{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "3 Kings, Chapter 8 — 66 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "3 Kings",
      "slug": "3-kings",
      "testament": "OT",
      "order": 11,
      "totalChapters": 22
    },
    "chapter": 8,
    "verseCount": 66,
    "navigation": {
      "htmlUrl": "https://latinprayer.org/latin/3-kings/8/",
      "bookIndex": "https://latinprayer.org/latin/3-kings/index.json",
      "bookHtmlUrl": "https://latinprayer.org/latin/3-kings/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/3-kings/7.json",
      "previousChapterHtmlUrl": "https://latinprayer.org/latin/3-kings/7/",
      "nextChapter": "https://latinprayer.org/latin/3-kings/9.json",
      "nextChapterHtmlUrl": "https://latinprayer.org/latin/3-kings/9/"
    },
    "crossReferences": {
      "english": "https://latinprayer.org/bible/3-kings/8.json",
      "englishHtmlUrl": "https://latinprayer.org/bible/3-kings/8/",
      "german": "https://latinprayer.org/bibel/3-kings/8.json",
      "germanHtmlUrl": "https://latinprayer.org/bibel/1-koenige/8/"
    }
  },
  "citation": "3 Kings 8 (Clementine Vulgate)",
  "verses": [
    {
      "verse": 1,
      "text": "Tunc congregati sunt omnes majores natu Israël cum principibus tribuum, et duces familiarum filiorum Israël, ad regem Salomonem in Jerusalem, ut deferrent arcam fœderis Domini de civitate David, id est, de Sion.",
      "citation": "3 Kings 8:1 (Clementine Vulgate)"
    },
    {
      "verse": 2,
      "text": "Convenitque ad regem Salomonem universus Israël in mense Ethanim, in solemni die : ipse est mensis septimus.",
      "citation": "3 Kings 8:2 (Clementine Vulgate)"
    },
    {
      "verse": 3,
      "text": "Veneruntque cuncti senes de Israël, et tulerunt arcam sacerdotes,",
      "citation": "3 Kings 8:3 (Clementine Vulgate)"
    },
    {
      "verse": 4,
      "text": "et portaverunt arcam Domini, et tabernaculum fœderis, et omnia vasa sanctuarii quæ erant in tabernaculo : et ferebant ea sacerdotes et Levitæ.",
      "citation": "3 Kings 8:4 (Clementine Vulgate)"
    },
    {
      "verse": 5,
      "text": "Rex autem Salomon, et omnis multitudo Israël quæ convenerat ad eum, gradiebatur cum illo ante arcam, et immolabant oves et boves absque æstimatione et numero.",
      "citation": "3 Kings 8:5 (Clementine Vulgate)"
    },
    {
      "verse": 6,
      "text": "Et intulerunt sacerdotes arcam fœderis Domini in locum suum, in oraculum templi, in Sanctum sanctorum, subter alas cherubim.",
      "citation": "3 Kings 8:6 (Clementine Vulgate)"
    },
    {
      "verse": 7,
      "text": "Siquidem cherubim expandebant alas super locum arcæ, et protegebant arcam, et vectes ejus desuper.",
      "citation": "3 Kings 8:7 (Clementine Vulgate)"
    },
    {
      "verse": 8,
      "text": "Cumque eminerent vectes, et apparerent summitates eorum foris sanctuarium ante oraculum, non apparebant ultra extrinsecus, qui et fuerunt ibi usque in præsentem diem.",
      "citation": "3 Kings 8:8 (Clementine Vulgate)"
    },
    {
      "verse": 9,
      "text": "In arca autem non erat aliud nisi duæ tabulæ lapideæ quas posuerat in ea Moyses in Horeb, quando pepigit Dominus fœdus cum filiis Israël, cum egrederentur de terra Ægypti.",
      "citation": "3 Kings 8:9 (Clementine Vulgate)"
    },
    {
      "verse": 10,
      "text": "Factum est autem cum exissent sacerdotes de sanctuario, nebula implevit domum Domini,",
      "citation": "3 Kings 8:10 (Clementine Vulgate)"
    },
    {
      "verse": 11,
      "text": "et non poterant sacerdotes stare et ministrare propter nebulam : impleverat enim gloria Domini domum Domini.",
      "citation": "3 Kings 8:11 (Clementine Vulgate)"
    },
    {
      "verse": 12,
      "text": "Tunc ait Salomon : Dominus dixit ut habitaret in nebula.",
      "citation": "3 Kings 8:12 (Clementine Vulgate)"
    },
    {
      "verse": 13,
      "text": "Ædificans ædificavi domum in habitaculum tuum : firmissimum solium tuum in sempiternum.",
      "citation": "3 Kings 8:13 (Clementine Vulgate)"
    },
    {
      "verse": 14,
      "text": "Convertitque rex faciem suam, et benedixit omni ecclesiæ Israël : omnia enim ecclesia Israël stabat.",
      "citation": "3 Kings 8:14 (Clementine Vulgate)"
    },
    {
      "verse": 15,
      "text": "Et ait Salomon : Benedictus Dominus Deus Israël, qui locutus est ore suo ad David patrem meum, et in manibus ejus perfecit, dicens :",
      "citation": "3 Kings 8:15 (Clementine Vulgate)"
    },
    {
      "verse": 16,
      "text": "A die qua eduxi populum meum Israël de Ægypto, non elegi civitatem de universis tribubus Israël, ut ædificaretur domus, et esset nomen meum ibi : sed elegi David ut esset super populum meum Israël.",
      "citation": "3 Kings 8:16 (Clementine Vulgate)"
    },
    {
      "verse": 17,
      "text": "Voluitque David pater meus ædificare domum nomini Domini Dei Israël :",
      "citation": "3 Kings 8:17 (Clementine Vulgate)"
    },
    {
      "verse": 18,
      "text": "et ait Dominus ad David patrem meum : Quod cogitasti in corde tuo ædificare domum nomini meo, bene fecisti, hoc ipsum mente tractans.",
      "citation": "3 Kings 8:18 (Clementine Vulgate)"
    },
    {
      "verse": 19,
      "text": "Verumtamen tu non ædificabis mihi domum, sed filius tuus, qui egredietur de renibus tuis, ipse ædificabit domum nomini meo.",
      "citation": "3 Kings 8:19 (Clementine Vulgate)"
    },
    {
      "verse": 20,
      "text": "Confirmavit Dominus sermonem suum quem locutus est : stetique pro David patre meo, et sedi super thronum Israël, sicut locutus est Dominus : et ædificavi domum nomini Domini Dei Israël.",
      "citation": "3 Kings 8:20 (Clementine Vulgate)"
    },
    {
      "verse": 21,
      "text": "Et constitui ibi locum arcæ in qua fœdus Domini est, quod percussit cum patribus nostris quando egressi sunt de terra Ægypti.",
      "citation": "3 Kings 8:21 (Clementine Vulgate)"
    },
    {
      "verse": 22,
      "text": "Stetit autem Salomon ante altare Domini in conspectu ecclesiæ Israël, et expandit manus suas in cælum,",
      "citation": "3 Kings 8:22 (Clementine Vulgate)"
    },
    {
      "verse": 23,
      "text": "et ait : Domine Deus Israël, non est similis tui deus in cælo desuper, et super terram deorsum : qui custodis pactum et misericordiam servis tuis qui ambulant coram te in toto corde suo.",
      "citation": "3 Kings 8:23 (Clementine Vulgate)"
    },
    {
      "verse": 24,
      "text": "Qui custodisti servo tuo David patri meo quæ locutus es ei : ore locutus es, et manibus perfecisti, ut hæc dies probat.",
      "citation": "3 Kings 8:24 (Clementine Vulgate)"
    },
    {
      "verse": 25,
      "text": "Nunc igitur Domine Deus Israël, conserva famulo tuo David patri meo quæ locutus es ei, dicens : Non auferetur de te vir coram me, qui sedeat super thronum Israël : ita tamen si custodierint filii tui viam suam, ut ambulent coram me sicut tu ambulasti in conspectu meo.",
      "citation": "3 Kings 8:25 (Clementine Vulgate)"
    },
    {
      "verse": 26,
      "text": "Et nunc Domine Deus Israël, firmentur verba tua quæ locutus es servo tuo David patri meo.",
      "citation": "3 Kings 8:26 (Clementine Vulgate)"
    },
    {
      "verse": 27,
      "text": "Ergone putandum est quod vere Deus habitet super terram ? si enim cælum, et cæli cælorum, te capere non possunt, quanto magis domus hæc, quam ædificavi ?",
      "citation": "3 Kings 8:27 (Clementine Vulgate)"
    },
    {
      "verse": 28,
      "text": "Sed respice ad orationem servi tui, et ad preces ejus, Domine Deus meus : audi hymnum et orationem quam servus tuus orat coram te hodie :",
      "citation": "3 Kings 8:28 (Clementine Vulgate)"
    },
    {
      "verse": 29,
      "text": "ut sint oculi tui aperti super domum hanc nocte ac die : super domum, de qua dixisti : Erit nomen meum ibi : ut exaudias orationem quam orat in loco isto ad te servus tuus :",
      "citation": "3 Kings 8:29 (Clementine Vulgate)"
    },
    {
      "verse": 30,
      "text": "ut exaudias deprecationem servi tui et populi tui Israël, quodcumque oraverint in loco isto, et exaudies in loco habitaculi tui in cælo : et cum exaudieris, propitius eris.",
      "citation": "3 Kings 8:30 (Clementine Vulgate)"
    },
    {
      "verse": 31,
      "text": "Si peccaverit homo in proximum suum, et habuerit aliquod juramentum quo teneatur astrictus, et venerit propter juramentum coram altari tuo in domum tuam,",
      "citation": "3 Kings 8:31 (Clementine Vulgate)"
    },
    {
      "verse": 32,
      "text": "tu exaudies in cælo : et facies, et judicabis servos tuos, condemnans impium, et reddens viam suam super caput ejus, justificansque justum, et retribuens ei secundum justitiam suam.",
      "citation": "3 Kings 8:32 (Clementine Vulgate)"
    },
    {
      "verse": 33,
      "text": "Si fugerit populus tuus Israël inimicos suos (quia peccaturus est tibi), et agentes pœnitentiam, et confitentes nomini tuo, venerint, et oraverint, et deprecati te fuerint in domo hac :",
      "citation": "3 Kings 8:33 (Clementine Vulgate)"
    },
    {
      "verse": 34,
      "text": "exaudi in cælo, et dimitte peccatum populi tui Israël, et reduces eos in terram quam dedisti patribus eorum.",
      "citation": "3 Kings 8:34 (Clementine Vulgate)"
    },
    {
      "verse": 35,
      "text": "Si clausum fuerit cælum, et non pluerit propter peccata eorum, et orantes in loco isto, pœnitentiam egerint nomini tuo, et a peccatis suis conversi fuerint propter afflictionem suam :",
      "citation": "3 Kings 8:35 (Clementine Vulgate)"
    },
    {
      "verse": 36,
      "text": "exaudi eos in cælo, et dimitte peccata servorum tuorum, et populi tui Israël : et ostende eis viam bonam per quam ambulent, et da pluviam super terram tuam, quam dedisti populo tuo in possessionem.",
      "citation": "3 Kings 8:36 (Clementine Vulgate)"
    },
    {
      "verse": 37,
      "text": "Fames si oborta fuerit in terra, aut pestilentia, aut corruptus aër, aut ærugo, aut locusta, vel rubigo, et afflixerit eum inimicus ejus portas obsidens : omnis plaga, universa infirmitas,",
      "citation": "3 Kings 8:37 (Clementine Vulgate)"
    },
    {
      "verse": 38,
      "text": "cuncta devotatio, et imprecatio quæ acciderit omni homini de populo tuo Israël : si quis cognoverit plagam cordis sui, et expanderit manus suas in domo hac,",
      "citation": "3 Kings 8:38 (Clementine Vulgate)"
    },
    {
      "verse": 39,
      "text": "tu exaudies in cælo in loco habitationis tuæ, et repropitiaberis, et facies ut des unicuique secundum omnes vias suas, sicut videris cor ejus (quia tu nosti solus cor omnium filiorum hominum),",
      "citation": "3 Kings 8:39 (Clementine Vulgate)"
    },
    {
      "verse": 40,
      "text": "ut timeant te cunctis diebus quibus vivunt super faciem terræ quam dedisti patribus nostris.",
      "citation": "3 Kings 8:40 (Clementine Vulgate)"
    },
    {
      "verse": 41,
      "text": "Insuper et alienigena, qui non est de populo tuo Israël, cum venerit de terra longinqua propter nomen tuum (audietur enim nomen tuum magnum, et manus tua fortis, et brachium tuum",
      "citation": "3 Kings 8:41 (Clementine Vulgate)"
    },
    {
      "verse": 42,
      "text": "extentum ubique), cum venerit ergo, et oraverit in hoc loco,",
      "citation": "3 Kings 8:42 (Clementine Vulgate)"
    },
    {
      "verse": 43,
      "text": "tu exaudies in cælo, in firmamento habitaculi tui, et facies omnia pro quibus invocaverit te alienigena : ut discant universi populi terrarum nomen tuum timere, sicut populus tuus Israël, et probent quia nomen tuum invocatum est super domum hanc quam ædificavi.",
      "citation": "3 Kings 8:43 (Clementine Vulgate)"
    },
    {
      "verse": 44,
      "text": "Si egressus fuerit populus tuus ad bellum contra inimicos suos per viam, quocumque miseris eos, orabunt te contra viam civitatis quam elegisti, et contra domum quam ædificavi nomini tuo,",
      "citation": "3 Kings 8:44 (Clementine Vulgate)"
    },
    {
      "verse": 45,
      "text": "et exaudies in cælo orationes eorum et preces eorum, et facies judicium eorum.",
      "citation": "3 Kings 8:45 (Clementine Vulgate)"
    },
    {
      "verse": 46,
      "text": "Quod si peccaverint tibi (non est enim homo qui non peccet) et iratus tradideris eos inimicis suis, et captivi ducti fuerint in terram inimicorum longe vel prope,",
      "citation": "3 Kings 8:46 (Clementine Vulgate)"
    },
    {
      "verse": 47,
      "text": "et egerint pœnitentiam in corde suo in loco captivitatis, et conversi deprecati te fuerint in captivitate sua, dicentes : Peccavimus : inique egimus, impie gessimus :",
      "citation": "3 Kings 8:47 (Clementine Vulgate)"
    },
    {
      "verse": 48,
      "text": "et reversi fuerint ad te in universo corde suo et tota anima sua in terra inimicorum suorum, ad quam captivi ducti fuerint : et oraverint te contra viam terræ suæ, quam dedisti patribus eorum, et civitatis quam elegisti, et templi quod ædificavi nomini tuo :",
      "citation": "3 Kings 8:48 (Clementine Vulgate)"
    },
    {
      "verse": 49,
      "text": "exaudies in cælo, in firmamento solii tui, orationes eorum et preces eorum, et facies judicium eorum :",
      "citation": "3 Kings 8:49 (Clementine Vulgate)"
    },
    {
      "verse": 50,
      "text": "et propitiaberis populo tuo qui peccavit tibi, et omnibus iniquitatibus eorum quibus prævaricati sunt in te : et dabis misericordiam coram eis qui eos captivos habuerint, ut misereantur eis.",
      "citation": "3 Kings 8:50 (Clementine Vulgate)"
    },
    {
      "verse": 51,
      "text": "Populus enim tuus est, et hæreditas tua, quos eduxisti de terra Ægypti, de medio fornacis ferreæ.",
      "citation": "3 Kings 8:51 (Clementine Vulgate)"
    },
    {
      "verse": 52,
      "text": "Ut sint oculi tui aperti ad deprecationem servi tui, et populi tui Israël, et exaudias eos in universis pro quibus invocaverint te.",
      "citation": "3 Kings 8:52 (Clementine Vulgate)"
    },
    {
      "verse": 53,
      "text": "Tu enim separasti eos tibi in hæreditatem de universis populis terræ, sicut locutus es per Moysen servum tuum quando eduxisti patres nostros de Ægypto, Domine Deus.",
      "citation": "3 Kings 8:53 (Clementine Vulgate)"
    },
    {
      "verse": 54,
      "text": "Factum est autem, cum complesset Salomon orans Dominum omnem orationem et deprecationem hanc, surrexit de conspectu altaris Domini : utrumque enim genu in terram fixerat, et manus expanderat in cælum.",
      "citation": "3 Kings 8:54 (Clementine Vulgate)"
    },
    {
      "verse": 55,
      "text": "Stetit ergo, et benedixit omni ecclesiæ Israël voce magna, dicens :",
      "citation": "3 Kings 8:55 (Clementine Vulgate)"
    },
    {
      "verse": 56,
      "text": "Benedictus Dominus, qui dedit requiem populo suo Israël, juxta omnia quæ locutus est : non cecidit ne unus quidem sermo ex omnibus bonis quæ locutus est per Moysen servum suum.",
      "citation": "3 Kings 8:56 (Clementine Vulgate)"
    },
    {
      "verse": 57,
      "text": "Sit Dominus Deus noster nobiscum, sicut fuit cum patribus nostris, non derelinquens nos, neque projiciens.",
      "citation": "3 Kings 8:57 (Clementine Vulgate)"
    },
    {
      "verse": 58,
      "text": "Sed inclinet corda nostra ad se, ut ambulemus in universis viis ejus, et custodiamus mandata ejus, et cæremonias ejus, et judicia quæcumque mandavit patribus nostris.",
      "citation": "3 Kings 8:58 (Clementine Vulgate)"
    },
    {
      "verse": 59,
      "text": "Et sint sermones mei isti, quibus deprecatus sum coram Domino, appropinquantes Domino Deo nostro die ac nocte, ut faciat judicium servo suo, et populo suo Israël per singulos dies :",
      "citation": "3 Kings 8:59 (Clementine Vulgate)"
    },
    {
      "verse": 60,
      "text": "ut sciant omnes populi terræ quia Dominus ipse est Deus, et non est ultra absque eo.",
      "citation": "3 Kings 8:60 (Clementine Vulgate)"
    },
    {
      "verse": 61,
      "text": "Sit quoque cor nostrum perfectum cum Domino Deo nostro, ut ambulemus in decretis ejus, et custodiamus mandata ejus, sicut et hodie.",
      "citation": "3 Kings 8:61 (Clementine Vulgate)"
    },
    {
      "verse": 62,
      "text": "Igitur rex, et omnis Israël cum eo, immolabant victimas coram Domino.",
      "citation": "3 Kings 8:62 (Clementine Vulgate)"
    },
    {
      "verse": 63,
      "text": "Mactavitque Salomon hostias pacificas, quas immolavit Domino, boum viginti duo millia, et ovium centum viginti millia : et dedicaverunt templum Domini rex et filii Israël.",
      "citation": "3 Kings 8:63 (Clementine Vulgate)"
    },
    {
      "verse": 64,
      "text": "In die illa sanctificavit rex medium atrii quod erat ante domum Domini : fecit quippe holocaustum ibi, et sacrificium, et adipem pacificorum : quoniam altare æreum quod erat coram Domino, minus erat, et capere non poterat holocaustum, et sacrificium, et adipem pacificorum.",
      "citation": "3 Kings 8:64 (Clementine Vulgate)"
    },
    {
      "verse": 65,
      "text": "Fecit ergo Salomon in tempore illo festivitatem celebrem, et omnis Israël cum eo, multitudo magna ab introitu Emath usque ad rivum Ægypti, coram Domino Deo nostro, septem diebus et septem diebus, id est, quatuordecim diebus.",
      "citation": "3 Kings 8:65 (Clementine Vulgate)"
    },
    {
      "verse": 66,
      "text": "Et in die octava dimisit populos : qui benedicentes regi, profecti sunt in tabernacula sua lætantes, et alacri corde super omnibus bonis quæ fecerat Dominus David servo suo, et Israël populo suo.",
      "citation": "3 Kings 8:66 (Clementine Vulgate)"
    }
  ]
}