vulgate)"
    },
    {
      "verse": 19,
      "text": "Verumtamen nunc mitte, et congrega ad me universum Israël in monte Carmeli, et prophetas Baal quadringentos quinquaginta, prophetasque lucorum quadringentos, qui comedunt de mensa Jezabel.",
      "citation": "3 Kings 18:19 (Clementine Vulgate)"
    },
    {
      "verse": 20,
      "text": "Misit Achab ad omnes filios Israël, et congregavit prophetas in monte Carmeli.",
      "citation": "3 Kings 18:20 (Clementine Vulgate)"
    },
    {
      "verse": 21,
      "text": "Accedens autem Elias ad omnem populum, ait : Usquequo claudicatis in duas partes ? si Dominus est Deus, sequimini eum : si autem Baal, sequimini illum. Et non respondit ei populus verbum.",
      "citation": "3 Kings 18:21 (Clementine Vulgate)"
    },
    {
      "verse": 22,
      "text": "Et ait rursus Elias ad populum : Ego remansi propheta Domini solus : prophetæ autem Baal quadringenti et quinquaginta viri sunt.",
      "citation": "3 Kings 18:22 (Clementine Vulgate)"
    },
    {
      "verse": 23,
      "text": "Dentur nobis duo boves, et illi eligant sibi bovem unum, et in frusta cædentes ponant super ligna, ignem autem non supponant : et ego faciam bovem alterum, et imponam super ligna, ignem autem non supponam.",
      "citation": "3 Kings 18:23 (Clementine Vulgate)"
    },
    {
      "verse": 24,
      "text": "Invocate nomina deorum vestrorum, et ego invocabo nomen Domini mei : et Deus qui exaudierit per ignem, ipse sit Deus. Respondens omnis populus ait : Optima propositio.",
      "citation": "3 Kings 18:24 (Clementine Vulgate)"
    },
    {
      "verse": 25,
      "text": "Dixit ergo Elias prophetis Baal : Eligite vobis bovem unum, et facite primi, quia vos plures estis : et invocate nomina deorum vestrorum, ignemque non supponatis.",
      "citation": "3 Kings 18:25 (Clementine Vulgate)"
    },
    {
      "verse": 26,
      "text": "Qui cum tulissent bovem quem dederat eis, fecerunt : et invocabant nomen Baal de mane usque ad meridiem, dicentes : Baal, exaudi nos. Et non erat vox, nec qui responderet : transiliebantque altare quod fecerant.",
      "citation": "3 Kings 18:26 (Clementine Vulgate)"
    },
    {
      "verse": 27,
      "text": "Cumque esset jam meridies, illudebat illis Elias, dicens : Clamate voce majore : deus enim est, et forsitan loquitur, aut in diversorio est, aut in itinere, aut certe dormit, ut excitetur.",
      "citation": "3 Kings 18:27 (Clementine Vulgate)"
    },
    {
      "verse": 28,
      "text": "Clamabant ergo voce magna, et incidebant se juxta ritum suum cultris et lanceolis, donec perfunderentur sanguine.",
      "citation": "3 Kings 18:28 (Clementine Vulgate)"
    },
    {
      "verse": 29,
      "text": "Postquam autem transiit meridies, et illis prophetantibus venerat tempus quo sacrificium offerri solet, nec audiebatur vox, nec aliquis respondebat, nec attendebat orantes,",
      "citation": "3 Kings 18:29 (Clementine Vulgate)"
    },
    {
      "verse": 30,
      "text": "dixit Elias omni populo : Venite ad me. Et accedente ad se populo, curavit altare Domini quod destructum fuerat.",
      "citation": "3 Kings 18:30 (Clementine Vulgate)"
    },
    {
      "verse": 31,
      "text": "Et tulit duodecim lapides juxta numerum tribuum filiorum Jacob, ad quem factus est sermo Domini, dicens : Israël erit nomen tuum.",
      "citation": "3 Kings 18:31 (Clementine Vulgate)"
    },
    {
      "verse": 32,
      "text": "Et ædificavit de lapidibus altare in nomine Domini : fecitque aquæductum, quasi per duas aratiunculas in circuitu altaris,",
      "citation": "3 Kings 18:32 (Clementine Vulgate)"
    },
    {
      "verse": 33,
      "text": "et composuit ligna : divisitque per membra bovem, et posuit super ligna,",
      "citation": "3 Kings 18:33 (Clementine Vulgate)"
    },
    {
      "verse": 34,
      "text": "et ait : Implete quatuor hydrias aqua, et fundite super holocaustum et super ligna. Rursumque dixit : Etiam secundo hoc facite. Qui cum fecissent secundo, ait : Etiam tertio idipsum facite. Feceruntque tertio,",
      "citation": "3 Kings 18:34 (Clementine Vulgate)"
    },
    {
      "verse": 35,
      "text": "et currebant aquæ circum altare, et fossa aquæductus repleta est.",
      "citation": "3 Kings 18:35 (Clementine Vulgate)"
    },
    {
      "verse": 36,
      "text": "Cumque jam tempus esset ut offerretur holocaustum, accedens Elias propheta ait : Domine Deus Abraham, et Isaac, et Israël, ostende hodie quia tu es Deus Israël, et ego servus tuus, et juxta præceptum tuum feci omnia verba hæc.",
      "citation": "3 Kings 18:36 (Clementine Vulgate)"
    },
    {
      "verse": 37,
      "text": "Exaudi me, Domine, exaudi me : ut discat populus iste quia tu es Dominus Deus, et tu convertisti cor eorum iterum.",
      "citation": "3 Kings 18:37 (Clementine Vulgate)"
    },
    {
      "verse": 38,
      "text": "Cecidit autem ignis Domini, et voravit holocaustum, et ligna, et lapides, pulverem quoque, et aquam quæ erat in aquæductu lambens.",
      "citation": "3 Kings 18:38 (Clementine Vulgate)"
    },
    {
      "verse": 39,
      "text": "Quod cum vidisset omnis populus, cecidit in faciem suam, et ait : Dominus ipse est Deus, Dominus ipse est Deus.",
      "citation": "3 Kings 18:39 (Clementine Vulgate)"
    },
    {
      "verse": 40,
      "text": "Dixitque Elias ad eos : Apprehendite prophetas Baal, et ne unus quidem effugiat ex eis. Quos cum apprehendissent, duxit eos Elias ad torrentem Cison, et interfecit eos ibi.",
      "citation": "3 Kings 18:40 (Clementine Vulgate)"
    },
    {
      "verse": 41,
      "text": "Et ait Elias ad Achab : Ascende, comede, et bibe, quia sonus multæ pluviæ est.",
      "citation": "3 Kings 18:41 (Clementine Vulgate)"
    },
    {
      "verse": 42,
      "text": "Ascendit Achab ut comederet et biberet : Elias autem ascendit in verticem Carmeli, et pronus in terram posuit faciem suam inter genua sua,",
      "citation": "3 Kings 18:42 (Clementine Vulgate)"
    },
    {
      "verse": 43,
      "text": "et dixit ad puerum suum : Ascende, et prospice contra mare. Qui cum ascendisset, et contemplatus esset, ait : Non est quidquam. Et rursum ait illi : Revertere septem vicibus.",
      "citation": "3 Kings 18:43 (Clementine Vulgate)"
    },
    {
      "verse": 44,
      "text": "In septima autem vice, ecce nubecula parva quasi vestigium hominis ascendebat de mari. Qui ait : Ascende, et dic Achab : Junge currum tuum et descende, ne occupet te pluvia.",
      "citation": "3 Kings 18:44 (Clementine Vulgate)"
    },
    {
      "verse": 45,
      "text": "Cumque se verteret huc atque illuc, ecce cæli contenebrati sunt, et nubes, et ventus, et facta est pluvia grandis. Ascendens itaque Achab, abiit in Jezrahel :",
      "citation": "3 Kings 18:45 (Clementine Vulgate)"
    },
    {
      "verse": 46,
      "text": "et manus Domini facta est super Eliam, accinctisque lumbis currebat ante Achab, donec veniret in Jezrahel.",
      "citation": "3 Kings 18:46 (Clementine Vulgate)"
    }
  ]
}