{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "4 Kings, Chapter 19 — 37 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "4 Kings",
      "slug": "4-kings",
      "testament": "OT",
      "order": 12,
      "totalChapters": 25
    },
    "chapter": 19,
    "verseCount": 37,
    "navigation": {
      "htmlUrl": "https://latinprayer.org/latin/4-kings/19/",
      "bookIndex": "https://latinprayer.org/latin/4-kings/index.json",
      "bookHtmlUrl": "https://latinprayer.org/latin/4-kings/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/4-kings/18.json",
      "previousChapterHtmlUrl": "https://latinprayer.org/latin/4-kings/18/",
      "nextChapter": "https://latinprayer.org/latin/4-kings/20.json",
      "nextChapterHtmlUrl": "https://latinprayer.org/latin/4-kings/20/"
    },
    "crossReferences": {
      "english": "https://latinprayer.org/bible/4-kings/19.json",
      "englishHtmlUrl": "https://latinprayer.org/bible/4-kings/19/",
      "german": "https://latinprayer.org/bibel/4-kings/19.json",
      "germanHtmlUrl": "https://latinprayer.org/bibel/2-koenige/19/"
    }
  },
  "citation": "4 Kings 19 (Clementine Vulgate)",
  "verses": [
    {
      "verse": 1,
      "text": "Quæ cum audisset Ezechias rex, scidit vestimenta sua, et opertus est sacco, ingressusque est domum Domini.",
      "citation": "4 Kings 19:1 (Clementine Vulgate)"
    },
    {
      "verse": 2,
      "text": "Et misit Eliacim præpositum domus, et Sobnam scribam, et senes de sacerdotibus, opertos saccis, ad Isaiam prophetam filium Amos.",
      "citation": "4 Kings 19:2 (Clementine Vulgate)"
    },
    {
      "verse": 3,
      "text": "Qui dixerunt : Hæc dicit Ezechias : Dies tribulationis, et increpationis, et blasphemiæ dies iste : venerunt filii usque ad partum, et vires non habet parturiens.",
      "citation": "4 Kings 19:3 (Clementine Vulgate)"
    },
    {
      "verse": 4,
      "text": "Si forte audiat Dominus Deus tuus universa verba Rabsacis, quem misit rex Assyriorum dominus suus ut exprobraret Deum viventem et argueret verbis, quæ audivit Dominus Deus tuus : et fac orationem pro reliquiis quæ repertæ sunt.",
      "citation": "4 Kings 19:4 (Clementine Vulgate)"
    },
    {
      "verse": 5,
      "text": "Venerunt ergo servi regis Ezechiæ ad Isaiam.",
      "citation": "4 Kings 19:5 (Clementine Vulgate)"
    },
    {
      "verse": 6,
      "text": "Dixitque eis Isaias : Hæc dicetis domino vestro : Hæc dicit Dominus : Noli timere a facie sermonum quos audisti, quibus blasphemaverunt pueri regis Assyriorum me.",
      "citation": "4 Kings 19:6 (Clementine Vulgate)"
    },
    {
      "verse": 7,
      "text": "Ecce ego immittam ei spiritum, et audiet nuntium, et revertetur in terram suam, et dejiciam eum gladio in terra sua.",
      "citation": "4 Kings 19:7 (Clementine Vulgate)"
    },
    {
      "verse": 8,
      "text": "Reversus est ergo Rabsaces, et invenit regem Assyriorum expugnantem Lobnam : audierat enim quod recessisset de Lachis.",
      "citation": "4 Kings 19:8 (Clementine Vulgate)"
    },
    {
      "verse": 9,
      "text": "Cumque audisset de Tharaca rege Æthiopiæ, dicentes : Ecce egressus est ut pugnet adversum te : et iret contra eum, misit nuntios ad Ezechiam, dicens :",
      "citation": "4 Kings 19:9 (Clementine Vulgate)"
    },
    {
      "verse": 10,
      "text": "Hæc dicite Ezechiæ regi Juda : Non te seducat Deus tuus in quo habes fiduciam, neque dicas : Non tradetur Jerusalem in manus regis Assyriorum.",
      "citation": "4 Kings 19:10 (Clementine Vulgate)"
    },
    {
      "verse": 11,
      "text": "Tu enim ipse audisti quæ fecerunt reges Assyriorum universis terris, quomodo vastaverunt eas : num ergo solus poteris liberari ?",
      "citation": "4 Kings 19:11 (Clementine Vulgate)"
    },
    {
      "verse": 12,
      "text": "Numquid liberaverunt dii gentium singulos quos vastaverunt patres mei, Gozan videlicet, et Haran, et Reseph, et filios Eden qui erant in Thelassar ?",
      "citation": "4 Kings 19:12 (Clementine Vulgate)"
    },
    {
      "verse": 13,
      "text": "ubi est rex Emath, et rex Arphad, et rex civitatis Sepharvaim, Ana, et Ava ?",
      "citation": "4 Kings 19:13 (Clementine Vulgate)"
    },
    {
      "verse": 14,
      "text": "Itaque cum accepisset Ezechias litteras de manu nuntiorum, et legisset eas, ascendit in domum Domini, et expandit eas coram Domino,",
      "citation": "4 Kings 19:14 (Clementine Vulgate)"
    },
    {
      "verse": 15,
      "text": "et oravit in conspectu ejus, dicens : Domine Deus Israël, qui sedes super cherubim, tu es Deus solus regum omnium terræ : tu fecisti cælum et terram.",
      "citation": "4 Kings 19:15 (Clementine Vulgate)"
    },
    {
      "verse": 16,
      "text": "Inclina aurem tuam, et audi : aperi, Domine, oculos tuos, et vide : audi omnia verba Sennacherib, qui misit ut exprobraret nobis Deum viventem.",
      "citation": "4 Kings 19:16 (Clementine Vulgate)"
    },
    {
      "verse": 17,
      "text": "Vere, Domine, dissipaverunt reges Assyriorum gentes, et terras omnium.",
      "citation": "4 Kings 19:17 (Clementine Vulgate)"
    },
    {
      "verse": 18,
      "text": "Et miserunt deos eorum in ignem : non enim erant dii, sed opera manuum hominum, ex ligno et lapide : et perdiderunt eos.",
      "citation": "4 Kings 19:18 (Clementine Vulgate)"
    },
    {
      "verse": 19,
      "text": "Nunc igitur Domine Deus noster, salvos nos fac de manu ejus, ut sciant omnia regna terræ quia tu es Dominus Deus solus.",
      "citation": "4 Kings 19:19 (Clementine Vulgate)"
    },
    {
      "verse": 20,
      "text": "Misit autem Isaias filius Amos ad Ezechiam, dicens : Hæc dicit Dominus Deus Israël : Quæ deprecatus es me super Sennacherib rege Assyriorum, audivi.",
      "citation": "4 Kings 19:20 (Clementine Vulgate)"
    },
    {
      "verse": 21,
      "text": "Iste est sermo, quem locutus est Dominus de eo : Sprevit te, et subsannavit te, virgo filia Sion : post tergum tuum caput movit, filia Jerusalem.",
      "citation": "4 Kings 19:21 (Clementine Vulgate)"
    },
    {
      "verse": 22,
      "text": "Cui exprobrasti, et quem blasphemasti ? contra quem exaltasti vocem tuam, et elevasti in excelsum oculos tuos ? Contra Sanctum Israël.",
      "citation": "4 Kings 19:22 (Clementine Vulgate)"
    },
    {
      "verse": 23,
      "text": "Per manum servorum tuorum exprobrasti Domino, et dixisti : In multitudine curruum meorum ascendi excelsa montium in summitate Libani, et succidi sublimes cedros ejus, et electas abietes illius. Et ingressus sum usque ad terminos ejus, et saltum Carmeli ejus",
      "citation": "4 Kings 19:23 (Clementine Vulgate)"
    },
    {
      "verse": 24,
      "text": "ego succidi. Et bibi aquas alienas, et siccavi vestigiis pedum meorum omnes aquas clausas.",
      "citation": "4 Kings 19:24 (Clementine Vulgate)"
    },
    {
      "verse": 25,
      "text": "Numquid non audisti quid ab initio fecerim ? ex diebus antiquis plasmavi illud, et nunc adduxi : eruntque in ruinam collium pugnantium civitates munitæ.",
      "citation": "4 Kings 19:25 (Clementine Vulgate)"
    },
    {
      "verse": 26,
      "text": "Et qui sedent in eis, humiles manu, contremuerunt et confusi sunt : facti sunt velut fœnum agri, et virens herba tectorum, quæ arefacta est antequam veniret ad maturitatem.",
      "citation": "4 Kings 19:26 (Clementine Vulgate)"
    },
    {
      "verse": 27,
      "text": "Habitaculum tuum, et egressum tuum, et introitum tuum, et viam tuam ego præscivi, et furorem tuum contra me.",
      "citation": "4 Kings 19:27 (Clementine Vulgate)"
    },
    {
      "verse": 28,
      "text": "Insanisti in me, et superbia tua ascendit in aures meas : ponam itaque circulum in naribus tuis, et camum in labiis tuis, et reducam te in viam per quam venisti.",
      "citation": "4 Kings 19:28 (Clementine Vulgate)"
    },
    {
      "verse": 29,
      "text": "Tibi autem, Ezechia, hoc erit signum : comede hoc anno quæ repereris : in secundo autem anno, quæ sponte nascuntur : porro in tertio anno seminate et metite : plantate vineas, et comedite fructum earum.",
      "citation": "4 Kings 19:29 (Clementine Vulgate)"
    },
    {
      "verse": 30,
      "text": "Et quodcumque reliquum fuerit de domo Juda, mittet radicem deorsum, et faciet fructum sursum.",
      "citation": "4 Kings 19:30 (Clementine Vulgate)"
    },
    {
      "verse": 31,
      "text": "De Jerusalem quippe egredientur reliquiæ, et quod salvetur de monte Sion : zelus Domini exercituum faciet hoc.",
      "citation": "4 Kings 19:31 (Clementine Vulgate)"
    },
    {
      "verse": 32,
      "text": "Quam ob rem hæc dicit Dominus de rege Assyriorum : Non ingredietur urbem hanc, nec mittet in eam sagittam, nec occupabit eam clypeus, nec circumdabit eam munitio.",
      "citation": "4 Kings 19:32 (Clementine Vulgate)"
    },
    {
      "verse": 33,
      "text": "Per viam qua venit, revertetur : et civitatem hanc non ingredietur, dicit Dominus.",
      "citation": "4 Kings 19:33 (Clementine Vulgate)"
    },
    {
      "verse": 34,
      "text": "Protegamque urbem hanc, et salvabo eam propter me, et propter David servum meum.",
      "citation": "4 Kings 19:34 (Clementine Vulgate)"
    },
    {
      "verse": 35,
      "text": "Factum est igitur in nocte illa, venit angelus Domini, et percussit in castris Assyriorum centum octoginta quinque millia. Cumque diluculo surrexisset, vidit omnia corpora mortuorum : et recedens abiit,",
      "citation": "4 Kings 19:35 (Clementine Vulgate)"
    },
    {
      "verse": 36,
      "text": "et reversus est Sennacherib rex Assyriorum, et mansit in Ninive.",
      "citation": "4 Kings 19:36 (Clementine Vulgate)"
    },
    {
      "verse": 37,
      "text": "Cumque adoraret in templo Nesroch deum suum, Adramelech et Sarasar filii ejus percusserunt eum gladio, fugeruntque in terram Armeniorum : et regnavit Asarhaddon filius ejus pro eo.",
      "citation": "4 Kings 19:37 (Clementine Vulgate)"
    }
  ]
}