{ "_meta": { "project": "Latin Prayer", "projectUrl": "https://latinprayer.org", "apiDocs": "https://latinprayer.org/llms.txt", "content": "3 Kings, Chapter 21 — 29 verses (Clementine Vulgate)", "translation": { "name": "Clementine Vulgate", "language": "la", "languageName": "Latin", "copyright": "Public Domain" }, "book": { "name": "3 Kings", "slug": "3-kings", "testament": "OT", "order": 11, "totalChapters": 22 }, "chapter": 21, "verseCount": 29, "navigation": { "htmlUrl": "https://latinprayer.org/latin/3-kings/21/", "bookIndex": "https://latinprayer.org/latin/3-kings/index.json", "bookHtmlUrl": "https://latinprayer.org/latin/3-kings/", "translationIndex": "https://latinprayer.org/latin/index.json", "translationHtmlUrl": "https://latinprayer.org/latin/", "previousChapter": "https://latinprayer.org/latin/3-kings/20.json", "previousChapterHtmlUrl": "https://latinprayer.org/latin/3-kings/20/", "nextChapter": "https://latinprayer.org/latin/3-kings/22.json", "nextChapterHtmlUrl": "https://latinprayer.org/latin/3-kings/22/" }, "crossReferences": { "english": "https://latinprayer.org/bible/3-kings/21.json", "englishHtmlUrl": "https://latinprayer.org/bible/3-kings/21/", "german": "https://latinprayer.org/bibel/3-kings/21.json", "germanHtmlUrl": "https://latinprayer.org/bibel/1-koenige/21/" } }, "citation": "3 Kings 21 (Clementine Vulgate)", "verses": [ { "verse": 1, "text": "Post verba autem hæc, tempore illo vinea erat Naboth Jezrahelitæ, quæ erat in Jezrahel, juxta palatium Achab regis Samariæ.", "citation": "3 Kings 21:1 (Clementine Vulgate)" }, { "verse": 2, "text": "Locutus est ergo Achab ad Naboth, dicens : Da mihi vineam tuam, ut faciam mihi hortum olerum, quia vicina est, et prope domum meam : daboque tibi pro ea vineam meliorem, aut si commodius tibi putas, argenti pretium, quanto digna est.", "citation": "3 Kings 21:2 (Clementine Vulgate)" }, { "verse": 3, "text": "Cui respondit Naboth : Propitius sit mihi Dominus, ne dem hæreditatem patrum meorum tibi.", "citation": "3 Kings 21:3 (Clementine Vulgate)" }, { "verse": 4, "text": "Venit ergo Achab in domum suam indignans, et frendens super verbo quod locutus fuerat ad eum Naboth Jezrahelites, dicens : Non dabo tibi hæreditatem patrum meorum. Et projiciens se in lectulum suum, avertit faciem suam ad parietem, et non comedit panem.", "citation": "3 Kings 21:4 (Clementine Vulgate)" }, { "verse": 5, "text": "Ingressa est autem ad eum Jezabel uxor sua, dixitque ei : Quid est hoc, unde anima tua contristata est ? et quare non comedis panem ?", "citation": "3 Kings 21:5 (Clementine Vulgate)" }, { "verse": 6, "text": "Qui respondit ei : Locutus sum Naboth Jezrahelitæ, et dixi ei : Da mihi vineam tuam, accepta pecunia : aut, si tibi placet, dabo tibi vineam meliorem pro ea. Et ille ait : Non dabo tibi vineam meam.", "citation": "3 Kings 21:6 (Clementine Vulgate)" }, { "verse": 7, "text": "Dixit ergo ad eum Jezabel uxor ejus : Grandis auctoritatis es, et bene regis regnum Israël. Surge, et comede panem, et æquo animo esto : ego dabo tibi vineam Naboth Jezrahelitæ.", "citation": "3 Kings 21:7 (Clementine Vulgate)" }, { "verse": 8, "text": "Scripsit itaque litteras ex nomine Achab, et signavit eas annulo ejus, et misit ad majores natu, et optimates, qui erant in civitate ejus, et habitabant cum Naboth.", "citation": "3 Kings 21:8 (Clementine Vulgate)" }, { "verse": 9, "text": "Litterarum autem hæc erat sententia : Prædicate jejunium, et sedere facite Naboth inter primos populi :", "citation": "3 Kings 21:9 (Clementine Vulgate)" }, { "verse": 10, "text": "et submittite duos viros filios Belial contra eum, et falsum testimonium dicant : Benedixit Deum et regem : et educite eum, et lapidate, sicque moriatur.", "citation": "3 Kings 21:10 (Clementine Vulgate)" }, { "verse": 11, "text": "Fecerunt ergo cives ejus majores natu et optimates, qui habitabant cum eo in urbe, sicut præceperat eis Jezabel, et sicut scriptum erat in litteris quas miserat ad eos :", "citation": "3 Kings 21:11 (Clementine Vulgate)" }, { "verse": 12, "text": "prædicaverunt jejunium, et sedere fecerunt Naboth inter primos populi.", "citation": "3 Kings 21:12 (Clementine Vulgate)" }, { "verse": 13, "text": "Et adductis duobus viris filiis diaboli, fecerunt eos sedere contra eum : at illi, scilicet ut viri diabolici, dixerunt contra eum testimonium coram multitudine : Benedixit Naboth Deum et regem : quam ob rem eduxerunt eum extra civitatem, et lapidibus interfecerunt.", "citation": "3 Kings 21:13 (Clementine Vulgate)" }, { "verse": 14, "text": "Miseruntque ad Jezabel, dicentes : Lapidatus est Naboth, et mortuus est.", "citation": "3 Kings 21:14 (Clementine Vulgate)" }, { "verse": 15, "text": "Factum est autem, cum audisset Jezabel lapidatum Naboth et mortuum, locuta est ad Achab : Surge, et posside vineam Naboth Jezrahelitæ, qui noluit tibi acquiescere, et dare eam accepta pecunia : non enim vivit Naboth, sed mortuus est.", "citation": "3 Kings 21:15 (Clementine Vulgate)" }, { "verse": 16, "text": "Quod cum audisset Achab, mortuum videlicet Naboth, surrexit, et descendebat in vineam Naboth Jezrahelitæ, ut possideret eam.", "citation": "3 Kings 21:16 (Clementine Vulgate)" }, { "verse": 17, "text": "Factus est igitur sermo Domini ad Eliam Thesbiten, dicens :", "citation": "3 Kings 21:17 (Clementine Vulgate)" }, { "verse": 18, "text": "Surge, et descende in occursum Achab regis Israël, qui est in Samaria : ecce ad vineam Naboth descendit, ut possideat eam.", "citation": "3 Kings 21:18 (Clementine Vulgate)" }, { "verse": 19, "text": "Et loqueris ad eum, dicens : Hæc dicit Dominus : Occidisti, insuper et possedisti. Et post hæc addes : Hæc dicit Dominus : In loco hoc, in quo linxerunt canes sanguinem Naboth, lambent quoque sanguinem tuum.", "citation": "3 Kings 21:19 (Clementine Vulgate)" }, { "verse": 20, "text": "Et ait Achab ad Eliam : Num invenisti me inimicum tibi ? Qui dixit : Inveni, eo quod venundatus sis, ut faceres malum in conspectu Domini.", "citation": "3 Kings 21:20 (Clementine Vulgate)" }, { "verse": 21, "text": "Ecce ego inducam super te malum, et demetam posteriora tua, et interficiam de Achab mingentem ad parietem, et clausum et ultimum in Israël.", "citation": "3 Kings 21:21 (Clementine Vulgate)" }, { "verse": 22, "text": "Et dabo domum tuam sicut domum Jeroboam filii Nabat, et sicut domum Baasa filii Ahia : quia egisti ut me ad iracundiam provocares, et peccare fecisti Israël.", "citation": "3 Kings 21:22 (Clementine Vulgate)" }, { "verse": 23, "text": "Sed et de Jezabel locutus est Dominus, dicens : Canes comedent Jezabel in agro Jezrahel.", "citation": "3 Kings 21:23 (Clementine Vulgate)" }, { "verse": 24, "text": "Si mortuus fuerit Achab in civitate, comedent eum canes : si autem mortuus fuerit in agro, comedent eum volucres cæli.", "citation": "3 Kings 21:24 (Clementine Vulgate)" }, { "verse": 25, "text": "Igitur non fuit alter talis sicut Achab, qui venundatus est ut faceret malum in conspectu Domini : concitavit enim eum Jezabel uxor sua,", "citation": "3 Kings 21:25 (Clementine Vulgate)" }, { "verse": 26, "text": "et abominabilis factus est, in tantum ut sequeretur idola quæ fecerant Amorrhæi, quos consumpsit Dominus a facie filiorum Israël.", "citation": "3 Kings 21:26 (Clementine Vulgate)" }, { "verse": 27, "text": "Itaque cum audisset Achab sermones istos, scidit vestimenta sua, et operuit cilicio carnem suam, jejunavitque et dormivit in sacco, et ambulavit demisso capite.", "citation": "3 Kings 21:27 (Clementine Vulgate)" }, { "verse": 28, "text": "Et factus est sermo Domini ad Eliam Thesbiten, dicens :", "citation": "3 Kings 21:28 (Clementine Vulgate)" }, { "verse": 29, "text": "Nonne vidisti humiliatum Achab coram me ? quia igitur humiliatus est mei causa, non inducam malum in diebus ejus, sed in diebus filii sui inferam malum domui ejus.", "citation": "3 Kings 21:29 (Clementine Vulgate)" } ] }