{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Acts, Chapter 27 — 44 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Acts",
      "slug": "acts",
      "testament": "NT",
      "order": 51,
      "totalChapters": 28
    },
    "chapter": 27,
    "verseCount": 44,
    "navigation": {
      "htmlUrl": "https://latinprayer.org/latin/acts/27/",
      "bookIndex": "https://latinprayer.org/latin/acts/index.json",
      "bookHtmlUrl": "https://latinprayer.org/latin/acts/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/acts/26.json",
      "previousChapterHtmlUrl": "https://latinprayer.org/latin/acts/26/",
      "nextChapter": "https://latinprayer.org/latin/acts/28.json",
      "nextChapterHtmlUrl": "https://latinprayer.org/latin/acts/28/"
    },
    "crossReferences": {
      "english": "https://latinprayer.org/bible/acts/27.json",
      "englishHtmlUrl": "https://latinprayer.org/bible/acts/27/",
      "german": "https://latinprayer.org/bibel/acts/27.json",
      "germanHtmlUrl": "https://latinprayer.org/bibel/apostelgeschichte/27/"
    }
  },
  "citation": "Acts 27 (Clementine Vulgate)",
  "verses": [
    {
      "verse": 1,
      "text": "Ut autem judicatum est navigare eum in Italiam, et tradi Paulum cum reliquis custodiis centurioni nomine Julio cohortis Augustæ,",
      "citation": "Acts 27:1 (Clementine Vulgate)"
    },
    {
      "verse": 2,
      "text": "ascendentes navem Adrumetinam, incipientes navigare circa Asiæ loca, sustulimus, perseverante nobiscum Aristarcho Macedone Thessalonicensi.",
      "citation": "Acts 27:2 (Clementine Vulgate)"
    },
    {
      "verse": 3,
      "text": "Sequenti autem die devenimus Sidonem. Humane autem tractans Julius Paulum, permisit ad amicos ire, et curam sui agere.",
      "citation": "Acts 27:3 (Clementine Vulgate)"
    },
    {
      "verse": 4,
      "text": "Et inde cum sustulissemus, subnavigavimus Cyprum, propterea quod essent venti contrarii.",
      "citation": "Acts 27:4 (Clementine Vulgate)"
    },
    {
      "verse": 5,
      "text": "Et pelagus Ciliciæ et Pamphyliæ navigantes, venimus Lystram, quæ est Lyciæ :",
      "citation": "Acts 27:5 (Clementine Vulgate)"
    },
    {
      "verse": 6,
      "text": "et ibi inveniens centurio navem Alexandrinam navigantem in Italiam, transposuit nos in eam.",
      "citation": "Acts 27:6 (Clementine Vulgate)"
    },
    {
      "verse": 7,
      "text": "Et cum multis diebus tarde navigaremus, et vix devenissemus contra Gnidum, prohibente nos vento, adnavigavimus Cretæ juxta Salmonem :",
      "citation": "Acts 27:7 (Clementine Vulgate)"
    },
    {
      "verse": 8,
      "text": "et vix juxta navigantes, venimus in locum quemdam qui vocatur Boniportus, cui juxta erat civitas Thalassa.",
      "citation": "Acts 27:8 (Clementine Vulgate)"
    },
    {
      "verse": 9,
      "text": "Multo autem tempore peracto, et cum jam non esset tuta navigatio eo quod et jejunium jam præteriisset, consolabatur eos Paulus,",
      "citation": "Acts 27:9 (Clementine Vulgate)"
    },
    {
      "verse": 10,
      "text": "dicens eis : Viri, video quoniam cum injuria et multo damno non solum oneris, et navis, sed etiam animarum nostrarum incipit esse navigatio.",
      "citation": "Acts 27:10 (Clementine Vulgate)"
    },
    {
      "verse": 11,
      "text": "Centurio autem gubernatori et nauclero magis credebat, quam his quæ a Paulo dicebantur.",
      "citation": "Acts 27:11 (Clementine Vulgate)"
    },
    {
      "verse": 12,
      "text": "Et cum aptus portus non esset ad hiemandum, plurimi statuerunt consilium navigare inde, si quomodo possent, devenientes Phœnicen hiemare, portum Cretæ respicientem ad Africum et ad Corum.",
      "citation": "Acts 27:12 (Clementine Vulgate)"
    },
    {
      "verse": 13,
      "text": "Aspirante autem austro, æstimantes propositum se tenere, cum sustulissent de Asson, legebant Cretam.",
      "citation": "Acts 27:13 (Clementine Vulgate)"
    },
    {
      "verse": 14,
      "text": "Non post multum autem misit se contra ipsam ventus typhonicus, qui vocatur Euroaquilo.",
      "citation": "Acts 27:14 (Clementine Vulgate)"
    },
    {
      "verse": 15,
      "text": "Cumque arrepta esset navis, et non posset conari in ventum, data nave flatibus, ferebamur.",
      "citation": "Acts 27:15 (Clementine Vulgate)"
    },
    {
      "verse": 16,
      "text": "In insulam autem quamdam decurrentes, quæ vocatur Cauda, potuimus vix obtinere scapham.",
      "citation": "Acts 27:16 (Clementine Vulgate)"
    },
    {
      "verse": 17,
      "text": "Qua sublata, adjutoriis utebantur, accingentes navem, timentes ne in Syrtim inciderent, summisso vase sic ferebantur.",
      "citation": "Acts 27:17 (Clementine Vulgate)"
    },
    {
      "verse": 18,
      "text": "Valida autem nobis tempestate jactatis, sequenti die jactum fecerunt :",
      "citation": "Acts 27:18 (Clementine Vulgate)"
    },
    {
      "verse": 19,
      "text": "et tertia die suis manibus armamenta navis projecerunt.",
      "citation": "Acts 27:19 (Clementine Vulgate)"
    },
    {
      "verse": 20,
      "text": "Neque autem sole, neque sideribus apparentibus per plures dies, et tempestate non exigua imminente, jam ablata erat spes omnis salutis nostræ.",
      "citation": "Acts 27:20 (Clementine Vulgate)"
    },
    {
      "verse": 21,
      "text": "Et cum multa jejunatio fuisset, tunc stans Paulus in medio eorum, dixit : Oportebat quidem, o viri, audito me, non tollere a Creta, lucrique facere injuriam hanc et jacturam.",
      "citation": "Acts 27:21 (Clementine Vulgate)"
    },
    {
      "verse": 22,
      "text": "Et nunc suadeo vobis bono animo esse : amissio enim nullius animæ erit ex vobis, præterquam navis.",
      "citation": "Acts 27:22 (Clementine Vulgate)"
    },
    {
      "verse": 23,
      "text": "Astitit enim mihi hac nocte angelus Dei, cujus sum ego, et cui deservio,",
      "citation": "Acts 27:23 (Clementine Vulgate)"
    },
    {
      "verse": 24,
      "text": "dicens : Ne timeas, Paule : Cæsari te oportet assistere : et ecce donavit tibi Deus omnes qui navigant tecum.",
      "citation": "Acts 27:24 (Clementine Vulgate)"
    },
    {
      "verse": 25,
      "text": "Propter quod bono animo estote, viri : credo enim Deo quia sic erit, quemadmodum dictum est mihi.",
      "citation": "Acts 27:25 (Clementine Vulgate)"
    },
    {
      "verse": 26,
      "text": "In insulam autem quamdam oportet nos devenire.",
      "citation": "Acts 27:26 (Clementine Vulgate)"
    },
    {
      "verse": 27,
      "text": "Sed posteaquam quartadecima nox supervenit, navigantibus nobis in Adria circa mediam noctem, suspicabantur nautæ apparere sibi aliquam regionem.",
      "citation": "Acts 27:27 (Clementine Vulgate)"
    },
    {
      "verse": 28,
      "text": "Qui et summittentes bolidem, invenerunt passus viginti : et pusillum inde separati, invenerunt passus quindecim.",
      "citation": "Acts 27:28 (Clementine Vulgate)"
    },
    {
      "verse": 29,
      "text": "Timentes autem ne in aspera loca incideremus, de puppi mittentes anchoras quatuor, optabant diem fieri.",
      "citation": "Acts 27:29 (Clementine Vulgate)"
    },
    {
      "verse": 30,
      "text": "Nautis vero quærentibus fugere de navi, cum misissent scapham in mare, sub obtentu quasi inciperent a prora anchoras extendere,",
      "citation": "Acts 27:30 (Clementine Vulgate)"
    },
    {
      "verse": 31,
      "text": "dixit Paulus centurioni et militibus : Nisi hi in navi manserint, vos salvi fieri non potestis.",
      "citation": "Acts 27:31 (Clementine Vulgate)"
    },
    {
      "verse": 32,
      "text": "Tunc absciderunt milites funes scaphæ, et passi sunt eam excidere.",
      "citation": "Acts 27:32 (Clementine Vulgate)"
    },
    {
      "verse": 33,
      "text": "Et cum lux inciperet fieri, rogabat Paulus omnes sumere cibum, dicens : Quartadecima die hodie exspectantes jejuni permanetis, nihil accipientes.",
      "citation": "Acts 27:33 (Clementine Vulgate)"
    },
    {
      "verse": 34,
      "text": "Propter quod rogo vos accipere cibum pro salute vestra : quia nullius vestrum capillus de capite peribit.",
      "citation": "Acts 27:34 (Clementine Vulgate)"
    },
    {
      "verse": 35,
      "text": "Et cum hæc dixisset, sumens panem, gratias egit Deo in conspectu omnium : et cum fregisset, cœpit manducare.",
      "citation": "Acts 27:35 (Clementine Vulgate)"
    },
    {
      "verse": 36,
      "text": "Animæquiores autem facti omnes, et ipsi sumpserunt cibum.",
      "citation": "Acts 27:36 (Clementine Vulgate)"
    },
    {
      "verse": 37,
      "text": "Eramus vero universæ animæ in navi ducentæ septuaginta sex.",
      "citation": "Acts 27:37 (Clementine Vulgate)"
    },
    {
      "verse": 38,
      "text": "Et satiati cibo alleviabant navem, jactantes triticum in mare.",
      "citation": "Acts 27:38 (Clementine Vulgate)"
    },
    {
      "verse": 39,
      "text": "Cum autem dies factus esset, terram non agnoscebant : sinum vero quemdam considerabant habentem littus, in quem cogitabant si possent ejicere navem.",
      "citation": "Acts 27:39 (Clementine Vulgate)"
    },
    {
      "verse": 40,
      "text": "Et cum anchoras sustulissent, committebant se mari, simul laxantes juncturas gubernaculorum : et levato artemone secundum auræ flatum, tendebant ad littus.",
      "citation": "Acts 27:40 (Clementine Vulgate)"
    },
    {
      "verse": 41,
      "text": "Et cum incidissemus in locum dithalassum, impegerunt navem : et prora quidem fixa manebat immobilis, puppis vero solvebatur a vi maris.",
      "citation": "Acts 27:41 (Clementine Vulgate)"
    },
    {
      "verse": 42,
      "text": "Militum autem consilium fuit ut custodias occiderent, ne quis cum enatasset, effugeret.",
      "citation": "Acts 27:42 (Clementine Vulgate)"
    },
    {
      "verse": 43,
      "text": "Centurio autem volens servare Paulum, prohibuit fieri : jussitque eos qui possent natare, emittere se primos, et evadere, et ad terram exire :",
      "citation": "Acts 27:43 (Clementine Vulgate)"
    },
    {
      "verse": 44,
      "text": "et ceteros, alios in tabulis ferebant, quosdam super ea quæ de navi erant. Et sic factum est, ut omnes animæ evaderent ad terram.",
      "citation": "Acts 27:44 (Clementine Vulgate)"
    }
  ]
}