{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Acts, Chapter 21 — 40 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Acts",
      "slug": "acts",
      "testament": "NT",
      "order": 51,
      "totalChapters": 28
    },
    "chapter": 21,
    "verseCount": 40,
    "navigation": {
      "htmlUrl": "https://latinprayer.org/latin/acts/21/",
      "bookIndex": "https://latinprayer.org/latin/acts/index.json",
      "bookHtmlUrl": "https://latinprayer.org/latin/acts/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/acts/20.json",
      "previousChapterHtmlUrl": "https://latinprayer.org/latin/acts/20/",
      "nextChapter": "https://latinprayer.org/latin/acts/22.json",
      "nextChapterHtmlUrl": "https://latinprayer.org/latin/acts/22/"
    },
    "crossReferences": {
      "english": "https://latinprayer.org/bible/acts/21.json",
      "englishHtmlUrl": "https://latinprayer.org/bible/acts/21/",
      "german": "https://latinprayer.org/bibel/acts/21.json",
      "germanHtmlUrl": "https://latinprayer.org/bibel/apostelgeschichte/21/"
    }
  },
  "citation": "Acts 21 (Clementine Vulgate)",
  "verses": [
    {
      "verse": 1,
      "text": "Cum autem factum esset ut navigaremus abstracti ab eis, recto cursu venimus Coum, et sequenti die Rhodum, et inde Pataram.",
      "citation": "Acts 21:1 (Clementine Vulgate)"
    },
    {
      "verse": 2,
      "text": "Et cum invenissemus navem transfretantem in Phœnicen, ascendentes navigavimus.",
      "citation": "Acts 21:2 (Clementine Vulgate)"
    },
    {
      "verse": 3,
      "text": "Cum apparuissemus autem Cypro, relinquentes eam ad sinistram, navigavimus in Syriam, et venimus Tyrum : ibi enim navis expositura erat onus.",
      "citation": "Acts 21:3 (Clementine Vulgate)"
    },
    {
      "verse": 4,
      "text": "Inventis autem discipulis, mansimus ibi diebus septem : qui Paulo dicebant per Spiritum ne ascenderet Jerosolymam.",
      "citation": "Acts 21:4 (Clementine Vulgate)"
    },
    {
      "verse": 5,
      "text": "Et expletis diebus, profecti ibamus, deducentibus nos omnibus cum uxoribus et filiis usque foras civitatem : et positis genibus in littore, oravimus.",
      "citation": "Acts 21:5 (Clementine Vulgate)"
    },
    {
      "verse": 6,
      "text": "Et cum valefecissemus invicem, ascendimus navem : illi autem redierunt in sua.",
      "citation": "Acts 21:6 (Clementine Vulgate)"
    },
    {
      "verse": 7,
      "text": "Nos vero navigatione expleta a Tyro descendimus Ptolemaidam : et salutatis fratribus, mansimus die una apud illos.",
      "citation": "Acts 21:7 (Clementine Vulgate)"
    },
    {
      "verse": 8,
      "text": "Alia autem die profecti, venimus Cæsaream. Et intrantes domum Philippi evangelistæ, qui erat unus de septem, mansimus apud eum.",
      "citation": "Acts 21:8 (Clementine Vulgate)"
    },
    {
      "verse": 9,
      "text": "Huic autem erant quatuor filiæ virgines prophetantes.",
      "citation": "Acts 21:9 (Clementine Vulgate)"
    },
    {
      "verse": 10,
      "text": "Et cum moraremur per dies aliquot, supervenit quidam a Judæa propheta, nomine Agabus.",
      "citation": "Acts 21:10 (Clementine Vulgate)"
    },
    {
      "verse": 11,
      "text": "Is cum venisset ad nos, tulit zonam Pauli : et alligans sibi pedes et manus, dixit : Hæc dicit Spiritus Sanctus : Virum, cujus est zona hæc, sic alligabunt in Jerusalem Judæi, et tradent in manus gentium.",
      "citation": "Acts 21:11 (Clementine Vulgate)"
    },
    {
      "verse": 12,
      "text": "Quod cum audissemus, rogabamus nos, et qui loci illius erant, ne ascenderet Jerosolymam.",
      "citation": "Acts 21:12 (Clementine Vulgate)"
    },
    {
      "verse": 13,
      "text": "Tunc respondit Paulus, et dixit : Quid facitis flentes, et affligentes cor meum ? Ego enim non solum alligari, sed et mori in Jerusalem paratus sum propter nomen Domini Jesu.",
      "citation": "Acts 21:13 (Clementine Vulgate)"
    },
    {
      "verse": 14,
      "text": "Et cum ei suadere non possemus, quievimus, dicentes : Domini voluntas fiat.",
      "citation": "Acts 21:14 (Clementine Vulgate)"
    },
    {
      "verse": 15,
      "text": "Post dies autem istos, præparati ascendebamus in Jerusalem.",
      "citation": "Acts 21:15 (Clementine Vulgate)"
    },
    {
      "verse": 16,
      "text": "Venerunt autem et ex discipulis a Cæsarea nobiscum, adducentes secum apud quem hospitaremur Mnasonem quemdam Cyprium, antiquum discipulum.",
      "citation": "Acts 21:16 (Clementine Vulgate)"
    },
    {
      "verse": 17,
      "text": "Et cum venissemus Jerosolymam, libenter exceperunt nos fratres.",
      "citation": "Acts 21:17 (Clementine Vulgate)"
    },
    {
      "verse": 18,
      "text": "Sequenti autem die introibat Paulus nobiscum ad Jacobum, omnesque collecti sunt seniores.",
      "citation": "Acts 21:18 (Clementine Vulgate)"
    },
    {
      "verse": 19,
      "text": "Quos cum salutasset, narrabat per singula quæ Deus fecisset in gentibus per ministerium ipsius.",
      "citation": "Acts 21:19 (Clementine Vulgate)"
    },
    {
      "verse": 20,
      "text": "At illi cum audissent, magnificabant Deum, dixeruntque ei : Vides, frater, quot millia sunt in Judæis qui crediderunt, et omnes æmulatores sunt legis.",
      "citation": "Acts 21:20 (Clementine Vulgate)"
    },
    {
      "verse": 21,
      "text": "Audierunt autem de te quia discessionem doceas a Moyse eorum qui per gentes sunt Judæorum, dicens non debere eos circumcidere filios suos, neque secundum consuetudinem ingredi.",
      "citation": "Acts 21:21 (Clementine Vulgate)"
    },
    {
      "verse": 22,
      "text": "Quid ergo est ? utique oportet convenire multitudinem : audient enim te supervenisse.",
      "citation": "Acts 21:22 (Clementine Vulgate)"
    },
    {
      "verse": 23,
      "text": "Hoc ergo fac quod tibi dicimus. Sunt nobis viri quatuor, votum habentes super se.",
      "citation": "Acts 21:23 (Clementine Vulgate)"
    },
    {
      "verse": 24,
      "text": "His assumptis, sanctifica te cum illis, et impende in illis ut radant capita : et scient omnes quia quæ de te audierunt, falsa sunt, sed ambulas et ipse custodiens legem.",
      "citation": "Acts 21:24 (Clementine Vulgate)"
    },
    {
      "verse": 25,
      "text": "De his autem qui crediderunt ex gentibus, nos scripsimus judicantes ut abstineant se ab idolis immolato, et sanguine, et suffocato, et fornicatione.",
      "citation": "Acts 21:25 (Clementine Vulgate)"
    },
    {
      "verse": 26,
      "text": "Tunc Paulus, assumptis viris, postera die purificatus cum illis intravit in templum, annuntians expletionem dierum purificationis, donec offerretur pro unoquoque eorum oblatio.",
      "citation": "Acts 21:26 (Clementine Vulgate)"
    },
    {
      "verse": 27,
      "text": "Dum autem septem dies consummarentur, hi qui de Asia erant Judæi, cum vidissent eum in templo, concitaverunt omnem populum, et injecerunt ei manus, clamantes :",
      "citation": "Acts 21:27 (Clementine Vulgate)"
    },
    {
      "verse": 28,
      "text": "Viri Israëlitæ, adjuvate : hic est homo qui adversus populum, et legem, et locum hunc, omnes ubique docens, insuper et gentiles induxit in templum, et violavit sanctum locum istum.",
      "citation": "Acts 21:28 (Clementine Vulgate)"
    },
    {
      "verse": 29,
      "text": "Viderant enim Trophimum Ephesium in civitate cum ipso, quem æstimaverunt quoniam in templum introduxisset Paulus.",
      "citation": "Acts 21:29 (Clementine Vulgate)"
    },
    {
      "verse": 30,
      "text": "Commotaque est civitas tota, et facta est concursio populi. Et apprehendentes Paulum, trahebant eum extra templum : et statim clausæ sunt januæ.",
      "citation": "Acts 21:30 (Clementine Vulgate)"
    },
    {
      "verse": 31,
      "text": "Quærentibus autem eum occidere, nuntiatum est tribuno cohortis quia tota confunditur Jerusalem.",
      "citation": "Acts 21:31 (Clementine Vulgate)"
    },
    {
      "verse": 32,
      "text": "Qui statim, assumptis militibus et centurionibus, decurrit ad illos. Qui cum vidissent tribunum et milites, cessaverunt percutere Paulum.",
      "citation": "Acts 21:32 (Clementine Vulgate)"
    },
    {
      "verse": 33,
      "text": "Tunc accedens tribunus apprehendit eum, et jussit eum alligari catenis duabus : et interrogabat quis esset, et quid fecisset.",
      "citation": "Acts 21:33 (Clementine Vulgate)"
    },
    {
      "verse": 34,
      "text": "Alii autem aliud clamabant in turba. Et cum non posset certum cognoscere præ tumultu, jussit duci eum in castra.",
      "citation": "Acts 21:34 (Clementine Vulgate)"
    },
    {
      "verse": 35,
      "text": "Et cum venisset ad gradus, contigit ut portaretur a militibus propter vim populi.",
      "citation": "Acts 21:35 (Clementine Vulgate)"
    },
    {
      "verse": 36,
      "text": "Sequebatur enim multitudo populi, clamans : Tolle eum.",
      "citation": "Acts 21:36 (Clementine Vulgate)"
    },
    {
      "verse": 37,
      "text": "Et cum cœpisset induci in castra Paulus, dicit tribuno : Si licet mihi loqui aliquid ad te ? Qui dixit : Græce nosti ?",
      "citation": "Acts 21:37 (Clementine Vulgate)"
    },
    {
      "verse": 38,
      "text": "nonne tu es Ægyptius, qui ante hos dies tumultum concitasti, et eduxisti in desertum quatuor millia virorum sicariorum ?",
      "citation": "Acts 21:38 (Clementine Vulgate)"
    },
    {
      "verse": 39,
      "text": "Et dixit ad eum Paulus : Ego homo sum quidem Judæus a Tarso Ciliciæ, non ignotæ civitatis municeps. Rogo autem te, permitte mihi loqui ad populum.",
      "citation": "Acts 21:39 (Clementine Vulgate)"
    },
    {
      "verse": 40,
      "text": "Et cum ille permisisset, Paulus stans in gradibus annuit manu ad plebem, et magno silentio facto, allocutus est lingua hebræa, dicens :",
      "citation": "Acts 21:40 (Clementine Vulgate)"
    }
  ]
}