{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Acts, Chapter 7 — 59 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Acts",
      "slug": "acts",
      "testament": "NT",
      "order": 51,
      "totalChapters": 28
    },
    "chapter": 7,
    "verseCount": 59,
    "navigation": {
      "htmlUrl": "https://latinprayer.org/latin/acts/7/",
      "bookIndex": "https://latinprayer.org/latin/acts/index.json",
      "bookHtmlUrl": "https://latinprayer.org/latin/acts/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/acts/6.json",
      "previousChapterHtmlUrl": "https://latinprayer.org/latin/acts/6/",
      "nextChapter": "https://latinprayer.org/latin/acts/8.json",
      "nextChapterHtmlUrl": "https://latinprayer.org/latin/acts/8/"
    },
    "crossReferences": {
      "english": "https://latinprayer.org/bible/acts/7.json",
      "englishHtmlUrl": "https://latinprayer.org/bible/acts/7/",
      "german": "https://latinprayer.org/bibel/acts/7.json",
      "germanHtmlUrl": "https://latinprayer.org/bibel/apostelgeschichte/7/"
    }
  },
  "citation": "Acts 7 (Clementine Vulgate)",
  "verses": [
    {
      "verse": 1,
      "text": "Dixit autem princeps sacerdotum : Si hæc ita se habent ?",
      "citation": "Acts 7:1 (Clementine Vulgate)"
    },
    {
      "verse": 2,
      "text": "Qui ait : Viri fratres et patres, audite : Deus gloriæ apparuit patri nostro Abrahæ cum esset in Mesopotamia, priusquam moraretur in Charan,",
      "citation": "Acts 7:2 (Clementine Vulgate)"
    },
    {
      "verse": 3,
      "text": "et dixit ad illum : Exi de terra tua, et de cognatione tua, et veni in terram quam monstravero tibi.",
      "citation": "Acts 7:3 (Clementine Vulgate)"
    },
    {
      "verse": 4,
      "text": "Tunc exiit de terra Chaldæorum, et habitavit in Charan. Et inde, postquam mortuus est pater ejus, transtulit illum in terram istam, in qua nunc vos habitatis.",
      "citation": "Acts 7:4 (Clementine Vulgate)"
    },
    {
      "verse": 5,
      "text": "Et non dedit illi hæreditatem in ea, nec passum pedis : sed repromisit dare illi eam in possessionem, et semini ejus post ipsum, cum non haberet filium.",
      "citation": "Acts 7:5 (Clementine Vulgate)"
    },
    {
      "verse": 6,
      "text": "Locutus est autem ei Deus : Quia erit semen ejus accola in terra aliena, et servituti eos subjicient, et male tractabunt eos annis quadringentis :",
      "citation": "Acts 7:6 (Clementine Vulgate)"
    },
    {
      "verse": 7,
      "text": "et gentem cui servierint, judicabo ego, dixit Dominus : et post hæc exibunt, et servient mihi in loco isto.",
      "citation": "Acts 7:7 (Clementine Vulgate)"
    },
    {
      "verse": 8,
      "text": "Et dedit illi testamentum circumcisionis : et sic genuit Isaac, et circumcidit eum die octavo : et Isaac, Jacob : et Jacob, duodecim patriarchas.",
      "citation": "Acts 7:8 (Clementine Vulgate)"
    },
    {
      "verse": 9,
      "text": "Et patriarchæ æmulantes, Joseph vendiderunt in Ægyptum : et erat Deus cum eo,",
      "citation": "Acts 7:9 (Clementine Vulgate)"
    },
    {
      "verse": 10,
      "text": "et eripuit eum ex omnibus tribulationibus ejus, et dedit ei gratiam et sapientiam in conspectu pharaonis regis Ægypti : et constituit eum præpositum super Ægyptum, et super omnem domum suam.",
      "citation": "Acts 7:10 (Clementine Vulgate)"
    },
    {
      "verse": 11,
      "text": "Venit autem fames in universam Ægyptum et Chanaan, et tribulatio magna : et non inveniebant cibos patres nostri.",
      "citation": "Acts 7:11 (Clementine Vulgate)"
    },
    {
      "verse": 12,
      "text": "Cum audisset autem Jacob esse frumentum in Ægypto, misit patres nostros primum :",
      "citation": "Acts 7:12 (Clementine Vulgate)"
    },
    {
      "verse": 13,
      "text": "et in secundo cognitus est Joseph a fratribus suis, et manifestatum est Pharaoni genus ejus.",
      "citation": "Acts 7:13 (Clementine Vulgate)"
    },
    {
      "verse": 14,
      "text": "Mittens autem Joseph, accersivit Jacob patrem suum et omnem cognationem suam, in animabus septuaginta quinque.",
      "citation": "Acts 7:14 (Clementine Vulgate)"
    },
    {
      "verse": 15,
      "text": "Et descendit Jacob in Ægyptum : et defunctus est ipse, et patres nostri.",
      "citation": "Acts 7:15 (Clementine Vulgate)"
    },
    {
      "verse": 16,
      "text": "Et translati sunt in Sichem, et positi sunt in sepulchro, quod emit Abraham pretio argenti a filiis Hemor filii Sichem.",
      "citation": "Acts 7:16 (Clementine Vulgate)"
    },
    {
      "verse": 17,
      "text": "Cum autem appropinquaret tempus promissionis quam confessus erat Deus Abrahæ, crevit populus, et multiplicatus est in Ægypto,",
      "citation": "Acts 7:17 (Clementine Vulgate)"
    },
    {
      "verse": 18,
      "text": "quoadusque surrexit alius rex in Ægypto, qui non sciebat Joseph.",
      "citation": "Acts 7:18 (Clementine Vulgate)"
    },
    {
      "verse": 19,
      "text": "Hic circumveniens genus nostrum, afflixit patres nostros ut exponerent infantes suos, ne vivificarentur.",
      "citation": "Acts 7:19 (Clementine Vulgate)"
    },
    {
      "verse": 20,
      "text": "Eodem tempore natus est Moyses, et fuit gratus Deo : qui nutritus est tribus mensibus in domo patris sui.",
      "citation": "Acts 7:20 (Clementine Vulgate)"
    },
    {
      "verse": 21,
      "text": "Exposito autem illo, sustulit eum filia Pharaonis, et nutrivit eum sibi in filium.",
      "citation": "Acts 7:21 (Clementine Vulgate)"
    },
    {
      "verse": 22,
      "text": "Et eruditus est Moyses omni sapientia Ægyptiorum, et erat potens in verbis et in operibus suis.",
      "citation": "Acts 7:22 (Clementine Vulgate)"
    },
    {
      "verse": 23,
      "text": "Cum autem impleretur ei quadraginta annorum tempus, ascendit in cor ejus ut visitaret fratres suos filios Israël.",
      "citation": "Acts 7:23 (Clementine Vulgate)"
    },
    {
      "verse": 24,
      "text": "Et cum vidisset quemdam injuriam patientem, vindicavit illum, et fecit ultionem ei qui injuriam sustinebat, percusso Ægyptio.",
      "citation": "Acts 7:24 (Clementine Vulgate)"
    },
    {
      "verse": 25,
      "text": "Existimabat autem intelligere fratres, quoniam Deus per manum ipsius daret salutem illis : at illi non intellexerunt.",
      "citation": "Acts 7:25 (Clementine Vulgate)"
    },
    {
      "verse": 26,
      "text": "Sequenti vero die apparuit illis litigantibus : et reconciliabat eos in pace, dicens : Viri, fratres estis : ut quid nocetis alterutrum ?",
      "citation": "Acts 7:26 (Clementine Vulgate)"
    },
    {
      "verse": 27,
      "text": "Qui autem injuriam faciebat proximo, repulit eum, dicens : Quis te constituit principem et judicem super nos ?",
      "citation": "Acts 7:27 (Clementine Vulgate)"
    },
    {
      "verse": 28,
      "text": "Numquid interficere me tu vis, quemadmodum interfecisti heri Ægyptium ?",
      "citation": "Acts 7:28 (Clementine Vulgate)"
    },
    {
      "verse": 29,
      "text": "Fugit autem Moyses in verbo isto : et factus est advena in terra Madian, ubi generavit filios duos.",
      "citation": "Acts 7:29 (Clementine Vulgate)"
    },
    {
      "verse": 30,
      "text": "Et expletis annis quadraginta, apparuit illi in deserto montis Sina angelus in igne flammæ rubi.",
      "citation": "Acts 7:30 (Clementine Vulgate)"
    },
    {
      "verse": 31,
      "text": "Moyses autem videns, admiratus est visum. Et accedente illo ut consideraret, facta est ad eum vox Domini, dicens :",
      "citation": "Acts 7:31 (Clementine Vulgate)"
    },
    {
      "verse": 32,
      "text": "Ego sum Deus patrum tuorum, Deus Abraham, Deus Isaac, et Deus Jacob. Tremefactus autem Moyses, non audebat considerare.",
      "citation": "Acts 7:32 (Clementine Vulgate)"
    },
    {
      "verse": 33,
      "text": "Dixit autem illi Dominus : Solve calceamentum pedum tuorum : locus enim in quo stas, terra sancta est.",
      "citation": "Acts 7:33 (Clementine Vulgate)"
    },
    {
      "verse": 34,
      "text": "Videns vidi afflictionem populi mei qui est in Ægypto, et gemitum eorum audivi, et descendi liberare eos. Et nunc veni, et mittam te in Ægyptum.",
      "citation": "Acts 7:34 (Clementine Vulgate)"
    },
    {
      "verse": 35,
      "text": "Hunc Moysen, quem negaverunt, dicentes : Quis te constituit principem et judicem ? hunc Deus principem et redemptorem misit, cum manu angeli qui apparuit illi in rubo.",
      "citation": "Acts 7:35 (Clementine Vulgate)"
    },
    {
      "verse": 36,
      "text": "Hic eduxit illos faciens prodigia et signa in terra Ægypti, et in rubro mari, et in deserto annis quadraginta.",
      "citation": "Acts 7:36 (Clementine Vulgate)"
    },
    {
      "verse": 37,
      "text": "Hic est Moyses, qui dixit filiis Israël : Prophetam suscitabit vobis Deus de fratribus vestris, tamquam me : ipsum audietis.",
      "citation": "Acts 7:37 (Clementine Vulgate)"
    },
    {
      "verse": 38,
      "text": "Hic est qui fuit in ecclesia in solitudine cum angelo, qui loquebatur ei in monte Sina, et cum patribus nostris : qui accepit verba vitæ dare nobis.",
      "citation": "Acts 7:38 (Clementine Vulgate)"
    },
    {
      "verse": 39,
      "text": "Cui noluerunt obedire patres nostri : sed repulerunt, et aversi sunt cordibus suis in Ægyptum,",
      "citation": "Acts 7:39 (Clementine Vulgate)"
    },
    {
      "verse": 40,
      "text": "dicentes ad Aaron : Fac nobis deos qui præcedant nos : Moyses enim hic, qui eduxit nos de terra Ægypti, nescimus quid factum sit ei.",
      "citation": "Acts 7:40 (Clementine Vulgate)"
    },
    {
      "verse": 41,
      "text": "Et vitulum fecerunt in diebus illis, et obtulerunt hostiam simulacro, et lætabantur in operibus manuum suarum.",
      "citation": "Acts 7:41 (Clementine Vulgate)"
    },
    {
      "verse": 42,
      "text": "Convertit autem Deus, et tradidit eos servire militiæ cæli, sicut scriptum est in libro prophetarum : Numquid victimas et hostias obtulistis mihi annis quadraginta in deserto, domus Israël ?",
      "citation": "Acts 7:42 (Clementine Vulgate)"
    },
    {
      "verse": 43,
      "text": "Et suscepistis tabernaculum Moloch, et sidus dei vestri Rempham, figuras quas fecistis adorare eas : et transferam vos trans Babylonem.",
      "citation": "Acts 7:43 (Clementine Vulgate)"
    },
    {
      "verse": 44,
      "text": "Tabernaculum testimonii fuit cum patribus nostris in deserto, sicut disposuit illis Deus loquens ad Moysen, ut faceret illud secundum formam quam viderat.",
      "citation": "Acts 7:44 (Clementine Vulgate)"
    },
    {
      "verse": 45,
      "text": "Quod et induxerunt, suscipientes patres nostri cum Jesu in possessionem gentium quas expulit Deus a facie patrum nostrorum, usque in diebus David,",
      "citation": "Acts 7:45 (Clementine Vulgate)"
    },
    {
      "verse": 46,
      "text": "qui invenit gratiam ante Deum, et petiit ut inveniret tabernaculum Deo Jacob.",
      "citation": "Acts 7:46 (Clementine Vulgate)"
    },
    {
      "verse": 47,
      "text": "Salomon autem ædificavit illi domum.",
      "citation": "Acts 7:47 (Clementine Vulgate)"
    },
    {
      "verse": 48,
      "text": "Sed non Excelsus in manufactis habitat, sicut propheta dicit :",
      "citation": "Acts 7:48 (Clementine Vulgate)"
    },
    {
      "verse": 49,
      "text": "Cælum mihi sedes est : terra autem scabellum pedum meorum. Quam domum ædificabitis mihi ? dicit Dominus : aut quis locus requietionis meæ est ?",
      "citation": "Acts 7:49 (Clementine Vulgate)"
    },
    {
      "verse": 50,
      "text": "Nonne manus mea fecit hæc omnia ?",
      "citation": "Acts 7:50 (Clementine Vulgate)"
    },
    {
      "verse": 51,
      "text": "Dura cervice, et incircumcisis cordibus et auribus, vos semper Spiritui Sancto resistitis : sicut patres vestri, ita et vos.",
      "citation": "Acts 7:51 (Clementine Vulgate)"
    },
    {
      "verse": 52,
      "text": "Quem prophetarum non sunt persecuti patres vestri ? et occiderunt eos qui prænuntiabant de adventu Justi, cujus vos nunc proditores et homicidæ fuistis :",
      "citation": "Acts 7:52 (Clementine Vulgate)"
    },
    {
      "verse": 53,
      "text": "qui accepistis legem in dispositione angelorum, et non custodistis.",
      "citation": "Acts 7:53 (Clementine Vulgate)"
    },
    {
      "verse": 54,
      "text": "Audientes autem hæc, dissecabantur cordibus suis, et stridebant dentibus in eum.",
      "citation": "Acts 7:54 (Clementine Vulgate)"
    },
    {
      "verse": 55,
      "text": "Cum autem esset plenus Spiritu Sancto, intendens in cælum, vidit gloriam Dei, et Jesum stantem a dextris Dei. Et ait : Ecce video cælos apertos, et Filium hominis stantem a dextris Dei.",
      "citation": "Acts 7:55 (Clementine Vulgate)"
    },
    {
      "verse": 56,
      "text": "Exclamantes autem voce magna continuerunt aures suas, et impetum fecerunt unanimiter in eum.",
      "citation": "Acts 7:56 (Clementine Vulgate)"
    },
    {
      "verse": 57,
      "text": "Et ejicientes eum extra civitatem, lapidabant : et testes deposuerunt vestimenta sua secus pedes adolescentis qui vocabatur Saulus.",
      "citation": "Acts 7:57 (Clementine Vulgate)"
    },
    {
      "verse": 58,
      "text": "Et lapidabant Stephanum invocantem, et dicentem : Domine Jesu, suscipe spiritum meum.",
      "citation": "Acts 7:58 (Clementine Vulgate)"
    },
    {
      "verse": 59,
      "text": "Positis autem genibus, clamavit voce magna, dicens : Domine, ne statuas illis hoc peccatum. Et cum hoc dixisset, obdormivit in Domino. Saulus autem erat consentiens neci ejus.",
      "citation": "Acts 7:59 (Clementine Vulgate)"
    }
  ]
}