{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Apocalypse, Chapter 17 — 18 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Apocalypse",
      "slug": "apocalypse",
      "testament": "NT",
      "order": 73,
      "totalChapters": 22
    },
    "chapter": 17,
    "verseCount": 18,
    "navigation": {
      "htmlUrl": "https://latinprayer.org/latin/apocalypse/17/",
      "bookIndex": "https://latinprayer.org/latin/apocalypse/index.json",
      "bookHtmlUrl": "https://latinprayer.org/latin/apocalypse/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/apocalypse/16.json",
      "previousChapterHtmlUrl": "https://latinprayer.org/latin/apocalypse/16/",
      "nextChapter": "https://latinprayer.org/latin/apocalypse/18.json",
      "nextChapterHtmlUrl": "https://latinprayer.org/latin/apocalypse/18/"
    },
    "crossReferences": {
      "english": "https://latinprayer.org/bible/apocalypse/17.json",
      "englishHtmlUrl": "https://latinprayer.org/bible/apocalypse/17/",
      "german": "https://latinprayer.org/bibel/apocalypse/17.json",
      "germanHtmlUrl": "https://latinprayer.org/bibel/offenbarung/17/"
    }
  },
  "citation": "Apocalypse 17 (Clementine Vulgate)",
  "verses": [
    {
      "verse": 1,
      "text": "Et venit unus de septem angelis, qui habebant septem phialas, et locutus est mecum, dicens : Veni, ostendam tibi damnationem meretricis magnæ, quæ sedet super aquas multas,",
      "citation": "Apocalypse 17:1 (Clementine Vulgate)"
    },
    {
      "verse": 2,
      "text": "cum qua fornicati sunt reges terræ, et inebriati sunt qui inhabitant terram de vino prostitutionis ejus.",
      "citation": "Apocalypse 17:2 (Clementine Vulgate)"
    },
    {
      "verse": 3,
      "text": "Et abstulit me in spiritu in desertum. Et vidi mulierem sedentem super bestiam coccineam, plenam nominibus blasphemiæ, habentem capita septem, et cornua decem.",
      "citation": "Apocalypse 17:3 (Clementine Vulgate)"
    },
    {
      "verse": 4,
      "text": "Et mulier erat circumdata purpura, et coccino, et inaurata auro, et lapide pretioso, et margaritis, habens poculum aureum in manu sua, plenum abominatione, et immunditia fornicationis ejus.",
      "citation": "Apocalypse 17:4 (Clementine Vulgate)"
    },
    {
      "verse": 5,
      "text": "Et in fronte ejus nomen scriptum : Mysterium : Babylon magna, mater fornicationum, et abominationum terræ.",
      "citation": "Apocalypse 17:5 (Clementine Vulgate)"
    },
    {
      "verse": 6,
      "text": "Et vidi mulierem ebriam de sanguine sanctorum, et de sanguine martyrum Jesu. Et miratus sum cum vidissem illam admiratione magna.",
      "citation": "Apocalypse 17:6 (Clementine Vulgate)"
    },
    {
      "verse": 7,
      "text": "Et dixit mihi angelus : Quare miraris ? ego dicam tibi sacramentum mulieris, et bestiæ, quæ portat eam, quæ habet capita septem, et cornua decem.",
      "citation": "Apocalypse 17:7 (Clementine Vulgate)"
    },
    {
      "verse": 8,
      "text": "Bestia, quam vidisti, fuit, et non est, et ascensura est de abysso, et in interitum ibit : et mirabuntur inhabitantes terram (quorum non sunt scripta nomina in libro vitæ a constitutione mundi) videntes bestiam, quæ erat, et non est.",
      "citation": "Apocalypse 17:8 (Clementine Vulgate)"
    },
    {
      "verse": 9,
      "text": "Et hic est sensus, qui habet sapientiam. Septem capita, septem montes sunt, super quos mulier sedet, et reges septem sunt.",
      "citation": "Apocalypse 17:9 (Clementine Vulgate)"
    },
    {
      "verse": 10,
      "text": "Quinque ceciderunt, unus est, et alius nondum venit : et cum venerit, oportet illum breve tempus manere.",
      "citation": "Apocalypse 17:10 (Clementine Vulgate)"
    },
    {
      "verse": 11,
      "text": "Et bestia, quæ erat, et non est : et ipsa octava est : et de septem est, et in interitum vadit.",
      "citation": "Apocalypse 17:11 (Clementine Vulgate)"
    },
    {
      "verse": 12,
      "text": "Et decem cornua, quæ vidisti, decem reges sunt : qui regnum nondum acceperunt, sed potestatem tamquam reges una hora accipient post bestiam.",
      "citation": "Apocalypse 17:12 (Clementine Vulgate)"
    },
    {
      "verse": 13,
      "text": "Hi unum consilium habent, et virtutem, et potestatem suam bestiæ tradent.",
      "citation": "Apocalypse 17:13 (Clementine Vulgate)"
    },
    {
      "verse": 14,
      "text": "Hi cum Agno pugnabunt, et Agnus vincet illos : quoniam Dominus dominorum est, et Rex regum, et qui cum illo sunt, vocati, electi, et fideles.",
      "citation": "Apocalypse 17:14 (Clementine Vulgate)"
    },
    {
      "verse": 15,
      "text": "Et dixit mihi : Aquæ, quas vidisti ubi meretrix sedet, populi sunt, et gentes, et linguæ.",
      "citation": "Apocalypse 17:15 (Clementine Vulgate)"
    },
    {
      "verse": 16,
      "text": "Et decem cornua, quæ vidisti in bestia : hi odient fornicariam, et desolatam facient illam, et nudam, et carnes ejus manducabunt, et ipsam igni concremabunt.",
      "citation": "Apocalypse 17:16 (Clementine Vulgate)"
    },
    {
      "verse": 17,
      "text": "Deus enim dedit in corda eorum ut faciant quod placitum est illi : ut dent regnum suum bestiæ donec consummentur verba Dei.",
      "citation": "Apocalypse 17:17 (Clementine Vulgate)"
    },
    {
      "verse": 18,
      "text": "Et mulier, quam vidisti, est civitas magna, quæ habet regnum super reges terræ.",
      "citation": "Apocalypse 17:18 (Clementine Vulgate)"
    }
  ]
}