{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Acts, Chapter 9 — 43 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Acts",
      "slug": "acts",
      "testament": "NT",
      "order": 51,
      "totalChapters": 28
    },
    "chapter": 9,
    "verseCount": 43,
    "navigation": {
      "htmlUrl": "https://latinprayer.org/latin/acts/9/",
      "bookIndex": "https://latinprayer.org/latin/acts/index.json",
      "bookHtmlUrl": "https://latinprayer.org/latin/acts/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/acts/8.json",
      "previousChapterHtmlUrl": "https://latinprayer.org/latin/acts/8/",
      "nextChapter": "https://latinprayer.org/latin/acts/10.json",
      "nextChapterHtmlUrl": "https://latinprayer.org/latin/acts/10/"
    },
    "crossReferences": {
      "english": "https://latinprayer.org/bible/acts/9.json",
      "englishHtmlUrl": "https://latinprayer.org/bible/acts/9/",
      "german": "https://latinprayer.org/bibel/acts/9.json",
      "germanHtmlUrl": "https://latinprayer.org/bibel/apostelgeschichte/9/"
    }
  },
  "citation": "Acts 9 (Clementine Vulgate)",
  "verses": [
    {
      "verse": 1,
      "text": "Saulus autem adhuc spirans minarum et cædis in discipulos Domini, accessit ad principem sacerdotum,",
      "citation": "Acts 9:1 (Clementine Vulgate)"
    },
    {
      "verse": 2,
      "text": "et petiit ab eo epistolas in Damascum ad synagogas : ut si quos invenisset hujus viæ viros ac mulieres, vinctos perduceret in Jerusalem.",
      "citation": "Acts 9:2 (Clementine Vulgate)"
    },
    {
      "verse": 3,
      "text": "Et cum iter faceret, contigit ut appropinquaret Damasco : et subito circumfulsit eum lux de cælo.",
      "citation": "Acts 9:3 (Clementine Vulgate)"
    },
    {
      "verse": 4,
      "text": "Et cadens in terram audivit vocem dicentem sibi : Saule, Saule, quid me persequeris ?",
      "citation": "Acts 9:4 (Clementine Vulgate)"
    },
    {
      "verse": 5,
      "text": "Qui dixit : Quis es, domine ? Et ille : Ego sum Jesus, quem tu persequeris : durum est tibi contra stimulum calcitrare.",
      "citation": "Acts 9:5 (Clementine Vulgate)"
    },
    {
      "verse": 6,
      "text": "Et tremens ac stupens dixit : Domine, quid me vis facere ?",
      "citation": "Acts 9:6 (Clementine Vulgate)"
    },
    {
      "verse": 7,
      "text": "Et Dominus ad eum : Surge, et ingredere civitatem, et ibi dicetur tibi quid te oporteat facere. Viri autem illi qui comitabantur cum eo, stabant stupefacti, audientes quidem vocem, neminem autem videntes.",
      "citation": "Acts 9:7 (Clementine Vulgate)"
    },
    {
      "verse": 8,
      "text": "Surrexit autem Saulus de terra, apertisque oculis nihil videbat. Ad manus autem illum trahentes, introduxerunt Damascum.",
      "citation": "Acts 9:8 (Clementine Vulgate)"
    },
    {
      "verse": 9,
      "text": "Et erat ibi tribus diebus non videns, et non manducavit, neque bibit.",
      "citation": "Acts 9:9 (Clementine Vulgate)"
    },
    {
      "verse": 10,
      "text": "Erat autem quidam discipulus Damasci, nomine Ananias : et dixit ad illum in visu Dominus : Anania. At ille ait : Ecce ego, Domine.",
      "citation": "Acts 9:10 (Clementine Vulgate)"
    },
    {
      "verse": 11,
      "text": "Et Dominus ad eum : Surge, et vade in vicum qui vocatur Rectus : et quære in domo Judæ Saulum nomine Tarsensem : ecce enim orat.",
      "citation": "Acts 9:11 (Clementine Vulgate)"
    },
    {
      "verse": 12,
      "text": "(Et vidit virum Ananiam nomine, introëuntem, et imponentem sibi manus ut visum recipiat.)",
      "citation": "Acts 9:12 (Clementine Vulgate)"
    },
    {
      "verse": 13,
      "text": "Respondit autem Ananias : Domine, audivi a multis de viro hoc, quanta mala fecerit sanctis tuis in Jerusalem :",
      "citation": "Acts 9:13 (Clementine Vulgate)"
    },
    {
      "verse": 14,
      "text": "et hic habet potestatem a principibus sacerdotum alligandi omnes qui invocant nomen tuum.",
      "citation": "Acts 9:14 (Clementine Vulgate)"
    },
    {
      "verse": 15,
      "text": "Dixit autem ad eum Dominus : Vade, quoniam vas electionis est mihi iste, ut portet nomen meum coram gentibus, et regibus, et filiis Israël.",
      "citation": "Acts 9:15 (Clementine Vulgate)"
    },
    {
      "verse": 16,
      "text": "Ego enim ostendam illi quanta oporteat eum pro nomine meo pati.",
      "citation": "Acts 9:16 (Clementine Vulgate)"
    },
    {
      "verse": 17,
      "text": "Et abiit Ananias, et introivit in domum : et imponens ei manus, dixit : Saule frater, Dominus misit me Jesus, qui apparuit tibi in via qua veniebas, ut videas, et implearis Spiritu Sancto.",
      "citation": "Acts 9:17 (Clementine Vulgate)"
    },
    {
      "verse": 18,
      "text": "Et confestim ceciderunt ab oculis ejus tamquam squamæ, et visum recepit : et surgens baptizatus est.",
      "citation": "Acts 9:18 (Clementine Vulgate)"
    },
    {
      "verse": 19,
      "text": "Et cum accepisset cibum, confortatus est. Fuit autem cum discipulis qui erant Damasci per dies aliquot.",
      "citation": "Acts 9:19 (Clementine Vulgate)"
    },
    {
      "verse": 20,
      "text": "Et continuo in synagogis prædicabat Jesum, quoniam hic est Filius Dei.",
      "citation": "Acts 9:20 (Clementine Vulgate)"
    },
    {
      "verse": 21,
      "text": "Stupebant autem omnes qui audiebant, et dicebant : Nonne hic est qui expugnabat in Jerusalem eos qui invocabant nomen istud : et huc ad hoc venit, ut vinctos illos duceret ad principes sacerdotum ?",
      "citation": "Acts 9:21 (Clementine Vulgate)"
    },
    {
      "verse": 22,
      "text": "Saulus autem multo magis convalescebat, et confundebat Judæos qui habitabant Damasci, affirmans quoniam hic est Christus.",
      "citation": "Acts 9:22 (Clementine Vulgate)"
    },
    {
      "verse": 23,
      "text": "Cum autem implerentur dies multi, consilium fecerunt in unum Judæi ut eum interficerent.",
      "citation": "Acts 9:23 (Clementine Vulgate)"
    },
    {
      "verse": 24,
      "text": "Notæ autem factæ sunt Saulo insidiæ eorum. Custodiebant autem et portas die ac nocte, ut eum interficerent.",
      "citation": "Acts 9:24 (Clementine Vulgate)"
    },
    {
      "verse": 25,
      "text": "Accipientes autem eum discipuli nocte, per murum dimiserunt eum, submittentes in sporta.",
      "citation": "Acts 9:25 (Clementine Vulgate)"
    },
    {
      "verse": 26,
      "text": "Cum autem venisset in Jerusalem, tentabat se jungere discipulis, et omnes timebant eum, non credentes quod esset discipulus.",
      "citation": "Acts 9:26 (Clementine Vulgate)"
    },
    {
      "verse": 27,
      "text": "Barnabas autem apprehensum illum duxit ad Apostolos : et narravit illis quomodo in via vidisset Dominum, et quia locutus est ei, et quomodo in Damasco fiducialiter egerit in nomine Jesu.",
      "citation": "Acts 9:27 (Clementine Vulgate)"
    },
    {
      "verse": 28,
      "text": "Et erat cum illis intrans et exiens in Jerusalem, et fiducialiter agens in nomine Domini.",
      "citation": "Acts 9:28 (Clementine Vulgate)"
    },
    {
      "verse": 29,
      "text": "Loquebatur quoque gentibus, et disputabat cum Græcis : illi autem quærebant occidere eum.",
      "citation": "Acts 9:29 (Clementine Vulgate)"
    },
    {
      "verse": 30,
      "text": "Quod cum cognovissent fratres, deduxerunt eum Cæsaream, et dimiserunt Tarsum.",
      "citation": "Acts 9:30 (Clementine Vulgate)"
    },
    {
      "verse": 31,
      "text": "Ecclesia quidem per totam Judæam, et Galilæam, et Samariam habebat pacem, et ædificabatur ambulans in timore Domini, et consolatione Sancti Spiritus replebatur.",
      "citation": "Acts 9:31 (Clementine Vulgate)"
    },
    {
      "verse": 32,
      "text": "Factum est autem, ut Petrus dum pertransiret universos, deveniret ad sanctos qui habitabant Lyddæ.",
      "citation": "Acts 9:32 (Clementine Vulgate)"
    },
    {
      "verse": 33,
      "text": "Invenit autem ibi hominem quemdam, nomine Æneam, ab annis octo jacentem in grabato, qui erat paralyticus.",
      "citation": "Acts 9:33 (Clementine Vulgate)"
    },
    {
      "verse": 34,
      "text": "Et ait illi Petrus : Ænea, sanat te Dominus Jesus Christus : surge, et sterne tibi. Et continuo surrexit.",
      "citation": "Acts 9:34 (Clementine Vulgate)"
    },
    {
      "verse": 35,
      "text": "Et viderunt eum omnes qui habitabant Lyddæ et Saronæ : qui conversi sunt ad Dominum.",
      "citation": "Acts 9:35 (Clementine Vulgate)"
    },
    {
      "verse": 36,
      "text": "In Joppe autem fuit quædam discipula, nomine Tabitha, quæ interpretata dicitur Dorcas. Hæc erat plena operibus bonis et eleemosynis quas faciebat.",
      "citation": "Acts 9:36 (Clementine Vulgate)"
    },
    {
      "verse": 37,
      "text": "Factum est autem in diebus illis ut infirmata moreretur. Quam cum lavissent, posuerunt eam in cœnaculo.",
      "citation": "Acts 9:37 (Clementine Vulgate)"
    },
    {
      "verse": 38,
      "text": "Cum autem prope esset Lydda ad Joppen, discipuli, audientes quia Petrus esset in ea, miserunt duos viros ad eum, rogantes : Ne pigriteris venire ad nos.",
      "citation": "Acts 9:38 (Clementine Vulgate)"
    },
    {
      "verse": 39,
      "text": "Exsurgens autem Petrus, venit cum illis. Et cum advenisset, duxerunt illum in cœnaculum : et circumsteterunt illum omnes viduæ flentes, et ostendentes ei tunicas et vestes quas faciebat illis Dorcas.",
      "citation": "Acts 9:39 (Clementine Vulgate)"
    },
    {
      "verse": 40,
      "text": "Ejectis autem omnibus foras, Petrus ponens genua oravit : et conversus ad corpus, dixit : Tabitha, surge. At illa aperuit oculos suos : et viso Petro, resedit.",
      "citation": "Acts 9:40 (Clementine Vulgate)"
    },
    {
      "verse": 41,
      "text": "Dans autem illi manum, erexit eam. Et cum vocasset sanctos et viduas, assignavit eam vivam.",
      "citation": "Acts 9:41 (Clementine Vulgate)"
    },
    {
      "verse": 42,
      "text": "Notum autem factum est per universam Joppen : et crediderunt multi in Domino.",
      "citation": "Acts 9:42 (Clementine Vulgate)"
    },
    {
      "verse": 43,
      "text": "Factum est autem ut dies multos moraretur in Joppe, apud Simonem quemdam coriarium.",
      "citation": "Acts 9:43 (Clementine Vulgate)"
    }
  ]
}