{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Acts, Chapter 13 — 52 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Acts",
      "slug": "acts",
      "testament": "NT",
      "order": 51,
      "totalChapters": 28
    },
    "chapter": 13,
    "verseCount": 52,
    "navigation": {
      "htmlUrl": "https://latinprayer.org/latin/acts/13/",
      "bookIndex": "https://latinprayer.org/latin/acts/index.json",
      "bookHtmlUrl": "https://latinprayer.org/latin/acts/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/acts/12.json",
      "previousChapterHtmlUrl": "https://latinprayer.org/latin/acts/12/",
      "nextChapter": "https://latinprayer.org/latin/acts/14.json",
      "nextChapterHtmlUrl": "https://latinprayer.org/latin/acts/14/"
    },
    "crossReferences": {
      "english": "https://latinprayer.org/bible/acts/13.json",
      "englishHtmlUrl": "https://latinprayer.org/bible/acts/13/",
      "german": "https://latinprayer.org/bibel/acts/13.json",
      "germanHtmlUrl": "https://latinprayer.org/bibel/apostelgeschichte/13/"
    }
  },
  "citation": "Acts 13 (Clementine Vulgate)",
  "verses": [
    {
      "verse": 1,
      "text": "Erant autem in ecclesia quæ erat Antiochiæ, prophetæ et doctores, in quibus Barnabas, et Simon qui vocabatur Niger, et Lucius Cyrenensis, et Manahen, qui erat Herodis Tetrarchæ collactaneus, et Saulus.",
      "citation": "Acts 13:1 (Clementine Vulgate)"
    },
    {
      "verse": 2,
      "text": "Ministrantibus autem illis Domino, et jejunantibus, dixit illis Spiritus Sanctus : Segregate mihi Saulum et Barnabam in opus ad quod assumpsi eos.",
      "citation": "Acts 13:2 (Clementine Vulgate)"
    },
    {
      "verse": 3,
      "text": "Tunc jejunantes et orantes, imponentesque eis manus, dimiserunt illos.",
      "citation": "Acts 13:3 (Clementine Vulgate)"
    },
    {
      "verse": 4,
      "text": "Et ipsi quidem missi a Spiritu Sancto abierunt Seleuciam : et inde navigaverunt Cyprum.",
      "citation": "Acts 13:4 (Clementine Vulgate)"
    },
    {
      "verse": 5,
      "text": "Et cum venissent Salaminam, prædicabant verbum Dei in synagogis Judæorum. Habebant autem et Joannem in ministerio.",
      "citation": "Acts 13:5 (Clementine Vulgate)"
    },
    {
      "verse": 6,
      "text": "Et cum perambulassent universam insulam usque Paphum, invenerunt quemdam virum magum pseudoprophetam, Judæum, cui nomen erat Barjesu,",
      "citation": "Acts 13:6 (Clementine Vulgate)"
    },
    {
      "verse": 7,
      "text": "qui erat cum proconsule Sergio Paulo viro prudente. Hic, accersitis Barnaba et Saulo, desiderabat audire verbum Dei.",
      "citation": "Acts 13:7 (Clementine Vulgate)"
    },
    {
      "verse": 8,
      "text": "Resistebat autem illis Elymas magus (sic enim interpretatur nomen ejus), quærens avertere proconsulem a fide.",
      "citation": "Acts 13:8 (Clementine Vulgate)"
    },
    {
      "verse": 9,
      "text": "Saulus autem, qui et Paulus, repletus Spiritu Sancto, intuens in eum,",
      "citation": "Acts 13:9 (Clementine Vulgate)"
    },
    {
      "verse": 10,
      "text": "dixit : O plene omni dolo et omni fallacia, fili diaboli, inimice omnis justitiæ, non desinis subvertere vias Domini rectas.",
      "citation": "Acts 13:10 (Clementine Vulgate)"
    },
    {
      "verse": 11,
      "text": "Et nunc ecce manus Domini super te, et eris cæcus, non videns solem usque ad tempus. Et confestim cecidit in eum caligo et tenebræ : et circuiens quærebat qui ei manum daret.",
      "citation": "Acts 13:11 (Clementine Vulgate)"
    },
    {
      "verse": 12,
      "text": "Tunc proconsul cum vidisset factum, credidit admirans super doctrina Domini.",
      "citation": "Acts 13:12 (Clementine Vulgate)"
    },
    {
      "verse": 13,
      "text": "Et cum a Papho navigassent Paulus et qui cum eo erant, venerunt Pergen Pamphyliæ. Joannes autem discedens ab eis, reversus est Jerosolymam.",
      "citation": "Acts 13:13 (Clementine Vulgate)"
    },
    {
      "verse": 14,
      "text": "Illi vero pertranseuntes Pergen, venerunt Antiochiam Pisidiæ : et ingressi synagogam die sabbatorum, sederunt.",
      "citation": "Acts 13:14 (Clementine Vulgate)"
    },
    {
      "verse": 15,
      "text": "Post lectionem autem legis et prophetarum, miserunt principes synagogæ ad eos, dicentes : Viri fratres, si quis est in vobis sermo exhortationis ad plebem, dicite.",
      "citation": "Acts 13:15 (Clementine Vulgate)"
    },
    {
      "verse": 16,
      "text": "Surgens autem Paulus, et manu silentium indicens, ait : Viri Israëlitæ, et qui timetis Deum, audite :",
      "citation": "Acts 13:16 (Clementine Vulgate)"
    },
    {
      "verse": 17,
      "text": "Deus plebis Israël elegit patres nostros, et plebem exaltavit cum essent incolæ in terra Ægypti, et in brachio excelso eduxit eos ex ea,",
      "citation": "Acts 13:17 (Clementine Vulgate)"
    },
    {
      "verse": 18,
      "text": "et per quadraginta annorum tempus mores eorum sustinuit in deserto.",
      "citation": "Acts 13:18 (Clementine Vulgate)"
    },
    {
      "verse": 19,
      "text": "Et destruens gentes septem in terra Chanaan, sorte distribuit eis terram eorum,",
      "citation": "Acts 13:19 (Clementine Vulgate)"
    },
    {
      "verse": 20,
      "text": "quasi post quadringentos et quinquaginta annos : et post hæc dedit judices, usque ad Samuel prophetam.",
      "citation": "Acts 13:20 (Clementine Vulgate)"
    },
    {
      "verse": 21,
      "text": "Et exinde postulaverunt regem : et dedit illis Deus Saul filium Cis, virum de tribu Benjamin, annis quadraginta :",
      "citation": "Acts 13:21 (Clementine Vulgate)"
    },
    {
      "verse": 22,
      "text": "et amoto illo, suscitavit illis David regem : cui testimonium perhibens, dixit : Inveni David filium Jesse, virum secundum cor meum, qui faciet omnes voluntates meas.",
      "citation": "Acts 13:22 (Clementine Vulgate)"
    },
    {
      "verse": 23,
      "text": "Hujus Deus ex semine secundum promissionem eduxit Israël salvatorem Jesum,",
      "citation": "Acts 13:23 (Clementine Vulgate)"
    },
    {
      "verse": 24,
      "text": "prædicante Joanne ante faciem adventus ejus baptismum pœnitentiæ omni populo Israël.",
      "citation": "Acts 13:24 (Clementine Vulgate)"
    },
    {
      "verse": 25,
      "text": "Cum impleret autem Joannes cursum suum, dicebat : Quem me arbitramini esse, non sum ego : sed ecce venit post me, cujus non sum dignus calceamenta pedum solvere.",
      "citation": "Acts 13:25 (Clementine Vulgate)"
    },
    {
      "verse": 26,
      "text": "Viri fratres, filii generis Abraham, et qui in vobis timent Deum, vobis verbum salutis hujus missum est.",
      "citation": "Acts 13:26 (Clementine Vulgate)"
    },
    {
      "verse": 27,
      "text": "Qui enim habitabant Jerusalem, et principes ejus hunc ignorantes, et voces prophetarum quæ per omne sabbatum leguntur, judicantes impleverunt,",
      "citation": "Acts 13:27 (Clementine Vulgate)"
    },
    {
      "verse": 28,
      "text": "et nullam causam mortis invenientes in eo, petierunt a Pilato ut interficerent eum.",
      "citation": "Acts 13:28 (Clementine Vulgate)"
    },
    {
      "verse": 29,
      "text": "Cumque consummassent omnia quæ de eo scripta erant, deponentes eum de ligno, posuerunt eum in monumento.",
      "citation": "Acts 13:29 (Clementine Vulgate)"
    },
    {
      "verse": 30,
      "text": "Deus vero suscitavit eum a mortuis tertia die : qui visus est per dies multos his",
      "citation": "Acts 13:30 (Clementine Vulgate)"
    },
    {
      "verse": 31,
      "text": "qui simul ascenderant cum eo de Galilæa in Jerusalem : qui usque nunc sunt testes ejus ad plebem.",
      "citation": "Acts 13:31 (Clementine Vulgate)"
    },
    {
      "verse": 32,
      "text": "Et nos vobis annuntiamus eam, quæ ad patres nostros repromissio facta est :",
      "citation": "Acts 13:32 (Clementine Vulgate)"
    },
    {
      "verse": 33,
      "text": "quoniam hanc Deus adimplevit filiis nostris resuscitans Jesum, sicut et in psalmo secundo scriptum est : Filius meus es tu, ego hodie genui te.",
      "citation": "Acts 13:33 (Clementine Vulgate)"
    },
    {
      "verse": 34,
      "text": "Quod autem suscitavit eum a mortuis, amplius jam non reversurum in corruptionem, ita dixit : Quia dabo vobis sancta David fidelia.",
      "citation": "Acts 13:34 (Clementine Vulgate)"
    },
    {
      "verse": 35,
      "text": "Ideoque et alias dicit : Non dabis sanctum tuum videre corruptionem.",
      "citation": "Acts 13:35 (Clementine Vulgate)"
    },
    {
      "verse": 36,
      "text": "David enim in sua generatione cum administrasset, voluntati Dei dormivit : et appositus est ad patres suos, et vidit corruptionem.",
      "citation": "Acts 13:36 (Clementine Vulgate)"
    },
    {
      "verse": 37,
      "text": "Quem vero Deus suscitavit a mortuis, non vidit corruptionem.",
      "citation": "Acts 13:37 (Clementine Vulgate)"
    },
    {
      "verse": 38,
      "text": "Notum igitur sit vobis, viri fratres, quia per hunc vobis remissio peccatorum annuntiatur, et ab omnibus quibus non potuistis in lege Moysi justificari,",
      "citation": "Acts 13:38 (Clementine Vulgate)"
    },
    {
      "verse": 39,
      "text": "in hoc omnis qui credit, justificatur.",
      "citation": "Acts 13:39 (Clementine Vulgate)"
    },
    {
      "verse": 40,
      "text": "Videte ergo ne superveniat vobis quod dictum est in prophetis :",
      "citation": "Acts 13:40 (Clementine Vulgate)"
    },
    {
      "verse": 41,
      "text": "Videte contemptores, et admiramini, et disperdimini : quia opus operor ego in diebus vestris, opus quod non credetis, si quis enarraverit vobis.",
      "citation": "Acts 13:41 (Clementine Vulgate)"
    },
    {
      "verse": 42,
      "text": "Exeuntibus autem illis rogabant ut sequenti sabbato loquerentur sibi verba hæc.",
      "citation": "Acts 13:42 (Clementine Vulgate)"
    },
    {
      "verse": 43,
      "text": "Cumque dimissa esset synagoga, secuti sunt multi Judæorum, et colentium advenarum, Paulum et Barnabam : qui loquentes suadebant eis ut permanerent in gratia Dei.",
      "citation": "Acts 13:43 (Clementine Vulgate)"
    },
    {
      "verse": 44,
      "text": "Sequenti vero sabbato pene universa civitas convenit audire verbum Dei.",
      "citation": "Acts 13:44 (Clementine Vulgate)"
    },
    {
      "verse": 45,
      "text": "Videntes autem turbas Judæi, repleti sunt zelo, et contradicebant his quæ a Paulo dicebantur, blasphemantes.",
      "citation": "Acts 13:45 (Clementine Vulgate)"
    },
    {
      "verse": 46,
      "text": "Tunc constanter Paulus et Barnabas dixerunt : Vobis oportebat primum loqui verbum Dei : sed quoniam repellitis illud, et indignos vos judicatis æternæ vitæ, ecce convertimur ad gentes.",
      "citation": "Acts 13:46 (Clementine Vulgate)"
    },
    {
      "verse": 47,
      "text": "Sic enim præcepit nobis Dominus : Posui te in lucem gentium, ut sis in salutem usque ad extremum terræ.",
      "citation": "Acts 13:47 (Clementine Vulgate)"
    },
    {
      "verse": 48,
      "text": "Audientes autem gentes, gavisæ sunt, et glorificabant verbum Domini : et crediderunt quotquot erant præordinati ad vitam æternam.",
      "citation": "Acts 13:48 (Clementine Vulgate)"
    },
    {
      "verse": 49,
      "text": "Disseminabatur autem verbum Domini per universam regionem.",
      "citation": "Acts 13:49 (Clementine Vulgate)"
    },
    {
      "verse": 50,
      "text": "Judæi autem concitaverunt mulieres religiosas et honestas, et primos civitatis, et excitaverunt persecutionem in Paulum et Barnabam : et ejecerunt eos de finibus suis.",
      "citation": "Acts 13:50 (Clementine Vulgate)"
    },
    {
      "verse": 51,
      "text": "At illi excusso pulvere pedum in eos, venerunt Iconium.",
      "citation": "Acts 13:51 (Clementine Vulgate)"
    },
    {
      "verse": 52,
      "text": "Discipuli quoque replebantur gaudio, et Spiritu Sancto.",
      "citation": "Acts 13:52 (Clementine Vulgate)"
    }
  ]
}