{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Acts, Chapter 23 — 35 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Acts",
      "slug": "acts",
      "testament": "NT",
      "order": 51,
      "totalChapters": 28
    },
    "chapter": 23,
    "verseCount": 35,
    "navigation": {
      "htmlUrl": "https://latinprayer.org/latin/acts/23/",
      "bookIndex": "https://latinprayer.org/latin/acts/index.json",
      "bookHtmlUrl": "https://latinprayer.org/latin/acts/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/acts/22.json",
      "previousChapterHtmlUrl": "https://latinprayer.org/latin/acts/22/",
      "nextChapter": "https://latinprayer.org/latin/acts/24.json",
      "nextChapterHtmlUrl": "https://latinprayer.org/latin/acts/24/"
    },
    "crossReferences": {
      "english": "https://latinprayer.org/bible/acts/23.json",
      "englishHtmlUrl": "https://latinprayer.org/bible/acts/23/",
      "german": "https://latinprayer.org/bibel/acts/23.json",
      "germanHtmlUrl": "https://latinprayer.org/bibel/apostelgeschichte/23/"
    }
  },
  "citation": "Acts 23 (Clementine Vulgate)",
  "verses": [
    {
      "verse": 1,
      "text": "Intendens autem in concilium Paulus, ait : Viri fratres, ego omni conscientia bona conversatus sum ante Deum usque in hodiernum diem.",
      "citation": "Acts 23:1 (Clementine Vulgate)"
    },
    {
      "verse": 2,
      "text": "Princeps autem sacerdotum Ananias præcepit astantibus sibi percutere os ejus.",
      "citation": "Acts 23:2 (Clementine Vulgate)"
    },
    {
      "verse": 3,
      "text": "Tunc Paulus dixit ad eum : Percutiet te Deus, paries dealbate. Et tu sedens judicas me secundum legem, et contra legem jubes me percuti ?",
      "citation": "Acts 23:3 (Clementine Vulgate)"
    },
    {
      "verse": 4,
      "text": "Et qui astabant dixerunt : Summum sacerdotem Dei maledicis.",
      "citation": "Acts 23:4 (Clementine Vulgate)"
    },
    {
      "verse": 5,
      "text": "Dixit autem Paulus : Nesciebam, fratres, quia princeps est sacerdotum. Scriptum est enim : Principem populi tui non maledices.",
      "citation": "Acts 23:5 (Clementine Vulgate)"
    },
    {
      "verse": 6,
      "text": "Sciens autem Paulus quia una pars esset sadducæorum, et altera pharisæorum, exclamavit in concilio : Viri fratres, ego pharisæus sum, filius pharisæorum : de spe et resurrectione mortuorum ego judicor.",
      "citation": "Acts 23:6 (Clementine Vulgate)"
    },
    {
      "verse": 7,
      "text": "Et cum hæc dixisset, facta est dissensio inter pharisæos et sadducæos, et soluta est multitudo.",
      "citation": "Acts 23:7 (Clementine Vulgate)"
    },
    {
      "verse": 8,
      "text": "Sadducæi enim dicunt non esse resurrectionem, neque angelum, neque spiritum : pharisæi autem utraque confitentur.",
      "citation": "Acts 23:8 (Clementine Vulgate)"
    },
    {
      "verse": 9,
      "text": "Factus est autem clamor magnus. Et surgentes quidam pharisæorum, pugnabant, dicentes : Nihil mali invenimus in homine isto : quid si spiritus locutus est ei, aut angelus ?",
      "citation": "Acts 23:9 (Clementine Vulgate)"
    },
    {
      "verse": 10,
      "text": "Et cum magna dissensio facta esset, timens tribunus ne discerperetur Paulus ab ipsis, jussit milites descendere, et rapere eum de medio eorum, ac deducere eum in castra.",
      "citation": "Acts 23:10 (Clementine Vulgate)"
    },
    {
      "verse": 11,
      "text": "Sequenti autem nocte assistens ei Dominus, ait : Constans esto : sicut enim testificatus es de me in Jerusalem, sic te oportet et Romæ testificari.",
      "citation": "Acts 23:11 (Clementine Vulgate)"
    },
    {
      "verse": 12,
      "text": "Facta autem die collegerunt se quidam ex Judæis, et devoverunt, se dicentes neque manducaturos, neque bibituros donec occiderent Paulum.",
      "citation": "Acts 23:12 (Clementine Vulgate)"
    },
    {
      "verse": 13,
      "text": "Erant autem plus quam quadraginta viri qui hanc conjurationem fecerant :",
      "citation": "Acts 23:13 (Clementine Vulgate)"
    },
    {
      "verse": 14,
      "text": "qui accesserunt ad principes sacerdotum et seniores, et dixerunt : Devotione devovimus nos nihil gustaturos, donec occidamus Paulum.",
      "citation": "Acts 23:14 (Clementine Vulgate)"
    },
    {
      "verse": 15,
      "text": "Nunc ergo vos notum facite tribuno cum concilio, ut producat illum ad vos, tamquam aliquid certius cognituri de eo. Nos vero priusquam appropiet, parati sumus interficere illum.",
      "citation": "Acts 23:15 (Clementine Vulgate)"
    },
    {
      "verse": 16,
      "text": "Quod cum audisset filius sororis Pauli insidias, venit, et intravit in castra, nuntiavitque Paulo.",
      "citation": "Acts 23:16 (Clementine Vulgate)"
    },
    {
      "verse": 17,
      "text": "Vocans autem Paulus ad se unum ex centurionibus, ait : Adolescentem hunc perduc ad tribunum, habet enim aliquid indicare illi.",
      "citation": "Acts 23:17 (Clementine Vulgate)"
    },
    {
      "verse": 18,
      "text": "Et ille quidem assumens eum duxit ad tribunum, et ait : Vinctus Paulus rogavit me hunc adolescentem perducere ad te, habentem aliquid loqui tibi.",
      "citation": "Acts 23:18 (Clementine Vulgate)"
    },
    {
      "verse": 19,
      "text": "Apprehendens autem tribunus manum illius, secessit cum eo seorsum, et interrogavit illum : Quid est quod habes indicare mihi ?",
      "citation": "Acts 23:19 (Clementine Vulgate)"
    },
    {
      "verse": 20,
      "text": "Ille autem dixit : Judæis convenit rogare te ut crastina die producas Paulum in concilium, quasi aliquid certius inquisituri sint de illo :",
      "citation": "Acts 23:20 (Clementine Vulgate)"
    },
    {
      "verse": 21,
      "text": "tu vero ne credideris illis : insidiantur enim ei ex eis viri amplius quam quadraginta, qui se devoverunt non manducare, neque bibere donec interficiant eum : et nunc parati sunt, exspectantes promissum tuum.",
      "citation": "Acts 23:21 (Clementine Vulgate)"
    },
    {
      "verse": 22,
      "text": "Tribunus igitur dimisit adolescentem, præcipiens ne cui loqueretur quoniam hæc nota sibi fecisset.",
      "citation": "Acts 23:22 (Clementine Vulgate)"
    },
    {
      "verse": 23,
      "text": "Et vocatis duobus centurionibus, dixit illis : Parate milites ducentos ut eant usque Cæsaream, et equites septuaginta, et lancearios ducentos a tertia hora noctis,",
      "citation": "Acts 23:23 (Clementine Vulgate)"
    },
    {
      "verse": 24,
      "text": "et jumenta præparate ut imponentes Paulum, salvum perducerent ad Felicem præsidem.",
      "citation": "Acts 23:24 (Clementine Vulgate)"
    },
    {
      "verse": 25,
      "text": "(Timuit enim ne forte raperent eum Judæi, et occiderent, et ipse postea calumniam sustineret, tamquam accepturus pecuniam.)",
      "citation": "Acts 23:25 (Clementine Vulgate)"
    },
    {
      "verse": 26,
      "text": "Scribens epistolam continentem hæc : Claudius Lysias optimo præsidi Felici, salutem.",
      "citation": "Acts 23:26 (Clementine Vulgate)"
    },
    {
      "verse": 27,
      "text": "Virum hunc comprehensum a Judæis, et incipientem interfici ab eis, superveniens cum exercitu eripui, cognito quia Romanus est.",
      "citation": "Acts 23:27 (Clementine Vulgate)"
    },
    {
      "verse": 28,
      "text": "Volensque scire causam quam objiciebant illi, deduxi eum in concilium eorum.",
      "citation": "Acts 23:28 (Clementine Vulgate)"
    },
    {
      "verse": 29,
      "text": "Quem inveni accusari de quæstionibus legis ipsorum, nihil vero dignum morte aut vinculis habentem criminis.",
      "citation": "Acts 23:29 (Clementine Vulgate)"
    },
    {
      "verse": 30,
      "text": "Et cum mihi perlatum esset de insidiis quas paraverant illi, misi eum ad te, denuntians et accusatoribus ut dicant apud te. Vale.",
      "citation": "Acts 23:30 (Clementine Vulgate)"
    },
    {
      "verse": 31,
      "text": "Milites ergo secundum præceptum sibi assumentes Paulum, duxerunt per noctem in Antipatridem.",
      "citation": "Acts 23:31 (Clementine Vulgate)"
    },
    {
      "verse": 32,
      "text": "Et postera die dimissis equitibus ut cum eo irent, reversi sunt ad castra.",
      "citation": "Acts 23:32 (Clementine Vulgate)"
    },
    {
      "verse": 33,
      "text": "Qui cum venissent Cæsaream, et tradidissent epistolam præsidi, statuerunt ante illum et Paulum.",
      "citation": "Acts 23:33 (Clementine Vulgate)"
    },
    {
      "verse": 34,
      "text": "Cum legisset autem, et interrogasset de qua provincia esset, et cognoscens quia de Cilicia :",
      "citation": "Acts 23:34 (Clementine Vulgate)"
    },
    {
      "verse": 35,
      "text": "Audiam te, inquit, cum accusatores tui venerint. Jussitque in prætorio Herodis custodiri eum.",
      "citation": "Acts 23:35 (Clementine Vulgate)"
    }
  ]
}