{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "3 Kings, Chapter 20 — 43 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "3 Kings",
      "slug": "3-kings",
      "testament": "OT",
      "order": 11,
      "totalChapters": 22
    },
    "chapter": 20,
    "verseCount": 43,
    "navigation": {
      "htmlUrl": "https://latinprayer.org/latin/3-kings/20/",
      "bookIndex": "https://latinprayer.org/latin/3-kings/index.json",
      "bookHtmlUrl": "https://latinprayer.org/latin/3-kings/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/3-kings/19.json",
      "previousChapterHtmlUrl": "https://latinprayer.org/latin/3-kings/19/",
      "nextChapter": "https://latinprayer.org/latin/3-kings/21.json",
      "nextChapterHtmlUrl": "https://latinprayer.org/latin/3-kings/21/"
    },
    "crossReferences": {
      "english": "https://latinprayer.org/bible/3-kings/20.json",
      "englishHtmlUrl": "https://latinprayer.org/bible/3-kings/20/",
      "german": "https://latinprayer.org/bibel/3-kings/20.json",
      "germanHtmlUrl": "https://latinprayer.org/bibel/1-koenige/20/"
    }
  },
  "citation": "3 Kings 20 (Clementine Vulgate)",
  "verses": [
    {
      "verse": 1,
      "text": "Porro Benadad rex Syriæ congregavit omnem exercitum suum, et triginta duos reges secum, et equos, et currus : et ascendens pugnabat contra Samariam, et obsidebat eam.",
      "citation": "3 Kings 20:1 (Clementine Vulgate)"
    },
    {
      "verse": 2,
      "text": "Mittensque nuntios ad Achab regem Israël in civitatem,",
      "citation": "3 Kings 20:2 (Clementine Vulgate)"
    },
    {
      "verse": 3,
      "text": "ait : Hæc dicit Benadad : Argentum tuum, et aurum tuum meum est : et uxores tuæ, et filii tui optimi, mei sunt.",
      "citation": "3 Kings 20:3 (Clementine Vulgate)"
    },
    {
      "verse": 4,
      "text": "Responditque rex Israël : Juxta verbum tuum, domine mi rex, tuus sum ego, et omnia mea.",
      "citation": "3 Kings 20:4 (Clementine Vulgate)"
    },
    {
      "verse": 5,
      "text": "Revertentesque nuntii, dixerunt : Hæc dicit Benadad, qui misit nos ad te : Argentum tuum, et aurum tuum, et uxores tuas, et filios tuos, dabis mihi.",
      "citation": "3 Kings 20:5 (Clementine Vulgate)"
    },
    {
      "verse": 6,
      "text": "Cras igitur hac eadem hora mittam servos meos ad te, et scrutabuntur domum tuam, et domum servorum tuorum : et omne quod eis placuerit, ponent in manibus suis, et auferent.",
      "citation": "3 Kings 20:6 (Clementine Vulgate)"
    },
    {
      "verse": 7,
      "text": "Vocavit autem rex Israël omnes seniores terræ, et ait : Animadvertite, et videte quoniam insidietur nobis : misit enim ad me pro uxoribus meis, et filiis, et pro argento et auro : et non abnui.",
      "citation": "3 Kings 20:7 (Clementine Vulgate)"
    },
    {
      "verse": 8,
      "text": "Dixeruntque omnes majores natu, et universus populus, ad eum : Non audias, neque acquiescas illi.",
      "citation": "3 Kings 20:8 (Clementine Vulgate)"
    },
    {
      "verse": 9,
      "text": "Respondit itaque nuntiis Benadad : Dicite domino meo regi : Omnia propter quæ misisti ad me servum tuum in initio, faciam : hanc autem rem facere non possum.",
      "citation": "3 Kings 20:9 (Clementine Vulgate)"
    },
    {
      "verse": 10,
      "text": "Reversique nuntii retulerunt ei. Qui remisit, et ait : Hæc faciant mihi dii, et hæc addant, si suffecerit pulvis Samariæ pugillis omnis populi qui sequitur me.",
      "citation": "3 Kings 20:10 (Clementine Vulgate)"
    },
    {
      "verse": 11,
      "text": "Et respondens rex Israël, ait : Dicite ei : Ne glorietur, accinctus æque ut discinctus.",
      "citation": "3 Kings 20:11 (Clementine Vulgate)"
    },
    {
      "verse": 12,
      "text": "Factum est autem cum audisset Benadad verbum istud, bibebat ipse et reges in umbraculis : et ait servis suis : Circumdate civitatem. Et circumdederunt eam.",
      "citation": "3 Kings 20:12 (Clementine Vulgate)"
    },
    {
      "verse": 13,
      "text": "Et ecce propheta unus accedens ad Achab regem Israël, ait ei : Hæc dicit Dominus : Certe vidisti omnem multitudinem hanc nimiam ? ecce ego tradam eam in manu tua hodie, ut scias quia ego sum Dominus.",
      "citation": "3 Kings 20:13 (Clementine Vulgate)"
    },
    {
      "verse": 14,
      "text": "Et ait Achab : Per quem ? Dixitque ei : Hæc dicit Dominus : Per pedissequos principum provinciarum. Et ait : Quis incipiet præliari ? Et ille dixit : Tu.",
      "citation": "3 Kings 20:14 (Clementine Vulgate)"
    },
    {
      "verse": 15,
      "text": "Recensuit ergo pueros principum provinciarum, et reperit numerum ducentorum triginta duorum : et recensuit post eos populum, omnes filios Israël, septem millia.",
      "citation": "3 Kings 20:15 (Clementine Vulgate)"
    },
    {
      "verse": 16,
      "text": "Et egressi sunt meridie. Benadad autem bibebat temulentus in umbraculo suo, et reges triginta duo cum eo, qui ad auxilium ejus venerant.",
      "citation": "3 Kings 20:16 (Clementine Vulgate)"
    },
    {
      "verse": 17,
      "text": "Egressi sunt autem pueri principum provinciarum in prima fronte. Misit itaque Benadad : qui nuntiaverunt ei, dicentes : Viri egressi sunt de Samaria.",
      "citation": "3 Kings 20:17 (Clementine Vulgate)"
    },
    {
      "verse": 18,
      "text": "Et ille ait : Sive pro pace veniunt, apprehendite eos vivos : sive ut prælientur, vivos eos capite.",
      "citation": "3 Kings 20:18 (Clementine Vulgate)"
    },
    {
      "verse": 19,
      "text": "Egressi sunt ergo pueri principum provinciarum, ac reliquus exercitus sequebatur :",
      "citation": "3 Kings 20:19 (Clementine Vulgate)"
    },
    {
      "verse": 20,
      "text": "et percussit unusquisque virum qui contra se veniebat : fugeruntque Syri, et persecutus est eos Israël. Fugit quoque Benadad rex Syriæ in equo cum equitibus suis.",
      "citation": "3 Kings 20:20 (Clementine Vulgate)"
    },
    {
      "verse": 21,
      "text": "Necnon egressus rex Israël percussit equos et currus, et percussit Syriam plaga magna.",
      "citation": "3 Kings 20:21 (Clementine Vulgate)"
    },
    {
      "verse": 22,
      "text": "Accedens autem propheta ad regem Israël, dixit ei : Vade, et confortare, et scito, et vide quid facias : sequenti enim anno rex Syriæ ascendet contra te.",
      "citation": "3 Kings 20:22 (Clementine Vulgate)"
    },
    {
      "verse": 23,
      "text": "Servi vero regis Syriæ dixerunt ei : Dii montium sunt dii eorum, ideo superaverunt nos : sed melius est ut pugnemus contra eos in campestribus, et obtinebimus eos.",
      "citation": "3 Kings 20:23 (Clementine Vulgate)"
    },
    {
      "verse": 24,
      "text": "Tu ergo verbum hoc fac : amove reges singulos ab exercitu tuo, et pone principes pro eis :",
      "citation": "3 Kings 20:24 (Clementine Vulgate)"
    },
    {
      "verse": 25,
      "text": "et instaura numerum militum qui ceciderunt de tuis, et equos secundum equos pristinos, et currus secundum currus quos ante habuisti : et pugnabimus contra eos in campestribus, et videbis quod obtinebimus eos. Credidit consilio eorum, et fecit ita.",
      "citation": "3 Kings 20:25 (Clementine Vulgate)"
    },
    {
      "verse": 26,
      "text": "Igitur postquam annus transierat, recensuit Benadad Syros, et ascendit in Aphec ut pugnaret contra Israël.",
      "citation": "3 Kings 20:26 (Clementine Vulgate)"
    },
    {
      "verse": 27,
      "text": "Porro filii Israël recensiti sunt, et acceptis cibariis profecti ex adverso, castraque metati sunt contra eos, quasi duo parvi greges caprarum : Syri autem repleverunt terram.",
      "citation": "3 Kings 20:27 (Clementine Vulgate)"
    },
    {
      "verse": 28,
      "text": "(Et accedens unus vir Dei, dixit ad regem Israël : Hæc dicit Dominus : Quia dixerunt Syri : Deus montium est Dominus, et non est Deus vallium : dabo omnem multitudinem hanc grandem in manu tua, et scietis quia ego sum Dominus.)",
      "citation": "3 Kings 20:28 (Clementine Vulgate)"
    },
    {
      "verse": 29,
      "text": "Dirigebantque septem diebus ex adverso hi atque illi acies, septima autem die commissum est bellum : percusseruntque filii Israël de Syris centum millia peditum in die una.",
      "citation": "3 Kings 20:29 (Clementine Vulgate)"
    },
    {
      "verse": 30,
      "text": "Fugerunt autem qui remanserant in Aphec, in civitatem : et cecidit murus super viginti septem millia hominum qui remanserant. Porro Benadad fugiens ingressus est civitatem, in cubiculum quod erat intra cubiculum.",
      "citation": "3 Kings 20:30 (Clementine Vulgate)"
    },
    {
      "verse": 31,
      "text": "Dixeruntque ei servi sui : Ecce, audivimus quod reges domus Israël clementes sint : ponamus itaque saccos in lumbis nostris, et funiculos in capitibus nostris, et egrediamur ad regem Israël : forsitan salvabit animas nostras.",
      "citation": "3 Kings 20:31 (Clementine Vulgate)"
    },
    {
      "verse": 32,
      "text": "Accinxerunt saccis lumbos suos, et posuerunt funiculos in capitibus suis, veneruntque ad regem Israël, et dixerunt ei : Servus tuus Benadad dicit : Vivat, oro te, anima mea. Et ille ait : Si adhuc vivit, frater meus est.",
      "citation": "3 Kings 20:32 (Clementine Vulgate)"
    },
    {
      "verse": 33,
      "text": "Quod acceperunt viri pro omine : et festinantes rapuerunt verbum ex ore ejus, atque dixerunt : Frater tuus Benadad. Et dixit eis : Ite, et adducite eum ad me. Egressus est ergo ad eum Benadad, et levavit eum in currum suum.",
      "citation": "3 Kings 20:33 (Clementine Vulgate)"
    },
    {
      "verse": 34,
      "text": "Qui dixit ei : Civitates quas tulit pater meus a patre tuo, reddam : et plateas fac tibi in Damasco, sicut fecit pater meus in Samaria, et ego fœderatus recedam a te. Pepigit ergo fœdus, et dimisit eum.",
      "citation": "3 Kings 20:34 (Clementine Vulgate)"
    },
    {
      "verse": 35,
      "text": "Tunc vir quidam de filiis prophetarum dixit ad socium suum in sermone Domini : Percute me. At ille noluit percutere.",
      "citation": "3 Kings 20:35 (Clementine Vulgate)"
    },
    {
      "verse": 36,
      "text": "Cui ait : Quia noluisti audire vocem Domini, ecce recedes a me, et percutiet te leo. Cumque paululum recessisset ab eo, invenit eum leo, atque percussit.",
      "citation": "3 Kings 20:36 (Clementine Vulgate)"
    },
    {
      "verse": 37,
      "text": "Sed et alterum inveniens virum, dixit ad eum : Percute me. Qui percussit eum, et vulneravit.",
      "citation": "3 Kings 20:37 (Clementine Vulgate)"
    },
    {
      "verse": 38,
      "text": "Abiit ergo propheta, et occurrit regi in via, et mutavit aspersione pulveris os et oculos suos.",
      "citation": "3 Kings 20:38 (Clementine Vulgate)"
    },
    {
      "verse": 39,
      "text": "Cumque rex transisset, clamavit ad regem, et ait : Servus tuus egressus est ad præliandum cominus : cumque fugisset vir unus, adduxit eum quidam ad me, et ait : Custodi virum istum : qui si lapsus fuerit, erit anima tua pro anima ejus, aut talentum argenti appendes.",
      "citation": "3 Kings 20:39 (Clementine Vulgate)"
    },
    {
      "verse": 40,
      "text": "Dum autem ego turbatus huc illucque me verterem, subito non comparuit. Et ait rex Israël ad eum : Hoc est judicium tuum, quod ipse decrevisti.",
      "citation": "3 Kings 20:40 (Clementine Vulgate)"
    },
    {
      "verse": 41,
      "text": "At ille statim abstersit pulverem de facie sua, et cognovit eum rex Israël, quod esset de prophetis.",
      "citation": "3 Kings 20:41 (Clementine Vulgate)"
    },
    {
      "verse": 42,
      "text": "Qui ait ad eum : Hæc dicit Dominus : Quia dimisisti virum dignum morte de manu tua, erit anima tua pro anima ejus, et populus tuus pro populo ejus.",
      "citation": "3 Kings 20:42 (Clementine Vulgate)"
    },
    {
      "verse": 43,
      "text": "Reversus est igitur rex Israël in domum suam, audire contemnens, et furibundus venit in Samariam.",
      "citation": "3 Kings 20:43 (Clementine Vulgate)"
    }
  ]
}