{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "4 Kings, Chapter 4 — 44 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "4 Kings",
      "slug": "4-kings",
      "testament": "OT",
      "order": 12,
      "totalChapters": 25
    },
    "chapter": 4,
    "verseCount": 44,
    "navigation": {
      "htmlUrl": "https://latinprayer.org/latin/4-kings/4/",
      "bookIndex": "https://latinprayer.org/latin/4-kings/index.json",
      "bookHtmlUrl": "https://latinprayer.org/latin/4-kings/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/4-kings/3.json",
      "previousChapterHtmlUrl": "https://latinprayer.org/latin/4-kings/3/",
      "nextChapter": "https://latinprayer.org/latin/4-kings/5.json",
      "nextChapterHtmlUrl": "https://latinprayer.org/latin/4-kings/5/"
    },
    "crossReferences": {
      "english": "https://latinprayer.org/bible/4-kings/4.json",
      "englishHtmlUrl": "https://latinprayer.org/bible/4-kings/4/",
      "german": "https://latinprayer.org/bibel/4-kings/4.json",
      "germanHtmlUrl": "https://latinprayer.org/bibel/2-koenige/4/"
    }
  },
  "citation": "4 Kings 4 (Clementine Vulgate)",
  "verses": [
    {
      "verse": 1,
      "text": "Mulier autem quædam de uxoribus prophetarum clamabat ad Eliseum, dicens : Servus tuus vir meus mortuus est, et tu nosti quia servus tuus fuit timens Dominum : et ecce creditor venit ut tollat duos filios meos ad serviendum sibi.",
      "citation": "4 Kings 4:1 (Clementine Vulgate)"
    },
    {
      "verse": 2,
      "text": "Cui dixit Eliseus : Quid vis ut faciam tibi ? dic mihi, quid habes in domo tua ? At illa respondit : Non habeo ancilla tua quidquam in domo mea, nisi parum olei quo ungar.",
      "citation": "4 Kings 4:2 (Clementine Vulgate)"
    },
    {
      "verse": 3,
      "text": "Cui ait : Vade, pete mutuo ab omnibus vicinis tuis vasa vacua non pauca,",
      "citation": "4 Kings 4:3 (Clementine Vulgate)"
    },
    {
      "verse": 4,
      "text": "et ingredere, et claude ostium tuum cum intrinsecus fueris tu, et filii tui : et mitte inde in omnia vasa hæc, et cum plena fuerint, tolles.",
      "citation": "4 Kings 4:4 (Clementine Vulgate)"
    },
    {
      "verse": 5,
      "text": "Ivit itaque mulier, et clausit ostium super se, et super filios suos : illi offerebant vasa, et illa infundebat.",
      "citation": "4 Kings 4:5 (Clementine Vulgate)"
    },
    {
      "verse": 6,
      "text": "Cumque plena fuissent vasa, dixit ad filium suum : Affer mihi adhuc vas. Et ille respondit : Non habeo. Stetitque oleum.",
      "citation": "4 Kings 4:6 (Clementine Vulgate)"
    },
    {
      "verse": 7,
      "text": "Venit autem illa, et indicavit homini Dei. Et ille : Vade, inquit, vende oleum, et redde creditori tuo : tu autem, et filii tui vivite de reliquo.",
      "citation": "4 Kings 4:7 (Clementine Vulgate)"
    },
    {
      "verse": 8,
      "text": "Facta est autem quædam dies, et transibat Eliseus per Sunam : erat autem ibi mulier magna, quæ tenuit eum ut comederet panem : cumque frequenter inde transiret, divertebat ad eam ut comederet panem.",
      "citation": "4 Kings 4:8 (Clementine Vulgate)"
    },
    {
      "verse": 9,
      "text": "Quæ dixit ad virum suum : Animadverto quod vir Dei sanctus est iste, qui transit per nos frequenter.",
      "citation": "4 Kings 4:9 (Clementine Vulgate)"
    },
    {
      "verse": 10,
      "text": "Faciamus ergo ei cœnaculum parvum, et ponamus ei in eo lectulum, et mensam, et sellam, et candelabrum, ut cum venerit ad nos, maneat ibi.",
      "citation": "4 Kings 4:10 (Clementine Vulgate)"
    },
    {
      "verse": 11,
      "text": "Facta est ergo dies quædam, et veniens divertit in cœnaculum, et requievit ibi.",
      "citation": "4 Kings 4:11 (Clementine Vulgate)"
    },
    {
      "verse": 12,
      "text": "Dixitque ad Giezi puerum suum : Voca Sunamitidem istam. Qui cum vocasset eam, et illa stetisset coram eo,",
      "citation": "4 Kings 4:12 (Clementine Vulgate)"
    },
    {
      "verse": 13,
      "text": "dixit ad puerum suum : Loquere ad eam : Ecce, sedule in omnibus ministrasti nobis : quid vis ut faciam tibi ? numquid habes negotium, et vis ut loquar regi, sive principi militiæ ? Quæ respondit : In medio populi mei habito.",
      "citation": "4 Kings 4:13 (Clementine Vulgate)"
    },
    {
      "verse": 14,
      "text": "Et ait : Quid ergo vult ut faciam ei ? Dixitque Giezi : Ne quæras : filium enim non habet, et vir ejus senex est.",
      "citation": "4 Kings 4:14 (Clementine Vulgate)"
    },
    {
      "verse": 15,
      "text": "Præcepit itaque ut vocaret eam : quæ cum vocata fuisset, et stetisset ante ostium,",
      "citation": "4 Kings 4:15 (Clementine Vulgate)"
    },
    {
      "verse": 16,
      "text": "dixit ad eam : In tempore isto, et in hac eadem hora, si vita comes fuerit, habebis in utero filium. At illa respondit : Noli quæso, domine mi vir Dei, noli mentiri ancillæ tuæ.",
      "citation": "4 Kings 4:16 (Clementine Vulgate)"
    },
    {
      "verse": 17,
      "text": "Et concepit mulier, et peperit filium in tempore, et in hora eadem, qua dixerat Eliseus.",
      "citation": "4 Kings 4:17 (Clementine Vulgate)"
    },
    {
      "verse": 18,
      "text": "Crevit autem puer : et cum esset quædam dies, et egressus isset ad patrem suum, ad messores,",
      "citation": "4 Kings 4:18 (Clementine Vulgate)"
    },
    {
      "verse": 19,
      "text": "ait patri suo : Caput meum doleo, caput meum doleo. At ille dixit puero : Tolle, et duc eum ad matrem suam.",
      "citation": "4 Kings 4:19 (Clementine Vulgate)"
    },
    {
      "verse": 20,
      "text": "Qui cum tulisset, et duxisset eum ad matrem suam, posuit eum illa super genua sua usque ad meridiem, et mortuus est.",
      "citation": "4 Kings 4:20 (Clementine Vulgate)"
    },
    {
      "verse": 21,
      "text": "Ascendit autem, et collocavit eum super lectulum hominis Dei, et clausit ostium : et egressa,",
      "citation": "4 Kings 4:21 (Clementine Vulgate)"
    },
    {
      "verse": 22,
      "text": "vocavit virum suum, et ait : Mitte mecum, obsecro, unum de pueris, et asinam, ut excurram usque ad hominem Dei, et revertar.",
      "citation": "4 Kings 4:22 (Clementine Vulgate)"
    },
    {
      "verse": 23,
      "text": "Qui ait illi : Quam ob causam vadis ad eum ? hodie non sunt calendæ, neque sabbatum. Quæ respondit : Vadam.",
      "citation": "4 Kings 4:23 (Clementine Vulgate)"
    },
    {
      "verse": 24,
      "text": "Stravitque asinam, et præcepit puero : Mina, et propera : ne mihi moram facias in eundo : et hoc age quod præcipio tibi.",
      "citation": "4 Kings 4:24 (Clementine Vulgate)"
    },
    {
      "verse": 25,
      "text": "Profecta est igitur, et venit ad virum Dei in montem Carmeli : cumque vidisset eam vir Dei e contra, ait ad Giezi puerum suum : Ecce Sunamitis illa.",
      "citation": "4 Kings 4:25 (Clementine Vulgate)"
    },
    {
      "verse": 26,
      "text": "Vade ergo in occursum ejus, et dic ei : Recte ne agitur circa te, et circa virum tuum, et circa filium tuum ? Quæ respondit : Recte.",
      "citation": "4 Kings 4:26 (Clementine Vulgate)"
    },
    {
      "verse": 27,
      "text": "Cumque venisset ad virum Dei in montem, apprehendit pedes ejus : et accessit Giezi ut amoveret eam. Et ait homo Dei : Dimitte illam : anima enim ejus in amaritudine est, et Dominus celavit a me, et non indicavit mihi.",
      "citation": "4 Kings 4:27 (Clementine Vulgate)"
    },
    {
      "verse": 28,
      "text": "Quæ dixit illi : Numquid petivi filium a domino meo ? numquid non dixi tibi : Ne illudas me ?",
      "citation": "4 Kings 4:28 (Clementine Vulgate)"
    },
    {
      "verse": 29,
      "text": "Et ille ait ad Giezi : Accinge lumbos tuos, et tolle baculum meum in manu tua, et vade. Si occurrerit tibi homo, non salutes eum : et si salutaverit te quispiam, non respondeas illi : et pones baculum meum super faciem pueri.",
      "citation": "4 Kings 4:29 (Clementine Vulgate)"
    },
    {
      "verse": 30,
      "text": "Porro mater pueri ait : Vivit Dominus, et vivit anima tua, non dimittam te. Surrexit ergo, et secutus est eam.",
      "citation": "4 Kings 4:30 (Clementine Vulgate)"
    },
    {
      "verse": 31,
      "text": "Giezi autem præcesserat ante eos, et posuerat baculum super faciem pueri, et non erat vox, neque sensus : reversusque est in occursum ejus, et nuntiavit ei, dicens : Non surrexit puer.",
      "citation": "4 Kings 4:31 (Clementine Vulgate)"
    },
    {
      "verse": 32,
      "text": "Ingressus est ergo Eliseus domum, et ecce puer mortuus jacebat in lectulo ejus :",
      "citation": "4 Kings 4:32 (Clementine Vulgate)"
    },
    {
      "verse": 33,
      "text": "ingressusque clausit ostium super se et super puerum, et oravit ad Dominum.",
      "citation": "4 Kings 4:33 (Clementine Vulgate)"
    },
    {
      "verse": 34,
      "text": "Et ascendit, et incubuit super puerum : posuitque os suum super os ejus, et oculos suos super oculos ejus, et manus suas super manus ejus : et incurvavit se super eum, et calefacta est caro pueri.",
      "citation": "4 Kings 4:34 (Clementine Vulgate)"
    },
    {
      "verse": 35,
      "text": "At ille reversus, deambulavit in domo, semel huc atque illuc : et ascendit, et incubuit super eum : et oscitavit puer septies, aperuitque oculos.",
      "citation": "4 Kings 4:35 (Clementine Vulgate)"
    },
    {
      "verse": 36,
      "text": "At ille vocavit Giezi, et dixit ei : Voca Sunamitidem hanc. Quæ vocata, ingressa est ad eum. Qui ait : Tolle filium tuum.",
      "citation": "4 Kings 4:36 (Clementine Vulgate)"
    },
    {
      "verse": 37,
      "text": "Venit illa, et corruit ad pedes ejus, et adoravit super terram : tulitque filium suum, et egressa est.",
      "citation": "4 Kings 4:37 (Clementine Vulgate)"
    },
    {
      "verse": 38,
      "text": "Et Eliseus reversus est in Galgala. Erat autem fames in terra, et filii prophetarum habitabant coram eo. Dixitque uni de pueris suis : Pone ollam grandem, et coque pulmentum filiis prophetarum.",
      "citation": "4 Kings 4:38 (Clementine Vulgate)"
    },
    {
      "verse": 39,
      "text": "Et egressus est unus in agrum ut colligeret herbas agrestes : invenitque quasi vitem silvestrem, et collegit ex ea colocynthidas agri, et implevit pallium suum, et reversus concidit in ollam pulmenti : nesciebat enim quid esset.",
      "citation": "4 Kings 4:39 (Clementine Vulgate)"
    },
    {
      "verse": 40,
      "text": "Infuderunt ergo sociis ut comederent : cumque gustassent de coctione, clamaverunt, dicentes : Mors in olla, vir Dei. Et non potuerunt comedere.",
      "citation": "4 Kings 4:40 (Clementine Vulgate)"
    },
    {
      "verse": 41,
      "text": "At ille : Afferte, inquit, farinam. Cumque tulissent, misit in ollam, et ait : Infunde turbæ, ut comedant. Et non fuit amplius quidquam amaritudinis in olla.",
      "citation": "4 Kings 4:41 (Clementine Vulgate)"
    },
    {
      "verse": 42,
      "text": "Vir autem quidam venit de Baalsalisa deferens viro Dei panes primitiarum, viginti panes hordeaceos, et frumentum novum in pera sua. At ille dixit : Da populo, ut comedat.",
      "citation": "4 Kings 4:42 (Clementine Vulgate)"
    },
    {
      "verse": 43,
      "text": "Responditque ei minister ejus : Quantum est hoc, ut apponam centum viris ? Rursum ille ait : Da populo, ut comedat : hæc enim dicit Dominus : Comedent, et supererit.",
      "citation": "4 Kings 4:43 (Clementine Vulgate)"
    },
    {
      "verse": 44,
      "text": "Posuit itaque coram eis : qui comederunt, et superfuit juxta verbum Domini.",
      "citation": "4 Kings 4:44 (Clementine Vulgate)"
    }
  ]
}