{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Acts, Chapter 19 — 40 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Acts",
      "slug": "acts",
      "testament": "NT",
      "order": 51,
      "totalChapters": 28
    },
    "chapter": 19,
    "verseCount": 40,
    "navigation": {
      "htmlUrl": "https://latinprayer.org/latin/acts/19/",
      "bookIndex": "https://latinprayer.org/latin/acts/index.json",
      "bookHtmlUrl": "https://latinprayer.org/latin/acts/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/acts/18.json",
      "previousChapterHtmlUrl": "https://latinprayer.org/latin/acts/18/",
      "nextChapter": "https://latinprayer.org/latin/acts/20.json",
      "nextChapterHtmlUrl": "https://latinprayer.org/latin/acts/20/"
    },
    "crossReferences": {
      "english": "https://latinprayer.org/bible/acts/19.json",
      "englishHtmlUrl": "https://latinprayer.org/bible/acts/19/",
      "german": "https://latinprayer.org/bibel/acts/19.json",
      "germanHtmlUrl": "https://latinprayer.org/bibel/apostelgeschichte/19/"
    }
  },
  "citation": "Acts 19 (Clementine Vulgate)",
  "verses": [
    {
      "verse": 1,
      "text": "Factum est autem cum Apollo esset Corinthi, ut Paulus peragratis superioribus partibus veniret Ephesum, et inveniret quosdam discipulos :",
      "citation": "Acts 19:1 (Clementine Vulgate)"
    },
    {
      "verse": 2,
      "text": "dixitque ad eos : Si Spiritum Sanctum accepistis credentes ? At illi dixerunt ad eum : Sed neque si Spiritus Sanctus est, audivimus.",
      "citation": "Acts 19:2 (Clementine Vulgate)"
    },
    {
      "verse": 3,
      "text": "Ille vero ait : In quo ergo baptizati estis ? Qui dixerunt : In Joannis baptismate.",
      "citation": "Acts 19:3 (Clementine Vulgate)"
    },
    {
      "verse": 4,
      "text": "Dixit autem Paulus : Joannes baptizavit baptismo pœnitentiæ populum, dicens in eum qui venturus esset post ipsum ut crederent, hoc est, in Jesum.",
      "citation": "Acts 19:4 (Clementine Vulgate)"
    },
    {
      "verse": 5,
      "text": "His auditis, baptizati sunt in nomine Domini Jesu.",
      "citation": "Acts 19:5 (Clementine Vulgate)"
    },
    {
      "verse": 6,
      "text": "Et cum imposuisset illis manus Paulus, venit Spiritus Sanctus super eos, et loquebantur linguis, et prophetabant.",
      "citation": "Acts 19:6 (Clementine Vulgate)"
    },
    {
      "verse": 7,
      "text": "Erant autem omnes viri fere duodecim.",
      "citation": "Acts 19:7 (Clementine Vulgate)"
    },
    {
      "verse": 8,
      "text": "Introgressus autem synagogam, cum fiducia loquebatur per tres menses, disputans et suadens de regno Dei.",
      "citation": "Acts 19:8 (Clementine Vulgate)"
    },
    {
      "verse": 9,
      "text": "Cum autem quidam indurarentur, et non crederent, maledicentes viam Domini coram multitudine, discedens ab eis, segregavit discipulos, quotidie disputans in schola tyranni cujusdam.",
      "citation": "Acts 19:9 (Clementine Vulgate)"
    },
    {
      "verse": 10,
      "text": "Hoc autem factum est per biennium, ita ut omnes qui habitabant in Asia audirent verbum Domini, Judæi atque gentiles.",
      "citation": "Acts 19:10 (Clementine Vulgate)"
    },
    {
      "verse": 11,
      "text": "Virtutesque non quaslibet faciebat Deus per manum Pauli,",
      "citation": "Acts 19:11 (Clementine Vulgate)"
    },
    {
      "verse": 12,
      "text": "ita ut etiam super languidos deferrentur a corpore ejus sudaria et semicinctia, et recedebant ab eis languores, et spiritus nequam egrediebantur.",
      "citation": "Acts 19:12 (Clementine Vulgate)"
    },
    {
      "verse": 13,
      "text": "Tentaverunt autem quidam et de circumeuntibus Judæis exorcistis invocare super eos qui habebant spiritus malos nomen Domini Jesu, dicentes : Adjuro vos per Jesum, quem Paulus prædicat.",
      "citation": "Acts 19:13 (Clementine Vulgate)"
    },
    {
      "verse": 14,
      "text": "Erant autem quidam Judæi, Scevæ principis sacerdotum septem filii, qui hoc faciebant.",
      "citation": "Acts 19:14 (Clementine Vulgate)"
    },
    {
      "verse": 15,
      "text": "Respondens autem spiritus nequam dixit eis : Jesum novi, et Paulum scio : vos autem qui estis ?",
      "citation": "Acts 19:15 (Clementine Vulgate)"
    },
    {
      "verse": 16,
      "text": "Et insiliens in eos homo, in quo erat dæmonium pessimum, et dominatus amborum, invaluit contra eos, ita ut nudi et vulnerati effugerent de domo illa.",
      "citation": "Acts 19:16 (Clementine Vulgate)"
    },
    {
      "verse": 17,
      "text": "Hoc autem notum factum est omnibus Judæis, atque gentilibus qui habitabant Ephesi : et cecidit timor super omnes illos, et magnificabatur nomen Domini Jesu.",
      "citation": "Acts 19:17 (Clementine Vulgate)"
    },
    {
      "verse": 18,
      "text": "Multique credentium veniebant, confitentes et annuntiantes actus suos.",
      "citation": "Acts 19:18 (Clementine Vulgate)"
    },
    {
      "verse": 19,
      "text": "Multi autem ex eis, qui fuerant curiosa sectati, contulerunt libros, et combusserunt coram omnibus : et computatis pretiis illorum, invenerunt pecuniam denariorum quinquaginta millium.",
      "citation": "Acts 19:19 (Clementine Vulgate)"
    },
    {
      "verse": 20,
      "text": "Ita fortiter crescebat verbum Dei, et confirmabatur.",
      "citation": "Acts 19:20 (Clementine Vulgate)"
    },
    {
      "verse": 21,
      "text": "His autem expletis, proposuit Paulus in Spiritu, transita Macedonia et Achaia, ire Jerosolymam, dicens : Quoniam postquam fuero ibi, oportet me et Romam videre.",
      "citation": "Acts 19:21 (Clementine Vulgate)"
    },
    {
      "verse": 22,
      "text": "Mittens autem in Macedoniam duos ex ministrantibus sibi, Timotheum et Erastum, ipse remansit ad tempus in Asia.",
      "citation": "Acts 19:22 (Clementine Vulgate)"
    },
    {
      "verse": 23,
      "text": "Facta est autem illo tempore turbatio non minima de via Domini.",
      "citation": "Acts 19:23 (Clementine Vulgate)"
    },
    {
      "verse": 24,
      "text": "Demetrius enim quidam nomine, argentarius, faciens ædes argenteas Dianæ, præstabat artificibus non modicum quæstum :",
      "citation": "Acts 19:24 (Clementine Vulgate)"
    },
    {
      "verse": 25,
      "text": "quos convocans, et eos qui hujusmodi erant opifices, dixit : Viri, scitis quia de hoc artificio est nobis acquisitio :",
      "citation": "Acts 19:25 (Clementine Vulgate)"
    },
    {
      "verse": 26,
      "text": "et videtis et auditis quia non solum Ephesi, sed pene totius Asiæ, Paulus hic suadens avertit multam turbam, dicens : Quoniam non sunt dii, qui manibus fiunt.",
      "citation": "Acts 19:26 (Clementine Vulgate)"
    },
    {
      "verse": 27,
      "text": "Non solum autem hæc periclitabitur nobis pars in redargutionem venire, sed et magnæ Dianæ templum in nihilum reputabitur, sed et destrui incipiet majestas ejus, quam tota Asia et orbis colit.",
      "citation": "Acts 19:27 (Clementine Vulgate)"
    },
    {
      "verse": 28,
      "text": "His auditis, repleti sunt ira, et exclamaverunt dicentes : Magna Diana Ephesiorum.",
      "citation": "Acts 19:28 (Clementine Vulgate)"
    },
    {
      "verse": 29,
      "text": "Et impleta est civitas confusione, et impetum fecerunt uno animo in theatrum, rapto Gajo et Aristarcho Macedonibus, comitibus Pauli.",
      "citation": "Acts 19:29 (Clementine Vulgate)"
    },
    {
      "verse": 30,
      "text": "Paulo autem volente intrare in populum, non permiserunt discipuli.",
      "citation": "Acts 19:30 (Clementine Vulgate)"
    },
    {
      "verse": 31,
      "text": "Quidam autem et de Asiæ principibus, qui erant amici ejus, miserunt ad eum rogantes ne se daret in theatrum :",
      "citation": "Acts 19:31 (Clementine Vulgate)"
    },
    {
      "verse": 32,
      "text": "alii autem aliud clamabant. Erat enim ecclesia confusa : et plures nesciebant qua ex causa convenissent.",
      "citation": "Acts 19:32 (Clementine Vulgate)"
    },
    {
      "verse": 33,
      "text": "De turba autem detraxerunt Alexandrum, propellentibus eum Judæis. Alexander autem manu silentio postulato, volebat reddere rationem populo.",
      "citation": "Acts 19:33 (Clementine Vulgate)"
    },
    {
      "verse": 34,
      "text": "Quem ut cognoverunt Judæum esse, vox facta una est omnium, quasi per horas duas clamantium : Magna Diana Ephesiorum.",
      "citation": "Acts 19:34 (Clementine Vulgate)"
    },
    {
      "verse": 35,
      "text": "Et cum sedasset scriba turbas, dixit : Viri Ephesii, quis enim est hominum, qui nesciat Ephesiorum civitatem cultricem esse magnæ Dianæ, Jovisque prolis ?",
      "citation": "Acts 19:35 (Clementine Vulgate)"
    },
    {
      "verse": 36,
      "text": "Cum ergo his contradici non possit, oportet vos sedatos esse, et nihil temere agere.",
      "citation": "Acts 19:36 (Clementine Vulgate)"
    },
    {
      "verse": 37,
      "text": "Adduxistis enim homines istos, neque sacrilegos, neque blasphemantes deam vestram.",
      "citation": "Acts 19:37 (Clementine Vulgate)"
    },
    {
      "verse": 38,
      "text": "Quod si Demetrius et qui cum eo sunt artifices, habent adversus aliquem causam, conventus forenses aguntur, et proconsules sunt : accusent invicem.",
      "citation": "Acts 19:38 (Clementine Vulgate)"
    },
    {
      "verse": 39,
      "text": "Si quid autem alterius rei quæritis, in legitima ecclesia poterit absolvi.",
      "citation": "Acts 19:39 (Clementine Vulgate)"
    },
    {
      "verse": 40,
      "text": "Nam et periclitamur argui seditionis hodiernæ, cum nullus obnoxius sit de quo possimus reddere rationem concursus istius. Et cum hæc dixisset, dimisit ecclesiam.",
      "citation": "Acts 19:40 (Clementine Vulgate)"
    }
  ]
}