{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Acts, Chapter 2 — 47 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Acts",
      "slug": "acts",
      "testament": "NT",
      "order": 51,
      "totalChapters": 28
    },
    "chapter": 2,
    "verseCount": 47,
    "navigation": {
      "htmlUrl": "https://latinprayer.org/latin/acts/2/",
      "bookIndex": "https://latinprayer.org/latin/acts/index.json",
      "bookHtmlUrl": "https://latinprayer.org/latin/acts/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/acts/1.json",
      "previousChapterHtmlUrl": "https://latinprayer.org/latin/acts/1/",
      "nextChapter": "https://latinprayer.org/latin/acts/3.json",
      "nextChapterHtmlUrl": "https://latinprayer.org/latin/acts/3/"
    },
    "crossReferences": {
      "english": "https://latinprayer.org/bible/acts/2.json",
      "englishHtmlUrl": "https://latinprayer.org/bible/acts/2/",
      "german": "https://latinprayer.org/bibel/acts/2.json",
      "germanHtmlUrl": "https://latinprayer.org/bibel/apostelgeschichte/2/"
    }
  },
  "citation": "Acts 2 (Clementine Vulgate)",
  "verses": [
    {
      "verse": 1,
      "text": "Et cum complerentur dies Pentecostes, erant omnes pariter in eodem loco :",
      "citation": "Acts 2:1 (Clementine Vulgate)"
    },
    {
      "verse": 2,
      "text": "et factus est repente de cælo sonus, tamquam advenientis spiritus vehementis, et replevit totam domum ubi erant sedentes.",
      "citation": "Acts 2:2 (Clementine Vulgate)"
    },
    {
      "verse": 3,
      "text": "Et apparuerunt illis dispertitæ linguæ tamquam ignis, seditque supra singulos eorum :",
      "citation": "Acts 2:3 (Clementine Vulgate)"
    },
    {
      "verse": 4,
      "text": "et repleti sunt omnes Spiritu Sancto, et cœperunt loqui variis linguis, prout Spiritus Sanctus dabat eloqui illis.",
      "citation": "Acts 2:4 (Clementine Vulgate)"
    },
    {
      "verse": 5,
      "text": "Erant autem in Jerusalem habitantes Judæi, viri religiosi ex omni natione quæ sub cælo est.",
      "citation": "Acts 2:5 (Clementine Vulgate)"
    },
    {
      "verse": 6,
      "text": "Facta autem hac voce, convenit multitudo, et mente confusa est, quoniam audiebat unusquisque lingua sua illos loquentes.",
      "citation": "Acts 2:6 (Clementine Vulgate)"
    },
    {
      "verse": 7,
      "text": "Stupebant autem omnes, et mirabantur, dicentes : Nonne ecce omnes isti qui loquuntur, Galilæi sunt ?",
      "citation": "Acts 2:7 (Clementine Vulgate)"
    },
    {
      "verse": 8,
      "text": "et quomodo nos audivimus unusquisque linguam nostram in qua nati sumus ?",
      "citation": "Acts 2:8 (Clementine Vulgate)"
    },
    {
      "verse": 9,
      "text": "Parthi, et Medi, et Ælamitæ, et qui habitant Mespotamiam, Judæam, et Cappadociam, Pontum, et Asiam,",
      "citation": "Acts 2:9 (Clementine Vulgate)"
    },
    {
      "verse": 10,
      "text": "Phrygiam, et Pamphyliam, Ægyptum, et partes Libyæ quæ est circa Cyrenen : et advenæ Romani,",
      "citation": "Acts 2:10 (Clementine Vulgate)"
    },
    {
      "verse": 11,
      "text": "Judæi quoque, et Proselyti, Cretes, et Arabes : audivimus eos loquentes nostris linguis magnalia Dei.",
      "citation": "Acts 2:11 (Clementine Vulgate)"
    },
    {
      "verse": 12,
      "text": "Stupebant autem omnes, et mirabantur ad invicem, dicentes : Quidnam vult hoc esse ?",
      "citation": "Acts 2:12 (Clementine Vulgate)"
    },
    {
      "verse": 13,
      "text": "Alii autem irridentes dicebant : Quia musto pleni sunt isti.",
      "citation": "Acts 2:13 (Clementine Vulgate)"
    },
    {
      "verse": 14,
      "text": "Stans autem Petrus cum undecim, levavit vocem suam, et locutus est eis : Viri Judæi, et qui habitatis Jerusalem universi, hoc vobis notum sit, et auribus percipite verba mea.",
      "citation": "Acts 2:14 (Clementine Vulgate)"
    },
    {
      "verse": 15,
      "text": "Non enim, sicut vos æstimatis, hi ebrii sunt, cum sit hora diei tertia :",
      "citation": "Acts 2:15 (Clementine Vulgate)"
    },
    {
      "verse": 16,
      "text": "sed hoc est quod dictum est per prophetam Joël :",
      "citation": "Acts 2:16 (Clementine Vulgate)"
    },
    {
      "verse": 17,
      "text": "Et erit in novissimis diebus, dicit Dominus, effundam de Spiritu meo super omnem carnem : et prophetabunt filii vestri et filiæ vestræ, et juvenes vestri visiones videbunt, et seniores vestri somnia somniabunt.",
      "citation": "Acts 2:17 (Clementine Vulgate)"
    },
    {
      "verse": 18,
      "text": "Et quidem super servos meos, et super ancillas meas, in diebus illis effundam de Spiritu meo, et prophetabunt :",
      "citation": "Acts 2:18 (Clementine Vulgate)"
    },
    {
      "verse": 19,
      "text": "et dabo prodigia in cælo sursum, et signa in terra deorsum, sanguinem, et ignem, et vaporem fumi :",
      "citation": "Acts 2:19 (Clementine Vulgate)"
    },
    {
      "verse": 20,
      "text": "sol convertetur in tenebras, et luna in sanguinem, antequam veniat dies Domini magnus et manifestus.",
      "citation": "Acts 2:20 (Clementine Vulgate)"
    },
    {
      "verse": 21,
      "text": "Et erit : omnis quicumque invocaverit nomen Domini, salvus erit.",
      "citation": "Acts 2:21 (Clementine Vulgate)"
    },
    {
      "verse": 22,
      "text": "Viri Israëlitæ, audite verba hæc : Jesum Nazarenum, virum approbatum a Deo in vobis, virtutibus, et prodigiis, et signis, quæ fecit Deus per illum in medio vestri, sicut et vos scitis :",
      "citation": "Acts 2:22 (Clementine Vulgate)"
    },
    {
      "verse": 23,
      "text": "hunc, definito consilio et præscientia Dei traditum, per manus iniquorum affligentes interemistis :",
      "citation": "Acts 2:23 (Clementine Vulgate)"
    },
    {
      "verse": 24,
      "text": "quem Deus suscitavit, solutis doloribus inferni, juxta quod impossibile erat teneri illum ab eo.",
      "citation": "Acts 2:24 (Clementine Vulgate)"
    },
    {
      "verse": 25,
      "text": "David enim dicit in eum : Providebam Dominum in conspectu meo semper : quoniam a dextris est mihi, ne commovear :",
      "citation": "Acts 2:25 (Clementine Vulgate)"
    },
    {
      "verse": 26,
      "text": "propter hoc lætatum est cor meum, et exsultavit lingua mea, insuper et caro mea requiescet in spe :",
      "citation": "Acts 2:26 (Clementine Vulgate)"
    },
    {
      "verse": 27,
      "text": "quoniam non derelinques animam meam in inferno, nec dabis sanctum tuum videre corruptionem.",
      "citation": "Acts 2:27 (Clementine Vulgate)"
    },
    {
      "verse": 28,
      "text": "Notas mihi fecisti vias vitæ : et replebis me jucunditate cum facie tua.",
      "citation": "Acts 2:28 (Clementine Vulgate)"
    },
    {
      "verse": 29,
      "text": "Viri fratres, liceat audenter dicere ad vos de patriarcha David, quoniam defunctus est, et sepultus : et sepulchrum ejus est apud nos usque in hodiernum diem.",
      "citation": "Acts 2:29 (Clementine Vulgate)"
    },
    {
      "verse": 30,
      "text": "Propheta igitur cum esset, et sciret quia jurejurando jurasset illi Deus de fructu lumbi ejus sedere super sedem ejus :",
      "citation": "Acts 2:30 (Clementine Vulgate)"
    },
    {
      "verse": 31,
      "text": "providens locutus est de resurrectione Christi, quia neque derelictus est in inferno, neque caro ejus vidit corruptionem.",
      "citation": "Acts 2:31 (Clementine Vulgate)"
    },
    {
      "verse": 32,
      "text": "Hunc Jesum resuscitavit Deus, cujus omnes nos testes sumus.",
      "citation": "Acts 2:32 (Clementine Vulgate)"
    },
    {
      "verse": 33,
      "text": "Dextera igitur Dei exaltatus, et promissione Spiritus Sancti accepta a Patre, effudit hunc, quem vos videtis et auditis.",
      "citation": "Acts 2:33 (Clementine Vulgate)"
    },
    {
      "verse": 34,
      "text": "Non enim David ascendit in cælum : dixit autem ipse : Dixit Dominus Domino meo : Sede a dextris meis,",
      "citation": "Acts 2:34 (Clementine Vulgate)"
    },
    {
      "verse": 35,
      "text": "donec ponam inimicos tuos scabellum pedum tuorum.",
      "citation": "Acts 2:35 (Clementine Vulgate)"
    },
    {
      "verse": 36,
      "text": "Certissime sciat ergo omnis domus Israël, quia et Dominum eum et Christum fecit Deus hunc Jesum, quem vos crucifixistis.",
      "citation": "Acts 2:36 (Clementine Vulgate)"
    },
    {
      "verse": 37,
      "text": "His autem auditis, compuncti sunt corde, et dixerunt ad Petrum et ad reliquos Apostolos : Quid faciemus, viri fratres ?",
      "citation": "Acts 2:37 (Clementine Vulgate)"
    },
    {
      "verse": 38,
      "text": "Petrus vero ad illos : Pœnitentiam, inquit, agite, et baptizetur unusquisque vestrum in nomine Jesu Christi in remissionem peccatorum vestrorum : et accipietis donum Spiritus Sancti.",
      "citation": "Acts 2:38 (Clementine Vulgate)"
    },
    {
      "verse": 39,
      "text": "Vobis enim est repromissio, et filiis vestris, et omnibus qui longe sunt, quoscumque advocaverit Dominus Deus noster.",
      "citation": "Acts 2:39 (Clementine Vulgate)"
    },
    {
      "verse": 40,
      "text": "Aliis etiam verbis plurimis testificatus est, et exhortabatur eos, dicens : Salvamini a generatione ista prava.",
      "citation": "Acts 2:40 (Clementine Vulgate)"
    },
    {
      "verse": 41,
      "text": "Qui ergo receperunt sermonem ejus, baptizati sunt : et appositæ sunt in die illa animæ circiter tria millia.",
      "citation": "Acts 2:41 (Clementine Vulgate)"
    },
    {
      "verse": 42,
      "text": "Erant autem perseverantes in doctrina Apostolorum, et communicatione fractionis panis, et orationibus.",
      "citation": "Acts 2:42 (Clementine Vulgate)"
    },
    {
      "verse": 43,
      "text": "Fiebat autem omni animæ timor : multa quoque prodigia et signa per Apostolos in Jerusalem fiebant, et metus erat magnus in universis.",
      "citation": "Acts 2:43 (Clementine Vulgate)"
    },
    {
      "verse": 44,
      "text": "Omnes etiam qui credebant, erant pariter, et habebant omnia communia.",
      "citation": "Acts 2:44 (Clementine Vulgate)"
    },
    {
      "verse": 45,
      "text": "Possessiones et substantias vendebant, et dividebant illa omnibus, prout cuique opus erat.",
      "citation": "Acts 2:45 (Clementine Vulgate)"
    },
    {
      "verse": 46,
      "text": "Quotidie quoque perdurantes unanimiter in templo, et frangentes circa domos panem, sumebant cibum cum exsultatione et simplicitate cordis,",
      "citation": "Acts 2:46 (Clementine Vulgate)"
    },
    {
      "verse": 47,
      "text": "collaudantes Deum et habentes gratiam ad omnem plebem. Dominus autem augebat qui salvi fierent quotidie in idipsum.",
      "citation": "Acts 2:47 (Clementine Vulgate)"
    }
  ]
}