{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Acts, Chapter 15 — 41 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Acts",
      "slug": "acts",
      "testament": "NT",
      "order": 51,
      "totalChapters": 28
    },
    "chapter": 15,
    "verseCount": 41,
    "navigation": {
      "htmlUrl": "https://latinprayer.org/latin/acts/15/",
      "bookIndex": "https://latinprayer.org/latin/acts/index.json",
      "bookHtmlUrl": "https://latinprayer.org/latin/acts/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/acts/14.json",
      "previousChapterHtmlUrl": "https://latinprayer.org/latin/acts/14/",
      "nextChapter": "https://latinprayer.org/latin/acts/16.json",
      "nextChapterHtmlUrl": "https://latinprayer.org/latin/acts/16/"
    },
    "crossReferences": {
      "english": "https://latinprayer.org/bible/acts/15.json",
      "englishHtmlUrl": "https://latinprayer.org/bible/acts/15/",
      "german": "https://latinprayer.org/bibel/acts/15.json",
      "germanHtmlUrl": "https://latinprayer.org/bibel/apostelgeschichte/15/"
    }
  },
  "citation": "Acts 15 (Clementine Vulgate)",
  "verses": [
    {
      "verse": 1,
      "text": "Et quidam descendentes de Judæa docebant fratres : Quia nisi circumcidamini secundum morem Moysi, non potestis salvari.",
      "citation": "Acts 15:1 (Clementine Vulgate)"
    },
    {
      "verse": 2,
      "text": "Facta ergo seditione non minima Paulo et Barnabæ adversus illos, statuerunt ut ascenderent Paulus et Barnabas, et quidam alii ex aliis ad Apostolos et presbyteros in Jerusalem super hac quæstione.",
      "citation": "Acts 15:2 (Clementine Vulgate)"
    },
    {
      "verse": 3,
      "text": "Illi ergo deducti ab ecclesia pertransibant Phœnicen et Samariam, narrantes conversionem gentium : et faciebant gaudium magnum omnibus fratribus.",
      "citation": "Acts 15:3 (Clementine Vulgate)"
    },
    {
      "verse": 4,
      "text": "Cum autem venissent Jerosolymam, suscepti sunt ab ecclesia, et ab Apostolis et senioribus, annuntiantes quanta Deus fecisset cum illis.",
      "citation": "Acts 15:4 (Clementine Vulgate)"
    },
    {
      "verse": 5,
      "text": "Surrexerunt autem quidam de hæresi pharisæorum, qui crediderunt, dicentes quia oportet circumcidi eos, præcipere quoque servare legem Moysi.",
      "citation": "Acts 15:5 (Clementine Vulgate)"
    },
    {
      "verse": 6,
      "text": "Conveneruntque Apostoli et seniores videre de verbo hoc.",
      "citation": "Acts 15:6 (Clementine Vulgate)"
    },
    {
      "verse": 7,
      "text": "Cum autem magna conquisitio fieret, surgens Petrus dixit ad eos : Viri fratres, vos scitis quoniam ab antiquis diebus Deus in nobis elegit, per os meum audire gentes verbum Evangelii et credere.",
      "citation": "Acts 15:7 (Clementine Vulgate)"
    },
    {
      "verse": 8,
      "text": "Et qui novit corda Deus, testimonium perhibuit, dans illis Spiritum Sanctum, sicut et nobis,",
      "citation": "Acts 15:8 (Clementine Vulgate)"
    },
    {
      "verse": 9,
      "text": "et nihil discrevit inter nos et illos, fide purificans corda eorum.",
      "citation": "Acts 15:9 (Clementine Vulgate)"
    },
    {
      "verse": 10,
      "text": "Nunc ergo quid tentatis Deum, imponere jugum super cervices discipulorum quod neque patres nostri, neque nos portare potuimus ?",
      "citation": "Acts 15:10 (Clementine Vulgate)"
    },
    {
      "verse": 11,
      "text": "sed per gratiam Domini Jesu Christi credimus salvari, quemadmodum et illi.",
      "citation": "Acts 15:11 (Clementine Vulgate)"
    },
    {
      "verse": 12,
      "text": "Tacuit autem omnis multitudo : et audiebant Barnabam et Paulum narrantes quanta Deus fecisset signa et prodigia in gentibus per eos.",
      "citation": "Acts 15:12 (Clementine Vulgate)"
    },
    {
      "verse": 13,
      "text": "Et postquam tacuerunt, respondit Jacobus, dicens : Viri fratres, audite me.",
      "citation": "Acts 15:13 (Clementine Vulgate)"
    },
    {
      "verse": 14,
      "text": "Simon narravit quemadmodum primum Deus visitavit sumere ex gentibus populum nomini suo.",
      "citation": "Acts 15:14 (Clementine Vulgate)"
    },
    {
      "verse": 15,
      "text": "Et huic concordant verba prophetarum : sicut scriptum est :",
      "citation": "Acts 15:15 (Clementine Vulgate)"
    },
    {
      "verse": 16,
      "text": "Post hæc revertar, et reædificabo tabernaculum David quod decidit : et diruta ejus reædificabo, et erigam illud :",
      "citation": "Acts 15:16 (Clementine Vulgate)"
    },
    {
      "verse": 17,
      "text": "ut requirant ceteri hominum Dominum, et omnes gentes super quas invocatum est nomen meum, dicit Dominus faciens hæc.",
      "citation": "Acts 15:17 (Clementine Vulgate)"
    },
    {
      "verse": 18,
      "text": "Notum a sæculo est Domino opus suum.",
      "citation": "Acts 15:18 (Clementine Vulgate)"
    },
    {
      "verse": 19,
      "text": "Propter quod ego judico non inquietari eos qui ex gentibus convertuntur ad Deum,",
      "citation": "Acts 15:19 (Clementine Vulgate)"
    },
    {
      "verse": 20,
      "text": "sed scribere ad eos ut abstineant se a contaminationibus simulacrorum, et fornicatione, et suffocatis, et sanguine.",
      "citation": "Acts 15:20 (Clementine Vulgate)"
    },
    {
      "verse": 21,
      "text": "Moyses enim a temporibus antiquis habet in singulis civitatibus qui eum prædicent in synagogis, ubi per omne sabbatum legitur.",
      "citation": "Acts 15:21 (Clementine Vulgate)"
    },
    {
      "verse": 22,
      "text": "Tunc placuit Apostolis et senioribus cum omni ecclesia eligere viros ex eis, et mittere Antiochiam cum Paulo et Barnaba : Judam, qui cognominabatur Barsabas, et Silam, viros primos in fratribus :",
      "citation": "Acts 15:22 (Clementine Vulgate)"
    },
    {
      "verse": 23,
      "text": "scribentes per manus eorum : Apostoli et seniores fratres, his qui sunt Antiochiæ, et Syriæ, et Ciliciæ, fratribus ex gentibus, salutem.",
      "citation": "Acts 15:23 (Clementine Vulgate)"
    },
    {
      "verse": 24,
      "text": "Quoniam audivimus quia quidam ex nobis exeuntes, turbaverunt vos verbis, evertentes animas vestras, quibus non mandavimus,",
      "citation": "Acts 15:24 (Clementine Vulgate)"
    },
    {
      "verse": 25,
      "text": "placuit nobis collectis in unum eligere viros, et mittere ad vos cum carissimis nostris Barnaba et Paulo,",
      "citation": "Acts 15:25 (Clementine Vulgate)"
    },
    {
      "verse": 26,
      "text": "hominibus qui tradiderunt animas suas pro nomine Domini nostri Jesu Christi.",
      "citation": "Acts 15:26 (Clementine Vulgate)"
    },
    {
      "verse": 27,
      "text": "Misimus ergo Judam et Silam, qui et ipsi vobis verbis referent eadem.",
      "citation": "Acts 15:27 (Clementine Vulgate)"
    },
    {
      "verse": 28,
      "text": "Visum est enim Spiritui Sancto et nobis nihil ultra imponere vobis oneris quam hæc necessaria :",
      "citation": "Acts 15:28 (Clementine Vulgate)"
    },
    {
      "verse": 29,
      "text": "ut abstineatis vos ab immolatis simulacrorum, et sanguine, et suffocato, et fornicatione : a quibus custodientes vos, bene agetis. Valete.",
      "citation": "Acts 15:29 (Clementine Vulgate)"
    },
    {
      "verse": 30,
      "text": "Illi ergo dimissi, descenderunt Antiochiam : et congregata multitudine tradiderunt epistolam.",
      "citation": "Acts 15:30 (Clementine Vulgate)"
    },
    {
      "verse": 31,
      "text": "Quam cum legissent, gavisi sunt super consolatione.",
      "citation": "Acts 15:31 (Clementine Vulgate)"
    },
    {
      "verse": 32,
      "text": "Judas autem et Silas, et ipsi cum essent prophetæ, verbo plurimo consolati sunt fratres, et confirmaverunt.",
      "citation": "Acts 15:32 (Clementine Vulgate)"
    },
    {
      "verse": 33,
      "text": "Facto autem ibi aliquanto tempore, dimissi sunt cum pace a fratribus ad eos qui miserant illos.",
      "citation": "Acts 15:33 (Clementine Vulgate)"
    },
    {
      "verse": 34,
      "text": "Visum est autem Silæ ibi remanere : Judas autem solus abiit Jerusalem.",
      "citation": "Acts 15:34 (Clementine Vulgate)"
    },
    {
      "verse": 35,
      "text": "Paulus autem et Barnabas demorabantur Antiochiæ, docentes et evangelizantes cum aliis pluribus verbum Domini.",
      "citation": "Acts 15:35 (Clementine Vulgate)"
    },
    {
      "verse": 36,
      "text": "Post aliquot autem dies, dixit ad Barnabam Paulus : Revertentes visitemus fratres per universas civitates in quibus prædicavimus verbum Domini, quomodo se habeant.",
      "citation": "Acts 15:36 (Clementine Vulgate)"
    },
    {
      "verse": 37,
      "text": "Barnabas autem volebat secum assumere et Joannem, qui cognominabatur Marcus.",
      "citation": "Acts 15:37 (Clementine Vulgate)"
    },
    {
      "verse": 38,
      "text": "Paulus autem rogabat eum (ut qui discessisset ab eis de Pamphylia, et non isset cum eis in opus) non debere recipi.",
      "citation": "Acts 15:38 (Clementine Vulgate)"
    },
    {
      "verse": 39,
      "text": "Facta est autem dissensio, ita ut discederent ab invicem, et Barnabas quidem, assumpto Marco, navigaret Cyprum.",
      "citation": "Acts 15:39 (Clementine Vulgate)"
    },
    {
      "verse": 40,
      "text": "Paulus vero, electo Sila, profectus est, traditus gratiæ Dei a fratribus.",
      "citation": "Acts 15:40 (Clementine Vulgate)"
    },
    {
      "verse": 41,
      "text": "Perambulabat autem Syriam et Ciliciam, confirmans ecclesias : præcipiens custodire præcepta Apostolorum et seniorum.",
      "citation": "Acts 15:41 (Clementine Vulgate)"
    }
  ]
}